日作食堂

營業中

休息中

欣賞餐廳枱同枱之間有好闊距離,所以整體感覺好舒服, 走簡約日系風格, 好適合同朋友嚟呢度食飯傾計. 松葉特選丼 $178包括有松葉蟹肉、蟹膏、蟹籽、北海道帶子同北寄貝, 用料非常豐富. 而且一定要讚一讚佢個蟹肉好鮮甜, 份量又多. 其他用料亦都好新鮮, 值得推介.醬油炙燒丼 $158炙燒丼入面包括北海道帶子, 三文魚同左口魚裙邊. 帶子每片都非常厚肉, 而三文魚同左口魚裙邊經炙燒後迫出魚油, 入口油香十足. 呢度既丼飯無論係刺身定飯量都非常足夠, 性價比嚟講都算高.每個定食都配有薯仔蛋沙律、麵豉湯. 唔好以為係配菜就輕視佢, 因為個蛋沙律勁好食, 好濃蛋香, 麵豉湯又係勁足料,仲有兩粒連殼蜆肉係入面.南蠻唐揚炸雞 $58份量都好多, 而且粉漿薄脆炸至金黃, 內裡juicy.醬燒牛舌心 $38牛舌心外層燒至焦香, 但內裡軟嫩, 入口仲有小小黑椒香.

觀塘工業區真係好多食市，被門口簡約風格吸引，入面設計風格好有特式，有學校D書台椅子、木馬、櫃等等。佢D主食可以用優惠價加飲品同埋甜品。—鰻魚山藥燒配醬油糖心蛋帆立貝湯烏冬鰻魚山藥燒，鰻魚汁同沙律醬混合味道好好，鰻魚幾大舊下，吾係出面壽司甘GE薄片。糖心蛋帆立貝湯烏冬，糖心蛋蛋黃好橙黃色。1隻大大隻帆立貝，鳥冬吾會太淋，個湯幾鮮甜。—四色魚生丼有三文魚、帶子、赤蝦同劍魚，幾新鮮，個人覺得最重要係新鮮山葵。—焦糖明太子玉子燒賣樣一流，上面係脆皮焦糖，明太子同蛋合埋一齊，咸咸香香。—富士山汽水&長野縣產蜜桃汽水賣樣打卡一流，色彩繽紛，甜甜地。—蘋果肉桂卷蛋肉桂味吾係太重，吾會遮晒D味道，—巨峰提子卷蛋味道似，甜甜地，甜品細細件，好方便食。佢地D野食用木盤裝住，仲有餐前湯、2個餐前小食

每次經過觀塘嘅「日作食堂」，佢哋嘅餐廳門面裝修真係好吸引人！用咗日本木系風格，簡約又舒適，好似喺繁忙嘅城市中搵到一個綠洲。店內裝修一緻，座位又闊落，仲擺放咗一啲懷舊嘅物品，真係好有特色呀！🏮🍃🍽️食物方面，「日作食堂」有好多選擇，包括定食套餐、刺身、串燒同甜品等等。我哋揀咗係「波士頓龍蝦野菜稻庭烏冬定食」，呢個定食真係好正，裡面有新鮮嘅波士頓龍蝦同埋各種野菜，加埋滑嫩嘅稻庭烏冬麵，絕對係豐盛嘅餐！龍蝦肉鮮甜彈牙，配埋營養豐富嘅蔬菜同烏冬麵，味道齊全又健康！食落去好滿足，令人食指大動！🦞🥬🍜😍接下嚟就係「四色魚生丼」，呢個丼飯真係好漂亮！上面擺滿咗四款鮮美嘅生魚片，包括三文魚、鮪魚、鯛魚同帶子！每一片魚生都新鮮好滑嫩，配埋飯底，味道好協調！一碗丼飯食落去，魚香四溢，每一口都好享受！食完之後真係令人心滿意足！🍣🍚😋再嚟就係「赤板魚蛋帆立貝蛋心蛋烏冬」，呢個烏冬真係好味，裡面有赤板魚、魚蛋、帆立貝同糖心蛋，組合非常豐富！烏冬麵條滑嫩，湯底鮮美，加埋各種海鮮，每一口都好滿足！食落去，魚香、貝味同蛋香交織，味道好豐富！係一碗令人回味嘅美味烏冬！🍜🐟🥚😍最後就係「蘋果肉桂卷」，呢個甜品真係好吸引人！

平日夜晚接老公放工，在觀塘的工廠大廈區附近逛一逛，經過呢一間餐廳，首先俾佢嘅店舖外的簡約裝飾吸引，直覺覺得是日本餐廳，所以吸引我去睇吓個餐牌係咪食啲乜？睇完個餐牌後，發覺款式唔多，不過見到店舖內的裝飾好似都幾吸引，又有梳化位，所以就本着「俾個機會佢」嘅心態試吓依間餐廳。我們點了一個角切魚生飯定食配靜岡縣產富士山汽水、燒原隻北海道魷魚、明太子蔥花玉子燒、炸蠔、北海道十勝紅豆白玉特濃牛乳芭菲。食完後，我同老公都覺得依間嘢可以再返嚟食，尤其係嗰個牛乳芭菲，超級好食，比CXxxSxxxx內某間抹茶雪糕店的還要好吃😋而且其他食物如角切魚生飯、玉子燒、富士山汽水等都好好味。其他的就和其他日本餐廳一樣，會有什麼的驚喜。

約咗中學同學食飯，佢懶神秘咁話到時放工喺地鐵站一齊行去🤔 去到餐廳門口，見到純白色嘅門口，純文青嘅風格，的確喺觀塘呢d咁繁忙嘅工業區好大對比，自成一格☘️ 入到去嘅裝修陳設都好日系，主要都係用純木色，最特別係用咗學校主題🫣裏面有黑板，有上堂用嘅枱凳，有Science Room入面會見到嘅陳年木櫃(💀會放標本嗰d)😂 最搞笑係見到上PE同最怕嘅「跳馬箱」🤣🤣 見到真係好開心，唔怪得我同學懶神秘咁，因為真係好搞笑，喺呢一個環境食飯又好懷念😂 我哋叫左：鹿兒島A4吉列和牛定食、巨峰提子特飲、中拖羅、雞之盛宴。A4和牛真係冇得輸，佢嘅油脂分布好平均，每一啖都食到佢嘅肉汁同脂肪，好Yummy！杯巨峰提子賣相好吸引，好似食緊巨峰提子咁，好fresh！Toro堅係好肥美好甘香，每啖都有魚脂香味散發出嚟！個雞之盛宴有雞心、雞肝、雞皮、雞腿肉、軟骨串，即叫即燒，熱辣辣入口，仲食到好Juicy！

餐廳好有日系復古風格，值得一讚係佢座位闊落坐得好舒服。menu 上以定食為主，再有一啲串燒小食可以選擇。波士頓龍蝦（半隻）野菜稻庭烏冬定食+茶碗蒸 +蘭王蛋黃（月見汁）烏冬上面有半隻龍蝦，稻庭烏冬口感煙靭彈牙，特濃芝士龍蝦湯底都幾掛湯。另外仲可以加茶碗蒸同埋蘭王蛋黃。松葉特選丼呢個魚生丼入面有松葉蟹肉、蟹膏、北海道帶子、北寄貝、蟹籽。魚生刺身夠新鮮。北海道帶子厚肉鮮甜，仲有中間有滿滿嘅松葉蟹肉，其實呢個可以襯埋蘭王蛋黃，真係十分滿足。焦糖雞蛋布甸 / 蘋果肉桂卷蛋喺呢個咁復古嘅環境，就想食一個經典嘅焦糖雞蛋布甸，布甸係比較實在嘅口感，比較重雞蛋味，但係都好滑。配上蕉香嘅糖漿，個人推介呢個甜品。 而蘋果肉桂卷蛋呢一個就比較冬天嘅口味，佢入邊仲有蘋果粒粒，不錯呢。兩款甜品影相都好靚。

哩間餐廳文青感十足，環境相當寬敞舒適。鹿兒島A4吉列和牛定食（$258）牛肉選用了高級的A4吉列和牛,肉質鮮嫩多汁。定食還附有其他的配菜，有沙律、海蜇等。另外，我推薦要加黑松露海膽茶碗蒸（+38）,以新鮮的海膽和香濃的黑松露作為主要食材蒸製而成。每一口都散發著豐富的海膽和黑松露的香氣，口感滑嫩，好味😋自家醃西京燒銀鱈魚定食 （$218）魚既份量都正常，一定要配沙律醬一齊食。同樣配有前菜同海鮮麵豉湯，幾有儀式感☺️長野縣產的蜜桃汽水（+$30）。哩杯蜜桃汽水超正，上面有少少cream，重點係蜜桃味好香，又有汽水嘅感覺，而且唔甜，超推介👍🏻👍🏻👍🏻

踏入考試週，一年七日的考試真令人煎熬。終於到星期五可以暫時休息一下，下星期繼續努力。對細佬仔來說，休息就食一頓豐富的美食。最後我們選擇了一間以日本校園🏫作主題，復古木系的🇯🇵日本菜餐廳~日作食堂Hibi Cafe午饍。餐廳擺滿了學校課室枱櫈、黑板、體育課鞍馬等佈置，令食客猶如置身學校上課一樣。另一邊箱放置了書櫃、雜誌架、古董打字機及復古相機等收藏品，有很多打卡好的好地方。餐廳主打新鮮刺身丼和日式定食，我和細佬選了:🌟西京燒比目魚定食 一個日式定食有味噌湯，兩份前菜(日式茄子。海蜇)。比目魚煎到極度香脆，特別是上面的皮，脆卜卜好好味，魚身不會散開但又非常嫩滑，好有水準。🌟日作極上丼 這個丼飯充滿了新鮮又多元化的刺身，正合我意，份量很大，刺身有吞拿魚蓉、吞拿魚腩、牡丹蝦、帆立貝及魚子等。帆立貝超級厚身鮮甜，牡丹蝦都彈牙不會有腥味，魚的顏色都好有光澤，賣相很吸引。🌟靜岡県產蜜瓜汽水好多日本餐廳只係提供一枝枝現成買到的蜜瓜汽水，但這個靜岡県產蜜瓜汽水明顯較有心思。🌟和風炸餃子有很多小食可以透過套餐加購，例如這個和風炸餃子。每隻都夠熱夠脆，三隻份量剛剛好。最欣賞是個黑芝麻餃子汁，有少少辣味，又香

Friday night 一個人放工去食餐好少少，之前行過Lee 間幾次，門前簡約，素白加木，font style 有執過，想試好耐。咁啱中午斷食，到5點幾已經肚餓，啱試，入去坐低在學校枱櫈，背靠以前PE 堂出現過的跳馬，叫了fool proof & comfort food的sashimi donburi（吞拿海膽溫泉蛋），套餐的miso soup 加了很甜的紅蘿蔔及clams, a nice surprise! 值得一讚是環境design 得有品味之餘十分乾淨（見到staff很用心抹好木枱面），在廠區工作的我很是appreciate 🙏

成日都經過開源道都見到依間和風食堂因為終於有機會試到：3主菜👉🏻鰻魚山藥燒配醬油糖心蛋配帆立貝湯鳥冬加 茶碗蒸🤤開頭冇留意到山藥燒 原來好似大阪燒咁樣 ， 燒餅上面有啲牛蒡絲， 味道甘甘地然後 口感都好爽脆 ， 令到鋪喺上面嘅照燒鰻魚 味道更加突出👍🏻 除咗有燒餅仲有帆立貝醬油蛋烏冬 🤤每一口都充滿濃郁嘅滋味， 帆立貝好大隻 醬油蛋都好嫩滑🤤🤤🤤定食仲跟埋牛蒡絲， 茄子前菜同埋味噌湯👍🏻👍🏻👍🏻 👉🏻燉薩摩雞腿配日式奶油磨菇定食燉薩摩雞腿配日式奶油磨菇都好creamy 好大碗，雞腿肉質鮮嫩多汁，搭配濃郁嘅日式奶油磨菇醬汁， 加埋紅蘿蔔洋蔥滿滿，每一口都好豐富👍🏻小食👉🏻明太子蔥花玉子燒👉🏻醬燒牛舌芯明太子蛋黃醬嘅鹹香同蔥花玉子燒嘅滑嫩口感好夾～而醬燒牛舌芯串肉質鮮嫩多汁，醬汁都好惹味🤤甜點👉🏻朱古力蛋糕飲品👉🏻日式熱茶叫得咁豐富好彩餐茶揀咗日式熱茶，消下滯😂日作食堂餐廳環境佈置得好精緻用心， 好有回到學堂嘅溫情感覺，坐得好舒服，係聚會嘅好地方🌞🌞🌞

之前喺觀塘工廈附近 經過呢間裝修超日式嘅餐廳 一直都心掛掛🤍今次終於可以試到啦！入到去裝修同出邊一樣都咁靚 有一種日劇校園嘅感覺店員俾咗個角落頭位我哋 前後都有啲盆栽 超啱打卡✨同朋友分別嗌咗兩個套餐加一個小食我叫嘅係鰻魚山藥燒配醬油糖心蛋帆立貝湯烏冬個大阪燒加咗山藥變到更加黏糊 好似大阪章魚燒嗰種質地咁 如果鍾意嘅一定好愛😍我就係啦 仲要配埋鰻魚汁 又唔會太鹹 同埋都飽肚 去到最後都係食唔晒 另外仲有海鮮野菜天婦羅丼 呢個超足料 蝦同埋帆立貝天婦羅每款都有兩樣 仲要大大粒 配埋天婦羅汁真係超夾（仲有蘿蔔蓉㗎）另外兩樣蔬菜天婦羅都好鮮甜 同埋唔會乾爭爭 好推薦比鍾意食炸物嘅朋友🤍最後加配左個布甸 外觀超靚 有昭和感💛質地都好唔錯 係好creamy的 仲有蛋香🍮

最近我都係觀塘工作💼 路過時已經見到呢間非常之日系既一間餐廳已經好吸收到我星期日既夜晚 6點多啲 可能因為假期關係 人唔算好多 因為啲人唔洗返工 所以都唔洗等位就入得去個環境好舒服 好靚 令人感到好放鬆 好啱同朋友傾計，同另一伴嚟食飯😋我嗌咗一個海膽溫泉玉子赤身丼 刺身都好新鮮 完全唔會食到冷藏雪咗既味 海膽亦都好鮮甜！贊！！👍🏻👍🏻👍🏻呢杯係巨峰提子特飲🍹非常之有氣 好啱鍾意飲梳打水嘅你同時又有巨峰提子味🍇然後我朋友嗌咗一個黑松露蘆筍蟹籽蟹肉炒飯嘩 呢個都係好好味！！ 鍾意食熟食嘅朋友可以嗌呢一個飯食！10分推薦！！呢個配菜係薯仔蓉，一啲都唔馬虎。 我都超級鍾意食。呢個係麵豉湯都係唔馬虎 好足料！！ 一定要趁熱飲啊～ Last but not least: 甜品係屬於第二個胃！呢一個朱古力蛋糕出乎我意料之外 完全唔會係出面啲蛋糕鋪既口感 而焦糖雞蛋布甸就係好好食！可以試下連埋啲 cream 一 齊食🤭🤭 雖然好邪惡，但係真係好好食！而且店裏播放係聖誕音樂，令人感到好relax好Peaceful🤗

觀塘出名有好多好食有特色嘅餐廳，今次放工同朋友一齊去呢區搵食，最後選了過間距離地鐵站大概五至十分鐘路程的日作食堂🇯🇵因為我們也喜歡日本菜🥰一入到去就覺得整體裝修很新淨、整齊，整間餐廳充滿大大小小的日式校園風細節仲有鞍馬很特別👍看得出來很用心👍食物種類有很多款，最後選擇同朋友一齊分享，可以食多啲😎點了～日作極上丼$218+$38焦糖雞蛋布甸🍮一嚟到見到刺身勁足料，有齊曬帶子、拖羅、赤蝦、油甘魚🐠食落肉質厚實及很鮮甜，食得出好新鮮💯食到好滿足🥳甜品有限量的❤️記得點餐時叫埋，布甸香滑蛋味香濃～鰻魚山藥燒配醬油糖心蛋帆立貝湯烏冬🍲$148+$28朱古力蛋糕🍰&+$30長野原產蜜桃汽水鰻魚山藥燒有驚喜🫶🏻加埋厚厚的蛋漿，加上我喜歡的紫魚片及紫菜條很香口🙂而湯烏冬一樣很足料，糖心蛋生熟度剛剛好💯食埋甜品，仲有蜜桃汽水上面滿滿的忌廉好滿足🥰食飽後，同朋友一起決定下次會再去食過🍾

入到哩間cafe，好似回到過去咁，中學時代既回憶番哂泥🏫🪑📚📝 PE堂既木馬跳箱，學生木枱🥹🥹好懷念🤍🤍🍱🐷和風厚切吉列北海道豚肉眼扒定食炸得好香口，食落唔會好油膩，而且豚肉肉質嫩滑同juicy 👍🏻👍🏻套餐包含麵豉湯、漬物（兩款）、日式玉露茶，份量好多好飽🤣🤣主題設計、擺設，整得好有心思😍😍

呢間餐廳都開咗一陣子, 最近都食過幾次, 第一次去時好多人等位起碼要等15分鐘先可以安排入座, 第二次去都要等位不過等候時間就短咗, 今次再去竟然唔駛等位, 好多位, 原因可能係個餐牌真係冇乜點變過, 我分別食過三次相隔時間差唔多一個月一次, 每次去既餐牌都係差唔多呢幾款, 再加上附近都開咗好多新既餐廳, 所以人流會失鰻魚山藥燒配醬油糖心蛋帆立貝湯烏冬 - 賣相不錯, 感覺份量都好多, 咮道唔差既西京燒比目魚定食 - 比目魚都好厚肉, 份量望落好似好少咁, 但實際上食落都好飽肚總結 : 環境好寬敞, 但人聲太多變相餐廳會焗住晒啲聲浪變得好嘈