旺記飯店 (已搬遷) 新店位置

今曰約埋去旺記飯店吃飯，點了幾個小菜。梅菜炒芥蘭-超嘢味芥蘭炒得脆脆梅菜帶點甜，沒有油淋淋的感覺。也點了脆脆魷魚，外脆內軟非常適合飲啤酒。再耒個潮州豪餅的豪仔手指頭般大，很肥美。小炒王也很足料，就是腰果不脆。扣少少分啦。店面衞生👌的，服務員也很。但洗手間就不合格。

琴日我舊同事帶我去左銅鑼灣一條小街入面既一間打冷炒小菜既餐廳食飯一入到門口，佢既裝修環境唔可以同高級餐廳去比教，但如果你係香港人你會覺得有一番情懷，服務員由你入門口、點菜、上菜都一路同你傾計，傾下香港人香港事。我地叫左5個餸食，仲有一道係韭菜豬紅韭菜豬紅既份量同出面其他打冷鋪一樣，都幾多料。味道都叫濃厚，但豬紅比較實，食落有小小膠既感覺。陳皮煎雞煲，由上枱呢一刻開始都聞唔到有陳皮既香味，雞係幾滑既，一般還可以接受蜜汁鱔片，甜度岩岩好，外脆內軟，呢個我個人覺得一流👍豉油皇炒麵，不過不失，冇咩特別。鹵水鵝頸肉\鵝片，就咁食可能會覺得比較普通，如果你加埋佢地既辣椒油食會有一番刺激既味道。

We are family of 4 (adults X 2 and kids X 2)，1830 arrived there, table was ready. We ordered 蠔仔粥(one bowl)，墨魚餅(10 pics)，沙拉骨，欖菜肉鬆四季豆，豉油皇炒麵！All food were delicious！Reasonable price，it is not easy to find this price with this food in causeway bay.

友人指，其實本來想到鵝頸橋街市的某小菜店🤔，豈料誤點我們到此店找位😆。不要緊，反正來到燈籠街每每去了吃拉麵，這次有點新意。雖然吾等先後分開多次落單，但叔叔阿姐亦態度友善，亦沒催促。蠔餅，即炸熱燙，但蠔粒不算多，部分位置只有炸粉，僅屬一般。看見旁邊的豬頸肉及沙嗲肥牛煲，照樣點了。豬頸肉，薄而香脆，不需特別調味，微咸脆口。沙嗲牛肉煲，夠熱夠滾，牛肉略韌。鹵水拼盤，鵝腸及豬腸均屬本人，不太肥膩，味道不錯，鹵味濃郁，卻不太咸。 之後的蠔仔粥，非常之大鍋，店員叔叔還會問你有多少人一起吃，他便估量一鍋夠不夠三四個人吃，服務周到，味道不腥，蠔仔不少，還不錯。友人在最尾才發現，原來整頓打冷菜也沒有點蠔餅，感覺怪矣，因為自己遲了來，我們已經完成了整個蠔餅，哈哈。

登龍街真係大把好野食 最新又開左間米芝蓮一星拉麵 眼見都唔少人排隊 不過今晚係專登過黎打冷 哩種廉價大排檔風味既小菜館越黎越少啦 二人前 又想食鹵野 哩個鹵雜岩晒 有墨魚 大腸 鵝腸 紅腸 咁多款都只係88蚊 抵食小炒皇真係食得多 避風塘式既就第一次食 又變得送酒一流啦！白粥都好寫？！係呀 好耐無食過啦 有兒時回憶呀嘛 我地兩個人前前後後食左三碗呀！小店情懷 熱情招待既店員 埋單231蚊 個姐姐話230得啦 雖然只係1蚊 但真係有濃濃既人情味 好正啊！不過星期六都唔算好旺 有點擔心佢有一日被淘汰

2016過咁快尾聲。舊同事約聚舊。揀左食小菜。又平又可以慢慢食傾下計。去到都幾full.我地book左位。所以一去到就可以入座。6個人叫左8樣野蒜香骨。一上枱已經勁香蒜味。食落都好夠味。呢個菜。好正！雜菜粉絲粉。每次叫小菜都必點。小炒皇。 雖然油左啲。但幾夠鑊氣。唔錯！啫啫雞煲滷水豆腐炒四季豆呢個菜好岩配飯。但就咁食有啲咸。粟米魚肚羹生炒牛肉飯呢個麻麻地。無咩味。叫咗支啤酒同汽水，埋單＄580！每人唔使＄100

中午同事想食個炒嘢，我二話不說提議登龍街旺記，平、親民亦有炒嘢既鑊氣。門面不大，約三十座位。吸引不少藍領男士捧場，可以預知份量一定十足，四十餘元即炒，價錢亦親民。芙蓉蛋飯，芙蓉蛋絕不欺場，差不多蓋滿大碟。老闆裝飯都非常慷慨，足足碗半飯。豉油另上，方便客人調校口味。加杯檸茶$48，銅鑼灣區絕對超值。

前日夜晚十一點係銅鑼灣想食野 但好多餐廳都收左 第一時間諗到既係打冷！揀左呢間近地鐵站既打冷魚香茄子煲$88 （價錢算貴）一向都好中意食魚香茄子煲！呢間都係好香好野味 送白飯一流😋 蒜香魚雲煲 $80仲以為係啖啖魚肉 點知得好少🙄好多大魚骨 但味道係幾好 下次吾會再叫打冷叫啤酒更加有feel😂 呢間啤酒牌子算多 多選擇👍另外，令人深刻既係店主/店員既良好服務態度吾會係茶記態度 有親切感會再光顧☺️

店名：旺記飯店地址：銅鑼灣登龍街48號地下好味指數：8／10價錢：$30三餸車仔麵 包飲品 （冷熱同價）豬腸，牛腩，豬皮油麵車仔麵吃得多，撈的車仔麵你食過未？這裡車仔麵只在早市和午市供應，有湯有撈，order時要說明。這裡主打配料是豬紅，除了入味，還很滑，所以很早便售罄。當天大約1：00到已經沒有了。油麵份量夠多，爽滑可口，配上豉油味道非常好味。豬腸夠厚且爽，牛腩不夠滑，豬皮過腍，但之前早上去吃過是很爽的。店名：旺記飯店地址：銅鑼灣登龍街48號地下好味指數：8／10價錢：$30三餸車仔麵 包飲品（凍熱同價）豬腸，鳳爪，牛腩米粉車仔麵吃得多，撈的車仔麵你食過未？這裡車仔麵只在早市和午市供應，有湯有撈，order時要說明。這裡主打配料是豬紅，除了入味，還很滑，所以很早便售罄。當天大約1：00到已經沒有了。米粉爽滑，配上豉油味道非常好味。豬腸夠厚且爽，鳳爪入味腍滑，牛腩不夠滑。

銅鑼灣不錯既小炒選擇,在登龍街頭, 一間細店小菜格局,多人時間會成條街擺滿摺台櫈我地二人叫左八珍豆腐煲,醬汁不錯,入面有腐竹,粉腸,腩肉,魷魚等等,熱辣辣都吾會差沙拉骨,呢個幾好,類似甜酸醬煮成既豬扒上面點滿沙律醬,正墨魚餅配豬頸肉,豬頸肉爽口,但墨魚餅太鞋吾夠魚味總括而且快食快走OK,質素一般!

在銅鑼灣工作的我，其實早已知曉登龍街有一家叫做《旺記飯店》的麻甩食堂。不過，始終都夾不到一班麻甩友去品味一番。之後，慢慢地忘記了他的存在，慢慢地變成路過也不會多望兩眼的店。是日，到埗公司之後，一早出去銀行辦了點事情，回程經過登龍街，想起了今天並未食早餐，亦看到了有車仔麵食，即興地，就入來《旺記飯店》一試。是日，我不吃男人的浪漫，我一坐低，就來一個三餸的車仔麵，作為我早晨的重要一餐。點了牛腩，當然有腩汁伴隨，而食用車仔麵，不得不配油麵，再者，加上一些極重口味的食物，如大腸，及豬紅，車仔麵就是味道越濃，越美味。而且，這店的牛腩不碎，肉味濃濃的，亦帶有肥脂，入口有肉感，而大腸，也是厚厚的一圈切出，味道很香而且羶味沒有過份的濃，豬紅更不用說，是既香又爽的。加了一杯奶茶，作價30元，簡簡單單地食個麵，原來《旺記飯店》都做得不錯，感覺可以多來。

早上2點, 同大班朋友飲野, 吹左成晚水, 高佬芯話要食D 野, 大伙兒馬上起錨, 不用10分鐘已坐在旺記!當然係食標準打冷餐, 先上的有鵝及滷水類;鵝好入滷味, 肥瘦適中, 啖啖肉, 食得好過癮!紅腸, 魷魚等也夠味, 不太咸, 送啤酒一流!鵝腸相信已去肥, 只剩爽脆的腸, 入口"索索" 聲, 滷味夠晒入.鮮魷肉質很好, 脆皮好薄, 但又好脆, 點D 喼汁, 正.蠔餅炸得唔油, 其實都好難得, 都不少蠔, 足料, 好食到叫左兩個!另仲有沙打骨等, 也好有水準, 相信都係店子震店的送啤小食.蠔仔粥叫了一鍋, 雖不算特別多蠔仔; 但都香味十足, 價錢也合理.服務OK 喇, 大叔都好爽快.今晚食了約100 蚊位; 在銅鑼灣, 深夜打冷的, 而又價錢水準合理的, 我覺得一定係呢度O羅.

時日放假一天, 同哩位 唔使同佢客氣 嘅朋友一家去香港某一個主題公園; 因為一整天只吃了一餐早餐, 太肚餓的原故, 連煙花都無睇就離場及趕往銅鑼灣打冷。晚上八時三十分, 一坐下已連珠炮發地下單, 侍應聼到我哋話好肚餓; 就立時節單並快速傳菜上枱。第一輪戰鬥韭菜豬紅 = 加上辣椒油, 惹味。鹵水鵝片 = 鵝片肉嫩, 肥膏只有薄薄一柳的黏在一旁。 滷水汁甚為入味; 所以連毯在鵝片下的豆腐都滲透了滷水汁。墨魚片 = 墨魚片爽口, 顏色雖染上橙色，有D 唔健康的感覺; 但絕對係令食慾大增的視覺。煎蠔餅 = D 蠔仔漲卜卜, 煎得又脆又唔油膩; 口感一流!!大眼雞魚 = 條魚一般中型size, 食落好似硬了一些, 我無用任何醬汁; 但感到依然鮮甜。兩支大啤、 兩支可樂、一支忌廉, 就醫治了我們第一輪的飢渴。第二輪戰鬥椒鹽瀨尿蝦同凍花蟹賣哂@@上湯豆苗 = 一般是也, 不太油膩。椒鹽九肚魚 = 九肚魚唔滑, 又無椒鹽味, 粉漿又太厚, 炸得又過燶; 非常失望的一道菜!!!豉椒炒蜆 = 豉椒汁雖濃, 但遮不過蜆的肥美鮮味。辣酒花螺 = 花螺size雖然細了點, 但吃得出花螺唔係白烚後才加辣汁; 因為

上星期經過登龍街搵食時無意發現了非常有氣氛的大排檔, 香港區則買小見小了。而數日後還是念念不忘; 今晚特意約老友感受一下地道文化 。七時左右食客不是太多, 我倆還可以挑位坐 一坐下, 先放上熱茶供洗食具和飲用 枱上還放了廁紙備用, 掂! 十二度的晚上, 第一時間點了驅寒之寶 偵錢唔平, 賣成$160煲 預熱後的羊腩煲放上gas爐上再加熱 。當滾起香嘖嘖的煲仔時, 正是我們開餐的時候 蓋一打開香味四溢, 湯底呈現深啡色味道濃郁, 但味道幾鬼咸 主角羊腩份量不小, 肉味不騷, 肥瘦適中兼有嚼勁, 果然無介紹錯喎 除了羊腩外, 小女子更愛其配角, 有馬蒂, 東菇, 枝竹, 薑粒, 大蔥等料, 豐富之餘亦非常入味, 越食越食, 抵讚!食到半路中途生炒牛肉飯方上枱 炒飯是炒起後以碗形反倒在碟, 放得工工整整, 証明大排檔出品亦未必一定係hea野 炒飯絕對不錯, 牛肉粒不小, 亦挺分明, 而且加了蔥花更能提味, 但亦因為加了蛋汁來炒, 所以略嫌不夠乾身, 但飯底很足, 絕對有三人份量但對於無飯不歡的我, 還是後勁十足地照起鏡來。坐在街上可以放肆地大聲喧嘩, 開懐大嚼 … 迎面而

一直都有幫襯開, 覺得潮州打冷好食又抵食o既已經買少見少. 沒想過去新鋪有咁o既經歷.唔知幾時大利行對面間鋪拆左, 當日去食o既時候, 見街尾開左新鋪, 就試下新鋪啦.當日叫左3樣餸: 鵝片, 蠔仔粥, 上湯豆苗.鵝片同埋蠔仔粥計, 鵝片雖然明顯比以前細碟左, 但係兩味餸都總算接受到.個豆苗上, 已經覺得唔對路. 一個圓形盤上, 豆苗只佔1/3個盤, 並非一般食肆o既大半滿至全滿, 有一個堆o既形狀. 少得可憐. 心諗可能真係通脹太勁, 將貨就價. 點知埋單果時先火起! 呢碟少得可憐o既豆苗, 竟然仲貴過碟鵝片, 索價$85 大元. 痴線!! 你收我$85我唔係食唔起, 你收得人$85, 仲要上唔滿個碟, 好過份囉! 明明菜單其他清炒時蔬只係$40, 問佢點解咁貴, 佢話豆苗係貴d o架喎. 叫其他菜就$40. 你d 豆苗真係值錢囉!!以後都唔會幫襯!! 奉勸大家去呢度食野樣樣問清楚幾錢先好叫! 離哂譜!因為冇諗過咁過份, 所以冇諗過影相!! 否則可以比大家更客觀去睇到佢幾過份!