影片
開飯介紹
環境新潮的潮州菜館，有傳統打冷小菜，亦有新鮮游水海鮮。餐廳營業至凌晨時份，是旺角的宵夜勝地。
繼續閱讀
營業時間
今日營業
17:30 - 03:30
星期一至日
17:30 - 03:30
公眾假期
17:00 - 03:30
公眾假期前夕
17:00 - 03:30
以上資料只供參考, 請與餐廳確認詳情
有關獎賞計劃
旺角食打冷，就咁walk in上去，兩個人由7點坐到10點都無俾人趕，阿姐服務態度豪邁，好有feel！6周年食滿$300 可以加$8 就有 滷水雜錦拼盤，原本睇相淨係見到墨魚同紅腸，覺得$8都冇乜期望，估唔到佢又勁多餸，有鵝腸，肥豬肉，紅腸墨魚就梗啦，仲有大腸添 。叫咗碟蠔餅，炒米粉，啫啫芥蘭，都真係幾抵食，埋單都係4xx，碟炒米粉好大碟，夠獲氣，真係幾好食，食唔哂好味到我仲打包番屋企 。啫啫芥蘭就要快食，擺耐左啲菜就黃，蠔餅相對地就冇其他咁出色，個餅底整得唔夠實淨，變咗淨係食脆脆同蠔仔，但啲蠔仔都新鮮大粒嘅 。要同朋友吹水揀呢間真係唔錯嘅選擇，起碼坐成晚都唔使俾人趕，坐得又舒服 。
繼續閱讀
和朋友心血來潮想食潮州「打冷」於是找上這間於旺角的「 #明記潮館 」店內裝潢有別於一般的潮式打冷座位寬敞舒適、乾淨整潔一去到已經好旺場全場幾乎滿座了❣️⊰⊹════════════════⊹⊱💬 ✎ 食後感 ：✨🤩 而家做緊優惠只需要加$8元就有一份滷水中拼盤裏面有魷魚、紅腸、豬大腸等等真係好抵食呀🦢 #鹵水鵝滷水鵝份量好大碟有我最鍾意嘅鵝髀鵝背部位每一件都多肉少骨味道甘香醇厚、肉質滑嫩細膩但是肥而不膩吃出地道的潮州打冷老味道🍲 #枝竹火腩炆豆腐煲婉轉都聞到香噴噴嘅氣味當中的枝竹炆得很腍很入味火腩呈現半肥瘦好有口感豆腐則很滑溜🥣 #方魚肉碎粥這一鍋粥有大小份量選擇在粥面灑上方魚脆脆裏面還有魷魚等配料難怪每一啖鮮味滿滿喔
繼續閱讀
呢間餐廳之前食過一次好正，咁啱朋友好鍾意食潮州打冷，於是同佢一齊嚟試吓😬餐廳鄰近旺角地鐵站，交通好方便，餐廳地方寬敞，坐得幾舒服，餐廳六周年優惠，逢星期一至五旺角店加$8仲有滷水拼盤或者韭菜豬紅，超抵👍🏻我們點了蠔仔粥、霸王雞（半隻）、薑蔥魚雲煲、當然仲有$8嘅滷水拼盤😆首先來了滷水拼盤，估唔到$8竟然份量咁大超抵食，裏面有滷水豬腩肉、紅腸、墨魚、豬大腸、鵝腸、豬耳、芽菜，這個滷水汁都不錯幾入味，豬腩肉好香吸收晒滷水嘅香味、墨魚爽口之餘仲有啲鮮味、豬大腸同鵝腸都好正，完全冇內臟嘅羶味，而且爽口彈牙👍🏻豬耳同芽菜都好正😊吸收晒滷水嘅香味👍🏻之後到蠔仔粥，蠔仔鮮甜肥美，蠔既鮮甜味融入晒喺粥入面好正😊之後到薑蔥魚雲煲，魚雲煲一上已經聞到香氣撲鼻，魚雲大大件之餘鮮甜而且外脆內嫩滑，充滿魚油嘅嘅香味，入面仲有勁多薑蔥，香蔥吸收晒魚雲嘅鮮味好惹味👍🏻最後到霸王雞，雞肉鮮甜，而且嫩滑，雞皮爽口而且唔算太肥，可以連皮食，上面仲有勁多蔥花，夾埋雞一齊食超惹味👍🏻這間餐廳除了食物質素好好，環境舒適，而且價錢合理，可推介俾鍾意食潮州菜嘅朋友☺️
繼續閱讀
最差服務體驗🔥我哋今晚係book房食，食物味道麻麻，小炒皇韭菜花老過呀婆，滷水鵝片靭過皮帶，涼瓜煎蛋唔香，豉椒炒蜆個蜆肉無味，嗰杯凍檸茶先經典佢哋提供嗰杯茶個茶味仲重過佢，其他野食都一般，得個蠔餅同蠔仔粥叫清碟，其他全部都有剩，而且大部份都鹹。最差係服務，上餸成碟嘢車晒汁落我條褲同衫度，一句「唔好意思」就走咗去，唔好話幫我整乾淨，連紙巾都無比張我抹，好似無事發生咁，當時情況係，佢間房有2邊門，本身佢係2邊一齊門上菜，我哋10人一枱共2枱，我嗰張得9個人，房L型上菜時係會煩，但唔係上唔到，如果知佢上朋友都會比位佢上，但每次佢哋都無出聲硬插上枱，頭2碟差啲倒咗滷水汁落我朋友度，咁我哋閂咗一邊門，諗住可以易啲 望到侍應，就預先比位佢，點知佢每次都好似默劇演員咁，到上個滷水時，我理解唔到點可以去到我隔離，開始傾斜咗隻碟，我望返地下得幾滴枱面又無，我坐係座位無郁，重要同我講句唔好意思，就直接走咗，紙巾、布都無，再嚟上時同我講「我今次小心咗無整到妳」。本身無諗過post上嚟，因為以為得條褲左邊有10cm*15cm滷水汁，而我即時自己攞濕紙巾抹咗7-8成，所以都無影相（係我自己架咋，佢無比過任何嘢我清理，枱頭亦無任何呢間公司提供嘅紙巾）點知返到屋企除衛衣先知，左上臂後面都有2撻，即係佢整到我成身都有，但從頭到尾無諗過為佢失誤做任何行動去補救，見到我只清潔咗條褲亦無話我知衫都有（唔除出嚟著唔會望到嗰個位置）呢樣先係決定公開主因。褲無影到，衫就有影，真心建議大家真係要去食著定雨褸去，同叫定佢比多壺水
繼續閱讀
香港有好多不同的中國菜，今日揀咗潮州菜，旺角《明記潮館》有好多選擇。店內裝修有一些懷舊香港特色擺設，部分卡位，方便傾計，坐得舒適。豉汁蒸大鱔(例)~大鱔蒸起香噴噴，豉汁味道調得啱啱好，鱔肉咬落淋中帶爽，夠新鮮，肉質靚，份量都算大。醬爆京蔥牛肉~大大件牛肉炒得好香口，又夠淋，京蔥索滿汁，夠曬惹味。點滿300加$8可以配鹵水雜錦拼盤/韭菜豬紅~呢個勁抵食，大大碟，豐富材料包括：爽脆鵝腸、豬大腸、豬腩肉、墨魚、豬耳，鹵水夠入味。呢度仲有鹽焗烏頭、凍蟹、瀨尿蝦及大排檔小炒等等，多啲朋友嚟可以食多幾款，是一個歡樂相聚啤一啤嘅好地方。
繼續閱讀
您可能會有興趣的...