明記麵食

營業中

休息中

雖然我住喺新界，但我由細到大病親睇e生都一定要去旺角睇，所以每次都定必經呢度，我同媽咪一定食呢度嘅車仔麵做早餐。到而家大個咗，每逢經過明記我都係會心思思想食返碗！！明記喺呢個位置已經幾十年，從來都冇變過……面積細細，只有十幾個位，由面檔，座位到裝修都好味道!今日喺旺角睇完中e行去坐火車返屋企，買咗碗淨餸外賣返屋企加料!雖然係外賣返去食，仲要坐成個鐘頭，但呢個外賣兜可以keep住一定嘅温度，而且完全無影響到佢嘅味道!依然係咁好味!每次必食嘅一定有豬大腸，我一定會叫"瘦腸"，明記嘅豬大腸夠淋又夠入味!第二樣必食嘅係豬紅，呢度嘅豬紅同出面嘅完全唔同，佢切成一片片，每一片都係超滑，好似喺澳門食果d鴨紅咁!另外就係白蘿蔔，每一舊都煮到入晒味。最後就係媽咪鍾意食嘅豬皮，我就一般般，有人食豬皮係鍾意食爽，我就專揀淋吱吱嘅食!哈㖔~

位於花園街內的車仔麵檔，鋪仔細細，但乾淨。回憶中已有廿多年的車仔麵，今天再來懷念一下。中午時間，長長人龍，只有6、7個位，但人來人往。最好味最多人叫就是豬紅，口感滑而柔嫩，夜晚來食多數售罄。此外玻璃魷魚，夠爽。蘿蔔夠入味。車仔麵既汁都系靈魂，牛腩汁夠牛肉味，所以值得一試。

閒逛金魚街，又唔想食茶餐廳，又唔想去商場等位。竟然轉角俾我見到一個簡陋既面檔。雖然話簡陋，好似有d 唔客氣，但車仔面最緊要既湯底，面同餸都做得好好，其他野何足掛齒。簡單一碗豬腸豬皮通菜粗。加d 橙色辣醬，好味仲好有香港地道感覺。邊個話食貴野先食到滋味，真心希望香港舊式小店長做長有，保留香港特色！！！

明明成條街都係人來人往, 明明係對住條街,門口就係街邊, 但偏偏就好難搵到哩間車仔面鋪, 可能裝修比較簡陋, 比隔離店鋪掩蓋左...雖然我都成日係哩到食入到去要先嗌面, 後點送, 再比錢, 再等野食.....其實同普通車仔面O既模式差唔多...例牌都係嗌米粉, 今次就揀左簡單O既豬紅, 同埋冬菇,豬紅出面果D 通常都係一舊舊唔係咁好食, 而哩間就係一片片, 滑滑地又爽口,冬菇就細細粒, 夠入味, 米粉就硬的,粗的, 鞋鞋地, 感覺好似健康D, 飽肚D, 幾好 

旺角花園街一間超級老店，小店現在的老闆也是和本人一起長大的，小時候已經常光顧，現在還會回味着小時候那種滋味，小店多年都沒有裝修，但是味道依然不變，朱紅永遠是我的首選，豬皮大腸10分入味，再加上我最愛的油麵，通菜，吃過了一定會回味無窮，我覺得係全香港最好味嘅車仔麵，最遺憾是不敢帶好朋友來這裏吃，因為看到門面他們也不會想入去，所以到現在也是一經開旺角就會獨自來吃的小店。希望小店永遠營業，能夠永遠保存着那份車仔麵的味道。

星爺周星馳的影響力真的非同凡響，一齣食神電影，讓嗱喳麵-即車仔麵這種地道香港美食蜚聲國際，不少大陸及東南亞的食客到香港都想嚐一碗與火雞姐出品完全相反的嗱喳麵，即湯無梘水味，豬皮爽口，豬紅結實，魚蛋有咖哩味有魚味，豬腸要清洗得乾淨的一碗靚麵！國內同胞喜歡到旺角購物，明記車仔麵就在旺角東地鐵站街出口的正左方，十分就腳，相信不少國內遊客也在明記首嚐生命中的第一碗車仔麵。筆者當天剛巧途經旺角，當然要拜訪一下，把該店收錄在小弟的車仔麵系列之內。鋪不大，實用面積低於200呎，堂座連街座不足10位，到訪日為週日中午，沒客人排隊，但企檔老板其實是不間斷的煮麵，據筆者當日觀察，由買麵的一刻起計至吃完整碗麵止的十數分鐘，老板煮了最少30碗麵，生意相當不錯。麵館內並無菜牌，粉麵及餸的價格只能在點餐時問老板才知道，筆者不太清楚每款麵餸的價格，只知道介乎於HK$6-10一份之間。在車仔麵館而言，這裏的麵餸選擇加起也只有15到18款之間，算甚少，但這些麵及餸，正正就是八九十年代路邊檔的主流車仔麵餸(牛筋及某些丸類除外)。點了一碗牛丸、牛筋、大腸、豬皮粗麵，四餸一麵盛惠HK$30，很感恩，很久沒有吃過HK$30以下

黎到旺角睇完金魚，比呢間外表平平無奇，但係香味湧出嚟嘅麵舖吸引左。究竟佢有啲咩吸引力可以令到咁多人食呢。叫咗三樣餸，蘿蔔，豬紅，雞翼尖 單單呢三樣就可以試到間鋪好唔好食睇到依舊蘿蔔嘅顏色，就知道浸左好耐咬落去唔會起喳，甜到不行第一次食咁樣嘅形狀豬紅，好爽脆至於雞翼尖都係好好食嘅你睇個舖頭樣真係好平平無奇，但係佢啲嘢食一啲都唔平凡

呢檔嘅車仔麵真係夠舊式老風味👣次次出開去旺角想試下新嘢，又唔知點解被吸咗過去🙈已經發生過好多次味道跟質素都非常穩定，最愛佢夠清但又夠入味😈唔會滷得過份深色得個鹹字✨推介:豬紅、豬腸、牛筋 (其實佢所有餸都好好味😂)佢啲豬紅唔係到到都食到，口感超嫩滑又夠入味，而豬腸我必叫腸頭貪其有咬口，同埋佢清洗得好乾淨，唔會有怪味，另外必叫一定是軟腍夠清嘅牛筋 (其實佢所有餸都好好味😂)仲有魚旦、冬菇...等!!

原來明記無河粉無伊麵無牛腩賣，無辣椒油、無辣汁、無青蔥供應，只有辣椒醬，而且都無我最喜歡既雞中翼。不過始終係美味車仔麵小店，雖然舖仔細細程長方形，只有單邊臉壁位 8 個左右，依然客似雲來。經常路過想幫襯，但次次都滿座，一別就四年多喇！蘿蔔豬紅大腸牛筋幼麵，四餸一麵 $38 蚊都好抵食。仲咩剪繼我啲麵啫，長壽麵黎麻！細路仔食麵要剪短黎食咩，我鍾意長食長有不停索入口架麻，自己識咬斷啦。湯汁熱騰騰剛燙嘴既溫度，最能食材味道推致頂點，大愛！輕嚐香噴噴豉油湯底，極濃郁但不過份不濁不膩，厚厚實實質感亦不失清爽，可口甜美。蘿蔔程淺啡色，似乎飲夠湯汁，第一舊蘿蔔超好味，軟腍又充滿水份及湯汁在其中，高檔貨。不幸地其他都又硬又有渣啊！牛筋無得彈無得輸，贏盡成條街！軟棉膠口，滷水盡在牛筋之中，非凡濃郁芳香，殿堂級！豬紅滑過剝左殼既雞蛋，最愛依種扁扁滑滑既豬紅，味道鮮甜無比，但買少見少，可遇不可求。大腸大大碌，彈彈勁有咬口，乾淨不羶而散發著豉油香！原來一個幼麵份量勁細，唔怪得有食客要加底咯。爽彈極幼麵帶湯力頂級，似濕透髮絲又似瀑布一樣，湯汁程飽和狀態附係麵條之上，每一口都爆汁，爽乎！太好味，急不及待要成碗拿起

習慣了每到歲晚，都會到旺角金魚街買魚，屈指一算，至少超過三十年了，但近年自由行的入侵，令到租金颷升至不能支撐的地步，見著不少買魚店敗走，原舖變成一間間藥方或食肆，政府只懂向錢看，搬完波鞋街又要搬花墟，結果只留下一堆堆的回憶。每次從火車站下來，都會經過明記，如果有時間，都會來一碗車仔麵。店內座位不多，大多是面璧思過位。豬紅、豬腸、生菜及水魷配粗麵，豬紅很滑溜，差不多是必食位，豬腸平日會夠腍，但今日卻大失水準，韌到好似未煮過一樣，水魷要睇彩數，大小不一，差異有時幾大，不過幾爽口，粗麵份量太少，所以食完都未夠飽。

遊走花園街前吃些什麼好呢??搜尋中看到明記麵食的食評,今天一於來碗古早味車仔麵吧。通往新世紀廣場扶手電梯對面馬路的明記麵食,門面比鄰近的店舖殘舊,就算路經也較容易錯過;窄長店舖內有不足十張面壁可享受空調的高凳位置,不怕熱的也可以坐在店外的座位,溫度較高但風味更地道!要不是這條街行人太多,來個立食更有街頭車仔麵風味。排隊買麵時看到格仔裡的餸菜沒有太多款式,大多是簡單傳統的車仔餸,就算每款來一份也不會吃不完;點菜付款自行取麵找位置,完全自助形式。捨棄米粉選油麵,口感帶爽的油麵份量不太多,女仕應該夠飽,因而店裡十居其九也是女客為主;湯底加了一些油及腩汁,顏色偏深的腩汁湯底完全是小時候在車仔檔吃到的味道也。厚片蘿蔔如被腩汁煮過,外層較深色也夠軟淋入味,蘿蔔中的甜度蠻明顯,加糖來煮的蘿蔔食味相對是較討好的;豬皮炆成軟中有爽,豬皮毛孔如海綿般勁吸湯,爆汁小籠包外明記也有爆湯豬皮;豬腸用上最厚一段切成圈狀,厚身腸壁仍蠻有彈性,沒有什麼脂肪也沒有腸味,水準合格但不算最好;豬紅通常不在我的選擇之列,在明記則不能不點,只因如咖啡色豆腐花般的塊狀豬紅是較少見到,滑不溜口中帶有點兒咀嚼勁,不像在豆腐店買到的丁

每星期我都會食車仔麵，但無話特定去邊間，而銅鑼灣有幾間都會常去，係因為個辣汁、鷄翼尖而幫襯，其他食物水準只是不過不失，豬腸豬紅更是普通貨色，我就真係未響榮記食過滑嫩到同台灣鴨血相比嘅豬紅同坊間難尋嘅肉厚肥美豬腸，基本上榮記整體水準已不大如前。如果要細數滑嫩嘅豬紅，相信太子弼街近花園街嘅明記麵食可入三甲，為何會到太子明記？因為隔兩個鋪位有一店專賣浮牀、水泡、水槍及其他玩具，我之前船河經常幫襯，價錢比西貢平很多，而最近又要攪泳池派對，所以出來格格價，順便食一食真正滑嫩嘅豬紅。我印象中明記差不多二十年都無乜裝修過，面向店內左邊是煮麵，而右邊牆是一張長檯及高櫈，大約有5至6個位，需要面壁食麵的，而門外面對煮麵位置也有2-3個坐位供人客使用，排隊落單、等麵、俾錢後才揾位。人總是貪心的，無理由單點豬紅麵，最後點了幼生麵、豬腸、豬紅、牛筋、蘿蔔(共$36)，單看豬紅已經覺得滑溜，先飲一啖湯，湯頭幾濃，相信係因為加了牛筋啲汁；豬腸算肥美，算好咬口，但不夠入味，是普遍貨色；再食一啖麵，好重鹼水味，咁多年都無變；牛筋夠入味，有滑又有煙韌的，但又唔係最好的牛筋；蘿蔔夠入味，無根但好硬身；主角出場了，呢度嘅豬

曾經在 openrice 的開飯十週年一書撰文，說的是小時候由大埔坐火車出九龍的飲食經歷。電氣化的初期，仍然可以在車箱飲食，油雞骴永遠往究事只能回味的至愛。當年的文章中，提及了尖東的海旁，提及到尖東的《Burger King》同《南京牛肉麵》，另一段，提及的就是旺角站弼街出口，一落天橋，就是這一家《明記麵食》，當時太細個了，印象中毫是阿媽帶我去食魚蛋粉。今時今日，食物誘惑太多了，《明記麵食》早已不是我的常去 list 之中，2004年從英回流香港到而家，這只是我第二次回來品味。而現在，食的，是香港特色車仔麵。內空間同以前一樣，食麵是要面壁的，麵做好之後，便自行找一個面對牆壁的思過位，毒自一人食，而且，冷氣是不充足的，識搵，一定搵一個有風扇吹坐既位，這樣會涼快爽快。今時今日來《明記麵食》，食的是車仔麵。而是日我點的是粗麵，配上的餸是牛腩、牛丸同豬腸。湯底加上了腩汁，是最精彩的不辣食法，再者，若是麵有牛腩，通常都不需要多講，名方會直接把牛腩湯汁加埋入碗麵度，令湯麵更香，再者，若是配料有內臟食品，加腩汁是絕配。麵，是普普通通的很腍麵，是一般可以令人快快食的車仔麵風格，牛脾是不折不扣的碎腩肉，

今天天氣差得很，在旺角火車站下來，開工前要先吃一點東西，不想留在火車站商場吃飯，便走到橋下的明記吃車仔麵。今早不算太餓，只叫了米粉跟菜豬紅和牛筋，平常一定加豬腸，但今日便清淡一點吧，米粉和菜沒什麼特別正常貨色。豬紅是這裡的強項，扁身一點但很軟滑，只是今天的好像味道淡一點，而牛筋煮得夠火喉，十分軟嫩入口即化，今天的它比豬紅更出色。其實已不是第一次到明記，定價也不算便宜，但在太子區這裡的租金應該很高，因為附近的都是藥房零食和化妝品店，不過如果想吃車仔麵，這裡的出品可說是旺角跟太子的鐵膽。

在旺角想匆匆地吃點東西, 見到一間裝潢簡單, 充滿舊日香港味道的麵店! 即場選擇粗麵還是幼麵, 然後有多款食物選擇, 店員即場製作! 眼見濃郁的湯底，只係嗅覺已經好滿足!在場座位不多, 可能要坐得迫一點, 但面向牆壁吃麵,別有一番風味! 我喜歡這款老香港的碗盛載, 其實麵線沒什麼特別! 但只是吃環境和風味已值得一試! 而且$22已有兩餸,價錢合理!