景逸軒 (已結業)

今晚跟爸媽睇完裝修材料後, 辛苦一天決定慰勞下他們在尖沙咀這間新開不久的酒樓試中菜, 想不到的意外驚喜, 見到兩寶滿足的表情, 下次要再encore.可能是新開, 餐廳閒日不多人, 但service 反而更貼心 , 所有menu 同裝潢都很新先來老火靚湯餐廳選擇了在客人面前翻熱這煲足料的湯, 只是$138…..竟然湯渣多到可以放滿一隻碟。有很多雞腳, 豬肉, 淮山等食材, 一煲可以分到8 碗左右, 而且很甜脆皮素鵝 我個人很喜歡這個素鵝, 甘筍, 木耳, 蘿蔔等切成絲, 包在炸得很脆的素鵝中, 很香口而不油鮮果拔絲黑豚肉  個人覺得這道菜真的很出色。黑豚肉沒有包著很多炸粉, 而且食材很高質素, 半肥瘦的黑豚肉咬下去有很多汁的感覺, 而且咕嚕肉的煮法很考功夫, 糖絲黏在黑豚肉之間, 當我們夾起時, 一絲絲的拔絲拉成一個很有趣的畫面。而廚師對伴菜都一絲不茍, 把桃跟切片了的士多啤梨砌成一個很美的菜色, 中西合壁。黑蒜雙蔥海參豚肉 這味菜色見證了心機煮，海參被煮得很淋入晒味，有點起膠的感覺，而大廚把大蔥跟香蔥一齊爆香豚肉，而且加了很健康的黑蒜，令整道菜色更香濃，好想叫多碗飯。濃湯桃膠浸菜芯 

舊同學相约我到尖沙咀區景逸軒,食晚飯聚舊.餐廳店有傳統的中式裝潢,水晶吊燈具奢華氣質派,光猛舒服.* *【瑤柱花膠四寶羹】 瑤柱花膠四寶羹非常美味,勁足料,有花膠、瑤柱、冬菇、竹筍等,帶有濃郁的香氣,味道鮮美,營養豐富.* *【鮮果拔絲黑豚肉】黑豚肉掛滿甜甜微酸的醬,肥嫩美味,脆口不黏,又帶拔絲的甜脆感,急不住食多幾口.* *【羊肚菌百合鮮淮山】 非常健康好味道菜式, 有荷蘭豆、百合鮮、淮山 有爽清脆口感,配上羊肚菌的醇厚,簡直是絕配.* *【蒜蓉開邊海蝦】送來時蒜香撲鼻,海蝦想不到有羔,並非常彈牙,新鮮到震,鮮香無比.* *【濃湯桃膠浸菜芯】這菜芯嫩口,竹笙吸滿濃湯精華,而桃膠似軟稔啫喱口感,配是清甜的菜式,所以絕對是注重健康飲食必然之選.* *【芝士焗波士頓龍蝦伊麵】 大隻龍蝦啖啖肉,鮮味肉質爽甜可口兼彈牙,肥美肉厚,配上濃郁的芝士,與龍蝦很絕配,尤其伊麵裡掛滿芝士,非常芝味.當然少不了甜品* *【原個椰皇燉鮮奶】一口吃,口感可惜有點鞋不太嫰滑,應是蒸得過濃,有鮮奶香濃及椰皇清甜.

之前每一次去「景逸軒」都係去紅磡海逸酒店既分店。如果唔係朋友提起，真係完全唔知道原來佢喺天文台道呢棟新既商廈開左新分店，以後終於唔駛山長水遠由尖沙咀行天橋過去喇！台南七味豆腐 ($52)：細細粒既豆腐炸到剛剛好，外脆內軟之餘「一口牛」既size令佢可以一啖就食晒落肚，更難得既係佢唔算太熱氣添！脆皮燙手乳豬（半隻）($338)：乳豬既皮出奇地脆，肉質肥瘦適中，唔似平時擺酒肥到漏油既質素，雖然做唔到「燙手」，但微熱既感覺入口時都值得一讚既！脆皮素鵝 ($48)：入口時鬆脆既感覺令我覺得佢係即叫即炸，素鵝裹面既材料都算豐富，鍾意食香口野既朋友記住唔好錯過呀！瑤柱花膠四寶羹 ($198)：五個人食剛剛分到五大碗，不過如果D花膠同瑤柱可以大粒D就更加好喇！琥珀雀巢海中寶 ($128)：材料非常十足，除左常見既帶子同埋鮮魷之外，重有石班、帶子、合桃、紅椒同埋蜜豆等等調起D味，正！八寶時蔬併盤 ($88)：對於鍾意食清淡食物既朋友真係不可不點，但老實講作為「食肉獸」既我只係一般！濃湯桃膠浸菜芯 ($88)：浸菜芯落左女士們最鍾意、功效近似燕窩既美顏食材桃膠。桃膠又稱桃脂，乃桃樹既天然分泌物，會在樹上

久不久既家庭聚會，通常都會食中餐，今次揀左開張左無耐既「景逸軒」，呢到地點都算幾就腳，由美麗華商場行過去都唔洗5分鐘，環境都幾好唔太嘈，亦都有種高級華麗既感覺，幾適合一家人食飯傾計。餐牌設計精美，選擇都好多，最後揀左唔同既菜，肉，炒飯同湯。台南七味豆腐:七味豆腐色澤金黃，係豆腐粒上沾上麵粉後炸成，炸起後表層酥脆，但係咬落仍能夠食到豆腐既香滑，上檯時仲係熱辣辣，都要慢慢食。脆皮燙手乳豬 (半隻):乳豬既口感同味道都唔錯，乳豬既皮脆卜卜，肉質都幾香，肥膏都唔算多。脆皮素鵝:素鵝係用腐皮整既，D皮炸得好脆好甘香，餡料好豐富，有紅蘿蔔同埋各種菇，食落都幾開胃。瑤柱花膠四寶羹:海皇羹加左少少花膠同菇後整成，花膠煮得剛剛好，茨水調得幾好，唔會有飲漿糊既感覺。琥珀雀巢海中寶:呢味餸用既兜係用食物整食既「雀巢」，實質用咩黎整就真係食唔出，「雀巢」裡面盛載著魚，四季豆，雜菜同埋合桃，賣相幾靚，味道都唔錯。八寶時蔬拼盤:時蔬拼盤比較普通，都係有菜，黃椒，草菇，蕃茄同埋金菇，蕃茄切到花型，睇得出廚師好有心機去預備，係花既中間再加左D金菇，睇落好吸引。濃湯桃膠浸菜心: 呢味餸有D似雜菜煲，菜心同竹笙等等既菜吸

星期6既晚上同一班朋友出黎聚舊, 想搵個地方可以坐耐d, 所以選擇左食中菜~ 呢間酒樓唔係好大間, 因為我地早食既關係, 客人都未係好多, 所以唔會嘈, 空間感亦唔錯~呢度除左有傳統既中菜之外, 亦有d幾新穎既菜色, 我地都點左2個特別既fusion菜試下~ 當晚點左蟹子桂花炒海膽, 金湯大蝦球墨魚面, 七味豆腐, 鮮果拔絲黑豚肉同脆皮乳豬半隻~先上枱既係七味豆腐, 份量唔多, 適合做餐前小食, 豆腐外皮好薄微脆, 裡面既豆腐都好滑, 椒鹽味香, 不過豆腐味就比椒鹽味蓋過左~之後係脆皮乳豬半隻, 用紅紙抬底, 賣相亦排得好令, 見到成隻豬型, 乳豬皮燒得好香脆而且仲係暖既, 肉質肥瘦適中, 味道唔太咸, 點埋乳豬醬幾好食~Vi推介呢個鮮果拔絲黑豚肉, 係類似菠蘿咕嚕咕嚕肉既朋友, 但就用左蜜桃同士多啤梨黎做, 黑豚肉大大件亦啖啖肉, 肉質頗彈牙, 而個甜酸汁均勻咁掛o係黑豚肉上面, 呢個菜要趁熱食, 如果唔係個汁會變得好結, 而且Vi比較中意將d蜜桃同士多啤梨加埋入個黑豚肉一齊炒~另外我地仲叫左2款幾特別既菜色, 分別係蟹子桂花炒海膽同金湯大蝦球墨魚面~ 先講下金湯大蝦球墨魚面, o係

今晚同兩老一共三個人去尖沙咀食飯, 韓燒又好, 日本野都好, 兩老都話唔岩食, 唯有就食中餐啦, 景逸軒系座新既大廈入面, 唔知系咪因為都比較新, 所以價錢唔算太貴. 前菜點左個38蚊既爽不辣醬油脆蘿蔔, 蘿蔔爽口脆身, 而個醬汁酸酸甜甜甘, 食完之後都幾開胃, 作為前菜系一個唔錯既選擇. 黃金大蝦球由八大件蝦球組成, 大量咸蛋黃包住超級大隻既蝦球, 真系香到不得了, 蝦球之大就好似平時食既珍寶蝦一樣, 肉質好Q彈, 真系真材實料. 仲點左個野菌牛仔肉, 野菌包括蜜糖豆, 冬菇, 紅黃椒, 什菌等等, 最重要梗系非常幼滑既牛仔肉啦, 牛味十足, 質感仲好幼細, 軟腍到一個點啊, 牛肉好優質. 最後仲有個明太子海鮮石窩炒飯, 由於系石窩飯既緣故, 炒飯粒非常乾身, 所謂既海鮮我只食到鮮蝦肉, 蝦肉有好多, 但其他海鮮就唔覺有, 個飯炒出黎都幾香既, 明太子既味亦唔太明顯, 整體都仲OK. 

無所事事，到尖沙咀飲下午茶，去到一間新開的粵菜酒樓試吓，坐低隨意叫一些傳統點心，出乎意料之外，發覺點'心味道十分唔錯，由其腸粉夠滑，牛肉又夠彈牙，其他點心如馬拉糕，鷄扎等均在水準之上，而且待應服務亦十分有礼，價錢都算適中，不失為消閒的好去處。

今日係特別既一日，係為某熱愛中菜既朋友celebrate. 為左方便大家，book 左尖沙咀呢間中菜，網上無咩評語，但見海逸都有分店，應該唔差，反正其他都食到好悶，試下新嘢，eating spirit - try every new things!去到一個客都無....閒日真係閒日，可以無人，包場呀 朋友們都呆左，有幾可坐到窗口位，裝修得咁靚段估都唔會唔好食啦，我諗係新開睇餐牌又好多嘢揀，仲幾有特色wo淨係睇呢兩個餐牌都食指大動，同平時食開果d唔同，好多都想試，仲要好肚餓 (做左好多個鐘啦)第一道菜: 老火靚湯真係拎個煲出黎，好有試意，點睇都係因為聽到有川貝，潤肺，做到氣咳，真係要補補，好濃既湯，堅足料，仲俾埋d 渣我睇，真係有豬尾，仲好冧，好好味  有成6大碗，138蚊又真係好抵飲，好過健x工房。第二道菜: 燒腩仔OL扮唔食肥，叫個細既唔叫例牌....得9 件，好想食多件都唔好意思....真係面脆，肉滑，唔係D大豬扮細豬既肉，脂肪同肉比例剛剛好 第三道菜: 金湯大蝦球(墨魚麵)我好鍾意呢道菜，有D西式，但又用中式方法整，上面果兩條麵係炸過，好得意，個汁有芝士又有南瓜味，好特別

A superb restaurant peddles an extensive repertoire of dried seafood plates, ranging from braised abalone to shark fin soup and seafood porridge. (Money has been lavished for Chinese dried seafood)Braised abarlone with a traditional oyster sauce accompaniment is nicely tender and meaty with a strong ocean flavour; but salty thanks to the sauce. Seasoning was a bit too much at this restaurant in general; soup is equally salty, making it unbearable.For those who loves western inspired fish at Chin

清明節做完孝子，晚上就同家人去尖沙咀天文台道既景逸軒食晚飯，今次第一次黎，感覺非常好，地方闊落乾淨！氣氛非常。侍應亦非常有禮貌，very good!!食物亦帶比我驚喜，中式酒家竟可吃到fusion菜式，可見酒家亦用心創製新菜式！當中令我最驚喜是醬皇鳳城八寶豚肉，內含豚肉粒，雞脾菇粒，翠肉瓜粒，腰果，豆腐乾，紅黃椒炒埋一碟，醬汁香濃惹味，豚肉粒大大粒又好軟熟！翠肉瓜又清甜，腰果脆卜卜！口感非常好，個鳥巢亦非常香脆好好味！正呀下次再做孝子帶家人番黎試下飲茶先~

今日和家人到尖沙咀逛街，本想到金巴利道吃韓國料理，但突然發現天文台道有一座新建的高級商業大廈，樓底很高，下層有數間新開的食肆。家人比較傳統，所以我們選擇了位於5樓的景逸軒一嚐小菜。一走進景逸軒，第一刻的印象是裝潢十分高級華麗，高天花板和水晶燈製造出明亮而莊重的感覺。當時亦有一對情侶在視察場地，應該是準備籌備婚禮。細看餐牌(餐牌可參閱本文最尾部分)後，我們點了以下菜式:乳豬四式拼盤 $168四式包括乳豬、叉燒、豉油雞及分碲。十分欣賞乳豬的口感和味道：皮夠酥脆甘香、肉帶鹹味，而皮下的肥膏和肉是1:1的比例，口感一流。叉燒亦做得十分出色：用上靚的半肥瘦梅頭肉烤製，令烤出來的叉燒鬆軟多汁，味道香甜，而邊位略帶焦香，香口美味。翡翠炒球+清蒸頭班 $328翡翠炒球用上去骨的龍躉肉和新鮮的甜豆炒成，龍躉切得厚身，咬落啖啖肉而肉質嫩滑，即刻小朋友亦不擔心會咬下魚骨。甜豆條條肥滿，炒得香脆，不覺油膩。.清蒸頭班的骨較多，吃的時侯要小心。魚蒸得香甜，魚皮部分豐潤甘腴。蒜蓉粉絲蒸元貝 $108這是一家人最愛的菜式，一客有六隻元貝，十分抵食。只看賣相已經知道一定惹味，因為蒜蓉夠多，元貝好大隻！元貝蒸得剛剛好，