景逸軒 (已結業)

五一長假期搵地方去，若不是朋友介紹不懂走到這處來，天文台道8號是所商業大廈，樓下幾層是食肆。見格局，本來以為價錢不平，但廚師推介菜式又唔貴，幾十元起都有。近來好鐘意食豚肉，點咗黑蒜雙蔥海蔘豚肉 $148，海蔘炇得腍，豚肉嫩，一齊食夠味道，有好多大蔥，仲有幾片黑蒜，食得健康。叫份牛，蜜椒紫薯安格斯牛柳粒 $128，起初無留意，一件件黑黑地的是紫薯，仲以為係牛柳，竟然加埋一齊炒，省些牛肉，但效果唔差，甜甜地好味。二個人吃，加個菜就夠，濃湯桃膠浸菜心售$88，好奇試桃膠，似大菜糕質地，甜啲，上湯濃味，灼到啲菜都入味。坐得舒服無被趕走啲壓力，下次試飲茶。

平日多食日式或西餐為主, 今次友人想改食中菜, 決定由佢揀. 佢帶我去了位於尖沙咀天文臺道的景逸軒食晚飯, 我自己較少過來這邊食飯.酒樓大廳夠光, 樓底又夠高, 感覺舒服.平日枱上會有兩對筷子, 但我總是搞不清那一對是公筷, 這裡非常貼心, 會在筷子頭注明, 這樣非常好.我與友人也是愛飲湯之人, 所以點了粟米瑤柱魚肚羮一窩.個羮稀杰適中, 當中加入了瑤柱, 味道係清淡一點, 但勝在夠鮮味.主菜點了芝士焗大虎蝦天使麵.上枱時已經聞到淡淡的芝士味道.份量都好大碟. 而在餸面敷滿了芝士, 啱晒愛食芝士的我.當中有六隻大虎蝦,蝦都算大隻, 蝦肉算彈牙. 而且入口更多了一份芝士的香味.天使麵軟硬適中,口感不俗, 我自己最重意混合半融的芝士一齊食, 不但雙重口感, 仲特別好味.再來是中式安格斯牛柳.牛柳我多數是食西式整法, 中式相對較少食.牛柳夠腍身, 牛味尚算可以. 而這個菜式味道相對較濃味, 與白飯是最佳拍檔, 但我地食唔落白飯,所以就咁食.最後, 甜品點了原個椰皇燉鮮奶.這個是即點即做, 足足等咗咗三十分鐘.鮮奶好滑身, 入口又有淡淡的椰子香味, 甜度適中.食完這個甜品後, 非常滋補養顏.

打工仔一星期最期待既緊係星期五啦，Happy Friday嘛！所以岩岩個星期五約左舊同事出黎gathering下，知道天文台道果邊開左幢新商廈都有好幾間新餐廳，因為果邊新開，未有咁多人知，所以星期五都唔會難搵位，同事話想食中菜，所以揀左景逸軒啦。以前去過紅磡既景逸軒參加婚宴，果邊就有海景，呢度雖然無，但有落地大玻璃窗，感覺都幾開揚，同埋呢度樓底高d，流線形既水晶燈，銀白為主色裝修，光猛簡潔，感覺唔會娘。坐低睇睇有咩食先，同事見到呢個套餐話幾抵食wor，每位$198就有4餸1燉湯1飯，仲要係魚翅撈飯呀! 不過因為有同事係唔食蝦同芒果，所以我地就無叫到啦。足料老火湯 $138 先黎叫左個老火湯，係日本南瓜煲雞，同一般酒樓唔同，個湯係車仔推出黎，有個Gas爐細細火咁keep住d湯熱辣辣，飲湯最緊要夠熱，估唔到唔係咩名貴燉湯都有咁既服務，真係比個讚佢地呀！講完服務，講返個湯，先上既係湯料，嘩！ 連湯料都擺到咁靚真係第一次見，平時d酒樓只係一堆咁畢哂落隻碟就算，所以又要再比多個讚佢地! 雞肉因為煲湯既關係就唔會好滑，不過見到咁多雞肉都諗到啖湯會好甜，而日本南瓜就好好味，唔會一夾落去就爛哂，仲有少

上星期有D開心事慶祝所以就同屋企人出左去食飯喇天文台道有新既商廈開左入面仲有好多新餐廳，所以就去左試下喇景逸軒係紅磡都有一間當晚食飯果時講起其實家姐就係o係紅磡果間擺酒因為尖沙咀店真係好新，同埋配合大家擺酒用裝修都比較高雅同grand配埋落地長窗，雖然無海景睇，不過個感覺都好開揚除左正常menu外，都仲有推介menu同埋套餐其實套餐都幾抵食，$200一位有湯有魚仲有翅如果唔想諗叫咩菜，都可以試下足料老火靚湯 $138黎之前聽人講過呢到d湯幾正點知menu睇黎睇去都搵唔到有湯所以就問下店員，呀姐好爽快就話有湯呀因為老火湯日日唔同，當晚我地飲既係日本南瓜煲雞正係睇碟湯料都feel到佢地既誠意湯料切好仲要砌埋咁上枱，好有heart日本南瓜食落爽爽地，有少少似合掌瓜但係就再甜d，同平時食到既好唔同個湯推出黎果時仲係熱辣辣 (你睇下張相d煙)味道好好，好甜，一d味精味都無好有住家湯既感覺最正既係，我地4個人去，每個人可以飲到2碗幾而呢煲野竟然只係收$138其實自己買料煲都唔只呢個價黎呢到食飯記得一定一定要叫個湯脆皮素鵝 $48對腐皮食品無咩抵抗力雖然佢個餡有好多料不過腐皮太薄同唔夠脆，都有d失望

今日去左尖沙咀（近尖東）新開的景逸軒食中菜。呢度係專門攪婚宴：有個大螢幕同埋有個露天露台（d花花decorate 得好靚） 但今日我同親友一行6人就唔係去飲而係食晚餐。呢到有唔少新潮中菜 （好有特式同好特別）。而我地就揀左個6人套餐 四式拼盤： 個燒腩仔好脆！ 金湯墨魚麵：個南瓜汁好creamy同隻大蝦好爽 八寶豚肉：好多唔同既粒粒，有不同口感好惹味 葡汁海皇焗牛油果： 呢到菜係最驚喜（估唔到中餐會用牛油果入饌），牛油果同d海鮮一齊食好match 花膠雞絲翅：好多花膠（好養顏）😍 清蒸游水星斑 濃湯竹笙桃膠浸營養蔬 ： 呢個係我一個期待既菜，因為桃膠係近期大熱既養顏食品（有植物花膠之稱）。食落似啫喱同大菜糕但無味，所以有濃湯一齊食。而濃湯又唔係好重味精（我唔覺口乾，仲飲左好多😁）呢個菜好健康！ 炸子雞：因為醬油雞已經賣晒所以轉左炸子雞。但仲岩我因為我鍾意炸子雞個皮～ 好脆！ 蟹粉金鑲銀炒飯：好香蟹味（造型好得整到成條魚） 最後美點雙輝：椰香芋頭西米露+甜點～*要注意呢到係12%服務費，但佢地既服務態度好殷勤（加茶、上菜都好

蜜椒紫薯安格斯牛柳粒（$128）雖然呢碟菜可能牛粒🐂係主角，但司令覺得紫薯🍠好值得讚下！紫薯唔一定要配雞煲🧀呢啲奇怪既組合既！其實配安格斯牛柳粒又唔錯啵，紫薯先炸過再攞去炒🔥，唔會炒到爛晒，一粒粒。鹹中帶甜😳，又有啲牛味，好香口！脆皮燙手乳豬半隻（$338）乳豬雖然係得半隻，但五六個人都絕對夠食。乳豬既肉🐷非常厚！皮就真係燒到好脆💥，唔係得個硬字！味道亦都好足😜，雖然有肉地，但又唔係好多肥膏，食多少少，都冇咁大罪惡感！燒鵝皇例牌（$118）以例牌份量黎講都幾多喎！燒鵝算係皮脆肉嫩，咬落仲有肉汁，又唔會凍冰冰，都算食得過！鮮果拔絲黑豚肉（$88）食落感覺似咕嚕肉，酸酸甜甜，黑豚肉肉質比較嫩，唔會鞋，不過食多幾舊有少少膩喎。

今晚又與男友及雙方家人共進晚饍, 黎到呢棟新商廈, 有很多食肆已經進駐, 今晚家人選了景逸軒. 店內地方寬敞, 光線充足, 坐得舒適招牌海苔九肚魚, 咬落外脆內軟, 魚肉新鮮, 可惜分量太少, 都不足以八個大人一人一件濃湯桃膠浸菜芯, 上湯清甜, 桃膠乃係桃樹的天然分泌物, 蘊含豐富植物膠原, 沒有特別味道, 食完感覺就食緊雪蛤膏, 感覺滋潤鮮果拔絲黑豚肉, 咕嚕肉係小妹的至愛, 基本上每之出街叫餸食飯都會有呢味, 呢度菜黑豚肉啖啖肉, 肉質爽嫩多汁, 加上旁邊生果鮮豔悅目的點綴, 無得輸!琥珀雀巢海中寶, 用左斑片、海蝦 等海鮮, 用料新鮮, 不過略嫌份量偏少蝦米醬乾煸四季豆, 蝦醬肉碎炒得夠香夠惹味, 四季豆又夠JUICY, 係我平時必食的上海菜之一秘製欖角一口骨, 小妹很喜歡欖角個種獨特的味道, 而且豬肉啖啖肉, 炒得又夠乾身, 好好味!泰式原個菠蘿炒飯, 真係未試過係中式酒樓食泰國野, 不過都炒得好有水準, 飯夠乾身, 海鮮夠哂足料, 加埋肉鬆, 夠香口!原個椰皇燉鮮奶, 萬眾其待的甜品, 因為要等成8個字先有, 但食得出佢係新鮮製造, 清甜椰皇水加上鮮奶, 蒸得夠香夠滑, 先

同屋企人一齊最鍾意去食中菜，坐係大圓枱度咩都叫下嚟食就最開心啦。今次黎到景逸軒叫咗幾個小菜，都十分之滿意。首先要左一個酥炸豆腐，外皮炸得超脆，但係內裏嘅豆腐就十分之滑溜，食落好有驚喜呢！除此之外，九肚魚亦都係每次去食飯都必點嘅。同樣地呢度嘅亦都係炸得超出色，煮魚肉好滑，好淋而且好少骨，唔錯。叫咗個拔絲豬肉黎食，上到枱果然係可以拉到絲，而且亦都係十分之甜，豬肉就好有咬口。仲有個紫薯牛柳粒，用紫薯同牛柳炒埋一齊係幾盞鬼，食落紫薯嘅甜同牛柳亦都係幾夾，牛柳肉質好淋，不錯！屋企人最鍾意食燒豬，今次當然唔放過要點一點啦。叫咗半隻，外皮烤得超脆，而肉就帶一點點嘅油脂，點小小醬，好易送飯。菜就不過不失啦。個湯好鮮甜同埋係用咗桃樹嘅樹脂一齊去煮，食落都幾夾。

今個週末約左幾個老友食飯，可能人大左，加上成日食埋韓燒，放題呢啲大路野，所以今次大家都想回歸傳統，於是就揀左間就腳嘅中菜廳，尖沙咀嘅景逸軒做聚會嘅地方。去到個度一出𨋢，我地呆左，成個場冇人，得我地幾個。我開始懷疑係個伏，但當打開餐牌嘅時候，我就開始明白點解會咁。原來呢度唔係傳統嘅酒樓，係一間賣創新fusion菜式嘅中菜廳，所以未必吸引到一般食中菜嘅客源。點完菜之後，我有啲期待，因為本身都係諗住食啲傳統野，點知有新野試，價錢仲要同普通酒樓差唔多。第一道菜係台南七味豆腐。味道同賣相一樣，都係一般。雖然豆腐係夠滑，不過外層脆皮唔夠味，淡左啲，做唔到開胃小食嘅作用。第二味係泰式柚子蝦球沙律。係呀，你冇睇錯我都冇打錯，係泰式。就係因為係中菜廳見到泰式野，所以我地決定試佢一試。我幾鍾意呢道菜，除左有新鮮感之外，個柚子汁同啲料幾夾，酸may may咁，好開胃。不過我啲朋友就嫌入面啲西柚好苦，所以俾我清左碟野佢。第三樣係士多啤梨醬燒一字骨。賣相依舊一般，不過食落去又另一種感覺。個汁雖然好辛苦先試到少少士多啤梨味，但甜甜地再加埋肥瘦均勻嘅一字骨的確有令人食完一舊又一舊嘅感覺。之後黎左個羹，係瑤柱花膠四寶

芝士大蝦球墨魚麵, fusion 菜, 將西式既食材會中式方法烹調, 幾特別, 墨魚意面本身很有嚼勁，墨鱼汁絲絲滲入去，新鮮墨魚汁帶來的滿口鮮味既滿足感, 黑麻麻的麵條每食一口就像是咬破了墨囊似的，非常濃郁再加左大蝦及芝士汁一齊煮，芝士汁口感不會黏稠，亦沒有令人有飽膩感, 同墨魚麵既鮮味好夾, 整體既口感好和諧大蝦蝦肉質特別飽滿，口感Q彈中多了細嫩黑松露珊瑚玉帶子, 另一道fusion菜, 用西式的食材, 包括黑松露同牛油果, 再用中式既方法烹調, 上菜時已經有一股黑松露獨特既氣味溢出, 令人胃口大增黑松露珊瑚玉帶子, 選用魚肉、蝦、帶子及菜絲作材料，再將材料釀入牛油果，，加熱後的牛油果有一種牛油般的香味，更能突出釀料既細膩味道, 而牛油果Creamy，口感有一種難以形容的微妙及柔潤清蒸沙巴龍躉, 沙巴龍躉是老虎斑與龍躉的混種，肉質鮮嫩，清蒸後更能引出其鮮味, 龍躉魚的皮全是膠原蛋白，吃起來很Q、香甜、有口感, 豉油可說是這條清蒸沙巴龍躉的美味關鍵, 油汁口感豐富濃郁，回味悠長, 能帶出沙巴龍躉其鮮甜味道

景逸軒在尖沙咀開了新分店，座落天文台道八號一幢全新商廈內。店內格調和其他分店差不多，以銀白色作主調，地方光猛乾淨。無獨有偶，頭盤三小碟之其中兩款皆與昨晚飯餐一樣。昨日的滷水豬仔腳肉少骨多，感覺不太好，今日的豬仔腳則正常多了，滷水汁味道也不俗。另一相類似的菜式招牌海苔九肚魚，炸得金黃香脆，雖然魚肉不及昨晚的肥嫩，但已算是一道好吃的炸品。最後一款小吃秘製欖角一口骨，欖角帶有獨特香氣，口味帶甜，一口骨鬆軟可口。湯羹瑤柱花膠四寶羹，質感明顯過於厚身，四寶絲絲可見但同時予人雜亂無章的感覺。瑤柱花膠本應是兩款主要餸料，但在四寶穿插中味道實難發揮。琥珀雀巢海中寶是兒時喜愛的菜式，海鮮配料有斑片、帶子、海蝦及花枝片，選材富一定水準，尤其是斑片，味道令人滿意。至於雀巢本身，酥脆感比預期稍遜一籌，幸而琥珀甜脆吸引，補足雀巢所失的分數。鮮果拔絲黑豚肉是甜酸口味的美饌，醬汁稠度被刻意調高以突出拔絲的視覺效果。黑豚肉肉質鬆軟，肉香亦佳，是一道醒胃推介。菜蔬濃湯桃膠浸菜芯，賣相特別，菜芯甜嫩度普通，特別之處是湯中的桃膠，口感微爽帶黏，是富食療功效的補品。相對濃湯桃膠浸菜芯，蝦米醬乾煸四季豆當然是更濃味香口的菜品。

連星期六放假在下午也要見客，直至晚上六時許，在尖沙咀逛了一會，然後與幾個consultant吃頓business dinner吧，反正也不用錢，吃什麼也不成大問題「景逸軒」— 感覺有點像某酒店的中菜廳，在天文臺道八號五樓全層，裝潢跟連鎖大酒家集團差不多，亦有種貴麗堂煌的感覺。除了鮑蔘翅肚外，吃的跟連鎖酒家的也差不多，可是......見客吃鮑蔘翅肚如何跟財務部解話呢，唯有吃得實而不華吧作為business dinner，少不免吃半隻燒鵝吧，燒鵝皮脆肉嫩，富肉汁，也蠻香。可是這真的是跟膽固醇競賽的做法，少食多滋味算吧。秘製欖角一口骨: 作謂秘製也者，也難以知道它用的是什麼。Simply speaking，是黑椒蜜糖燒一口骨吧。蜜糖的味道非常濃郁，甜耶耶的，黑胡椒粒也增添半點惹味。在質感方面，排骨很軟腍，不用怎麼咀嚼也能輕鬆咬開吞下，在鬆肉方面做得不錯。金瑤崧子滑蛋蝦仁: 即使名字改得多好，實則也是「滑蛋炒蝦仁」，這是不爭的事實。首先蝦肉新鮮爽彈，很有蝦味，一般自家炒蝦仁一般也是像基圍蝦般小小的，沒這麼優質。炒蛋嫩滑，還加了少許蔥花；可惜鹽多放了一點，滑蛋有半點鹹。柚子蜜燒骨: 本以為是像燒

同屋企人食普通連鎖酒樓食到悶, 今日就黎到尖沙咀ge景逸軒試下打開餐單就覺得佢D菜式唔錯, 仲嘗試下FUSION, 好似個石窩海鮮炒飯就走韓風.桂花炒米粉就好似好清新好文青咁. 而價錢都係正正常常酒樓價叫左個 脆皮乳豬半隻, 連隻腳都半埋俾你個皮夠脆, 脂肪同肉ge比例均勻, 無話成舊肥膏或者成舊肉個乳豬醬如果可以再濃味D就好啦~之後當然要叫返個菜啦! 由於本人好奇心重, 所以叫左濃湯桃膠浸菜芯, 想睇下桃膠究竟係咩東東.好學如我, 等緊上菜ge時候更係即刻GOOGLE下咩係 桃膠.桃樹樹皮裂開之後, 會流出樹脂, D樹脂冷卻之後就會結成叫做 桃膠 ge 晶體.一句講哂 桃膠就係 桃樹樹脂!桃膠本身無味道, 重點就係要將濃湯味燴到入去, 同同行ge 竹笙一樣,而呢樣菜就做得一般般啦, 桃膠唔算超級入味, 但佢個質感就做得唔錯.浸泡ge時間要控制得好, 先可以做到它咁煙韌, 好似食蒟蒻咁. 主角菜芯就正正常常唔老啦~呢個鮮果拔絲黑豚肉就有料啦! 首先個伴碟用士多啤梨同桃砌左個太陽, 已經吸引左少女心之後佢真係拔到絲, D絲拉出黎仲長過我D頭髮 lOl味道反而唔似一般拔絲甜到糖尿病,仲有個

小弟是煙民一名，屬社會小眾。政府推行食肆全面禁煙已有一段時間，猶幸在下煙癮不大，惜施對小弟影响頗微，只是如果飯局有酒，必須抽身室外呼吸一至兩回。沒辦法！一喝酒，小弟便煙癮難耐！在下有些煙癮甚大的朋友，現在寧選在路邊大排檔用膳而不選酒樓，原因只有一個，便是吸煙不便！在酒樓用膳，吸煙要走到樓下户外範圍，吸煙時間連腳程動輒超過十分鐘，以一頓兩小時的晚飯計，假設他們抽三根煙，便逾半小時即四份一用膳時間不在𥱊間，如此晚膳，真的相當冇癮！今晚四人飯局，約了在天文台道8号的景逸軒晚膳， 在友人未到前發現了它 - 户外吸煙露臺 不要少看它，一頓飯可以替煙癮大的朋友省卻每根五分鐘的步行時間，酒樓有户外露臺的其實不多，去過的就只有厚福街的厚福漁港有這設施！酒樓開張不到一個月，單看室內裝潢便知道它是一家主打婚宴的酒樓，大家如希望晚膳於此，請先訂座，不要臨時Walk In ，以免撞着包場宴會，白行一趟。問了經理一下，包場宴會的話，這裏可以延開30𥱊，即可接待總數300多人。友人到齊，開始點菜。點了蟹子桂花炒海膽、金湯大蝦球配墨魚麵、鮮果拔絲黑豚肉、三響炮組合 : 老火靚湯、蟲草花野菌蒸比目魚及脆皮一品燒雞、琥

又和好友們吃飯聚舊, 今次首選中菜. 尖沙咀新起了一橦新食廈, 糖不甩在年頭開張時己經去過午膳時間飲茶. 可惜當時還新, 服務普通, 味道不過不失但環境很開揚漂亮. 今次又看看晚餐又如何.晚餐吃的是小菜, 都有很多套餐照顧不同人數組合. 酒樓的菜式選擇很多, 而且有不少特別的手工菜, 所以都有點期待. 金湯大蝦球(墨魚麵), $188做法和材料是西式, 但擺碟是中式, 上面放上了條炸成立體圖案的麵條作裝飾, 可算是特別的fusion 菜. 拿來拍照時, 濃濃的芝士香一直攻入鼻腔內, 令人食欲大開. 汁料除了芝士, 還有清新的南瓜香, 吊起小小天然甜味, 看到這味看似簡單的菜, 卻花了不小心思在味道上. 蝦球十分大隻, 是虎蝦級數, 更有6隻之多, 肉爽, 可惜沒有鮮味. 如果用少少海鹽先輕醃, 可能有底味會更好. 墨魚麵在西餐中都較高價位,   這裡的墨魚麵用了意大利粉(Spaghetti), 粗身意粉配加上大大隻的蝦是很好的搭配. 而且煮得al dente, 較為硬身, 中式酒樓做到這點十分欣賞. 墨魚汁不會吃到一口黑色, 全靠南瓜芝士汁把意粉都包得很好. 這個菜要盡快吃完, 芝士