影片
電話號碼
35106000
開飯介紹
集川、京、滬、粵等中國四大菜系於一身，為賓客提供多款特色中菜。餐廳採用以五行元素為靈感的現代化設計，每件擺設均活用了金、木、水、火、土的概念，讓賓客在高貴典雅的環境中，享用特級中菜。餐廳更多處可見特色蓮花裝飾，更顯雍容華麗。
繼續閱讀
特色
家庭親子
附加資料
迪士尼朋友點心只於週末及公眾假期午市供應. 凡星期一至五惠顧，需於至少24小時前預訂。
營業時間
今日營業
11:00 - 15:00
17:30 - 22:30
星期一至五
12:00 - 15:00
17:30 - 22:30
星期六至日
11:00 - 15:00
17:30 - 22:30
公眾假期
11:00 - 15:00
17:30 - 22:30
以上資料只供參考, 請與餐廳確認詳情
有關獎賞計劃
相關文章
【離島區】【晶荷軒】今年好開心喺生日前夕可以入迪士尼酒店食生日飯，十幾年前食過嘅「晶荷軒」仲喺度。我記得佢哋嘅片皮鴨幾好食，不過今次我係食「香港居民生日禮遇晚餐」，係各自上菜各自食，好似幾高檔咁。不得不提佢哋嘅小食同醬料都唔錯，食吓食吓都清晒。首先食「晶荷軒迎賓2前菜」，係「蜂蜜叉燒拼梅酒牛展」，真係有嚿蜂蜜喺側邊畀我一齊食，清甜可口，而牛展都好味嘅。之後係個「湯」，係「韮王花膠鴨絲羹」，飲得出係足料嘅，只係味道方面冇乜獨特性，相對平庸。飲完就進入「主菜」，有兩樣。佢哋分別係「柚子蜜珍寶蝦球拼蒜片舞茸炒和牛」同「濃雞湯雙色木耳浸菜苗」，前者個蝦球整得幾清新，個醬可以，後者嘅牛味亦都充足，本身塊牛都係靚嘢嚟。到「主食」，係「芝士金瑤蟹蓋焗飯」，個飯放喺蟹蓋上面焗，係幾特別，但係味道都幾一般。估唔到個主食先係最普通，都有少少失望。最後係「精美甜點」，係「遠年陳皮十勝紅豆沙湯丸」，陳皮味勁香濃，有啲水準，令到唔太好紅豆嘅我都覺得好正。我唔知餐飯幾錢，但總括而言餐飯嘅感受係幾好嘅，優質服務，侍應有主動幫手影大合照，抵讚。。。（地址：大嶼山竹篙灣香港迪士尼樂園酒店3樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am離島區 #大嶼山 #竹篙灣 #晶荷軒 #香港居民生日禮遇晚餐 #晶荷軒迎賓2前菜 #蜂蜜叉燒拼梅酒牛展 #韮王花膠鴨絲羹 #柚子蜜珍寶蝦球拼蒜片舞茸炒和牛 #濃雞湯雙色木耳浸菜苗 #芝士金瑤蟹蓋焗飯 #遠年陳皮十勝紅豆沙湯丸 #1am1689 #1ambackup
繼續閱讀
今日係我哋結婚周年，第一次帶埋我哋九個月大嘅BB同埋姐姐一齊出嚟食，好多謝晶荷軒俾咗我哋一個咁溫馨嘅晚上。我哋原本book咗七點，但係提早到咗，心諗可能要等一陣，點知職員好好，即刻幫我哋安排咗位，完全冇黑面，仲好有禮貌。成晚所有侍應都超級友善，見到我個BB仲會主動氹佢玩，送餅乾俾佢食，BB開心到笑晒口～真係好少餐廳會咁歡迎小朋友，唔係話唔知，平時啲餐廳一見到細路就當你係滋擾，勁怕你嘈到隔離枱。至於食物方面，真係冇得輸。我哋叫咗個set menu，份量啱啱好，味道好出色，最正係佢哋知道我哋唔食牛，主動幫我哋轉咗其他菜式，完全唔會有「唔好意思唔得喎」嗰啲冷淡反應，真係超有善意。整體氣氛好似返咗去早幾年我哋兩公婆去長崎豪斯登堡咁，浪漫又溫馨。不過依家有BB喇，要坐飛機真係唔係講笑，喺香港有得食有得玩，又方便又舒服，晶荷軒真係幫我哋留低咗一個好難忘嘅回憶！
繼續閱讀
第一次嚟迪士尼樂園酒店𥚃面呢間「晶荷軒」食晚飯，會員生日月份有優惠，所以就嚟試吓。迷你佛跳牆 - 幾普通，有啲失望。龍井茶燻雞 - 算幾好食。湘蓮脆皮燒鵝 - 塊片又真係幾脆，味道同埋肉質都幾好味。醬皇牛小排炒河 - 見網上面都幾多人讃牛河，所以就叫嚟試吓，牛肉嫩，整體來講唔錯。
繼續閱讀
經Chill E.A.T. 訂枱，同屋企人喺奇妙世界迪士尼內享用咗一餐非常豐富又美味嘅午餐！前菜嘅木魚花金沙豆腐，外皮香脆可口，豆腐卻嫩滑非常！As 呢一餐飯嘅第一道菜，留下一個非常深刻嘅記憶點。之後上嘅係傳統及現代crossover 嘅點心系列。荔蓉天鵝酥香口酥脆，但唔算太油，都係巧手之作！之後有兩道熱菜，乾鍋醬花菜黑毛豬肋肉同一道得獎素菜 - 雞頭米金湯胡瓜藏珍菌。呢個一濃一淡嘅配搭各有風味。前者頗重麻味帶微辣，係非常惹味嘅一道菜式，但最驚喜係豬肋肉本身，非常較稔，老人家牙力無咁好之下都食得津津有味。後者素菜嘅金湯指嘅係南瓜湯，好清甜。加埋鮮甜嘅胡瓜同菇菌，喺一道比較重味嘅菜式之後端一道較清新味道嘅菜式，算係恰到好處。去到主食同甜品部份。主食有開心果和牛炒紅米飯，味道同份量都啱啱好。喺開心果甜品當道嘅年頭，起用開心果嚟做主食嘅配料係幾特別嘅選擇。作為承先熱菜同啟後甜品嘅主食，佢都毫不遜色。而以遠年陳皮十勝紅豆沙湯圓作為呢餐嘅finale，就算唔太好紅豆沙嘅人都會想食多一碗，因為碗紅豆沙係好綿好滑但唔係死甜，同埋陳皮係聞落去都好香！而入面嘅兩粒湯圓仔都好好食。最後員工嘅服務都加分，佢哋都係友善而健談。仲要好多謝佢哋送咗一杯佢哋剛推出嘅seasonal drink 薄荷仙子，解膩嚟講不錯呢！係值得推薦嘅一餐😌
繼續閱讀
With the past few years we bought platinum cards with good and warm services,unfortunately my daughter with her friends attended dinner last night for celebrating birthday plus year 6 graduations, there was an old man without hair who served on the other tables used his very unfriendly eyes and upset face looked at the kids because of their rising voice sometimes. We like the afternoon tea and dinner inside the hotel, the food quality decreased,however warm suggestion 1/ Find some young staff to work instead of negative energy man. 2/ Service standard can be improved. 3/ Keep the food standard.
繼續閱讀