會所1號 大舞臺

營業中

休息中

金錢應花則花，是我的態度，偶爾豪一次犒賞自己，絕不為過；如果有位有紳士風度的男士請你共晉午餐，更是卻之不恭。今天他請我來西港城吃午餐。如果是吃裝修，這裡以法定古蹟的牌頭，絕對夠照；但他毫不吝嗇點了鮑魚炒飯和魚翅，卻是我意想不到的。我並非鼓吹吃魚翅，但他請我吃飯想體面一點，我是理解的。看上來也真的很夠體面吧！翅、湯及銀芽絲金華火腿絲分開上，你要各種材料多少隨你喜好。或許魚翅撈飯的黃金歲月已不復再，但用筷子夾著一排魚翅的感覺，還是有少許震撼。想不到有那麼多銀芽絲，正合喜歡吃銀芽的我的心意。那個上湯，吃翅當然不會用盡，我叫了一個白飯拌上湯吃，原諒我稍有失儀。接著是鮑魚炒飯，賣相相當精緻。午餐當然不可太heavy，鮑魚size不算大，但夠入味夠啜牙，美女們一口一隻可能還是會有少許難度；炒飯應該是有加入鮑汁炒，所以不會太乾身，也很美味，很滿足。曾有某專欄作家說過，一頓飯可以更了解一個人，今天我對他也了解多了一點點；如果下一次他再請我來這裡吃飯，我想我應該會應約。因為，真的有點回味。

呢度收費唔平，所以醒目的話一定要做餐飲會員，恆常有折，有時仲會有突擊優惠。講返今次食個魚翅鮑魚餐啲食物。首先上雪嶺餐鮑，叉燒餡，焗得幾好，係食嗰陣小心啲糖粉跌到周圍都係，最後dun一dun先食。叉燒燒肉拼盤，每人每樣兩件，叉燒燒得幾好，唔會乾爭爭，仲有肉汁；燒肉皮脆，係脂肪層比較厚，不過肉都多，點左芥辣就唔會覺得漏。仲有一籠蝦餃燒賣，燒賣冇乜特別，不過老實講燒賣好難會難食，right？啲蝦餃好食，彈牙，我唔知係唔係鮮蝦，總之唔會話有雪味 ，最重要塊皮薄得來唔穿。肉絲翅，啲翅唔算粗，不過起碼唔使摷就咁睇都睇得到，合格。松露醬炒彩椒雲耳西芹帶子，呢碟真係好味，好香，帶子煎得啱啱好。冬菇海參鮑魚，冬菇大隻，唔韌；海參夠淋，唔會似食橡膠；鮑魚老實講比較細隻，不會煨得夠火候，入味，都夠鮑魚味，ok。肘子白菜湯，啲湯鹹左啲，好在塊金華火腿冇膻味，啲白菜仔都算嫩，冇渣。最後個甜品係芒果布甸，唔太酸唔太甜，多芒果肉，好食，算係個完美作結。總括而言，有會員咭的話，用來請客唔錯，份量剛剛好，記得打電話預訂就得。

哩間酒店要提前定位，真系好多好多人啊！不過應該系好味先至甘多人去食噶，點左幾個飲茶成日點噶點心，蝦餃王、鮮蝦腸同埋墨魚餅，次次來我都要點果個墨魚餅，好爽口，口感好好，蝦餃王滴皮就不是太厚，蝦肉好爽，肉餡填滿，大大噶滿足！

今天一行十多人想試下富有懷舊色彩的酒樓，但超級失望，一入去已經嗅一陣 up味，坐下又放了多碟前菜，飲茶除了要收每人茶錢外，還要收介錢，超級吾底。食物份量細，食物選擇又少，又吾好食，真的不值得推薦，本來還想入會，好彩冇入，因為不會再去！試過荃灣分店，服務好之餘，只收茶錢，原來雖然是同名，但是不是同一集團館理！這間店在西港城，扶手電梯只有上沒有落，去洗手間又要走上層或下一層，而且環境昏暗，不適合老人家或行動不便的人。

場地佈置不錯，燈光是紫色，感覺夢幻，枱和枱之間都算闊落，進去的時候是乘搭電梯，離開的是走樓梯，場地欠缺冷氣，天氣熱的時候都幾難頂。點心的款式不算太多，價錢亦不便宜，如果有club one會員卡，價錢就相對合理。香煎墨魚餅 只有四件，很細件，不會有太多油，味道不錯。肥燶叉燒腸阿媽狂讚這個叉燒腸，她說叉燒很有味道，豉油幾香。荷葉珍珠雞這個珍珠雞，飯的口感煙韌剛好，材料適中，不會過多，蛋黃更可保持其油份。古法馬拉糕超好吃，又鬆軟又不會太甜。最後不知為何侍應送上泡芙，泡芙很凍，裏面是雪糕。

這裡被譽為全港島最佳的婚宴場所，那個舞台和樓上的座位真的「無得輸」，來這裡中午飲茶必須要提早訂位。因為今天我們人多，所以點了14樣食物，每樣都可以一試︰蝦餃皇皮薄蝦爽，而且餡填得很滿。墨魚餅很香，吃到很爽的墨魚肉。鮮蝦腸每次來都要必點的菜色，每粒鮮蝦都很大，足足有半個手掌的大小。荷葉飯第一次來這裡點這個，但他也沒有令我失望，每粒飯都很入味，有淡淡的荷葉香，味道也適中，不會太淡或太濃。冰鎮芥蘭不是每家酒樓都有做這個，在這種悶熱的天氣吃這個最合適，心透涼。其他的菜色也推介大家一試，我覺得這裡稱得上是上環的餐廳代表。

會所1號 大舞臺 (上環)上環德輔道中323號西港城2樓-----對上一次黎呢度 係差不多10年前 家姐結婚係呢度擺左一餐午宴 對呢間酒樓嘅印象係 價錢較貴 環境好特別 食物唔錯 10年之後 再次黎到 佢比我嘅感覺依然係差唔多 價錢依然唔平食物依然算係同區酒樓裡面較優質嘅其中一間 環境則更勝從前 浪漫中帶點富麗堂皇 😝-鮑汁雞腳（$68）一共有六隻雞腳 每一隻都非常肥美 鮑汁濃度調得恰到好處 唔會太濃亦唔太淡 好耐未食過咁好食嘅鮑汁雞腳 B仔同朋友每人食三隻 都覺得有啲意猶未盡 一個字 正🤩-蠔皇叉燒包（$39) 一樣係高水準之作 包嘅質感幾綿密 內餡 少叉燒醬 多叉燒（坊間好多都係多醬 少叉燒）叉燒7成瘦 3成肥 健康得黎不失惹味感😙-黑芝麻卷（$39）質感略嫌軟身左少少 口感較散 但勝在芝麻味頗濃 味道不算太甜 整體不過不失😛-荷葉珍珠雞（$55) 糯米質感軟腍 帶淡淡荷葉香 餡料同平時珍珠雞嘅餡料差唔多 有雞肉 豬肉 冬菇 鹹蛋黃等等 多餡少飯 係B仔中意嘅比例😄-蠔皇鮮竹卷（$48）外面腐皮有好多層 咬落非常多汁 菜肉均衡 醬汁係液態同稠身嘅中間 令鮮竹卷入味得黎 汁底唔會太杰

Club one既沙田分店，飲茶午餐同飲宴都去過，食物同環境都好好，今次去到上環大舞台呢間，完全係耳目一新，環境靚到非筆墨可形容，只是一踏入去係好似去左夢遊仙境一樣甘靚👍👍👍❤️❤️❤️❤️❤️估唔到大舞台呢間club one甘靚，而且坐位舒適，氣氛，音樂柔和，服務招呼仲非常好👍會員優惠仲好抵食👍👍👍👍餐前小食都甘有特色，又好味道腰果，苦瓜粒，調得味道好，番茄🍅仔上面食到有話梅肉調配，好特別的味道好好食✌️薑蔥叉燒拉麵——配料足，拉麵爽口，昧道調配得夠，好味道。港灣百花魚肚，有驚喜，做得出色。生竹牛肉球——同平常的一般！香煎墨魚餅—-爽口彈牙流沙奶皇包——奶皇做得好靚，包又整得夠軟熟😋😋甜品———好好食😋😋😋做左會員之後，優惠抵食，以後又多一個地方飲茶好地方😋😋😋😋😋

中午有空閒的時間梗係會同媽媽去飲茶啦❤️.講講價錢先，基本茶錢$12一位，芥合共$15🌟.杏仁燉白肺$108（而家做緊優惠60幾蚊2位用🤩）個湯嘅杏仁味好香龍，加上裏面有豬油雞等等令到湯都幾鮮味。少少可惜咁啱啲湯渣冇白肺😭不過其他湯渣都可以點辣椒豉油享用.四寶雞札（特）$50🐥都幾多材料最鍾意就係個豬皮好爽口又入味，冬菇都好juicy整體水份充足.香茜牛肉腸（大）$45🐮芫荽牛肉係好好嘅配搭，外皮好彈滑同埋牛肉調味適中.蠔王叉燒包（中）$38叉燒包每一隻都大大件冇得輸，裏面嘅叉燒餡了都好豐富添.👉🏻會所1號 大舞臺 (上環)📌上環德輔道中323號西港城2樓.

聽講最近美極跟會所1號合辦了不同的特色美食，今次就同朋友去試一試飲茶嘅時候食本特色美極fusion食品。先講講，除了加一服務費之外，主要收費是茶錢$12一位 芥共$15 有三種小食包括腰果，番茄及苦瓜最特別是苦瓜，經醃制後非常爽脆。菌皇川汁牛小柳$98這個菜特別有特色，因為牛柳鬆化之外，裏面還有一些韓式年糕片及不同的菇菌洋蔥。美極的味道也提升了不少香味。蠔王叉燒包（中）$38總共三大件，裏面亦都非常足料，好多叉燒及叉燒包醬汁在裏面爆開。四寶雞札（特）$50四寶雞札當中最喜歡的是用上了很大片的冬菇切片，口感十足而且多汁。豬皮亦都非常入味又彈牙。香茜牛肉腸（大）$45牛肉腸方面最好吃是外皮晶瑩剔透，彈性很夠。口感不錯。另外最特別就是這裏都是婚宴場地，所以特別瑰麗堂皇，如果加入會員的話有更多優惠。

從來都未寫過review，今次真係忍唔住要話俾大家知！呢間好近我公司所以周不時公司飯局都會嚟食！以前有好幾個set可以揀 碟碟都中至大size 味道過得去，但係今次真係超失望 一定唔會再去！新menu只有2個set，1個係大set，1個係per head計嘅，我哋6個人就叫咗大set6位(正價千幾蚊)。首先我哋落單後坐咗45分鐘先有得食，期間已經不停追佢叫佢快d快d，老細都等到黑面！佢個set嘅selling point係有9個前菜 然後再加幾個主菜，首先第一碟前菜嚟到已經嚇死我哋因為超細碟，但係唔緊要諗住前菜每人少少都可以接受，之後前菜陸陸續續嚟到我哋覺得好寒酸，因為全部都勁細碟仲要用膠碟。有一味煮勝瓜竟然過份到只有手指尾咁大嘅得3條，我哋係6人set嚟架，咁樣要我哋6個人分會唔會太核突呀？你可想而知佢個碟有幾細！然後主菜都唔知等咗幾耐先來到，湯～嚟得5碗，同事都嬲喇！所有主菜都係同前菜一樣嘅細膠碟，只係份量放多少少，就連我哋喺個set以外另加嘅一碟黑松露帶子都一樣係咁。所有食物都唔新鮮，味道一般，有同事直頭覺得難食，大家都決定以後唔會再去！因為我哋係會員所以有折，最後八百幾埋單，大

位於上環西港城2樓的會所1號•大舞臺，主打會所式婚宴，餐廳樓底極高，空間感十足，佈置得像一個大教堂，係婚禮晚宴嘅理想之地餐廳午市時段則售賣點心同精美小菜。最近新推出左個ClubONE X 美極小菜，新鮮食材配搭美極醬油煮出滋味佳餚！菌皇川汁牛小柳切成方形的牛小柳肉質香軟，牛肉味濃郁，美極醬油帶出左牛小柳既鮮味！配合辣椒青椒同菌皇川汁，香辣味美，拌飯吃一流雞球大包買少見少的雞球大包份量十足！足足有手掌咁大！外表係好鬆軟的中式蒸包，內裏則包滿左豐富食材，例如有雞肉、鮮蝦、冬菇、鴨胸等等，非常足料！內餡調味十足，帶有薑蔥香！蠔皇鮮竹卷嫩滑鮮竹外皮，內裏包住了素菜和肉餡，口感層次都好豐富！蠔皇醬汁味道唔會太濃，增添左鮮竹卷嘅美味蟹籽蝦燒賣蝦肉比例頗高，半肥瘦豬肉份量適中，整顆燒賣充滿着蝦肉同豬肉香氣，水準不錯！喜歡吃點心的朋友要來試試哦

今日黎到clubone 其中一間最具特色嘅上環大舞台享受假日嘅時光。場內夢幻變色嘅燈光，播放着輕韻悠揚嘅歌, 嘆茶都變得更有味道。坐在其中一樣好似置身於舞台之中。而且身為clubone會員，今個月全部5折，真係超級抵。小食都別具惱心思。話梅醃漬過嘅蕃茄仔甜甜酸酸，好開胃。Xo 醬嘅蜆仔肉香香辣速，仲有甘甘甜甜涼瓜。除咗懷舊點心之外，今個月推介仲有四款美極菜色。龍王汁碧綠小生蝦 $88用上豆苗、腐竹、冰鎮鮮蝦、加入龍蝦汁造成嘅嘅涼盤。腐竹爽口嫩滑，調味微辣，清新開胃。川汁大虎蝦 $68/隻虎蝦已經被拆殼上碟，肉質爽口彈牙，加入美極鮮醬油提升左蝦嘅鮮甜。美極石鍋秋葵 $108自己本身都幾愛秋葵黏黏稠稠特質。用上美極鮮醬油，本身無咩味嘅秋葵、木耳、菇菌除左有爽口口感外，味道變得鮮味濃郁。菌王川汁牛小柳 $98牛柳好軟稔嫩滑，加上韓式年糕口感煙煙韌韌，用左美極鮮醬油快炒，再加上微辣，非常惹味順口。黑椒爽肚尖 （懷舊點心）另外再點了黑椒豬肚，豆卜吸汁惹味，豬肚爽口彈牙無異味。

位於上環西港城2樓的會所一號 - 大舞臺，主打精緻的點心。場地感覺充滿古典風，樓高兩層。之前去過其他地方的會所一號用餐，味道細膩，而且還推出了十款懷舊點心，在其他茶樓較為少見到，頗適合和長輩一起去緬懷過去的時光。第一款是懷舊臘腸卷，臘腸卷的外型圓圓的，十分趣緻。入面的是圓條臘腸，味道鮮美咸香，臘腸的皮也是頗嚼勁，包的質感也是綿綿又鬆軟的。乾蒸魚翅餃來到了，濕度剛剛好，不會過乾。而且皮十分薄，不會吃到整個口也是粉，魚翅份量充足，還會有爽脆的木耳、彈牙的蝦仁。朋友十分喜愛鵪鶉蛋燒賣，鵪鶉蛋的熟度剛剛好，不會蒸得過火而變得硬硬的，豬肉餡的味道鮮甜。點心也是即點即蒸的，新鮮又熱騰騰。肥燶叉燒腸的皮十分薄，叉燒份量夠多，肉質鬆化，令人感到十分滿足。雪嶺餐包可以按件去點，表面脆卜卜，裡面的叉燒醬夠香濃。

「會所1號 大舞臺」位於百年古蹟「西港城」之內，屬特色酒家之一。在濃厚的歷史背景下，餐廳把握自身優勢，推出一系列懷舊點心吸引食客。 所有點心即叫即蒸，出品熱辣。「懷舊臘腸卷」用上略帶肥肉的臘腸，食感香軟。臘腸的油花滲透包中，亦令包點變得惹味。 「鵪鶉蛋燒賣」是另一款懷舊點心，燒賣用料優質，肉餡彈牙，蛋香滋味。「鮮筍蝦餃皇」外皮通透美觀，蝦肉新鮮爽口，讚！「肥燶叉燒腸」與蝦餃一樣外皮做得透薄出色，叉燒肥瘦適中，只是芫茜份量略多不是人人喜愛。「奶皇流沙包」是為魚仔而點的包點，奶皇香口不過甜，熱食口味佳，流沙效果隨時間流逝迅速遞減。其餘點心如「豉汁蒸鳳爪」及「荷葉珍珠雞」等亦普遍交出水準。 整體而言，「會所1號 大舞臺」的點心出品水準不俗。在這古蹟酒家品評懷舊點心亦特別富風味。午市惠顧，正價消費不算便宜，但享用會員優惠後則變得吸引，可考慮來懷舊一下喇！