木槿花韓牛專門店 (已結業)

本身去上環想去食， 脆脆多士 ，去到先發現原來自己太夜， 冇得食。 行上少少見到間韓國嘢 ，兩個人都冇所謂，就入去試一試， 叫咗份 特級韓牛牛肋骨二人燒烤套餐。入面就有 韓牛骨雪濃湯， 湯都幾重牛味 ，顏色上面都幾雪白， 唯獨真係要講個韓牛比較少 ，一啖就食完， 咁嘅價錢個頭盤真係比較細分。再來係 特選沙律 ，普通凱撒沙律， 勝在洗得幾乾淨，啲菜又冇蟲。本身佢仲有個他他牛肉 揀嘅， 不過我哋都係嗌咗 韓牛蔬菜卷， 但係呢到就後悔咗， 好少，一人一條咁大把， 完。 不過好彩個味道都入得下口。道重頭戲 燒烤 bbq ，特級鮮韓牛牛肋骨同西班牙黑毛豬五花腩， 個牛肋骨好合理，原條上，個size都係正常嘅， 最重要肥瘦適中 ，漢牛即係韓牛燒一陣就食得，又快熟又方便。 至於個黑毛豬五花腩， 我真係分唔到到底係唔係黑毛豬， 但係我好肯定一定係五花腩因為超多肥肉。最後水冷麵， 比較淡口個面都幾大個 ，最飽肚嘅應該就係佢。其實都唔算差， 不過咁嘅價錢其實有更多唔同嘅選擇， 今次可能係地區性嘅問題， 下次再搵好食。

這是我第一次食韓牛，朋友帶我來到這間位處中環半山電梯附近的韓牛專門店。餐廳分兩層，樓底頗高，枱與枱之間也有不少距離。前菜有三小碟：芽菜仔看上去有唔少辣椒，但其實不辣；魚仔有芝蔴點綴，幾香口；泡菜卻是越吃越辣。特式沙律用了紅菜頭調味，味道是偏清淡的。二人餐可選兩個湯，我選了雪濃湯，而朋友則選了章魚湯。雪濃湯內有三片韓牛，特別之處到於湯內加入了很滑的米線，所以感覺在吃一碗迷你韓牛米線。韓牛他他店員先把蛋黃和生韓肉攪拌，然後把白蘿蔔絲切段，再加以攪勻。蛋黃汁令牛肉他他味道更順滑，食的時候可感到牛肉纖維，卻沒有一點生肉的腥味。韓牛燒烤三款 - 後腿肉（左）、牛上腿肉（中）、半白肉（右）後腿肉油脂分佈平均，點了鹽後，更能帶出其鮮味。牛上腿肉肉質較結實，牛味濃，與韓式辣醬比較配合。半白肉脂肪最多，店員留待最後才燒。可能因為太薄，燒後口感像牛舌。以紅蘿蔔、白蘿蔔、紅棗燘韓牛牛肋骨，上枱時以小火不斷保暖，確是細心之安排，因食到最後一道主菜時，通常進食速度就會減慢 : P牛肋骨燘得入味又軟腍，其脂肪和筋令其口感更綿。珍珠白飯配醬韓牛醬韓牛是重口味之選，一定要與白飯同吃。珍珠米軟綿綿，口感佳。飯後甜品是甜

韓國人一直視韓牛為韓國國寶, 於15年年底才首度進口到香港, 終於不用飛到韓國也能吃到韓牛某夜沿著中環行人扶手電梯, 走到士丹頓街, 尋找韓牛足跡, 進店後, 樓底約有兩層高, 底層亦設坐位, 檯與檯之間有足夠空間, 每一檯有伸縮式抽油煙機, 盡量把油煙迅速抽走餐店先提供三款前菜讓食客止止渴泡菜/ 芽菜 及 甜甜濕濕的醬油小魚乾蝦乾餐牌除了散點外, 更有多款一人或二人套餐, 還有一張韓牛切割部分圖讓食客更了解牛隻的各部分當晚點了一份價格適中的特級韓牛牛肋骨二人燒烤套餐湯品/沙律/前菜/主菜及麵食韓牛骨雪濃湯(位上), 奶白色的雪濃湯是用上牛骨熬制而成, 所以濃郁順口又好喝, 湯內附上數件韓牛肉及麵條, 煮過的韓牛依然味濃, 跟上幾粒蔥花襯托特選沙律就是新鮮沙律菜, 配上比較特別的黑芝麻沙律醬, 黑芝麻味道唔算濃, 跟上沙律菜味道夾到期待著的韓牛他他, 韓牛上加上一隻鮮雞蛋, 店員幫忙攪拌, 碟邊放著的是青瓜片及韓國香梨, 香梨會混入切成條狀的韓牛他他內, 韓牛他他本身已混上芝麻粒及芝麻油, 口感細嫩及帶點嚼勁, 加入香梨更清甜, 容易入口, 完全是吃到原始的牛肉鮮味 套餐另外可以選擇韓

上次韓國之旅行程太緊密都未有機會食韓牛今次朋友提意，我立即應約！其他牛都食過，就是從未食過韓牛。店舖位於半山區，從中環地鐵站走過去也需是10-15分鐘。分為地面舖及地庫兩層。店內每枱俱有抽煙系統，環境乾淨企理。我們看了餐牌發現還是特級韓牛牛肋骨二人燒烤套餐比較適合先食點韓式前菜跟餐的新鮮沙律菜配上首次接觸的芝麻沙律醬，這個醬就似溶了的芝麻雪糕，落在菜中間，香味而微甜。朋友早前已推介飲雪濃湯，可惜韓國旅行都沒機會，今日終於一嚐了韓牛骨雪濃湯 - 非常香濃牛骨味，湯底滑而不咸。牛肉非常爽實又帶點軟筋，這該屬牛𦟌位。愈咬愈覺粉嫩，牛味濃郁肉質香滑的韓牛他他，先把蛋黃與牛肉拌勻再加入伴碟的雪梨肉。入口軟滑，有種說不出的香甜，連同雪梨一齊食，味道更爽更甜，中和啖啖肉的膩感。邊食牛他他，店員邊遞上西班牙西毛豬五花腩及生菜。店員先以動物脂肪來代替食油，把鑊燒慶後就放上五花腩，雖然五花腩較肥，但香味亦是獨有。以高溫的鐵鑊將大部分油份都迫出，煎好的已是爽口味美的黑毛豬五花腩。韓式食法除了鐵板燒之外，下一步還要沾些麵豉醬加蒜加青椒包生菜食，這食法可平衡肉類帶來的油膩感，加多一份「新鮮感」接著到特級鮮韓牛牛

This was probably the worst in-dine service I had ever experienced!! The servers would miss multiple orders or serve us dishes that we didn't even order.  And what really ruined our experience was, I bought a bottle of 1.8L 十四代  sake to enjoy with friends.   We were only half way finished with the bottle and decided to headed out for a smoke.  When we came back they THREW away our bottle of sake and said we have to leave as they have to close (at that time it was only around 10pm)!!  I asked the

終於又放工啦，好彩呢日book咗去中環嘅木槿花食韓國燒烤，因為我同我個朋友都非常鍾意食韓國嘢，我朋友一知道中環有間新嘅韓國燒烤餐廳，即刻約我一齊去食。因為天氣太熱啦，所以我哋喺上環搭的士去餐廳，費事行果條又長又車嘅斜路，未上到去一定喘晒氣。入到餐廳後，我哋就叫咗個新套餐，先來前菜三碟，分別係泡菜、菠菜同埋魚仔。之後有碗沙律，酸酸甜甜夠哂開胃！之後就嚟咗個牛骨清湯，湯調味啱啱好，頗有鹹香，用來暖胃啱晒。之後嚟咗個生拌韓牛，生嘅韓牛刺身非常新鮮，而且上面仲有隻蛋，撈埋一齊食又滑又鮮。之後就到韓牛拼盤，分別有西冷、安格斯肉眼同埋安格斯牛小排，份量都唔少，二人分享就啱啱好，一開始店員會幫我地燒，火候控制得啱啱好，兩邊燒一燒就可以啦，如果全熟就會太硬～味道一流，韓國牛肉佈滿油花，肉質鮮嫩，根本同和牛好似冇乜分別！正！燜牛肋骨牛肋骨燜得夠腍夠嫩，而且好入味！用瓦鍋上真係別有一番風味。珍珠白飯配韓國牛腩片其實食到呢度已經好飽，估唔到仲有珍珠飯食，牛腩醬汁非常濃郁，甜甜的好入味，撈飯一流！最後有韓式甜品，好滋潤呀！

原來這間韓牛舖是蕭生做老闆.失覺唒.今次是食lunch set, $198,有人幫你燒埋.韓牛有質感.不會太肥膩或入口即溶.如果出去第二度食韓牛,唔知有冇咁好味.正.

木槿花香港近來越開越多韓國燒烤餐廳，每間都各有特色，由於韓風在香港越來越盛行，不少年青人都熱愛追捧韓國明星，令韓國餐廳在香港的地位越來越高。今次，我與熱愛韓風的友人P小姐到中環的木槿花吃韓國燒烤，因為聽說餐廳推出了新套餐，而且質素不錯，一於來嚐一嚐。一坐下，有禮的店員便把前菜及配料等等送上枱，單單是前菜便差不多放滿整張枱了。牛骨清湯先喝碗牛骨湯暖暖胃，味道清新濃香。生拌韓牛先來前茶，生拌韓牛嫩滑油潤，味道新鮮味美，拌生蛋汁使其更滑溜，而且調味剛好，確是不錯。韓牛燒烤最近潮興食韓牛，好多韓燒餐廳都紛紛推出韓牛套餐🐮拼盤有西冷、安格斯牛小排、安格斯肉眼，份量足夠二人分享，記住只需輕輕燒一燒兩邊就得，呢啲靚牛如果燒到全熟就有點兒浪費，medium就正正子啦😍韓牛脂肪分佈一流，牛味濃郁，油香十足，肉質鮮嫩多汁，真係令人一試難忘！燜牛肋骨以鍋上，下面放著小火座熱，牛肋骨份量挺多，配上蘿蔔及紅棗，牛肋骨肉質鬆化，味道濃香惹味，醬汁伴飯一流。泡菜炒飯再來一客泡菜炒飯，味道微辣香口，非常滿足！甜品甜米露最後喝一杯滋潤的甜米露作終結，肚皮感到開心滿意。

中環呢間木槿花韓牛專門店格調都幾雅致，閒逛蘇豪正想找這種餐廳晚飯，套餐選擇頗多，這晩㸃了特級韓牛牛肋骨燒烤二人套餐 $758小食有泡菜鹹魚仔 同埋海帶海帶比較突出又滑又冧餐湯韓牛⻣雪濃湯用牛骨淆製好長時間變成奶白色、好香濃嘅湯；同埋有幾片薄牛肉，仲有一少撮好滑既麵線喺入面呢。秘製醬汁沙律菜沙律菜新鮮爽甜，上面有看似泡菜的醬汁，但味道卻一㸃也不會辣。法國手工啤有優惠現在特價40蚊支，咁抵飲即時叫齊两支試下，右邊較淺色的 Cognac Barrel 有花香味。左邊較深色的有少少咖啡味，兩種都好啱我。飲開有隱，唔争在試埋日本手工啤 Ale Sansho呢支山椒味道有D似 wasabi，幾清新。韓牛他他待應將生雞蛋同已調味的後腰牛肉同韓國啤梨撈均， 嫩滑的牛肉有彈性，撈埋啤梨絲食真是好甜好鮮。特級鮮韓牛牛肋骨待應將沿骨片出來的牛肉剪開一片片，然後燒好後分给我們，可以直接吃或夾啲生菜蒜頭辣椒同埋面豉醬，加少少鹽，不要太多因為牛肉本身已經有醬汁芝麻葱花調味，很香口。 西班牙黑毛豬五花腩待應燒完牛肉後先換過新的鑉再替我們煎五花腩，即時油香四溢，送啤酒更覺口。水冷麵有蘿蔔絲同雞蛋，麵質非常彈牙，湯就有

今晚同朋友去咗中環的韓國燒牛肉專門店食韓國餐。環境高尚，有兩層坐位的，仲有專人幫食客燒牛肉。每枱都有一個獨立抽油煙機， 食客唔會食到一身燒烤味。小食有醃製過韓國泡菜與海帶，仲有魚仔乾。沙律~特製嘅沙律醬帶少少辣味非常之開胃，配上生菜及蕃茄仔。雪濃湯~是用牛骨及牛肉，經過長時間慢慢煮到奶白色，把牛精華融化在湯裡，加上幾片牛飲肉，蔥花及麵線，清甜，仲有大量鈣質。韓式他他~ 是牛腰部分肉，切成條形， 肉質鮮嫩又帶甜味， 與韓國水晶梨切成細條絲，黑白芝麻及雞黃，再撈勻，口感 滑溜。烤特級鮮韓牛牛肋骨~肉紋明細，加些芝麻及蔥花，因為牛肉新鮮，只需輕輕燒烤一下就可以食，口感嫩滑， 牛味濃厚。我就鍾意用生菜包住牛肉，配上蒜片，辣椒片及少少辣醬，包成一嚿放入口中食。西班牙黑毛豬五花腩~ 感覺脂肪比與肉的比例平均， 以為食落會好油膩， 但當燒烤完把油分逼出嚟之後，口感香嫩而不油膩， 配上生菜，蒜片，辣椒片。“正”水冷麵~ 配料有蘿蔔片，青瓜片，雞蛋片，牛肉片配上爽口彈牙麵， 而最特別係個湯帶少少酸味令人特別開胃。因為佢地餐廳每星期都會從韓國空運一隻牛到香港，所以餐廳是韓牛專門店，而餐廳會用盡牛的所有部位

最近都無乜食韓國野，見到依間木槿花韓牛專門店就走去試試先。一到步就見間餐廳裝潢好幾光猛整潔，望入去以為係一間高級西餐廳添。依次我同朋友就簡左二人套餐，有好多款野食就一個價$688包晒，鍾意食韓牛既朋友仔又有多個選擇。絕對飽肚！！先講講個湯先，我簡左章魚湯，幾清新，湯入面有成粒章魚仔肉。之後泥個沙律，清一清口腔準備之後既作戰。頭盤就係牛肉他他(生拌韓牛)即係張啲生韓牛同蛋拌埋一齊，食落個口感好似食緊生魷魚甘，一樣甘有嚼口，但係就多左牛味，第一次嘗試，感覺幾好。跟住就開始燒韓牛喇，有三款，係由廚師安排既甘我地當日就食左後腿底板肉同肉眼仲有半白肉，一開始食後腿底板肉，有少量油脂，食落吾會好乾身。肉眼就比較牛味重啲，啖啖肉，零油感。燒半白肉就好似食肥牛甘，半肉半脂肪，燒泥食同打邊爐食既係完全吾同，都係一個吾錯既嘗試，仲有食依個半白肉最好配住生菜甘食，吾會太油之餘又食到韓牛既香味。炆牛肋骨有啲蘿蔔蔬菜一齊炆，食落帶有啲甜味，食得出有用蜜棗去炆，既甜甜地又易嚼，吾會難咬。食左甘多野喇，但未完架，仲有每人一個飯，我就簡左珍珠白飯配韓牛牛腩片味道帶有微辣，有兩片仔辣椒係面頭，牛腩醬汁好濃好夠味，好適合

呢間位置中環的韓牛專門店，以高級韓牛作賣點，除基本散點韓燒肉類跟小食外，都有多去款套餐選擇入到餐廳以為好細少，原來往下走過長樓梯地牢也有一層先要了枝燒酒爽下 $78今日同友人點了個二人奪餐 $688侍應先奉上基本開胃前菜泡菜，芽菜跟小魚乾再來是特選沙律，蔬菜非常新鮮爽脆，加少少酸甜汁胃口更開生拌韓牛緊接上場，生牛上有隻雞蛋作撈勻食本身肉質很細滑，食落口感有點似吞拿魚魚生，牛味一流，旁邊有爽甜青瓜跟雪梨作伴三款韓牛分別是牛味濃郁的坂府肉、有點爽口牛脂重的半白肉及較有咬口又濃厚嘅牛肉眼過程會由侍應代勞燒，用生菜包住再放蒜片已非常美味湯可選章魚或牛骨，章魚湯入口清澈帶一點鮮味奶白的牛骨清湯就有一點牛味肉香最後有泡菜炒飯跟珍珠白飯配擊韓牛牛腩片，唔洗驚唔夠飽泡菜炒飯香辣惹味，而牛腩片炆得嫩腍入味燜牛肋骨有多款配料一齊燜，肉香味濃，肉質結實但又帶一點筋的膠口，好正喔甜品係甜米露，清甜潤喉，食完韓燒飲感覺好舒服

有三個月沒有和好友相聚, 所以就揀了一間新開的韓牛專門店吃晚餐.每人也有一份餐前小食, 一碟有三款, 分別是魚乾仔, 醃茄子及泡菜. 泡菜不算太辛辣, , 令人容易入口, 醃茄子也味道討好.這個套餐中的沙律, 絕不求祈. 綠色沙律菜新鮮又爽脆, 配黑芝麻醬也不錯哩.牛骨清湯呈奶白色, 湯質未算濃稠, 但其牛味甚是強烈, 令我對這餐韓牛更加期待.好友不好生牛肉, 所以揀了熟的韓牛蔬菜卷. 以蔬菜夾雜住牛肉一併吃, 多點菜, 更感健康哩.主角來了, 就是三款韓牛燒烤, 有半白肉, 後腿底板肉和後腰肉, 另有雞脾菇和南瓜片作伴. 有蔬菜提供, 用來包著肉類吃.侍應會幫你烤肉類, 不用操心.三款肉也都牛味濃郁的, 半白肉的脂肪較多, 吃著頗油膩, 滿咀是油. 後腿底板肉和後腰肉的油花分佈也很平均, 但前者有嚼勁, 肉質緊緻, 後者就質地軟嫩, 肉汁較多, 油潤豐腴.燜牛肋骨內竟然會有紅棗, 白蘿蔔及紅蘿蔔, 頗豐富哩. 燜牛肋骨已燜得軟腍, 把香甜的蘿蔔一併放進口中, 油膩感即時降低了不少哩.最後有珍珠白飯配韓牛牛腩片. 老實說, 牛腩片只有數塊, 實在不足夠來送飯. 不過, 牛腩片的確軟腍可

食肉獸表示收到風有韓牛專門店好興奮，就衝去食了！平時係某燒肉店都有見過下韓牛出沒，但好似就無乜去過一間係專食韓牛既餐廳。今次都帶點小期待，就係係中環同上環既中間，Soho區附近，都吾算太難搵。去到就發現係分左兩層的，個feel都幾整齊乾淨，一睇都吾覺係一間燒肉店，直至抽風筒拉底同開左爐先有啲感覺。我地揀左二人套餐，入面都包左好多野，湯、沙律、頭盤、三款韓牛、飯、燜牛肋骨、甜品，都只係$688兩人。飽肚又可以食到韓牛，一舉二得！湯我揀左招牌既雪濃湯，好濃牛味既清湯！薄薄既牛肉片都幾腍，牛味係口腔散發出泥。仲配沙律，開一開胃。之後就上生拌韓牛，即是牛肉他他。同蛋拌埋一齊，再加入梨片。生牛肉食落既口感其實幾似魷魚個種有少少嚼口既感覺，都不錯。之後就開始燒韓牛啦，三款韓牛！分別係後腿底板肉、肉眼、半白肉。由左燒到右邊，先食後腿底板肉，油脂係其中最多既，所以食落就比較腍身！肉眼既肉實一啲，牛香重啲！仲可以配生菜，清新一點！之後就燒半白肉，感覺好似火鍋食個種牛白肉既概念，一半係脂肪一半係牛肉。薄薄一片，燒到脂肪部分乾身變得爽口，有咬口！之後就係熱食—燜牛肋骨，偷邊仲有啲蘿蔔蔬菜甘，燜到好腍好入味！

食完一次之後, 與友人都覺得不會再光顧。食品方面:我與友人點了2人套餐。食店主打韓牛的確係肉質新鮮, 肉味亦好好; 而要食到呢個感覺就主打食法係原汁原味既燒烤方法。可惜, 除燒肉外, 其他料理既味道都不大吸引。雪濃湯太鹹, 韓牛卷有點太乾,最期待既炆牛肋骨係未入味既, 連紅蘿蔔都仲未出味.........令人太失望。還有, 飲馬格利酒(막걸리)係有裝係一個小茶煲入面, 但就俾左飲燒酒用既小杯.........呢啲跟一半唔跟一半既狀況.....甚為古怪。。總括唎講, 係香港既韓國料理有太多更專業既選擇,  而呢間店, 佢令我覺得自己係外國唐人街入面既食店食野既感覺(人有我有食物味道不精不夠專業, 賣酒水多過食物)............我係香港我做咩要去唐人街食野先!!!