村爺爺龍蝦湯.泡飯.燉湯專家

營業中

休息中

收藏了村爺爺好一段時間，這天去完尖沙咀辦事，時間尚早，伴侶便帶我來一起吃晚餐。即使6pm來到，都要等位三數分鐘才能入座。既然村爺爺是龍蝦湯泡飯專家，就點一碗花膠龍躉螺片雞海鮮龍蝦湯泡飯，是生滾龍蝦湯泡飯類別之中最貴的一款！雖說是泡飯，白飯實際是另上，可按個人喜好有不同吃法，也不怕飯泡得太長時間！用料充足，真的有齊花膠、龍躉、螺片、雞件、半邊龍蝦，海鮮還包括魷魚圈、蜆及青口等等。雖然海鮮配料足，卻又不覺得湯的味道寧舍鮮甜，沒有想像中的好吃。另一碗是魚腩豬膶什菌泡飯，有3款湯底可選，而我選了蟲草花螺頭雞湯。魚腩嫩滑無骨又啖啖肉，豬膶則過熟了一點。湯底算是可以，夠味又不會過鹹。豬求其，亦即豬雜，白灼豬雜無羶味，有粉腸、豬膶、豬肚、豬心等，蘸些辣汁比較好吃。嗅覺也許影響味覺，獲安排坐的座位靠近門口位，但一直都聞到陣霉噏味，不確定是店內的氣味或是鄰座食客的氣味，總覺得稍稍影響了用餐。

以抵食龍蝦湯車仔麵及泡飯而聞名的「村爺爺」於油麻地開業以來一直大受歡迎，我自己都到店潮聖過幾次，幾乎每次去都要排隊今日經過油麻地又去回味一番==========🔹鵝腸皇拼黑毛豬 $68鵝腸粗而長，煮得爽脆黑毛豬肥瘦層次分明，充滿肉香蘸上特製辣椒豉油非常美味==========🔹花膠•《龍躉》螺片海鮮龍蝦湯泡飯 $108原隻龍蝦頭賣相得體，打卡一流，份量充足龍躉大片厚肉帶鮮味，連住充滿骨膠原的爽彈魚皮配以長長的細滑花膠、大隻鮮味青口、量多的蜆肉、爽鮮的魷魚圈、細嫩螺頭及大量嫩滑雞肉龍蝦湯鮮甜不膩，非常下飯==========🔹鮑魚花膠蟲草花雞煲翅 $128半隻黃油雞配魚翅、鮑魚、螺頭、蟲草花、元貝仔、元肉及杞子等材料貼心的提供刀叉及即棄手套，方便進食雞肉緊實帶淡淡雞味、魚翅一梳梳爽滑彈牙又無腥味、鮑魚彈牙、元肉清甜又滋補、雞湯夠鮮甜充滿油香==========🔹熱情果梳打 $48 (跟餐$16)配以樽裝雪碧，飲落清新輕甜，非常解渴==========🔹即磨日本炭燒咖啡 $38 (跟餐$6)熱度高，咖啡香濃郁

再訪高質泡飯專門店，超飽肚又好味，回味無窮😆 環境乾淨企理，食物選擇豐富，價錢好親民，質素很不錯，絕對會回訪😆 餐廳每晚都好多人排隊，好受街坊歡迎，想食就要早啲去喇🙆🏻‍♀️今次二人點了一款冷盤、兩份主食、兩杯飲品，十分飽肚！💟鵝腸皇拼黑毛豬 配秘製豉油有驚喜冷盤！爽口鵝腸好大條，黑毛豬軟腍 有口咬，配上自家製醬汁一流😍👍🏻💟極上龍蝦湯泡飯 配絲苗白飯大大隻龍蝦頭，好正呀😆 滿滿的一大碗海鮮，有青口、元貝、扇貝、魷魚等等，非常足料👍🏻 湯底鮮味十足，配飯食一流！底部有好多生菜 吸收晒湯汁，好味又健康🤤💟花膠《龍躉》雞煲翅 配絲苗白飯、蠔油生菜、秘製豉油濃郁雞湯滋潤清甜 不會油膩，半隻雞份量十足，雞肉同龍躉都好滑嫩，配上花膠、龍眼肉、元貝、杞子等食材，十分豐富又滋補🥰 雞肉配上秘製豉油好好味，鹹香微辣！💟熱情果梳打💟菠蘿梳打飲品超大杯，好味好抵飲

之次經過大排長龍 難得經過見到條隊好似唔係咁長已經係late lunch 一於等下啦 等左大約10分鐘就有枱喇一入門口就已經聞到好香好香既雞湯味!!安排好座位後 其實環境係有少少迫既 但總算乾乾淨淨一黎到見到個海鮮山 真係好誇張 好多超級足料 個湯又好濃 花膠雞 超級香 好味 不過花膠唔係話好厚身 但個湯真係very good!!如果唔使排隊既話我一次會再黎!!!

常常經過這裡都看到龍蝦湯很吸引，這天上班的地方剛好在附近，就決定去吃一頓元氣滿滿的午餐🤭🔹花膠·《龍躉》螺片海鮮龍蝦湯泡飯這裡海鮮組合頗多，我點了人氣的龍蝦湯泡飯，份量真的很大，超大隻龍蝦搭配多款海鮮，湯底非常鮮甜，光是材料已經很夠飽了😆 加了飯去泡後，飯粒吸盡龍蝦的鹹鮮味，很滿足很豐富，必需說裡面的花膠很有咬口，不會太黏，一定要吃😆🔹鮑魚花膠蟲草花雞煲翅午餐吃這個其實真的太豪華，掀開蓋子已經聞到濃郁的湯味，從賣相已經看到它很足料，特別是滿滿的花膠和蟲草，鮑魚煮得夠腍，相對龍蝦湯它是比較濃的，我覺得不加飯都很夠喔。🔹爺爺三寶三寶份量也是很大，我最喜歡手製魚腐，微微的脆邊咬下去有適當的鹹香，和泡飯很搭配，雞翼很大件南乳味都很鮮明～～🔹熱情果梳打 菠蘿梳打梳打和果肉是分開上的，這很加分，而且味道不會太artificial，很解渴又夠大杯，性價比高

有冇試過食地道有奢侈嘅龍蝦湯泡飯？佐敦依間村爺爺一向都好出名，出名在於超正嘅湯底！店舖雖然面積唔大，但係大約7:00已經開始大排長龍，證明呢間係有幾吸引！頭先當然要食佢勁出名嘅龍蝦湯泡飯！佢都有幾個唔同嘅選擇，我哋今次揀咗龍躉、配上青口、蜆肉等等嘅配料，仲有大睇過龍蝦頭，影相一流，泡飯食亦都好好食！第一個一定係鮑魚雞湯螺片，雞湯超濃郁！真係好似屋企煲嘅住家靚湯！我自己就最鍾意食呢一款，感覺都好滋補！另外都唔少得啲小食，最鍾意係鵝腸配合黑毛豬肉，好爽口，配埋佢啲特色醬都一流！以佢啲飲品真係好大杯！單點我建議你點一杯都夠！成支雪碧俾你放入去，菠蘿同埋熱情果口味，我就比較推薦熱情果！好Fresh!成餐滋補嘅套餐，都只係$350鬆啲！真心講真係好抵！

第一次頂唔順到要打食評，呢間野真係痴線，環境又迫又臭，店員仲衰，態度勁差！對眼長期反到去後腦，我叫左個肥牛咸蛋龍蝦湯泡飯，個湯底完全無龍蝦味，啲肥牛（un)到卡住係喉嚨呑唔到落肚既，幾樣野加埋一齊成碗嘔吐物咁! 好那癲，不知所謂，成班打好評既一係打手一係垃圾口！講完

第一次跟朋友嚟依度食湯飯，整體感覺好好，絕對要encore ！12點前嚟到，仲有位，如果晏少少，都幾多人，可能要等一陣間餐牌係有少少令人眼花撩亂，但認真啲睇，佢哋嘅食物，全部都好吸引！價錢都係！啲材料好多，但價錢好經濟夏日炎炎，叫返杯梳打，飲品比較快上枱一見到，已經O晒嘴，超巨型！百香果梳打，果味突出，又唔會太過甜，就算啲冰溶得7788 ，又不至於令到杯嘢冇味，自己落雪碧，就可以控制得更加好👍🏼👍🏼小食：鵝腸皇配黑毛豬朋友大推嘅小食，冇介紹錯👍🏼黑毛豬肥肉唔算多，口感好爽同鵝腸放埋一齊，就好似鬥爽口咁😄😄鵝腸好乾淨，冇乜脂肪，未點醬汁好似都有少少調味，幾好食😊😊花膠．龍躉螺片海鮮龍蝦湯泡飯個名真係要咁長，先至可以將啲重點寫晒出嚟！花膠柔軟、入味龍躉大大件，夠新鮮，肉好甜🥲螺片，好厚！越食越感動除咗以上嘅主角，個湯飯仲有好多蜆肉、青口、魷魚等等，又有啲生菜、翠玉瓜，令到個湯好鮮甜，成件事好健康，好豐富朋友就揀咗依個鮑魚花膠蟲草花雞煲翅話要俾我見識吓😂😂陣容真係好鼎盛！真係有翅！花膠、螺片、蟲草花用料好足！咁食法，真係夠晒滋補🫶🏼🫶🏼又好睇，又好食，難怪咁受歡迎，晏少少嚟都真係要排隊等位！

喺附近上完堂揾地方食晏~第一時間就諗起佢！食過好多次，但都係會想再幫襯~🔹南乳雞翼蟲草花螺片雞湯米🔹 個人強烈推介！分量好足！有5隻雞翼嫁！好好味，淡淡南乳味，好juicy嘅雞翼！碗麵係有蟲草花，螺片同雞肉食，唔係得個湯~個湯當然係真材實料啦，唔係味精湯~另外一個出色位係有好多菜，所以成碗米粉好豐富，食完好滿足~通常食完碗麵，飲左大半碗湯都會想飲返杯凍野，不過杯凍檸茶就澀啲，唔算好飲~次次入親去見到老闆都好精力幹勁，好好招呼！鋪位唔算大，但都乾淨企理，唔會太迫，所以我自己一個女仔都會去食~

平日7點零去到，都排左15分鐘隊先入到去坐低。座位偏密，但係佢地都好用心係枱同枱之間配上小木椅，分便客人擺放隨身物品，夠晒貼心。自製魚腐拼越式春卷魚腐放入口就知道係好野，有好濃的魚肉味及咬口感。春卷唔會話油淋淋，微暖享用就岩晒花膠.龍躉 螺片海鮮龍蝦湯泡飯泡飯最重要係湯底，第一次用龍蝦湯底去食湯飯，直頭將個湯底再昇華多一級。除左個湯底好香外，D料都好充足，花膠數件、龍躉大大塊、海鮮有青口、魷魚圈及蜆等等，送飯 perfect!鮑魚花膠虫草雞煲翅泡飯成隻雞浸住，真材實料 (隻雞都算滑) 不在話下，仲可以有原隻鮑魚同翅食，一次達成3個願望。熱情果梳打及菠蘿梳打大大杯，樽裝梳打水另上，份量比一般餐廳多，一定夠飲門口都貼左好多明星來過的合照，果然係性價比高的人氣餐廳食完出黎8點幾都仲係咁多人🙈🙈

路過主打龍蝦湯.泡飯.燉湯專家的「村爺爺」，看見不少顧客等候入座，也吸引我們嘗味。先來村爺爺三寶小食：頂級蠔油冬菇、南乳炒雞翼和手製魚腐。冬菇厚肉爽滑，用蠔油炆是絶配！脆炸南乳炒雞翼香氣四溢，手製魚腐味鮮可口。小食吸引又遇上肚餓，掛住先嘗為快，忘記打卡分享添！鮑魚‧花膠‧蟲草花‧雞煲翅配絲苗白飯~雞肉很嫩滑，還有鮑魚、花膠、蟲草花、薑片、瑤柱、杞子和龍眼肉，用料非常豐富，濃郁香醇又滋潤的雞湯，沒有味精口感，吃得很有滿足感。花膠‧龍躉‧螺片‧雞‧海鮮‧龍蝦湯配米線~多件的無骨滑雞肉，配合多款鮮甜海鮮如：魷魚圈、蜆肉、青口及肥厚螺片等等....花膠與米線掛起濃郁鮮味的龍蝦湯吃，十分美味，還有我的至愛，大大件的龍躉，肉味鮮甜，肉質不粗糙，有Q彈口感的魚表皮，膠質豐富，百吃不厭呢！兩款湯飯麵份量超級多，連熱情果梳打&石榴梳打都是份量超級大，好吃又抵食，絶對是性價比高的滋補養生湯品飯麵！

勁耐之前已經聽過「村爺爺」 呢個名，完全係因為俾佢啲海鮮吸引住😍 全部睇相都貌似好抵食，大大件好足料咁，價錢又唔貴～ 當然要會會佢啦😋 估唔到真係無令人失望呀👍🏻極上海鮮龍蝦湯泡飯 💰68海鮮數量真係一啲都唔會孤寒，有帆立貝、墨魚仔、魷魚圈、蜆肉...... 完全做到啖啖飯配啖啖肉，可以稱得上為 十·分·足·料 😋 呢個飯有有種食法嘅～ 當餸食或者湯飯咁食都等～ 而剩係飲湯會較為濃味，將飯倒落湯到做泡飯，對我嚟講就唔濃唔淡啱啱好啦♥️

當日傍晚🌆男友提議到呢間佢想去已久既餐廳試試～傍晚時間撞正收工時間，要等候大概15分鐘左右❣️極上海鮮龍蝦湯泡飯大大龍蝦🦞頭裝飾好吸精；份量滿滿，湯頭頗鮮甜，配料有不同海鮮、青口、魷魚圈、蜆肉、帶子味道不算有驚喜，吃得有滿滿飽肚感❣️雞干貝竹笙龍蝦湯泡飯 轉米線呢個份量係驚人😦就黎滿瀉一個小鳥胃既女仔係絕對可以分2餐食米線煮至軟滑；湯頭有菜的鮮甜味道配料有雞肉、翠玉瓜、竹笙和干貝都是滿滿的，十分足料雞肉質地滑身、翠玉瓜不會過淋、竹笙大小剛好、干貝亦不會過硬整體味道不過不失❣️蜜桃冰茶大大杯冰茶，好解渴，淡淡🍑味，不會過甜💠💠💠💠💠💠💠💠💠💠💠💠💠💠💠💠💠💠💠總括，對呢間餐廳吃後感係食物質素味道未到滿分或令人有印象深刻，但食物份量真係取勝、餐廳沒有加一，性價比亦高🎖️

.上星期同老公去油麻地食村爺爺~呢間出晒名就係湯底足料而且份量夠晒多我地叫左爺爺三寶 極上海鮮龍蝦湯泡飯同鮑魚花膠蟲草花雞煲翅🍲爺爺三寶分別係頂級蠔油冬菇 南乳炸雞翼 手製魚腐雞翼炸得香脆 雞肉嫩滑 冬菇都煮得好腍身入味手製魚腐食落係豆卜咁 但入面有魚肉 好特別我鍾意再浸落湯度先一齊食😋吸左湯汁更正.極上海鮮龍蝦湯泡飯有好多海鮮 魷魚 蜆 帆立貝 青口為主 龍蝦湯好香濃 另外有埋龍蝦蝦頭係度😂打卡一流 泡飯加落個湯度食好出色☺️鮮甜又濃厚 就算飲埋湯都唔會好口渴～.老公就叫左鮑魚花膠蟲草花雞煲翅嘩 一黎到已經勁吸睛 個湯係金黃色架🥹仲有半隻雞係度 上面佈滿花膠 蟲草花 面頭仲有隻彈牙既鮑魚🤤呢個湯係我更愛！正到飛起！正宗既雞湯 花膠好腍 香濃到爆啊～仲附有手套可以撕果半隻雞黎食😝好滑啊啲雞肉🍗.最後緊係唔少得飲返杯梳打 夏日炎炎必備之選🩵

村爺爺開左咁耐我諗好多人都知佢好抵食，抵佢到而家仲係keep到高人氣今日去食見到老細都係度，服務好好，都有心去推介食物，做左咁樣團火都keep到好難得石榴梳打、熱情果梳打天時暑熱，唔飲番杯凍飲都唔掂，一上檯係大大杯果汁，另外自己再增添雪碧落去飲，解暑一流爺爺三寶（$45）有冬菇、炸雞翼同魚腐，全部大大件，冬菇炆得幾入味花膠龍躉螺片雞海鮮泡飯（$108）十分十分足料，一上檯見到個龍蝦頭岩曬打卡，全部材料大大件，有唔少雞件同海鮮，有新鮮蜆、青口、魷魚，咁多料所以個湯好甜，咁大碗一個人真係食唔曬鮑魚花膠蟲草花魚頭湯（$88）加左$15轉套餐，多一碗白飯同一碟菜，同樣好足料，金黃色既湯魚味好濃，記得魚湯要趁熱飲曬呀，$100都唔洗真係太抵食