東京築地拉麵 (已結業)

這間掛著紅燈籠的東京築地食堂吸引了我和男友，今晚就想試試這裡的拉麵及沾麵！餐廳裝修簡潔，充滿著日式的裝修，光猛整齊。我們點了2款麵，一份小食和2杯飲品試試~！魚介沾麵裡面有竹筍、紫菜、唐心蛋半隻、炸腩肉2件…等，沾麵的魚介湯底另上。竹筍有2件，較嫩。溏心蛋那橙紅的顏色，份外的搶眼，流心的蛋黃，口感香濃軟滑。腩肉炸得外表金黃，切得夠厚，稍嫌肥少少，入口腍中帶油香。魚介湯底原來是用鮮魚熬出來的湯底，非常濃郁。沾面口感特別的厚身煙韌，乾身的面條，沾上魚介濃湯，有口感又美味。黃金濃厚豚骨湯叉燒拉麵，裡面有2件叉燒、木耳絲、溏心蛋半隻及面上洒上少少白芝麻…。叉燒切得較大件，啖啖肉，油脂超級香口，入口即溶。黃金濃厚豚骨湯，湯底也是很濃郁，面條相對沾面稍為腍身少少，但也是口感帶煙軔，配著濃湯一口麵一口湯，好滿足啊~~青綠的海鹽枝豆，腍中帶點爽，非常香豆味，一邊傾計一邊用手Chill住食，食得非常開心呢~~飲品方面我們點了和歌山紀洲梅子梳打冰和蘆薈提子梳打冰，和歌山紀州梅子皮薄，肉厚核小，柔軟多汁，冰冰涼涼，酸酸甜甜，夏天喝一流啊~~蘆薈提子梳打冰同樣好清新，蘆薈為飲品增加不少口感，好正呢~~！⬖★店

星期六外出到旺角辦事遇上大雨，於是到雅蘭中心地庫的東京築地拉麵吃午餐，入店先要量體溫，枱與枱之間有膠片分隔。週末午市定食有6個選擇，供應時間由11:30-5:00，分別有沾麵及湯拉麵選擇，我點了赤神濃厚豚骨湯叉燒拉麵，及追加餃子，赤神拉麵也很辣，拉麵有一片紫菜、半隻糖心蛋及叉燒，叉燒肥糕十分多，大約一半要咬出來，麵的軟硬度適中，糖心蛋入味。餃子一客有五隻，香脆多汁好味。店內座位舒適，店員服務有禮。

一年前食過一次，覺得幾好食，琴日再去食發現質素差左，叫左一碗牛肉飯$60，但牛肉好乾，冇汁，一般般，另外叫左一碗魚介沾麵$90，料就好足，有兩大舊五花腩，魚介汁都好香，鹹左少少，同埋太結，似魚介醬多d，成餐都偏貴，性價比一般，應該唔會再食。

朋友相約食飯，俾咗個地址我，以為係雅蘭中心落去地庫，點知搵嚟搵去都搵唔到，問保安先知原來要喺山東街嗰邊入口落去。近來啲食肆都靜英英，今晚都唔例外，不過反而可以慢慢坐慢慢傾幾好。望吓餐牌，比呢個「爐端厚燒鰻魚丼」（ $78 ）吸引咗，佢寫住特厚同埋即燒，好想食呢！用一個靚靚嘅便當盒載住，條鰻魚果然夠厚夠大，肉質唔錯，仲好鍾意佢啲鰻魚汁添！面頭有芝麻，個底有好多蛋絲，不錯不錯！朋友就叫咗一個「味自慢叉燒拉麵」（ $64 ），我本身唔明乜嘢叫「味自慢」，而家就明白原來係日文裏面意思係「為味道而驕傲」，朋友話呢個拉麵味道來講都係唔錯嘅，麵質和湯底都好滿意，不過得兩舊五花腩就少咗啲。我哋都share叫咗醬油雞翼， $38有六支單骨，醬油味都幾重，但唔係豉油反而係甜甜地嘅味道，雞翼就炸過的。想慢慢傾偈當然要叫多兩杯飲品啦，我試咗「和歌山紀洲梅子梳打冰」（ $24 ），真係有粒梅喺面頭，好靚㗎，味道就酸酸甜甜，好似真係飲緊話梅味咁囉。朋友嗰杯蘆薈提子梳打冰似乎都唔錯呢！

好耐無出旺角，今日出嚟食餐便飯順便行吓，呢間東京築地拉麵喺地牢下面，食物款式唔算好多，專注做好幾款。叫了「濃厚雞白湯拉麵」（$83），我理解佢係話用12個鐘來淆湯，第一時間當然試吓個湯底，又真係幾濃味，唔錯！幾件雞肉都幾滑，拉麵質感剛好，仲有溏心蛋和紫菜添！另外朋友點了「日式滑蛋吉列豬扒丼」（$56），滑蛋同豬扒份量都幾多喎，我試咗舊豬扒，厚身得黎又鬆軟，只是吉列層俾啲汁整淋左。我哋亦叫咗個日式煎餃子（$38 /5隻），菜肉餡，表面都煎得香脆。日本柚子冰和蘆薈提子梳打冰（$24）都幾大杯，記得搞勻飲，喜歡後者有蘆薈粒粒有咬口。

旺角有間餐廳，價錢都幾抵，環境各樣都唔錯，就去試吓佢。佢係喺雅蘭中心地庫，記得唔係喺正門入，係喺側邊啲門口入。味自慢叉燒拉麵叉燒都幾大件，比較抵食，而且裏面嘅拉麵份量都非常豐富，大胃王都唔怕唔夠飽！爐端厚燒鰻魚丼出面買鰻魚都好貴啦，但係呢個鰻魚飯今晚遇到size十足，很有甜香，表皮燒得夠香，而且裏面嘅飯係用咗日本米，粒粒非常之圓潤。日本煎餃子都不錯，表面金黃口感香脆，仲有醬汁可以選擇，咁就夠晒飽肚！特色飲品都有多款選擇，都幾特別，例如入面有d梅，很有日本感覺

許久無和姐姐一起出街，我倆起碼半年沒吃過拉麵🍜在雅蘭中心，發現一家拉麵店，大家懷著試一試的心態去光顧。黃金濃厚豚骨湯叉燒拉麵67湯底好濃郁，一口喝下豚肉激發的芬芳。再喝一口，有肥美的油脂，點到即止，口味也不太膩。叉燒質感鬆軟，不用費力就輕易咀嚼。面條絕不糊口，煙煙韌韌，一口濃湯一口面，或用湯浸著拉面來吃亦美味。魚介沾面88姐說今次是第一次吃沾面，平時她很怕太重口味的菜餚。我給了她勇氣，她說是幾好的新嘗試，因為不如她想像般濃縮偏咸，反而掛上豚粒魚湯汁的精華。石鍋上枱好有氣勢，能在冷氣中溫度得到保持。面質有彈性，掛上的湯頭滲有陣陣半肥瘦的鮮香，汁醬份量剛好夠沾所有的拉麵。炙燒得美美的厚切五花肉，脂肪部份入口會化開，秘製汁令肉ok入味，不實淨。配菜也不俗，荀嫩爽口，完全沒有渣。木耳脆身，蔥辣不過火，具少少甜。海鹽枝豆24枝豆嫩，是日本人送酒的好伙伴。味道清，只用鹽調味，卻能嚐出豆天然原味，質地粉粉的，毫無草青。蘆薈提子梳打冰24平時都愛飲巨峰梳打，但有點略甜。這兒的就恰好，而且加入蘆薈粒中和，有咀嚼感又清甜。和歌山紀洲梅子梳打冰24顏色漂亮，橙橙的，冰用碎冰，拌匀喝有清晰的梅子味，層次分明，

成日途經旺角都唔知雅蘭中心附近有間隱蔽日本拉麵店，今日竟然比我地發掘到。間餐廳要落樓先見到，唔係特登搵，應該好易miss左😂 當時仲係疫情期間，人流唔算多，坐得好闊落同衛生。我地見meun有沾麵價錢都唔貴，平時岀面食要成百幾蚊，呢度只係$8x。就一於一試櫻花蝦沾麵同雞白湯拉麵，一濃一清調和下！不過首先上左個小食胡麻菠菜，呢個正常日本餐廳必點前菜。到主食上菜，兩碗都好大碗，拉麵湯底有好濃郁雞既鮮味，配上有大大舊雞件，好好食。最令人期待既沾麵熱辣辣，啲麵成功每條都掛到濃濃湯汁，唔會過稀，做得好成功，仲有大大件肥美東坡肉咁，cp值超高，我地仲叫左兩杯梳打，梅子同柚子，酸酸甜甜好開胃！埋單都係300內，超抵食！

我想試好耐，因為價錢同Menu都好吸引。不過唔知係咪疫情關係，啲食物真係差……我呢個係滑蛋吉列豬扒飯，啲炸粉淋哂唔脆口。豬扒似係放左好耐好耐嘅肉，唔知係咪處理唔好所致。成碗飯俾我感覺好差……似乎某間日式快餐店整得仲好食，價錢仲平啲㖭。男朋友叫左碗叉燒拉麵，但啲叉燒細塊到呢，我見黎到時不禁哇左聲。碗麵冇影相冇真相，我呢碗飯同相片相差得太遠……我明白圖片只供參考，不過食物質素真係好低。另外叫左個餃子，三樣野裏面，餃子係最好食。係疫情關係嗎？樓面唔夠人手，一個人做3個人嘅野，落單、收貨同收銀，唔俾啲耐性唔得，因為佢真係好忙，未能好快招呼你。

近近地係朗豪坊附近～地點夠方便 除咗去朗豪坊都可以嚟呢間拉麵來講佢嘅選擇種類都算多 讕係健康嘅我梗係揀個青BB嘅湯底😆 佢個湯底用菠菜汁同埋魚湯熬製而成綠魅拉麵 $62不過雖然佢青BB 但其實個湯底都幾油膩 而且都冇Menu睇咁咁濃稠 佢配料嘅豬肉都好多肥豬😅 所以其實都唔係話特別健康如果糖心蛋做得幾好 係流心嘅個面嘅本體就正正常常 不過不失 以$62一碗拉麵來講算係ok 而份量都啱啱好 唔會太少亦都唔會太多 環境方面坐得幾舒服健康指數: ⭐️⭐️⭐️ (5分滿分)

今晚約咗朋友食飯，近近地就喺旺角一個極度方便嘅餐廳食日本拉麵，佢哋旺角地鐵站唔夠2分鐘路程，其實真係好方便大家，由其收工都已經7:00,講緊聽朝仲要返工.(生活迫人啊)好，講返啲嘢食先.濃口雞白湯拉麵講真，個湯底真係好濃厚，作為一個女仔，三片肉加埋拉麵其實份量啱啱好。但係我對面咪男士就可能未必夠飽~ 不過味道的確唔錯，拉麵有得叫佢調整軟硬度, 就返自己嘅口味. 個雞肉好滑， 不錯。日式滑蛋吉列豚肉丼肉類嘅份量呢個就真係多咗好多啦,不過吉列嘅部份呢可以再激烈啲! 即係脆多少少,我本人就鍾意食啲脆口啲嘅嘢! 份量都幾大份，醬汁比較少， 啱返我個朋友口味，佢最討厭就係啲汁浸住啲飯。 飲品方面，我哋叫咗兩杯梳打水, 其實我本身都想試吓提子梳打冰，不過佢個梅子冰有啲特別，喺其他地方都少見，所以我就試吓.我會話提子冰嘅口味係適合大眾, 特別係小朋友，嗰陣典型嘅提子味，其實真係好好味！梅子冰酸酸甜甜嘅嘢比較開胃~

東京築地拉麵位於雅蘭中心地庫，門口設於山東街。 餐廳做足防疫措施，入門口要先量體溫，亦提供洗手液，座位與座位之間亦裝有隔板，食客都可以食得放心。今晚一行2人叫左2個主食、1個小食同2杯特飲😆 味自慢煮叉燒拉麵🍜，有2大件慢煮角切叉燒，肥瘦適中相當入味，慢煮後應該仲有輕輕燒過，表面有少少輕焦加添香氣，幼身拉麵軟度正合我口味，掛湯力強👍🏻爐端厚燒鰻魚丼 🥇哩個鰻魚丼有成半條厚切鰻魚，食完真心勁滿足呀！而且鰻魚已經起左骨，唔會每一口都會要挑骨，爐燒鰻魚火喉十足，啖啖肉好滋味😋日式煎餃子 🥟一客5隻，皮薄煎得香脆，作為小食前菜就非常好👍🏻兩杯特飲甜度適中，梅子酸酸甜甜好開胃，可以一試。

今日嚟到位於旺角雅蘭中心地庫嘅東京築地拉麵落到地庫估唔到佢嘅裝修都幾靚同埋幾闊落即使加咗版隔開，都唔會覺得好逼夾枱同椅擺得好闊落同以往去開嘅拉麵店好唔同坐得好舒服呢間餐廳除咗拉麵之外，仲主打沾麵同丼飯價錢都非常之合理呢個味自慢叉燒拉麵湯底係豬骨濃湯除咗叉燒之外仲會有半邊糖心蛋叉燒大嚿得嘅驚人叉燒嘅肉同肥膏好似層層疊咁夾住食落口香油溶化另外叫咗個爐端厚燒鰻魚丼上菜嘅時候好靚咁用個蓋蓋好個飯一打開嘅時候就聞到浸浸嘅鰻魚香味鰻魚吸收晒鰻魚汁，相當入味用白飯配撘鰻魚加鰻魚汁入口好味日式煎餃子🥟賣相亦都唔錯仲保存左好多肉汁喺餃子入邊飲品就叫咗日式柚子冰同埋蘆薈提子梳打冰兩杯都唔會過甜同埋唔會有色素糖水味如果想坐得舒舒服服咁食餐飯呢度絕對係一個好嘅推介

去開旺角行街，晚餐想食日本野但又唔想食得太貴，所以今日就嚟咗呢間日式餐廳食飯。近排天氣實在太熱啦，就唔係好想食咁多熱辣辣嘅拉麵，好彩餐廳都有其他飯類選擇。入邊地方唔算大，但啲座位都幾寛敞，我哋一行兩人叫咗個純情豚肉生薑燒丼、築地大盛牛丼同埋個蒜味牛柳粒。-純情豚肉生薑燒丼唔知道個豚肉有幾純情啦😂原來係用咗岩手縣嘅純情豬，食落味道又真係唔錯喎，豚肉肥瘦適中，生薑味道幾入味，好食。-築地大盛牛丼牛肉片係和風嘅味道，配埋洋蔥一齊食，好襯。飯上嘅半熟蛋有流心嘅感覺，而且醬油味好入味。雖然都係大路嘢，但整體都不錯。-蒜味牛柳粒牛柳粒肉質軟稔，加上脆炸蒜粒同埋芝麻，層次豐富。-飲品方面，我哋點左蘆薈提子梳打冰同埋和歌山紀洲梅子梳打冰。提子梳打嘅漸變色好吸引，仲有粒粒果肉喺入邊，口感豐富。梅子梳打冰飲落好有梅味，上面仲有一粒梅子作點綴，賣相吸引。

好耐無食拉麵，所以今日同朋友去左旺角食！環境都唔錯，藍調裝修好令！佢除左有拉麵，仲有沾麵。於是我同朋友就一人叫一個拉麵同一個沾麵share。我地叫左黃金濃厚豚骨湯叉燒拉麵。佢流心蛋好正，個湯都幾濃郁，叉燒都好淋又唔係好多肥肉，而麵都幾彈牙！我地叫左個枝豆，其實都無話好唔好食，佢用d鹽醃點都ok！朋友叫左個蜂蜜綠茶，食d比較膩既野解滯一流！沾麵性價比超級高，有時食個沾麵都要100蚊以上但呢個魚介沾麵都只係88蚊。佢d湯超熱辣辣，睇相見到佢係好滾，所以用黎沾麵好正。我食左半個鍾d湯都仲幾暖（因為佢系用石頭鍋裝住d湯）。你見佢d叉燒好肥美，但完全唔係成舊肥肉，同埋好軟超級好食。佢d麵條同拉麵有d唔同，係大條d既，一樣好彈牙，唔會太軟或者太淋！