東門冰室 (已結業)

今天一早去紅磡某大酒店辦事，去東門冰室食早餐，剛進去便遇到一個老廋的侍應呀姐兇狠的眼神和惡劣的語氣，叫了早餐，有火腿通粉，牛油方飽加熱華田，38元，都算貴，因為是裝修頗残舊的街坊老店，食完通粉但方飽仍未到，見後到的客人點的三文治都到了，便問了問，自問都客氣，回答我的男性員工也正正常常地回答我，但呀姐又再用兇狠的眼神怒視我，之後出去水吧比錢，另一位男性服務員收錢時都很有禮貌地說多謝，不明白那位呀姐有什麼問題，食物味道幾好，火腿煎過幾香，但可惜也不會有下次

第一次在紅磡食咁難食又貴的早餐一般在紅磡早餐唔使$40呢間在曲街老字號要這價錢我要雙拼麵，阿姐話出前一丁要加$3，我話要番餐牌的公仔麵。阿姐話是福麵。我最憎食福麵。我話公仔麵就是公仔麵，唔係福麵。最後我要通粉。我講了兩次雙拼要雞翼和紅腸她同廚房講雞翼和忘記了。我唯有大聲提阿姐估唔到通粉湯底一啲唔好味。雞翼正常味。紅腸用蒜蓉醬撈過，是少少特別套餐一塊麵包，都叫飽肚

平時好少過嚟紅磡， 一朝早喺OpenRice度想搵間茶餐廳飲杯奶茶， 咁啱搵到呢間”東門冰室” ， 店入邊座位唔多 ，但勝在戶外戶外都有位，方便睇車或者呼吸🚬嘅朋友仔。 同埋店入邊可以寫紙字，啱晒冇安心出行嘅朋友。坐低就search一下呢度有咩好食😋 當然都有左望右望睇吓旁邊啲人食乜嘢， 發現之前推介嘅魚餅或者牛肉都唔錯， 雖然蛋牛麵只得散叫冇套餐，但都想試一試。 落完單之後，大約5分鐘左右就有得開餐啦， 蛋牛麵加送兩條生菜 🥬， 誠意十足，牛肉都算足料，同埋真係有醃過炒過，同一般早餐嘅沙爹牛麵完全兩回事。 奶茶方面我一向唔飲凍飲， 熱奶茶正正常常，正宗舊冰室奶茶☕️埋單之前冒着生命危險影咗張相😆 好在阿姐睇唔到 🙈🙈

之前老板娘因年事已高打算錯景但最近有新店主接手所以舊式茶餐得以保留繼續。知道餐廳要繼續營業即去試吓，奶茶及招牌墨魚餅牛肉麵都一樣咁好味，還有秘製雞翼都是不可不試的美食！

雖然喺尖東附近返工，但甚少去紅磡一帶搵嘢食，可能心底裏對於「大酒店」雲集嘅呢區，有一點點忌諱。早前《蘋果》報道，大酒店後面嘅曲街隱藏一間老牌冰室——「東門冰室」。餐廳雖屹立半世紀亦有口碑；但老闆娘年事已高，仔女唔願意接手，只好忍痛將冰室於明年關閉。向來有鋪「老牌茶記癮」嘅我，見到報道後，午餐立刻起程試一試。中午一點嚟到，門外排咗五至六人（唔知係咪見到報道嘅同路人呢 🙊）姐姐知道門外排隊嘅客人大多係時間緊迫嘅打工仔，先幫我哋落order，再叫廚房立刻着手準備。「炒牛鱆魚餅菜米，凍奶茶走甜啊，唔該！」我之前做咗 research，將出名嘅配料講出嚟。「阿妹～菜唔洗講都一定俾你，炒牛、鱆魚餅賣哂啦，不如食豬扒，豬扒都好食㗎～」姐姐回應。「豬扒太陽蛋米啊，唔該！」餐牌其實並無寫上咁樣嘅配搭，但呢類舊式茶記有材料嘅都可以為食客做出來，唔洗跟足餐牌咁死板。眼見其他食客亦視牆上餐牌如無物，自由配搭喜愛嘅配料、麵食。不過，其中共通點係「煎豬扒」，幾乎每位都點。餐廳保留六、七十年代港式冰室嘅裝修；格紋地磚、舊式大背脊電視機、掛牆日曆，帶著歲月嘅痕跡。喺開放式廚房內忙過不停嘅老婆婆，就係傳說中嘅老闆娘。=

早兩日見到有篇報道，話東門冰室好有能做到明年過年就會結業。都已經有一段時間冇嚟食，所以想喺佢結業之前嚟食多次回味一吓。冰室位於紅磡曲街，即係紅磡殯儀館後面嘅一條橫街。一轉入曲街就會見到一間傳統港式冰室，冇錯就係呢間啦。餐廳牆身地板依然係用緊七十年代嘅花紋瓷磚，加上一部舊式嘅數碼電視，成間冰室都充滿着一種懷舊嘅氣息。本來諗住叫佢嘅招牌章魚餅炒牛麵，可惜當日牛肉賣晒，於是老闆娘就推介章魚餅豬扒福麵。我就要多杯熱檸茶。個麵好快就有得食，豬扒醃得好入味，唔會話好硬，如果要形容個味道嘅話，就好似以前喺外婆屋企嘅嗰種味道，好有家嘅感覺。埋單$39，好平好抵食亦都好有滿足感。

聽說這店子在農曆新年後便結業，那襯此之前一於試試吧。懷舊的花紋瓷磚，舊式實木圓桌櫈，好六、七十年代的味道，亦聚了不少老街坊。揀了豬扒蛋三文治 、鱆魚餅紅腸伊麵及茶走；亞姐還關心的説：叫咁多嘢，一個人食唔食得晒㗎。豬扒蛋三文治～據聞豬扒由老闆娘親自醃製，用槌仔將豬扒揼至鬆軟，加入薑汁、蒜茸、胡椒粉、燒酒、雞蛋等，放在雪櫃裏醃過夜，時間特別長也更入味；客人落單後，老闆娘才將豬扒放在熱辣辣的鐵板上煎至金黃，外層微脆、肉質鬆化亦juicy，提一提，唔好咁猴擒；小心辣嘴呀。鱆魚餅紅腸伊麵～鱆魚餅中間加入一粒粒的鱆魚粒，也不錯，但就沒有想像中彈牙；紅腸以蒜蓉醬煎香，香脆得來亦惹味，伊麵就一般般啦。茶走～香滑、奶味偏濃，但茶味就比較淡。吃了這麼多也只是$62，經濟抵食得來食味也不錯，聽說這裡的雪菜肉絲也出色，要再搵時間試吓。東門冰室地址: 紅磡曲街16號福家大廈地舖電話: 23341285

話說琴晚係 社交平台見到個post，講一間喺紅磡曲街嘅懷舊港式冰室，經過幾十個年頭，因為七十幾歲嘅主理人退休，新年過後將會結業。雖然我從來冇黎過呢間東門冰室，不過為左唔想錯過人情味小店既心，lunch時間決定由尖東走到曲街一試。由於冰室2點就關門，我同同事一放lunch就趕往紅磡！ 從機利士南路左轉到曲街，見到人龍就知道東門冰室嘅位置。等左冇耐就可以入座，因為限聚兩人一枱所以舖頭最多大約只可坐10位客人，夥計「遮遮」嘅熱情招待同「開龍雀」般雞啄唔斷，實在不失熱鬧！ 舖面環境保留住70年代嘅花紋瓷磚、舊式實木圓桌凳同舊式4：3電視，充滿住歲月嘅痕跡。食物方面，由於事前已經做好功課，知道冰室大熱係煎豬扒、炒牛同章魚餅。同埋距離關門時間已經唔多，本身諗住叫以上3餸，不過炒牛已經沽清，就叫左個「豬扒章魚餅福字麵」。老闆娘主要負責水吧，先為我送上凍奶茶。奶茶非常順滑，略嫌茶味唔突出。一路飲一路聽住街坊們同遮遮上至天文下至地理嘅談天說地，除左飲到奶茶香，仲飲到啖啖人情味～ =========================豬扒章魚餅福字麵 $40 包飲品未幾遮遮送上食物，好耐冇食過福字麵，加上甜甜

一間紅磡真正有歷史嘅冰室，每一格階磚，每一張木枱木凳都上哂年紀，好喜歡☺️。小編已經等一次食「東門冰室」可能已經7、8年前，唔係日日嚟嘅常客，但久唔久會食，阿姐都認得啦😆。一般幫襯其實都係熟客多，冰室嘅餐牌只係裝飾品，因為只有生客先會點餐牌上面嘅普通野😂。而且如果你嗌火腿通，阿姐會話「呢啲唔好食㗎！」，佢係真係會唔比你點😂，阿姐係惡啲語氣重啲，不過佢唔係鬧嘅，只係心急想推介自家最正嘅食物咋😘。煎鱆魚餅 炒牛肉 紅腸 伊麵茶走(共$43)••••••內行人先識嗌嘅組合，非常非常有誠意。有兩條靚生菜，鱆魚餅煎過，切片，係有鱆魚粒甜甜地嘅魚餅😋。牛肉炒過好香🤤，肉質鮮有少少牛肉甜香，半滑半肉感，唔覺落鬆肉粉。紅腸唔係煎過咁簡單！係落左蒜蓉煎香！肯定去其他餐廳搵唔到，平時最多白烚。連隔離枱姨姨見到小編啲紅腸咁吸引，都即刻加單😘。伊麵係福字伊麵，麵硬度啱食，麵底比一丁細個，大食人士可能要嗌多件多士。茶走真心好好好好飲！簡單，茶香奶滑，茶膽高質，好難得，要知道有好多幾十年嘅茶記都做唔到一杯好茶。

今日要開工，先回紅磡公司附近食個午餐，如果唔係之前有朋友帶我嚟過，我真係見到個門面都唔敢入嚟的，因為地方太細，入面九成食客都是男士。 但、自從上次跟朋友入來食過鱆魚餅麵之後，今日一個人，腳仔都好像不聽話的，自動行咗入嚟，入到去，看到第二張檯之後，全部都是男人，看到第一張圓檯已經有一男一女(終於有個女的😝)分開坐的，我只能硬著頭皮，指住中間果個位問，請問呢度有冇人?冇人，坐得。 叫了一碗鱆魚餅麵(鱆魚餅的味道很好，而麵就是用福字麵煮的，煮得剛好，不會太硬或太淋，這也是我久違了的兒時味道。)另叫了杯凍啡少甜(啡味未算很濃郁，但也不過不失)。食飽有力氣去將軍澳，爬那條長長的梯級開工了!!😂

相個呢間冰室，係經磡都有好耐歷史喇，舊式既門口，得幾張木枱，設計陳舊。其實嚟食過好多次，每次食完都覺得好好味，但另外有三樣野唔係幾自在。今次叫左炒牛肉，鱆魚餅，蛋，出前一丁，飲品叫左凍檸茶少甜濃D。炒牛佢用左鮮牛肉，炒到濃邊，鱆魚餅好香同彈牙，荷包蛋，好正，佢仲會跟三四條生菜，係新鮮脆口唔會煮過龍，出前一丁最好既麵質係唔可以煮太耐，呢度煮得超好，再加埋個湯底真係打緊呢篇食評都想再食呀，哈哈，至於呢杯凍檸茶叫少甜仲要濃D，係個個味嚟架，好多茶餐廳都做唔到呢個味。至於邊三樣野令我唔自在既係，因為間舖太舊，衛生問題，佢係open kitchen ，食完全身都吸左油煙味，最後要忍受住長期有把聲，不斷大聲講野同埋鬧人。

處於較偏僻的橫街旁，廚房主理的全是女將，舖內亦十分殘舊，如你愛光猛整潔的話，這裏未必適合你了。還有這裏只有三文冶、小食、麵食等，從餐牌上看，並沒有飯供應的。冰室有早餐AB，但多數人都另叫麵食加飲料。呢度你叫麵是比伊麵的，如你想食公仔麵，便要加$2吃出前一丁啦！餸任你配搭，單餸至雙餸相差約$3，特別是有跟菜的，似乎健康些呢！豬扒蛋伊麵，豬扒醃得入味，煎得也很香，已切成一片片方便進食。即食的伊麵點煑浸都不會太冧。豬扒鱆魚餅伊麵，鱆魚餅雖是現貨，但較少在一般茶餐廳有的，魚餅軟軟的，有咬口。奶茶差不多是去冰室常叫的，茶味十分重要，這杯茶奶味濃，茶味很淡。

今日整日要喺紅磡工作，先嚟個早餐醒醒胃，醒醒人喇。由火車站行咗10分鐘，嚟到紅磡區一間老舖"東門冰室"。街口已見舖外坐埋人，心知舖內應該都滿坐。一入舖內，真係人頭湧湧，樓面阿姐已做到唔停手、唔停口。好睬有一個角落空咗，即坐落去，唔好阻住阿姐。早已聽聞呢到出名"媽媽豬扒"，特別有"媽媽"嘅味道。咪一心嚟食個豬扒麵，配上熱奶茶。點知落單時，阿姐問要咩麵。原來呢到有福麵同丁麵2種選擇，我揀咗丁麵。呢頭落單，轉頭即嚟杯熱奶茶。果然快手。原來呢到係落大粒白沙糖，真係好少見。味道同普通白沙糖無乜分別。喝咗幾啖奶茶，碟豬扒福麵嚟喇。睇落豬扒份量頗多，雖然碎上，但應該唔止一塊咁少。快速叉一塊豬扒試試，睇吓有冇媽媽味道。點止 -_- 豬扒薄身，有點粗鞋，無乜肉汁，完成係一般嘅感覺。點解有人話係"媽媽豬扒"o架！但係以$26呢個價錢，咁又覺得佢係實惠，份量多，而且菜唔係話俾一塊咁少，都有3塊o架。下次嚟，我肯定唔會反兜"媽媽豬扒"喇。

相信這一趟真的是小弟最後一次寫這間被我譽為"媽媽的飯堂"的茶記了....稱之作"媽媽"，原因是每一次在此地吃東西時，都有一股在家的親切感；舖內無論由掌勺以至企堂，同樣清一色都是女仕們，而且每一位看似都已達媽媽，甚至婆婆般的年齡級數....每一次正想"dup"低頭開始食麵之際，侍者媽媽都會在耳旁叮嚀 : "小心熱啊，細佬".....今天回歸從前，點了我好久沒有吃的豬扒。蒜味依然是如此濃郁入味；肉依然是如斯的軟熟；熟度又是控制得如此的完美....餐肉片煎至微焦脆口。只要在弄勺上下點時間心機就可做到如此效果。但坊間又有多少茶記得閒啋你 ?就只有這裡做得到....在茶記食多餸丁麵，能找到菜伴碟的可謂少之又少.....在這裡，您可以找到差不多半碟生菜來潤滑一下您的腸胃....墊底的丁麵弄得剛熟，入口彈牙....這一碟豬扒餐丁，是跡近完美....再加上一杯熱辣辣而香濃的奶茶....合起來....是仙人的食物也.... 很煩氣的寫了很多趟關於這裡了，所以才說是最後一次....

曲街奇遇記, 因街名發音近似廣東粗口，所以常被市民用作戲謔語。今天走在較近萬國殯儀館及世界殯儀館，所以在曲街可發現不少紙紮用品店。蕭蕭瑟瑟的街頭, 聞到很大的油煙香氣, 一眼看見東門冰室, 店面看出歷史的痕跡, 沒有華麗新颖的外表，全因香氣吸引著，店里全女班的員工，嬸嬸們很親切地招呼,坐著很多熟客, 一坐下已經知道他們吃什麼, 吃饱后客人還幫忙收拾, 很舊式的社會影子, 現在買少見少了!我見有章魚餅麵,很多客人點的名物, 但今天吃不下, 叫了一份豬扒蛋治, 豬扒薄身有些五香粉的調味, 煎得香脆, 沒有雪味, 尤其是煎蛋外皮脆口, 蛋黃部份仍然有蛋液流出, 配上軟軟的麵包, 很滿足的快頤，再加上我的最愛, 熱鸳鸯，奶滑茶香, 比例剛剛好!!!應該常常去曲街！