柴夫人魚館

營業中

休息中

今晚同老公去左尖沙咀金馬倫道食豆花魚，餐廳地點方便，過江龍來自四川，環境乾淨企理，地方闊落，坐得舒服。餐牌有一人煲仔飯套餐，亦有唔同種類米線套餐。另外，仲有小食、小菜、其他煲類同甜品等。而我就想食佢哋招牌菜，豆花魚。我哋揀左2-3人晚市豆花魚餐，餐跟米線或白飯，想食其他配菜亦可另加，整體價錢相當抵。跟住我哋仲叫左個粉絲煲，呢個煲有兩杯飲品送。酸菜豆花鱸魚：份量超多，鱸魚切得夠薄大塊，魚肉新鮮嫩滑。配菜有豆花、芽菜、薯仔同酸菜，而豆花係自家製，豆味較濃。湯底用左金湯，飲到魚嘅鮮甜味，辣度剛好，越食越惹味，但又唔會有越食越辣果種感覺，真係唔錯。蝦仁粉絲煲：職員好細心，先較好手機六分鐘計時，之後仲幫我哋撈勻。粉絲煲份量好多，蝦仁都有好多隻，新鮮帶甜味。另外用左蒜蓉同煮，然後再加左少少豉油調味，入口好香蒜蓉味道，好味。飲品：凍咸檸七冰凍夠味，自家製豆漿豆味濃，口感幼滑，甜度剛好。另外仲叫左個涼粉爽，當甜品食幾好。軟雪糕：免費任食，雲呢拿口味，冰凍口感，天氣咁熱食就啱晒。

老婆一向喜歡蕃茄湯系列嘅嘢，又鍾意食魚，無意中發現呢間主打食魚嘅「柴夫人魚館」，明明喺川菜嘢，但其中一款湯底喺蕃茄湯，啱晒佢，加上甚麼豆花魚，我都好奇想試一試喺乜。店內裝修新派，紅色為主調，一室火辣焫焫嘅感覺，放心，裡面冷氣十足，唔會未食就一身汗。而一邊牆上掛上大電視，唔喺播新聞，而喺不斷有短片介紹佢哋啲招牌菜式。餐具放晌枱側拉櫃，自由取用！牆上仲掛咗個「柴夫人」品牌嘅故事，介紹佢哋嘅「順富豆花」，原來好有歷史。酸菜魚叫食過下，豆花魚我哋兩個就第一次食。呢度有一系列「90分鐘豆花魚自助套餐」，定價非常之平，所以，你都見座無虛席。唔食自助套餐都無問題，仲有好多1人套餐、2-3人套餐，以及主食、小食、飲品……等等供散叫，定價都好相宜。老婆向來細食，食得唔多，散點對我哋嚟講就划算啲。蕃茄豆花魚套餐（轉鱸魚）$71個蕃茄豆花魚本身$55，再轉鱸魚加多$6，升級為套餐就加多$10，就有多一份小食配粉麵及奉送汽水或豆漿，嚟到都非常之大份，仲伴埋一小碟榨菜添。小食可以5揀1，老婆最鍾意食蓮藕，所以，揀咗「香口藕夾」，估唔到又幾好食喎。其實佢喺將兩片薄藕片夾少少肉餡，再上漿脆炸，一來脆口，二來又食到蓮

假日同朋友行經尖沙咀金馬倫道發現有間柴夫人魚館主打豆花魚,  係四川菜中, 酸菜魚就食得多, 豆花魚就真係未試過, 咁就要去試下啦 !餐廳面積不大, 人流都幾旺。豆花魚可自選辣度。招牌豆花鱸魚     $218/鍋鱸魚份量多, 魚肉鮮嫩, 配上唔少豆花係湯面, 賣相豐富吸引, 豆花軟綿嫩滑, 同魚片一樣咁滑溜, 而配料有大量土豆片, 芽菜, 黃豆等等. 辣度相比酸菜魚較温和, 但亦都可以自行選擇大中小辣去迎合自己的口味。一試已令我大愛!!另外可以追加火鍋配料,配牛肉片   加$26/份: 牛肉片鮮嫩肉滑配牛百葉   加$26/份: 牛百葉爽口彈牙配牛肉丸   加$26/份(6粒): 牛肉丸新鮮彈牙, 多汁香甜。鴨血   加$12/份: 彈滑鴨血最佳配辣味湯底。蝦仁粉絲煲 $118/份(配2杯自磨豆漿)大大煲, 數隻蝦仁隻隻爽口彈牙, 粉絲份量仲好多添, 粉絲索滿蝦仁鮮味, 入口惹味, 加上仲有2杯新鮮豆漿送,  非常抵食。麻辣拌魚皮     $49/份魚皮非常爽口, 麻辣味十足, 入口無幾耐就可以感受到麻辣的衝擊力有幾強勁。黃金大餅     $29/份新鮮熱辣, 切開幾件後都仍然咁大件

柴夫人魚館👻尖沙咀旺區開到咁紅當當好難唔吸引大家既目光除咗食魚仲有煲仔飯下次都再試下先🤣.🔅酸菜豆花鱸魚 HKD 238佢地最出名就係招牌豆花鱸魚同酸菜鱸魚今日唔想食太辣就揀咗酸菜估唔到又幾滑幾好味揀咗小辣既湯底鱸魚夠多夠滑加埋豆花既配搭幾有趣😛🔅鮑魚雞煲 HKD 198小鍋既鮑魚雞煲都唔小一樣有加到佢地既招牌豆花香濃又滑嫩鮑魚仔都有好幾隻雞肉都滑仲有個爐一路加熱幾好服務唔錯😆🔅墨魚餅 HKD 20另外加咗個小食墨魚餅都算足料幾多墨魚新鮮炸起熱辣辣🤭.整體黎講：抵食之選 滑酸菜魚😚.🎈 柴夫人魚館 (尖沙咀)尖沙咀金馬倫道27號東輝大廈地舖

這次的用餐經歷真是令人失望。點了一道香辣的豆花爐魚，期待著能夠享受到濃郁的四川風味。這道菜的價格是$240，包括飲品和米飯，看起來還算合理。然而，當菜上桌後，所有的期待都化作了失望。首先，這道所謂的「香辣」豆花爐魚完全沒有辣味，連基本的辛辣感都欠缺，就像清湯煮魚片一樣。魚片非常薄，口感甚至比起市面上預製品還要差。更糟糕的是，飯🍚居然還是硬的，除了豆花還可以，其他讓人感到極度失望。除此之外，我還試了一杯免費的雪糕🍦。可惜，這杯雪糕的味道十分奇怪，彷彿是蒙古牛奶粉混合出來的，一口下去便讓人不想再吃。整體而言，這次的用餐經歷真的讓人失望至極，希望餐廳能夠改善菜品的質量，不然很難再吸引顧客光顧了。

呢排食咗好多西餐，轉下口味。豆花鱸魚鍋鱸魚係淡水魚，口感滑身脂肪含量低少少脆口，配菜有牛丸、腸仔、椰菜花、蝦等。雖然叫咗唔辣但都係辣😂真係怕辣嘅朋友要注意。食完鍋就可以加水烚菜🥬紅糖糍粑👍🏻$33有6粒，熱辣辣上枱。彈牙糍粑入面係香濃紅糖。小心燙口。豉汁排骨煲仔飯&臘味雙拼煲仔飯（臘肉+臘腸）兩個煲仔飯都有飯焦香脆，轉涼開始啱食煲仔飯Drinks自磨豆漿幾濃豆味，👍🏻唔太甜飲到最後有小小豆渣。

🐟 平時最鍾意食魚，喱度既酸菜魚同豆花魚好受歡迎，店內裝修新派、冷氣十足❄️有唔少1人或2-3人嘅套餐選擇，仲有主食🍚小食🍤同飲品🥤無論幾多人都可以搵到合適嘅選擇🍜鮑魚雞煲 🐚🍗將鮮嫩嘅雞肉同鮑魚一齊煲煮，湯底濃郁，味道鮮美酸菜豆花魚 🍲🌶️結合咗酸菜嘅酸爽同豆花嘅滑嫩。魚肉鮮嫩，酸菜嘅味道令整道菜更加提味紅糖糍粑 🍡❤️外脆內軟，包裹住香甜嘅紅糖餡。濃濃嘅糖香，搭配上芝麻香口藕夾 🥢用新鮮藕片夾住餡料，外脆內嫩，口感極佳柴夫人魚館📍尖沙咀金馬倫道27號東輝大廈地舖

聽朋友講尖沙咀開咗一間新餐廳：柴夫人魚館今晚叫咗三樣嘢：海蝦粉絲煲、梅菜扣肉煲仔飯、鮑魚滑雞煲海蝦粉絲煲好大煲，海蝦份量非常之慷慨，鮮甜又爽脆，食得出係新鮮嘅海蝦，而粉絲加埋蒜蓉同蝦汁之後好鮮甜，令人食得津津有味；至於梅菜扣肉煲仔飯，煮得好有風味，適量嘅飯焦，再加埋野味嘅梅菜夠肉，飽肚之餘又好食；而最為推薦嘅就係鮑魚滑雞煲，鮑魚有三大隻，而雞件嘅份量都好充足，炆得入味之餘又好嫩滑，好高質餐廳位於尖沙咀，地點方便，而且食物有特色之餘性價比又高，值得推薦#柴夫人魚館

今日我同朋友去咗尖沙咀一間出名嘅豆花魚片煲店。聽講佢哋嘅豆花魚片煲非常好味，所以我哋特意嚟試下。我哋叫咗兩人餐酸菜豆花魚片煲，仲跟咗兩碗米線。當豆花魚片煲上到台面時，香味已經撲鼻而來，視覺上都好吸引。魚片滑嫩，豆花質地滑溜，加上酸菜嘅酸味，真係好開胃！豆花吸收咗湯汁，味道更加豐富。米線煮得啱啱好，搭配住煲內嘅魚片同豆花，簡直係一個滑上滑嘅組合。除了魚片煲，我哋仲叫咗牛肉片同牛肉丸。牛肉片切得薄薄，肉質鮮嫩，煮落去非常入味。而牛肉丸就更加彈牙，咬落去有一種滿足感，配合住湯底，味道更加出色！燒炸物方面，我哋叫咗即炸炸艾草小丸子同紅糖糍粑。艾草小丸子外脆內軟，炸得非常金黃，艾草嘅香味融入小丸子裡面，食落去有一種特別嘅風味。而紅糖糍粑就更加好食，外面脆脆的，裡面卻是軟綿綿嘅，甜度正好，真係食得停唔落手。飲品方面，選擇亦都非常多，有本地汽水、無糖茶，最特別係佢哋自家製嘅豆漿，飲落去清新又健康，搭配住呢啲美食，真係一流。最後，餐廳仲有部雪糕機，免費俾客人整，好岩小朋友！

本身滿心期待去試魚，已經聞到伏味，晚市得兩枱，兩台客加店員都係大陸人，坐低咗都諗緊走唔走好，不過最尾叫咗B餐巴沙魚，因為本身都幾鐘意巴沙魚，點知一放落口，浸雪味就飄咗出嚟，味道口感似普通魚柳，試埋生魚片都係有雪味。跟餐有配埋雞，賣相一般冇食到，可以睇相；小蘇肉就個炸皮係偏厚同埋淋。而火鍋配料少，同埋都係得腐竹、豆卜、海帶、嗰啲素食。個湯底都係冇味，淨係靠啲辣油同埋味精食完口乾。總結，唔好味，唔會再嚟，好後悔。

本身諗住色吓地道川菜，見呢間嘢好似幾多正評咁，點知食到一肚火首先坐位已經出事，九點幾過晒飯鐘入到去，發現有個位冷氣滴水，問咗店員可唔可以調位，之後佢話要留俾多啲人坐所以唔得（咁當然之後都無人嚟啦😅）落單嘅時候店員用普通話都算，問題係我已經用普通話同佢講要飯，佢都可以落錯米線俾我嘢食質素簡直係災難，嗌咗兩兜豆花魚，兜嘢入面冇一樣嘢係有味嘅，薯仔片、魚、豆花、、芽菜，以至落錯咗嗰份米線，全部係一啲味都冇，咁當然兜湯本身都係得啲化學辣味啦😅 唔講以為自己中咗covid，味覺退化到咁咁嘅質素人均$6X，全餐最好嘅係罐雪碧，完全係貼錢買難受，行多幾步去隔離食川婆婆無咁嬲😅😅😅

#ftf_尖沙咀重量級豆花魚環境闊落，店員親切，價錢實惠！招牌豆花鱸魚 $218⭐️⭐️⭐️⭐️鱸魚份量多，肉質嫩滑，啖啖肉冇骨冇腥味，鍋底仲有大量芽菜、番薯片、香菇，呢個價錢連埋兩碗米線或者飯同埋兩杯嘢飲，米線淨係要咗一碗，因為實在太多，好抵食！ 金菇、芫荽 $12@1⭐️⭐️⭐️⭐️新鮮又大份！紅油海蜇 $20⭐️⭐️⭐️⭐️⭐️海蜇爽口，調味啱啱好，連埋青瓜同洋蔥食，開胃又清爽！艾草丸子 $9⭐️⭐️⭐️⭐️⭐️$9有3粒，外脆內軟糯，仲有淡淡艾草嘅芳香，美味可口！墨魚餅 $20⭐️⭐️⭐️正常發揮，不過不失。三角豆幹 $9⭐️⭐️⭐️個人覺得比較普通，冇乜特別。🍴 柴夫人魚館 (尖沙咀)📍 尖沙咀金馬倫道27號東輝大廈地舖回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

星期六放假同朋友去睇多啦A夢展覽, 夜晚係尖沙咀搵左間餐廳食飯。我哋叫左鮑魚雞煲, 材料豐富, 有鮑魚, 雞, 肥腸, 薯仔等, 鮑魚爽口彈牙, 雞肉嫩滑, 豆花十分軟滑, 充滿豆香, 配合香濃醬汁, 十分惹味。我哋另外叫左粉皮, 鴨血, 生菜, ,牛板鍵, 薯粉等配料, 可以打邊爐食, 粉皮食落煙韌, 薯粉吸收晒醬汁精華, 味道幾好。飲品方面, 我哋叫左豆漿, 佢係鮮磨, 豆味香濃, 飲落唔會太甜, 可以解辣。店鋪入面有部雪糕機, 可以任食雪糕, 幾有特色。

The nice atmosphere in CHAIFURENYUGUAN got me excited for some Chinese food night.The tofu pudding fish pot had potential, with the soft tofu texture, and there is really a lot of fish fillet in the pot, very fresh and soft, without any bones! The flavor was okay for people that could not take much spices, i ordered the 1 chili spice level.The sweet potato noodles and rice goes very well with the hotpot, i especially like the cabbage after being heavily boiled in the hotpot.The seven-up drink wi

柴夫人魚館尖沙咀金馬倫道27號東輝大廈地舖 雖然裏面位置並唔係好多 空間有限但feel到佢盡量想整多啲嘢出嚟例如任食嘅軟雪糕 喺角落位置整咗凍櫃可以任食任拎細節位可以做得更好 不過如果講價錢喺尖沙咀無論係份量 種類選擇 都真係唔錯見到有唔少內地人光顧 好似話係喺深圳有分店酸菜豆花鱸魚 $238酸菜味道正常 好多豆腐 揀咗小辣尼食 有啲似譚仔三哥嘅3小辣鐵板蒜茸蝦$98中間一隻煎蛋 $98食到十幾隻蝦喺香港覺得OK 當然同內地冇得比食完記得飲返兩杯茶，如果唔係好大口氣因為勁多蒜蓉 係幾香幾好食