楊記麵家 (已結業)

早前試了一個土魷蝦子撈麵土魷及蝦子舖滿麵上心想應相當不錯但咬下去...土魷雖然爽, 卻無任何味道蝦子很好, 但麵既鹼水太重大地魚湯不錯總括來說很一般...

放Lunch時不用走太遠又可食到一碗靚麵1. 蝦子鵝腸撈麵 ~ 爽脆的鵝腸配彈牙幼麵, 再飲湯而無口渴感覺, 應該只是用上很少味精.2. 蝦子撈麵 ~ 蝦子多又香,還加上了蔥花作句號.3. 大地魚碎撈麵 ~ 食落脆脆的很香口,沒有油膉味.

小妹特登由銅鑼灣行落灣仔....就係為左試下呢個出名既撈麵....不枉小妹咁辛苦咁用15分鐘既時間....終於到左....間鋪唔算大....但整齊乾淨....馬上坐低叫左個土魷蝦虸撈麵....魚蛋河....腐乳通菜....好快咁上齊了....撈麵最快上台....第個比我既感覺....好靚....因為有好多蝦虸鋪滿麵上面....好似識發光咁....好快咁撈撈撈....即時食落口先....感覺好得別....味道唔錯....同魷魚好夾....仲有一碗大地魚湯....一啖麵一啖湯....正....至於男友叫既魚蛋河就一般....唔算好食亦都唔算難食....通菜就唔錯....我地2個人清晒所有食物....哈哈!

放工唔係咁肚餓, 知道楊記的麵份量少, 味道不錯便來試試. 大約6時30分到逹, 當時店內人不多, 不過卡位已沒有. 兩個人叫了一碟蝦籽鵝腸撈麵, 一蝶蝦籽栢葉撈麵, 另加一碟油菜及兩罐汽水. 蝦籽有少量腥味, 送上的湯味道不錯.份量實在不多, 約十分鐘便吃完. 準備上完洗手間便結賬離開, 但當我從洗手間回來, 看到坐位已柀其他人佔有, 我放在位子上的袋被放到桌上. 原來一切都是職員做的, 目的是趕我們走, 由於朋友在場, 我檢查一下袋中的重要物件, 發覺沒有不見, 便結賬離開. 我時常上街吃飯, 這乜是我頭一次, 見到有職員隨意佔有客人的位置, 亦是第一次, 見到有職員隨意移動客人的私人物品.

而家lunch響灣仔覓食，好多人呀 依間楊記都唔例外。我叫o左兩樣野: 蝦籽土魷撈麵 ---------- 跟湯ge~ 個湯原來好好飲，淨o係用來撈麵有點兒浪費! 麵底爽口彈牙，唔錯! 蝦子夠多亦令碟野生色不少~ 美中不足o既係d「土魷」原來只係「發水魷魚鬚」，下次會叫牛肉。 郊野油菜 ---------- 白灼通菜一碟，腐乳略咸，不過不失。P.S. 以中式麵店來講，楊記ge裝修o係唔錯的! 不過坐得太迫了，扣左分

同男朋友行完美食博覽...12點幾到左~無咩人~見之前食評人話呢度係米芝連餐廳~又係蔡生150個常去既食野地方....未食過就黎試下~叫左個蝦籽柏葉撈麵~$25...+細支豆漿$6...麵同蝦籽都無咩味....好淡~個湯就有味啦~味精個味~但如果無左碗湯...碟麵就不能"啃"下去~豆漿沒有豆味~男朋友叫左魚香土魷撈麵~$25....一樣的麵同湯....魚鬆特別~但太多就叫苦...同埋勁乾~!成個餐....只有一個想法...."快點吃完買野飲~"我不是食家~食家才會有特別的味蕾~我是平民~還是在家煮即食撈麵比這裡更能滿足我

第一次寫食評...多多指教!!! 星期日下午喺銅鑼灣剪完頭髮行到過來買野, 剪到4點幾lunch都未食,途經聞名已久嘅楊記, 決定來一碟人生第一次嘅蝦籽撈麵!!!樓面都幾新淨, 一入去就睇睇個餐牌...選擇都幾多, 都唔知點配搭好...因為減緊肥, 仲諗住食米線, 阿姐就介紹我食撈麵啦, 諗諗吓...入得來唔試吓撈麵係唔會心息...唉~都係忘記減肥...一餐咁多啦~終於決定試個土魷蝦籽撈麵啦!! 阿姐唔該~ 撈麵到!! 首先第一吓聞到嘅唔係刺鼻嘅鹼水味,(因為公司附近間茶仔嘅雲吞撈有強烈鹼水味...所以有一段時間唔敢食撈麵....)繼而就係帶有蝦籽香同蔥味嘅熱氣升上來到我鼻尖~再欣賞一下撈麵旁邊熱騰騰嘅大地魚湯, 聞落有d似媽媽煲嘅老火湯, 好濃郁, 濃到碗底都睇唔到,同平時食撈麵伴食嘅湯好唔同!好啦...影夠相, 欣賞夠, 開始驗明正身先~雖然只係得麵, 蝦籽, 魚湯, 蔥同土魷, 無任何醬汁,不過可能我平時都食得清淡, 所以都覺得夠味, 反而咁樣可以試真d各種材料嘅味道~麵 : 夠熱, 軟硬適中, 食唔到有鹼水味, 有蛋香, 好味!!蝦籽 : 第一次食蝦籽, 撈埋d麵同蔥一齊食,

叫咗碟蝦子百葉撈麵唔好食，如果唔係靠個湯撈下啲麵，成碟麵好淡口！

最初經過呢間店見到佢個門面裝修得咁靚諗住會好貴所以過門幾次都無入去後來係open rice見到咁多好評於是都係去左試入到去見到餐牌原來一d都唔貴仲可以用平黎形容!撈麵最貴都係$25於是試左鵝腸蝦籽撈麵真係好多蝦籽麵既份量都唔少架個人覺得麵比深水埗劉森記好食好多 (個人覺得劉森記d麵好硬...)無梘水味, 軟硬度適中, 好正鵝腸則略為不夠爽口伴湯一定要讚, 好甜, 撈麵食一流+$4要了豆漿值得一提佢既豆漿係支裝味道都ok飲完後飽到不得了又坐得舒服超滿足既一餐!過左幾日又試埋大地魚鬆撈麵 $20估唔到魚鬆係脆脆地既好香口, 撈埋麵會比較乾身d不過都唔錯但我都係鍾意蝦籽多d~~

大地魚末: 唔香, 冇質感麵: 彈牙靓麵, 出名都有道理湯: 假鮮甜, 湯本身唔咸, 但飲咗兩啖之後極口渴, 幾肯定有加料 ! 羅漢果的甜不可能令人感到極渴 !!好耐冇呢種極渴的感覺, 仲勁過飲杯麵D味精湯 !!! 好失望未食完, 忍唔住埋單走人, 去咗對面OK買咗支水飲 $20, 唔可以要求什麼麵是做得不錯, 就算賣到$30-50也不成問題, 但其他配角都好緊要, 無謂做壞招牌.不過 ...... 香港人飲慣呢D湯 ...... 飲唔出

其 實 無 有 甚 麼 款 式 可 以 選 擇不 是 蝦 籽 就 是 魚 香 。雖 然 有 魚 蛋 河 之 類 的，但 去 到 都 未 必 會 叫 這 些 吧 。點 了 的 食 品 是 蝦 籽 牛 肉 撈 麵 。食 物 來 時 其 實 心 中 有 驚 嘆 過 的，就 是 麵 上 面 的 咖 啡 色 蝦 籽 是 如 此 的 多，完 全 看 不 見 牛 肉 的 存 在 。但 亦 可 以 說 成 — 原 來 麵 是 那 麼 的 少 。撈 麵 要 自 己 動 手，要 確 保 每 一 條 麵 條 上 都 鋪 滿 無 數 蝦 籽 。麵 是 有 問 題 的，問 題 是 完 全 沒 有 味 道，沒 有 蛋 香，亦 不 是 特 別 彈 牙，但 慶 幸 沒 有 丁 點 兒 的 鹼 水 味。可 能 他 想 食 客 們 要 食 到 蝦 籽 的 原 味 才 選 擇 這 種 沒 甚 麼味 的 麵 。牛 肉 是 頗 軟 滑 的，就 像 吃 生 滑 粥 的 牛 肉 一 樣，但 就 少 了 點 。其 實 是 真 的 很 不 錯 的 一 碟 蝦 籽 麵，下 次 要 多 蔥 就 更 惹 味 了 。湯 我 覺 得 好 好 飲

今日約左朋友食Lunch~去左楊記麵家~米芝蓮餐廳呢~因為我地早食~所以冇乜人~不過真係超抵食~叫左個蝦子撈麵都係$20~第一次食蝦子麵~勁多蝦子~麵質彈牙~上湯另上~湯底超甜~很濃郁純厚~靜計個湯都超抵~不過因為唔係好飽~後加多個上湯麵$9~佢個湯底真係好正~超抵食~

I'm a really big fan of Dry 撈麫 or bearly dipped in broth noodles (soba/udon style) - its perhaps slightly more satisfying than noodles permanently submerged in soup. Prior to trying out the shop's dried noodles - I in fact forgot that this shop is even featured in the Michelin Guide 2008. But then again, so are both 沾仔記s. *STRANGE*Wanted to order 蝦籽 (prawn roe) and 大地魚鬆撈麫 (dried fish floss) together as a combo, but this option wasn't officially available. In the end, opted for the compromised

對上一次來食是剛開業的時候，印象中水準是不錯的，但因為種種原因一直沒有來第二次。間中經過，見佢生意也不弱的，畢竟是名店第二代，相信差極都有個譜。來楊記，指定動作都是蝦籽撈麵，所以就點一客蝦籽牛肉撈麵及蝦籽土魷撈麵，牛肉同土魷可以share食。顏色頗深的大地魚湯，先喝一口，味道鮮濃，但似乎有少少味精。撈麵幼細而爽口，夾著蔥花食一流，鋪面的蝦籽咸香味也足，唯稍嫌份量太少，慷慨一點必會更好。牛肉真正有牛味，肉質嫩滑，土魷都很爽口，而個人喜歡牛肉多一點。裝修花了心思，配合年青人品味，不過位置實在太迫，尤其在中午的繁忙時間，吃完要馬上走人。

食廣東麵食，最基本的是蝦籽麵，如果做得好的，其他的也應該唔錯。宮廷蝦子撈麵(20)，幼麵爽滑夠彈牙，蝦子份量很多，不像坊間的少得可憐，加上面頭的蔥段，當你撈勻麵和蝦子後，就會發現麵條充滿著蝦子，非常鮮味，二十元有如此水準，超值。另外不可不提的是那碗看似普通的湯，湯的味道甘和鮮味，這是加了羅漢果，與大地魚等材料一起煲湯，有香濃的魚味，這裏撈麵的湯是最窩心的伴湯。坊間麵舖一般都會求其用煲麵水撈麵，但在這裏吃到的卻是與眾不同。值得一提，這裏的蝦籽比一般的細小，麵質較幼細，比較干身，很特別。http://icuteee.mysinablog.com/index.php?op=ViewArticle&articleId=1680312