楚撚記大排檔 (馬頭圍道) (已搬遷) 新店位置

在附近探完親戚，跟家人來早早吃個晚飯。餐廳就在馬頭圍道轉入一條小街，跟門牌去找也容易找到。5時多還未開始多人，到6時多外面已經開始有人等位。燕麥金沙蝦球 | $98一客八隻蝦球，啖啖肉不用剝殼，被蛋黃沙沙包着。上面鋪滿了燕麥，中和了蛋黃的油膩。感覺燕麥加了糖甜甜地，同蛋黃味道幾夾。香煎黑松露手打蓮藕墨魚餅 | $96有黑松露的香味，中間有墨魚粒、蓮藕粒，彈牙又有嚼口。熱辣辣煎起很香口。啫啫唐生菜煲 | $75一落枱啫啫煲熱到出煙，鹹味適中，帶有微辣。蝦醬味道香，是令我們幾驚喜的一道菜，吃不停口。青紅椒鮮甜，不老身。番薯糖水最後還有番薯糖水送，滿滿一碗番薯🍠，食到好飽。糖水加了薑暖胃。汽水 | $12、白飯 | $12小菜價格適中，味道好，有機會想再來食

餐廳位於巷仔內，沿馬頭圍道行就搵到。今日二人試左五個小菜（好大食），分別係黑松露墨魚餅、黃金咸蛋黃炸魚皮、沙拉骨、咸肉椰菜花干鍋同蜜椒薯仔牛柳粒。上菜先黎炸魚皮，用既魚皮厚身，咬落脆但唔死硬，每塊魚皮都包滿左咸黃金，食到咸蛋黃香，調味亦唔會過咸，但上菜是只屬微暖，如果熱啲會更好。之後到墨魚餅，此可謂餐廳招牌菜，差唔多人人都嗌。墨魚餅一碟七塊，入口彈牙，亦食到墨魚粒，餐廳加左黑松露調味，食落同墨魚出奇地夾，松露味亦唔會太重手搞到失平衡，推薦！蜜椒薯仔牛柳，同出面一貫做法差唔多，先炸後炒，薯仔食到脆口，炸得透，牛柳有牛味軟淋無渣無筋，肉質幾好，如果切一粒啲就更好，汁就比較重黑椒味，坊間偏甜既汁呢到就比出面咸同重黑椒味。沙拉骨就用左肋骨位，每舊都大大舊，每舊都咬到啖啖用，豬肉肉質正常唔會過老，調味偏酸，撈飯一流。最後黎既就係干鍋，上菜是仲咋咋聲，柳菜花配以咸肉加上老干媽炒，入口帶麻辣，又係送飯一流。鋪頭仲有出面好小食到既豬油撈飯，飯以缽仔煲起，米粒比平時白飯乾同硬，方便撈豬油及豉油後唔會太濕同軟爛，再撈上芫茜及蔥，淨係飯都食到3碗！（記得問下有無，好快賣哂）鋪有於巷內有幾個鋪位，但都經常爆滿

武漢肺炎搞到而家出街食飯好麻煩， 所以我地而家多數都買外賣~ 今次響土瓜灣，外賣就緊係食楚撚記啦~ 之前食堂食， 都已經好好食，今次叫外賣， 真係想乜都叫晒返嚟食~我地落咗order, 隔咗陣先落去拎， 啱啱好！ 我地叫咗蜜椒薯仔牛柳粒， 金沙黃金白飯魚，飛天通菜煲，椒鹽九肚魚同埋香煎黑松露手打蓮藕墨魚餅， 墨魚餅爆好食， 我地仲order兩份.我地自己再煲湯， 煮飯， 整鴨， 炒個菜， 食到超級飽~ 佢真係樣樣都好好食， 個墨魚餅超好食，好有咬口， 又香~ 通菜夠鑊氣，有d辣， 但係又唔太辣， 好好食！ 黃金白飯魚又係， 超邪惡，條條都有滿滿嘅鹹蛋黃包住， 真係好好食~ 佢其實真係樣樣都掂， 我地食過好多唔同嘢， 全部都好正 唔怪得之佢咁多外賣啦， 我地去拎嗰陣，都見到好多外賣響度

去左日本讀書咁耐，其中一樣最掛住緊係香港既大排檔！！夠鑊氣既嘢食係其他國家好難食到😭😭依一間都係朋友介紹！原因💛💛💛💛💛果日去到要等位，叫左我地留低電話話有排等，就行開左陣返到去話過左我地要再等多陣原來電話係留嚟確認only，有位唔會打俾你🤣大家記住要企定定等2個人叫左3個餸通菜煲，蓮藕餅，炸鮮魷三個都好好食~特別係炸鮮魷，粉唔厚又大件，好滿足藕餅都好直得一試好食過其他賣中式點心既鋪頭好多~店員又有禮貌仲有其他野想試！雖然好遠但會再去💛

🍽 楚撚記大排檔土瓜灣馬頭圍道187號地下2及4號舖荃灣川龍街118號百悅坊地下-1樓西環石塘咀皇后大道西554-560號日富里百好大廈地下1號舖🐽 楚撚記-超水準的良心大排檔💛今次叫左外賣返屋企食，本來以為外賣用膠盒焗住，味道一定會受到影響，殊不知食落依然都係熱辣辣，口感唔會焗到霉爛，每一款菜式都係水準之作，最重要嘅係呢度每一樣菜式都好有鑊氣！呢個係食大排檔必備嘅🤩楚撚記小炒王 $88 (🧡🧡🧡🧡)​ 豬豬偵探其實唔太鍾意食小炒王，覺得小炒王食落好乾，冇咩特別。楚撚記嘅小炒王食落又唔反感喎，甚至一啖一啖有啲上癮，成道菜充滿鑊氣，魚仔同埋腰果食落去都好香脆，韭菜充滿咗蝦乾同埋XO醬嘅鹹香味，雖然🐽偵探唔飲酒，但都覺得飲酒食會好正。鮑粒海皇福建炒飯 $75 (🧡🧡🧡🤍)​ 外賣會將汁同飯分開，啲飯唔會浸到霖晒，蛋炒飯粒粒分明，又唔會太乾身。除左冬菇、瑤柱、蝦肉、菜等，仲加咗鮑粒😍食落啖啖都有配料🤤菠蘿生炒骨 $76 (🧡🧡🧡🤍)​ 每次去大排檔一定會叫嘅仲有酸酸甜甜嘅生炒骨😍生炒骨用的豬肉肥瘦適中，裏粉不會太厚。另一個重點就係生炒骨入面嘅菠蘿！楚撚記用咗菠蘿同埋蜜桃去炒，我自己就覺得菠蘿

果日預左佢會多人等，5:20去到都要等多1個鐘多小小🥲🥲不過好彩佢既野食質素令到我覺得一切都值得🥳🥳飯後仲要有糖水送架！-👅：脆皮炸炸豬大腸$88一碟極邪惡既餸但真係超正，佢個皮係炸到超脆，仲要佢係切開一半，感覺佢係清理得乾乾淨淨，食落都唔會有臭味，下面亦有菠蘿片🍍，可以解下滯，仲要好細心有將個菠蘿燒過下。-👅：鑊氣豉椒炒蜆$92本身以為佢會好少蜆，點比想像中多勁多，仲要絕對唔馬虎唔會話係細細舊肉，蜆肉都算大粒，加埋豉汁一齊炒，勁惹味。-👅：楚撚就小炒王 $92入面有韮菜、大蝦 🍤、蝦乾、魷魚🦑、花生🥜、 魚乾 🐟仲有腰果，呢啲都送飯一流🍚👍🏻同埋都炒到好有鑊氣。-👅：香煎黑松露手打蓮藕墨魚魚餅$96尼碟餸係成晚最精粹，得到在座好評🤣必叫之一！上枱嘅時候已經聞到黑松露味，但食落唔會感覺太漏，而且咬落好full嘅墨魚肉同蓮藕，口感又爽又有咬口🤩🤩！-👅：蜜糖薯仔牛柳粒$98蜜糖味唔會話太重，但鑊氣就好足夠，薯仔炒得好脆，牛椒粒生熟度剛剛好，用黎送飯一流，唯一不足，就係牛肉太少🥲🥲

-{黃店💛土瓜灣大排檔🫖}依間大排檔勁出名 唔book枱嘅話起碼要半個鐘🥲我地提前左1個月book😌🤤楚撚原隻脆皮炸豬手🤤 ($135)脆皮好脆😍😆軟骨同肉好分明 但3樣一齊食好夾😜鐘意點芥末醬會襯啲🤣👖褲評: 8/10🤤蜜椒薯仔牛柳粒🤤 ($98)個薯仔係沾滿蜜糖汁不過有啲淋同細粒 牛柳粒反而好有驚喜 冇用鬆肉粉同埋好有牛味😉不過整體細份咗啲🥺👖褲評: 6/10🤤酥炸黑松露牛丸🤤 ($95)一碟有八粒 牛丸係幾彈但牛味唔夠 黑松露味更加唔得😢朋友話有啲似蘑菇汁😂👖褲評: 4/10🤤飛天通菜煲🤤 ($72)菜正常發揮 炒得幾香口😉份量亦足夠😚👖褲評: 7/10🤤西檸煎軟雞🤤 ($85)呢個反而有驚喜 個雞嘅肉好嫩滑 而且啲汁少少酸酸甜甜幾好味😜👖褲評: 7.8/10🤤椒鹽鮮魷🤤 ($92)個炸粉夠趣面頭淋咗好多炸蓉😙識落魷魚好香脆 好惹味 不過都係細碟咗啲🥺👖褲評: 7.3/10當日申請藍妹啤酒會員有得送兩大支藍妹🤣晚飯仲有糖水送幾抵食😎但菜式有啲參差😌最推介係個豬手🙌遲啲有機會介紹我最鍾意嘅大排檔/打冷🥰性價比: 8/10服務: 8.3/10環境: 8/10

終於食到呢間人氣大排檔喇。朋友mark準日曆6月頭開放7月訂位時間，finally~~! 期望愈高 失望愈高，但呢間餐廳食物無令到我失望喎😝朋友遲到，我地先入座，嗌左小炒王同黃金蛋黃九肚魚先！小炒王幾好食，好有鍋氣，啲蔬菜咬落去爽口而不淋，腰果切半雖然有汁，但咬落去都脆卜卜^^ 九肚魚就比我想像中多少少，由我張相睇得出係幾大條 仲要條條脹卜卜，岩岩炸起好熱，擺落口好有滿足感，雖然係黃金蛋黃，但味道又唔會太咸！跟住就上呢道招牌菜。如果中意食黑松露嘅你，呢碟應該好滿足到你～又係岩岩煎起，好熱好香！不過只得7塊墨魚餅，可能好食關係，略嫌份量有啲少🥺呢碟海山骨我就唔太識欣賞喇。因為我自己唔太中意食呢類肉同骨，食左兩舊 覺得無咩味，但我對面果兩個朋友一口氣清哂話好食😂我地將個拔絲擺左喺咕嚕肉等佢溶。無咩耐性 😂我地用筷子擾下佢～ 好甜呀呢碟！咕嚕肉啖啖肉又多汁，仲有幾舊蜜糖磚，超級有味餐廳分左兩個舖位，其實樓面面積不算大，只放到5-6張台，但外賣單就見佢不斷出。食完呢次亦明白點解咁有人氣，加上依家交通方便左，再去多次都無問題👍🏿

土瓜灣藍區都有幾間高質黃店，其中一間就係楚撚記啦～去前記得一定要book枱，因為長期多人😂叫左幾個小菜，上菜速度都好快，唔洗等菠蘿拔絲咕嚕肉👍🏻呢個要襯熱食！如果唔係啲拔絲放耐左就痴得比較實好難夾黎食🤣酥炸黑松露牛丸呢個係咁多款比較失色，因為好似唔係粒粒牛丸都有涵，要靠啲彩數🙈老火菜乾豬肺湯👍🏻👍🏻 食咁多野飲番碗湯潤一潤原隻脆皮炸豬手👍🏻👍🏻 蜜椒薯仔牛柳粒👍🏻👍🏻脆皮炸大腸👍🏻炸大腸下面仲有鳳梨底嫁！中和番啲油膩感覺金沙蛋黃九肚魚👍🏻唔會好重粉😎豉椒炒蜆有啲可惜係上碟都多未開殼🙈黎到大牌檔一定要啤啤佢簡左藍妹💛 仲有戰鬥碗用😂脆皮燒bb鴿Total有4件翼同髀～飛天通菜煲 唔會好辣😛最後仲有蕃薯糖水送🥳

二訪楚撚記😋每一道菜都很吸引!! 絕對值得一訪再訪❤️//這次點了：楚撚記脆皮燒BB鴿(新菜式!!)香煎黑松露手打蓮藕墨魚餅黃金椒鹽粟米蜜椒薯仔牛柳粒(大牌檔小菜必點😙)啫啫滑雞煲七味黃金炸金磚豆腐(每次都點😆)//最喜歡是招牌推介的黃金椒鹽粟米🌽起初有點怕會太鹹，但入口不鹹也吃到很足料的鹹蛋黃😲粟米也很甜!! 特別也推介要點七味黃金炸金磚豆腐✨炸醬夠薄夠脆，內裡的豆腐超嫩🤩真的不禁一口接一口😋😋

楚撚記威名遠播，坊間流傳佢嘅輪候時間似進入異道空間，無論堂食等位，定係外賣自取，佢都令人等到懷疑人生。但奇就奇在佢仍然客似雲來，究竟係咩原因呢？今日難得嚟到土瓜灣開工，等我深入調查一下。收工嚟到已經接近8點，唔知係咪福星高照定係人靚心善嘅關係，竟然等咗20分鐘就有枱🙏🏻🙏🏻🙏🏻。店內面積不大，但每張枱仍然有一定程度嘅距離，唔會背貼背。裝修以大排檔為主題，啲餸菜全部貼晒上牆，一眼望晒（當然仲有餐牌啦！）。4人限聚，餓到眼花繚亂，隨便點咗幾個招牌餸菜，如下：香煎黑松露手打蓮藕墨魚餅 ($95)有淡淡嘅黑松露味，唔算好濃，蓮藕磨碎撈埋啲彈牙嘅墨魚膠，做成一個個餅去煎香，口感香口，味道鮮美。燕麥金沙蝦球 ($98)蝦球彈牙，但可惜炸得唔夠香口，鹹蛋黃太少，包唔住隻蝦，燕麥太多而且個人覺得唔多夾，一碟8-9隻細細粒蝦球，真心覺得貴囉！西檸煎軟雞 ($85)大大碟嘅雞扒，雞皮炸得香脆，味道酸酸甜甜唔嗆喉。如果可以再脆少少就完美喇！家鄉五柳炸蛋 ($73)以前返鄉下就會食到呢道菜，香港就未見過。今日難得重遇，一於回味一下兒時回憶！以前我食嗰款係脆邊荷包蛋，楚撚記係炸雞蛋，呢一點就贏晒喇！因為炸蛋比煎

椒鹽類型都好夠味 份量OK 唔算驚喜但都叫做有水準 送啤酒一流～🍻醬爆鴛鴦雞煲同芥蘭上碟既時候都仲係jaja聲 田雞肉質夠滑 醬料惹味得黎唔鹹連d豬潤呀配料都唔放過

約了朋友食晚飯，突然好想食大排檔，就即刻上網睇！勁多人話楚撚記大排檔好食～咁就即刻去啦～去到已經人頭湧湧～原來好多人已訂位～我地就等walk in 隊～勝在這間店是上網登記，隨時可在手機知道叫到咩號碼，職員都好好心咁同我地講，好可能要1.5hr~咁我地就係附近行下先，真係好肚餓先放棄～附近也有好多食店～點知我地行下、笑下45mins後就有位，仲急急腳返去～惹味鮮泥鯭粥粥鮮甜足料，油炸鬼有點硬惹味豉油皇椒鹽海中蝦呢味豉油蝦上的配料十足，帶出惹味，煎炒適合，蝦有蝦膏～正～飛天通菜煲必點推介，惹味有獲氣，熱度十足，大排檔本色。原隻脆皮炸豬手必試推介，皮爽脆，啖啖肉，送酒一流！

成日聽楚撚記個名，終於有機會試吓！🔸燕麥金沙蝦球🦐呢個都唔錯，同燕麥一齊食係一個幾新穎嘅配搭，鹹蛋黃沾滿蝦球😋不過啲蝦唔夠新鮮，質感唔夠爽彈。🔸香煎黑松露手打蓮藕墨魚餅🦑呢個10分推薦，煎得好香口， 十分彈牙，有陣陣黑松露香味。🔸招牌小炒王第一次食小炒王😝配料超級多！有好多蝦乾、叉燒、果仁等等，不過韭菜切大條啲會好啲！🔸沙嗲粉絲金菇肥牛煲🐮呢個有啲普通，沙嗲味道唔夠濃郁。🔸豬油撈飯🍚加咗豬油，的確好香，同時有極大邪惡感🙈🔸番薯糖水食完飯送咗碗番薯糖水，呢個值得一讚，重薑汁味，番薯都好足料😆平時唔會特登飲既我，覺得幾正😋

見咁多人去食這間「粗口店」，今晚就決定買外賣試下，滿懷希望，但超失望！！！😞😞6:40pm 網上落單，按預定的時間7:18pm到場自取，等到7:30pm 先攞出嚟。😣😣 急步返家試味..... 蜜椒牛柳粒係唯一仍然熱嘅。其他的椒鹽白飯魚，麥皮黃金蝦，沙拉骨全部凍淋！！😣😣估計係炒牛柳粒等太耐了！！麥皮黃金蝦少得可憐， $100一碟，得八粒蝦仁！🤬🤬 牛柳粒$100得八粒牛柳 🤬🤬其餘係薯仔同紅椒。另外的沙拉骨及白飯魚普通。不值得我等咁耐。有薑汁蕃薯糖水送，但都不值$400啩。唔會有下次。