極品靚鍋 (已結業)

經過大鴻輝 隨便入咗一間打邊爐舖頭估唔到今次有驚喜我哋晚飯時段入座 $158 加一我哋揀咗豆乳骨膠原靚雞美顏鍋湯底可以先飲咗再打邊爐豆乳嘅味道比雞濃郁濃濃嘅豆乳味 好滋潤嘅感覺餐廳係用手機app落單方便清楚食物都有好多選擇我同朋友都好鍾意食牛估唔到呢間餐廳有牛舌心牛舌好快熟牛味重 有彈牙我同朋友足足食咗四碟牛舌心美國嘅封門柳雪花好多食落好淋唔錯！除咗牛肉之外仲有好多唔同配料墨魚滑都係一個唔錯嘅選擇口感彈牙飲品方面 都有整整一排飲品提供選擇最後當然要食返杯雪糕啦雪糕嘅味道繁多花多眼亂最後揀咗哈密瓜味嘅雪糕作為一個完美既句號🥰🥰

30幾度高溫嘅炎炎夏日 都唔可以阻擋我哋去打邊爐嘅熱情🥰 所以上咗去極品火鍋打邊爐間鋪樓底好高 空間感十足 坐得非常之舒服😌 我哋揀咗個麻辣湯底 湯底非常濃稠，完美呈現左四川麻辣火鍋嘅魅力封門柳入口即化 好濃嘅牛肉味 上面寫住只需要淥5秒鐘 咁就最Perfect~~ 除咗封門柳之外 ，仲有好多其他唔同部位 ，全部都唔錯👍🏻打邊爐有海鮮梗係要試吓啦 啲蝦好爽口又新鮮 除咗打邊爐嘅配料之外呢 仲有其他小食 有炸雲吞、有麻辣豬耳、仲有冇骨鳳爪 冇諗過炸雲吞會咁好食！🥰🥰 仲Encore 左幾次！！麻辣火鍋當然要配薯粉啦 啲薯粉吸晒麻辣火鍋嘅味道 真係辣得好刺激😋打完個邊路熱辣辣當然要食返啲雪糕啦 ！有好多唔同口味嘅杯裝雪糕 ，連海鹽味同伯爵茶味都有 ，仲要係大阪直送嘅添😘

星期日慣例瞓到晏一晏，起身揾好嘢食吓，今次選了荃灣的極品靚鍋，因為網上對此店都有不少好評，即管試試，果然無期望就不會失望，有時仲會有驚喜！。🎉🎉🎉🎊此店下午2時才營業，1時46分去到門口都未拉起透明卷閘，不過一到2時正，店員馬上開閘歡迎，很有禮貌。 穿過細細的入口，裡面是大大的空間，坐位寬落得有點過份。 二人都可坐四人卡座，還有提供六人卡座，非常舒適，絕對唔會隔塊膠板，同個唔識嘅人肩並肩坐，覺得老闆很大方，值得一讚。安坐好就開始出去取飲品及醬料，飲品都是獨立罐裝飲料或是自家製樽裝健康飲品，非常衛生。 醬料枱上有我至愛芫荽、蔥之外，最驚喜的是有新鮮芹菜，非常惹味，醬汁亦很齊備，非常細心。另一驚喜位就是蔬菜都放雪櫃內，種類繁多，仲盛好一碗碗，方便客人自取，整齊衛生。至於火鍋料是電話點單，店員送上。店員不停收碟送菜，服務周到，漏了一次單亦馬上跟進，非常有禮。😊湯底方面，今次試了豆乳雞鍋，淡淡豆香跟火鍋料非常配合，不會搶走食物原味，也不至太油膩，怕肥又想食火鍋嘅話，這個也是健康之選。😋😋😋總括來說，這頓午都食得非常舒適，第一次食完火鍋會覺得自己食得很健康，可能因為食材都很新鮮，份量適中，健康食

去荃灣大鴻輝打邊爐，第一個感覺都是餐廳的環境比較擠迫，但係今日竟然比我發現到全座樓空間最寬敞，樓底最高嘅呢一間火鍋店，可以舒舒服服咁打邊爐坐住巨型嘅卡位，枱面闊落大大張，唔使驚食物放到好逼點了一個最平亦是全餐廳最抵的套餐A，除了少部份貴價肉類同海鮮以外，大部份火鍋材料都可以任食湯底點選了海底椰雪耳竹絲雞滋潤鍋，入口味道好清新，昇華了食材的味道，感覺真的很滋潤有自家製的冰糖雪梨飲品，還有大量其他罐裝汽水及花茶，冰糖雪梨味道清甜，凍冰冰的最夾打邊爐牛肉當然要韓式，這個套餐用的是美國Prime肩胛肉，牛肉的脂肪分布得很平均，入口嫩之餘亦有肉味肉類還有西班牙豬梅肉片，切得薄薄的一片，灼兩灼即可進食，肉質很滑，肉味很甜火鍋配料之前，這裏還可以任食餐前小食，揀選了酸辣鳳爪同炸雲吞，雲吞炸得很脆，配上酸酸甜甜的特製醬汁，很惹味火鍋配料可以任食超巨大的青口，煮熟後也不會縮得很少，有濃烈海鮮的鮮甜味雖然是最平的A餐，但都有蜆肉任食，連同手打的墨魚滑，看來都咁多海鮮的選擇，特別一提墨魚滑爽口彈牙，鮮味十足除了海鮮，別忘了還有花膠，一開鍋的時候放落去煮，煮得淋透便食得。口感軟熟得嚟又富有骨膠原的感覺，花膠味

已經食過幾次，今次試咗佢哋嘅套餐B，揀咗鴛鴦鍋，一個係海底椰雪耳竹絲雞湯，一個係家鄉胡椒酸菜豬骨湯，兩個湯底都真材實料， 十分鮮味，食唔到味精，前者夠滋潤後者夠惹味，打邊爐真係最緊要湯底夠味，呢度啲湯底清甜到要係淥野之前幾碗湯先。個套餐可以飲食嘅item好多，必食嘅就梗係幾款靚牛，美國封門柳淥幾秒就食得，牛肉味濃，入口即溶。至於安格斯肥牛，肥瘦均勻，油花豐富。除咗靚牛之外，西班牙豬梅肉片都好高質，每塊都切得好薄，嫩滑肉濃。除咗肉之外，仲有好多新鮮海鮮可以任食，最正嘅係超大隻新鮮海蝦，好彈牙，叫左好幾round！仲有韓國濟州蠔，一樣好大隻，好肥美！ 另外蟹子手打墨魚滑都係必食，自家製，所以質感零舍爽滑彈牙，每一口都食到嘅爽脆。除咗嘢食之外，飲品都絕對高質，有好多選擇，食完打邊爐都想飲番d野潤下個喉嚨，呢度自家製夏枯草涼茶同冰糖雪梨茶，真材實料，飲得出係冇添加，唔會太甜，飲完喉嚨即刻舒服晒！值得一題呢度啲啲侍應做嘢好快手，經常主動過嚟收碟。

荃灣火鍋通常好快爆滿，但呢間我即日喺openrice book位係有位既，咁都令我有啲擔心個質素，😂但抱住一試嘅態度去試試。.湯底選擇都唔少，我哋揀咗「豆乳骨膠原靚雞美顏湯」。🍽：成個湯底都有好多菇，亦有雞件。職員溫馨提示可以喺落嘢食之前先飲一飲啲湯。我自己試飲咗，真係同豆漿無分別，味道都濃郁。另外，等個湯底滾既過程都需時，忍唔住校大咗，但職員亦提醒呢個湯容易滾出嚟，所以唔好校咁大，要小心！😌「墨魚滑&黑松露牛肉滑」🍽：好鬆散，唔係咁好味，但都比較少任食火鍋店會有呢個手打。餐廳飲品選擇好少，主要係啲汽水為主。但好彩都有冷泡茶。🤨我哋揀咗有海鮮嘅餐，所以有蝦、帆立貝、蜆、蠔⋯🍽：蝦唔太新鮮，肉質唔爽唔實。其他都好一般，但牛肉係唔錯嘅。最後，用Openrice pay減$20，埋單$482兩位。個人感覺除咗樓底高、坐卡位好舒服、空間感足夠，同埋抽風做得好之外，食物好一般！

打邊爐選擇真係越嚟越多，揀間平又好食又坐得舒適真係呢間唔錯。間鋪好大，卡位又夠闊夏天打邊爐最啱係冬瓜八寶湯，湯底黎到可以飲左湯先開始落野食，清清地又無油味道清甜飲完湯就即刻食肉啦梗係D牛有幾款，肉同脂肪分佈都好靚，入口即溶唔會鞋口。每碟黎份量都唔會多，覺得唔夠先再嗌咁樣幾好可以樣樣都試下。海鮮，魚都好新鮮仲有個黑松露手打牛，黑松露好多夾埋d肉到食好香，同彈牙野食又多又好食之外，雪櫃有好多飲品既選擇。仲有新鮮菜揀，有小見會有雨衣金蘭同冰菜真係想食咩飲咩都有。食到太飽都無食甜品，只係食左一杯雪糕雪糕都有10隻味揀。整體我都食得好滿意，環境又乾淨服務亦好好，有幾次我一夾完碟野已經即刻幫我收走隻碟推介推介！

天氣炎熱🔥🔥，約朋友飯聚，最後都是揀了食火鍋，今次慕名而來，只因個名太吸引，極品靚鍋😛😛這個 Q 牌厨師， I like地方真的是寛敞舒服，冷氣夠，尤其是樓底高，就算坐滿人都唔覺嘈吵，煙霧瀰漫2個人揀了個 A 餐，以肉類為主，湯底選烏雞海底椰，無咁燥熱😊😊火鍋前，先來個頭啖湯，入口清甜滋補食材種類繁多，🐷、牛、🐏必有，但始終都是🐃最好食，肉質嫩滑，其他以果皮牛丸和蟹籽墨魚滑較為特出，果皮味濃而香口，魚滑爽口彈牙，還有特長蟹柳必叫，差不多比筷子還長粉腸、鴨血、牛百葉、醉雞、花膠、青口……各樣都叫，最欣賞是份量不多，每人一到2片，不會浪費食物飲料豐富，有糖無糖任飲，我👯當然揀健康無添加的冷凍玫瑰烏龍茶甜品有綠茶紅豆、椰子奶凍……豆腐和伯爵茶味道雪糕食到飽飽，非常滿意

朋友推介話位於荃灣嘅極品靚鍋平靚正，我地就一齊試下啦。我地選了最平的set A, 有齊我地想食嘅嘢。長長的雪櫃，有好多款飲品😃打邊爐當然就要涼茶下一下火啦。雙拼，皮蛋芫茜豆腐和豆乳骨膠原靚雞美顏鍋皮蛋芫茜下火，芫茜控仲可加十元要重量級芫茜😆非常足料，豆乳湯質感濃稠，味道比坊間豆乳湯濃郁，算不錯 美國PRIME 肩胛肉眼setA只得一款牛，但質素都不錯，油花均勻，牛味濃，淥耐了都不覺嚡口。醉雞，青口，芝士包心丸，手打蟹籽墨魚滑醉雞嫩，青口大大隻，芝士丸爆芝士，墨魚滑爽彈，蜆，水魷，鴨血，花膠花膠都不算細隻，口感幾好，鴨血爽嫩，魷魚爽口，味道亦甘甜。冰菜必吃，爽口又翠綠烏冬是稻庭烏冬，質地煙韌的款，吸收了湯汁，不用豉油亦好味。有各種甜品和雪糕🍦。兩人埋單都係$350，抵！

眾所周知荃灣大鴻輝火鍋店林立，極品正門位置寬敞，地方大而乾淨企理不在話下，樓底的高度，配上充足的抽風系統抽走油煙及氣味，環境舒適開揚得沒有在火鍋店的感覺。餐牌有多個等級選擇，愈高級愈多肉類及海鮮，而共通的肉丸菜選擇也不少。另外湯底選擇多款，在櫃枱選好A餐及便即時入坐。以QR登入網址落單，沒有限制每次下單的項目選擇，落單後的清單也顯示得一目了然，又能在確認下單前即時作數量加減，這系統設計十分人性化。醬油配料應有盡有亦十分乾淨，而菜類自助吧有冰菜選擇，頗為罕見。飲品隨一般汽水外亦有自家涼茶，選擇多元。上菜速度有驚喜，落單不過一兩分鐘，已能一次過上了近八成的單，肉類丸類海鮮前菜都應有盡有。即食的前菜質素不俗，胡麻秋葵的醬汁大讚，醋青瓜木耳開胃，加上泰式鳳爪酸酸辣辣，刺激味蕾。牛肉厚度適中，薄薄一片，牛味濃香。值得一提羊肉卷，意想不到的口感，沒有羊羶味，加分。花膠不吝嗇，骨膠原補一下。花雕醉雞件非常嫩滑，海鮮類新鮮，帆立貝香甜肉質厚實。蔬菜選擇挺多，貼心切好一片片，方便淥熟。芝心丸必點，蜂巢豆腐口感特別，把湯汁都索好，豬膶鮮嫩不鞋口。整體來說，新開張食物質素保持住，算是環境舒適的火鍋店之一。

又一次膽粗粗喺呢座大廈（大鴻輝中心）食放題，因為已經被伏幾次，又見得一劣評，多多好評，怕又有打手，放心，我絕不是打手，問過，限聚令底下，開至凌晨12點，適合晒夜班人士。首先，打邊爐最重要湯底我加左$50 要椰子🥥湯底物有所值，佢真係成個椰子球，越食越香椰子味另外放題配料，估佢唔到，有驚喜好少火鍋放題有冰菜其他配料都不過不失因為我第一次黎食，怕中伏，所以只係叫左set A，但我見其他set野食唔算又話多好多，如果想食海鮮都唔會黎呢到打所以真心推介夜班人士黎食setA

今日去咗荃灣做嘢 呢排天口㷫 最啱就係一大班人去烚下烚下啦 有朋友介紹呢間極品 聽個名就已經覺得吸引 等我就試下睇下係咪極品先入到去環境好大 令人完全冇壓迫感蔬菜櫃入面有好多唔同種類嘅蔬菜 好新鮮好青綠 啱曬追求健康嘅人士飲品雪糕都應有盡有 非常齊全我自己就唔係一個追求健康嘅人 所以去到火鍋店通常都會叫牛肉 牛肉係我嘅至愛所以我都有少少研究 就叫咗呢個美國srf極黑牛肩胛肉眼 睇個樣就知道好味 因為油脂好豐富而且好均勻 牛肉嘅部分非常之新鮮 係鮮紅色 我諗出面都唔係間間火鍋店有呢啲質素跟住又叫咗一個澳洲短角牛肉眼 呢個牛肉食落牛肉味都幾重 只係比起srf比較薄切一啲 口感唔係幾突出之後又叫咗啲脆肉鯇魚同豬膶等等 同出面食到嘅差唔多 冇乜特別

出街食飯唔知食咩好? 一於去打邊爐啦！呢晚同friend子到左 【極品靚鍋-荃灣店】食火鍋~ 餐廳好大，而且有超多卡位，坐得好舒服~ 打邊爐最緊要係個湯底，雙拼湯底我地揀左冬陰公湯底和豆乳骨膠完靚雞美顏鍋，前者好有正宗泰式feel, 後者好養顏，仲有啖湯飲，正呀！ 我地揀左B餐-特上USDA Prime 牛肉套餐，聽個名已經好吸引，啱晒我地兩個食肉獸，可以任點任食兩小時~  套餐包左括幾款靚牛， 包括: 封門柳、安格斯肥牛、牛脷心片、松露手打牛肉滑，同埋濟洲生蠔、生猛海蝦、帆立貝等海鮮，另外仲有幾十款火鍋常見食材，全部都可以無限encore! 不得不試埋花膠啊！番本之選~要讚吓呢度嘅野食嚟得好快，員工亦好勤快有禮貌~醬汁可以係自助櫃檯自取~ 鍾意食菜嘅朋友，可以去出面部大雪櫃隨便掃~ 飲品都係無限量添飲，除左右一般汽水類之外，仲有佢地公司每日新鮮製造嘅健康涼茶，如夏枯草、冰糖雪梨茶等，好足料又健康，值得一試! 未夠喉，可以食埋甜品先走，有好多款cake和奶凍選擇，仲有雪糕喔！估唔到兩個人都可以咁大食，哈哈! 下次打邊爐又多個好地方喇~

今日去荃灣食火鍋與友人共聚，去到先揀咗湯底先,海底椰雪耳竹絲雞滋潤湯,望落去好好飲!店員亦都叫我哋如果滾左, 可以飲一碗湯先,再打邊爐.我哋叫了套餐A,包了牛肉,豚肉,雞肉等任食. 下單時自助形式,用QR code，可以叫套餐包的東西任食！而蔬菜類就是出面自助拎的，十分之方便！我哋叫了牛肉，豚肉，羊肉都不錯！最欣賞是半肉都有，同埋沒有漏單！芝心丸都好食，仲有長蟹柳，幾特別！仲有自家包餃子，餡料好好食，再encore! 仲有花膠仔，是回極之選。海鮮都有帆立貝，青口等也很不錯！飲品都是自助得，佢都有自家飲品如竹蔗茅根水，好多款不同選擇！dessert 就雪糕，有成10款味，岩晒大人小朋友！

好朋友生日話好耐無打邊爐,記得大鴻輝新開咗呢間火鍋店就同佢去慶祝店內非常寬敞樓底高,完全無壓逼感,坐位舒適,冷氣足夠餐廳使用QR code 落單,既方便又環保,而且送餐速度快,限時90分鐘, 我哋揀咗B餐, 完全無漏單近門口放咗一排排大雪櫃內有唔同類飲品、自家製涼茶、蔬菜無限量供應火鍋配料未到之前可以到自助位置取醬料我哋點了駌鴦鍋: 秘製香濃沙爹鍋+田園蕃茄野菌鍋,湯底非常足料入味肉類款式多而且有水準,稍為淥幾秒就食得,而且豬、牛、雞都有齊！美國封門柳肉味香濃美國安格斯肥牛雪花分佈平均,唔會太肥,牛肉味都算OK,唔錯西班呀豬梅肉片,肉質腍軟,脂肪分佈均勻,沒有肉筋美國肩胛肉眼,肉質柔軟鮮嫩,厚度剛好,油花平均,唔會好肥膩海鮮類有帆立貝、海蝦、生蠔、鮮魚雲、蜆、青口等,而我最喜歡係以下呢幾樣海蝦新鮮又大隻蜆又鮮甜沒有沙帆立貝大大隻好有咬口呢度仲有特長蟹棒、蟹籽手打墨魚滑、松露手打牛肉滑、自家製鮮蝦雲吞等,全部材料都好新鮮食咗咁多肉都差唔多飽肚,再食下菜清下胃甜品櫃每件細細的, 可以試多啲😋食到最後當然要食番啲雪糕中和一下肥腻,呢度雪糕都有好多款: 海鹽、士多啤梨、豆腐、香芋、蜜瓜、雲呢拿