樂香園咖啡室 (已結業)

今天中午經過中環機利文新街，發現有一間門口寫上"中環蛇竇"的舖頭，心想好似好出名喎，於是二話不說立即找位子落單。滑蛋蝦飯一碟凍奶茶一柸老實說，凍飲一般般，但是滑蛋蝦飯十分出色，蛋滑之餘又有鑊氣，如果份量可以多些更好!!

之前經過門口見到"蛇竇重現中環", 覺得奇怪, 蛇竇??? 有個朵, 即係好出名啦. 今日lunch終於去左試下, 食左一個沙爹牛肉面, 雞批, 一杯齋啡沙爹牛肉面$17: 好濃沙爹味, 牛肉唔會好"LAR", 都值得一試雞批$6: 真係好香好酥, 正!!!凍咖啡$15: 好香, 好飲不過真係要俾啲心機等食, 仲可能隨時漏單. 聽人地講佢啲什批好好, 下次會試下.

五月十四日 (星期四)聽說蛇竇重開,急忙約齊同事到此緬懷提早些少來到,但仍然是很長的人龍,唯有等等重新開業不久,門口的花牌仍然擺放著等了差不多二十多分鐘才有位,是剛好的一張四人桌我和另兩位同事點了滑蛋蝦仁飯,老公仔則點了滑蛋义燒飯滑蛋仍舊做得出色,不過飯則似乎煮得太久,較為軟身不竟只剛重新開張...給它多些時間罷...

帶了從國外回來的朋友來喝杯凍飲 hea 吓，新店面積比舊店細了很多，但也有一層閣樓，没有了那種六、七十年代懷舊的感覺，店中坐满追捧蛇竇的朋友，環境非常嘈雜，談話也有點困款，绝對再不是一個好蛇竇了！兩人叫了一客腿蛋冶茶餐($22) 及一杯凍奶茶 ($15)，腿蛋冶幾有水準，炒蛋很滑而且富有蛋香，令到三文治得到我的賞識，但上枱時餐紙也没有一張，新張已令人不服務不周的感覺！跟朋友叫了一杯凍奶茶和一杯凍咖啡，喝完後杯內仍有三分之二冰塊，天氣雖很悶熱，也不用下那麽多冰，令飲品份量大減而且味道變得太淡，那會好飲呢？ 收十五蚊一杯真是有搶錢之嫌！希望新店上了軌道後會有所改進！ 現在不太想在這樣的"蛇竇"蛇王!!

今日唔駛返工，個fd提議去試一間老字號茶餐廳，話就話有六十年，但係樣樣野都新，新地址，新裝修，新碗碟…感覺衛生茶餐廳個名好得意，個fd話因為好多人下午茶時間都會黎蛇王噗茶，久而久之就比人叫左做"蛇竇"。我地一人叫左一柸熱奶茶@$13，好有茶味，好香好滑。之後叫左一個菠蘿包@$3一個雞批@$6，嘩‥菠蘿包真係有菠蘿，雞批個皮又香又脆，當我地想叫多一個已經沽清，想食要等下次喇。總結，食物質素高，環境清潔，價錢好低，每人廿蚊都唔駛

蛇竇, 就是蛇居住的地方. 蛇是冷血動物, 夏天出沒, 冬天倦起身體來冬眠. 中國人就把懶惰的人比喻作蛇, 而蛇王就是偷懶的意思.樂香園的名字, 自從我這個由機場客運站變成畢打自己人後變得熟悉. 蛇竇之名, 據聞是以前中環工作的郵差又或是白領大多走來喝杯咖啡奶茶來歇歇.雖然我只是來吃一個早餐又或是一個晚餐, 以一個公司的小職員根本沒有機會來"蛇"一下, 但"蛇王"的感覺很強烈, 看著舊式的旋轉吊扇, 暗灰的地板, 奶白色的卡位, 彷彿回到六十年代的光景一樣.某天早上我又走過機利文新街, 嘗試再尋同昔日的蛇竇風味.搬進了新店也換上新的裝修和佈局. 沒有死蛇爛鱔的氣氛和感覺, 取而代之就是一斯一樣的茶餐廳模式和運作. 地下坐位也比舊店減少, 我算算手指也大約有二十多個左右.以前蛇竇也非浪得虛名, 故此我找到位置坐下也嘖嘖稱奇.店員只有兩個, 忙得團團轉, 在水吧工作的肥叔叔也不時喵一眼過來, 有時還會頂替做伙計落單, 看來新店需要點時間才能運作暢順.眼看著鎮店之寶雜批不斷由廚房送出, 我沒有不叫的理由吧?!雜批仍是老樣子, 有幾顆青綠綠的豆子, 表皮有牛油香味, 不過似乎是不冷不熱的. 是

還記得蛇竇結業前虛冚熱鬧，相隔不足半年，又另覓新舖重開。與舊址一樣，分上下兩層，環境較以前光猛乾淨，連碗筷也是新的，但地方就細了很多，所以舖面排了等位及外買的人龍。滑蛋叉燒飯是每次指定必叫之選，今次也不例如。周遭十之八九的食客也是滑蛋叉燒飯，黃黃的炒蛋及又多又大塊的叉燒十分吸引，反觀我們的，炒蛋顏色帶點焦黑，叉燒，飯身又腍，破壞了它在我心目中的美好形象。粟米肉粒飯-將粟米湯用水開稀，效果太濕，像湯飯般似的，味道又太甜。菠蘿包-酥皮的細紋不夠清晰可見，欠缺鬆脆外，也少了以前有種鳳梨酥的香氣，飽身較實，與舊舖時差別很遠。蛋撻-撻皮帶有牛油香，惜未夠鬆化，燉蛋亦夠香滑，始終不是新鮮出爐，味道當然差一點。心理上有種新不如舊的心態，我還是懷念以前的蛇竇。

一向都唔覺佢d野好食,不過就冇諗過咁差.1. 服務 - 同同事兩人, 叫左雞亦蛋面, 凍零茶, 茶走, 波羅包, 最快黎既波羅包都要等十五分鐘, 真係唔明. 最尾黎既雞亦蛋面, 等左半個鐘. 2. 質素 - 有相大家睇, 圖中隻蛋, 我真係懷疑係咪用膠做既sample, 成隻蛋, 包括蛋白, 都係硬膠化 , 個蛋黃就係軟膠. 呢隻蛋真係我呢世仔見過既最差既蛋. 我唔明, 廚房, 同伙記, 見到咁既蛋都夠膽可以羅俾客食. 講完隻蛋, 個面湯係比呢幾日既天氣熱少少, 冇味 個面就真係差差差, 超硬. 所以, 圖中碗面我最終係用黎影相留念冇食過.3. 亂收錢, 以上四樣野, 佢夠膽死收我$53. 雞亦蛋面$17, 凍零茶$15, 茶走$12, 波羅包$3. 我都唔知佢點計數.總結, 我真係諗唔到任何理由會再補襯, 大家亦都唔好迷信老字號.

在報紙見到樂香園重開, 一想起最愛的叉燒蛋飯, 不理地點較遠都特地光顧.去到人山人海, 新店比舊店細了一半, 等了十數分鐘有位. 我們上了二樓, 周遭食客已怨聲載道, 大部份早已ORDER的人食物飲品遲遲未到, 有一半的人等到同枱的朋友吃完連一杯飲品都未到, 催完再催都未有消息, 加上在二樓比較難叫到伙記上樓, 有些食客不耐煩便落樓找伙記幫忙, 有些真的等到無法再等就直接CANCEL埋單走人. 伙記也比較面生, 不像舊店的人, 無助的上下樓梯跟樓下的廚房催單落單, 明顯"滕雞".好不容易等了半個小時終於上菜. 和記憶中的叉燒蛋飯相距甚遠, 飯生得有點硬, 蛋夠滑夠生但完全無味, 才明白為何隔離枱的食客要在叉燒蛋飯加SOY SAUCE.估計新店未RUN熟, 廚房小, 舖面細伙記難上落, 未能應付LUNCH繁忙時間的ORDER, 只有一個"亂"字可以形容. 食物質素隨著"亂"而下降.衷心希望新店能夠盡快重上軌道, 遲些等它RUN熟返才會去.

後先送女友返工，沿途發現蛇竇，好似近排雜誌介紹過，就入了去吃早餐又蛋蛋，又雞批，又早晨套餐再加菠蘿油，吃哂招牌野。但就不太好坐，d人來去匆匆，好似佐敦牛奶咁，坐得唔耐，我唔習慣個菠蘿包有椰絲味。兩人吃了37元，又幾抵。

大家都係唔好抱咁大期望喇~ 今日一早見佢開張! 於是咪入去食個早餐囉!一睇餐牌! 早餐得一款, 都係d普通野~ o個個餐肉+煎蛋~ 成個面都係油~ 好似用油同我炸出黎咁. [{huffy}] 個火腿麵, 真係要#@#@!$#$@%$#% 係韌嘅~ 好似人地用熱水焗出黎咁! 好難食!之後都係要叫佢換喇~個熱奶茶...就好似飲即沖奶茶咁~ 真係0係屋企自己煮都好食過佢! 都唔知中環舖最後個日點解咁多人食?....唔怕難食嘅烈士都可以去會一會佢嘅~

上星期行過, 蛇竇星期一開. 今早, 特別早起床. 準備食返個雜批先返工. 現址是機利文新街, 地方明顯比舊店細好多, 但人物不變, 叫聲不變. 樂香園的傳統唱叫法依舊. 不過, 因為店舖細, 聲浪比以前細了. 早餐, 食返個批吧, 自從上次告別舊店時, 初嚐其雜批, 雞批. 便深深地愛上此中國批. 出來的批, 一樣酥香. 肉碎加蛋. 味道依然. 而且價錢, $6一隻. 依然不變. 一切, 只是地址有變.奶茶, 依舊是滑滑的奶茶, 沒有過份濃的感覺, 只加少許糖. 有奶茶的morning就是 good morning. 今日奶茶加上雞批. 更加good morning. 只可惜, 公司已經不在中環中心, 不然, 他會取代我之前的兩個早餐 hot sopt.