正潮樓

營業中

休息中

星期五晚上非常熱鬧，大廳全場滿座，幸好有訂位！正潮樓由國家級大師傅坐陣，如果預訂，有手工懷舊菜食，見到有不少大枱的客人，相信大家有預先寫菜，我們只是二人飯局，唯有散點。鵝粉肝半份 $128我最喜歡潮式鵝肝，如果夠肥美，我覺得甚至比法式鵝肝更加幼滑，潮式鵝肝更添上滷水香，齒頰留香！馬友魚 $268魚飯是潮州的另一名菜，有馬友魚及黃花魚兩款選擇，兩種魚我都鍾意，最後選擇了更肥美的馬友，凍魚風味與別不同，魚上面更有一層成膏狀的魚脂肪，入口即化，鹹鹹地的，幾有趣。魚露浸花甲 $218黃金組合，花甲添上魚露香更鮮美。肉碎蠔仔粥 $78經典潮州粥，蠔仔肥美，粥棉滑。環境舒適，尤其經理的服務態度親切，值得嘉許。

是日到了銅鑼灣正潮樓食晚餐，安頓好坐低飲住功夫茶食住菜寶花生諗下食咩好野先。今晚叫左鵝六寶，鵝紅，脆皮九肚魚，方魚炒芥蘭，潮州炒香飯，糖醋煎伊麵。鵝六寶-鵝六寶其實係有鵝肉，鵝蛋，鵝掌，鵝翼，鵝腸，鵝肝。鵝肉肉質好，啖啖鵝肉。鵝蛋蛋香十足，味道同雞蛋係唔同。鵝掌同鵝翼可以話口感之選 。鵝腸彈牙口感好，鵝肝隻香味久久留在口中。鵝紅-鵝紅味道口感都好，質地都好唔會食神咁一夾就散失敗。脆皮九肚魚-白滑魚肉被一層薄薄脆漿包裹著，滑口魚肉熱辣辣。方魚炒芥蘭-新鮮嫩既芥蘭炒既時候岩岩好，唔會過淋或過硬。潮州炒香飯-飯炒得好香口，既有蝦，仲有好搶味既臘腸香味。糖醋煎伊麵-伊麵煎得岩岩好，麵香味出晒黎，再加糖同醋刺激一下味蕾。食完飯當然到甜品時間啦，潮州野唔食反沙芋頭真係好似唔夠完美喇 反沙芋頭-糖漿融在芋頭外面，一層層包圍著熱辣辣既芋頭。

好少食潮州菜館，屋企人想試吓，所以揀咗位於銅鑼灣嘅正潮樓，試吓正宗潮州菜。呢度嘅價格唔算特別平，但係份量非常充足，而且好食⭐️鵝片 168攞盤好靚，唔會太肥，味度適中，比想像中大碟，而且鵝片有一定嘅厚度，唔會係薄薄一片就算。⭐️豬腳凍 128滿滿嘅骨膠原，分量十足，兩個人食食唔晒⭐️普寧豆腐 98熱辣辣脆卜卜，好好食，外脆內軟有豆腐味，配埋青色嘅蔥汁幾特別⭐️芋頭炒香飯 138因為想試吓嘅炒飯，所以叫咗兩款，芋頭經過處理，好香⭐️潮州炒香飯 168好豐富嘅材料，蛋炒飯粒粒分明，非常入味

銅鑼灣店面闊落光猛，環境裝修典雅，頗適合工作上的應酬，飲住啤酒食潮州打冷，絕不失禮。鵝頸頭完全沒有任何羶味，頸部貼心地去骨，可以豪邁地一啖咬落去。滷水味香濃入味，有淡淡的鵝油香，鹹香恰到，佐酒一流！鵝粉肝口感很綿，入口即化，鵝肝吸足滷汁精華，不膩口。必食的潮州魚飯，嫩滑的馬友魚上，有一層以魚湯製成的啫喱，能帶出鮮肉的鮮味，再加上特製的潮式豆醬，更加惹味即叫即煎的潮州蠔烙，外皮乾身香脆，不會油淋淋，有蛋香，還吃到一粒粒蠔仔軟糯質感，以胡椒粉及魚露調味糖醋煎伊面麵的兩面煎得金黃酥脆，但咬落內面仍是濕嫩，蘸上老醋和砂糖，酸甜開胃，中和了兩面黃的油膩感

今晚同朋友去左銅鑼灣正潮樓吃晚飯。我們點了潮州炒香飯，糖醋煎伊麵，鵝六寶（鵝肉，鵝蛋，鵝掌，鵝翼，鵝腸，鵝肝）,鵝紅脆皮九肚魚，方魚炒芥蘭，反沙芋頭。先飲杯功夫茶，潮州菜特色先功夫茶入口。潮州炒香飯：材料豐富，炒飯炒得好香口。糖醋煎伊麵：煎好左伊麵，又唔會燶又夠香。自己再加糖同醋去自行調節味道。鵝六寶（鵝肉，鵝蛋，鵝掌，鵝翼，鵝腸，鵝肝）：鵝肉唔會太韌，夠晒滑又唔會太肥。滷水汁底香甜又唔會太鹹。鵝蛋香口，又入晒滷水汁味道。鵝掌，鵝翼都有口感又味道好。鵝肝香味十足，咬落質感都好好。鵝腸爽口彈牙。鵝紅：鵝紅唔會一夾就散，都幾好味道。脆皮九肚魚：外脆內熱，魚味夠鮮甜。方魚炒芥蘭：芥蘭苗新鮮爽甜，方魚干香口。反沙芋頭：煮好既糖熱辣辣在面，芋頭熱辣辣夠晒粉。配合得幾好，幾好味道。

最近去咗一間潮州酒家，餐廳環境優雅，係一個享受美食嘅好地方。**煎蠔餅**：蠔餅煎得金黃香脆，外皮酥脆，內裡鮮嫩多汁，蠔的鮮味充分保留**炒芥蘭**：芥蘭鮮嫩爽脆，炒得火候剛好，口感清新爽口，帶有淡淡嘅臘肉香氣，簡單而美味。**厚菇焗鮑魚**：鮑魚鮮甜嫩滑，配上香菇嘅濃郁香氣，焗得恰到好處，味道層次豐富，口感非常細膩。**潮州炒香飯**：米飯炒得粒粒分明，配料豐富，有蝦、臘腸等，每一口都充滿潮州風味，味道鮮美可口。**椰汁雪耳**：雪耳清涼爽口，配上椰汁嘅香甜，甜而不膩，係一個非常完美嘅甜品，為整個用餐畫上完美嘅句號。

前排朋友介紹話呢間「正潮樓」有幾款招牌菜真係吾錯，加上自己又係鍾意試新野既人，所以今次就決定過黎一試，睇下係咪真係咁出色。鵝片 $168鵝片口感非常滑嫩，咬落去好有彈性，加上鵝香四溢，真係一啖一啖食到停吾到口。底下鋪滿鹵豆腐同花生，鹵豆腐吸收咗鵝汁既味道，鹹香味十足，配埋花生既脆口，真係好有層次感香炒瑤柱鬆 $338呢道瑤柱鬆真係食材豐富，瑤柱、香菇、豬肉碎等等，每一口都食到滿滿既鮮味同香氣。包係生菜葉度黎食，生菜帶有清新同脆口，完美中和左瑤柱鬆既濃郁味道，咁樣夾埋一齊黎食真係特別開胃煎韭菜粿 $68韭菜粿煎得金黃香脆，外皮帶少少焦香，咬開之後就見到入面滿滿既韭菜餡，吾會過重亦吾會搶味，反而好好帶出韭菜本身既鮮甜味，配埋淡淡既米香，真係好美味, 比起煎餃, 餡料更豐富, 外層煙韌鹹菜炒香飯 $128炒飯粒粒分明，鹹菜炒得爽口又不會過鹹，食落仲可以感受到D雞蛋碎既滑嫩，整體黎講味道平衡得好好，每一口都充滿濃郁既米飯香。呢碟炒飯就算吾配餸菜, 都會令人食完忍吾住想再食多一碗食飽飽後，真心覺得「正潮樓」呢間餐廳既味道真係值得一試，不論係味道定係食材質素都係吾錯，睇黎之後會成為自己食潮州菜既新

巧手精緻潮菜之選🥢 平日值得來一試❤️..想食潮洲菜❓不妨來試試呢間古色古香既潮洲館，由灣仔分店開到黎銅鑼灣，多款巧手手工菜，仲有功夫茶🫖、特色潮洲甜品 & 粿類，值得一試呢！而且服務亦十分好～仲設有包廂，適合大顆兒聯宜聚餐，夠晒私穩度，仲有鮑參翅肚名貴菜式質素都不差，選擇夠晒多元化。🔸鵝粉肝 $128 / $238🔸滷水鵝片 $168招牌鵝片😍 色澤油潤～有肉味食落甘香又軟淋滑，調味得宜又入味；厚切鵝肝食落粉香十足，滷水拼盤當然唔少得底層既豆腐 & 提生，好豐富。🔸汕頭煎蠔烙 $188潮洲菜點可以唔少得蠔餅🖤！有厚度～邊皮煎至微焦香脆，而內裡薯粉食落煙韌有蛋香，夾雜滿滿蠔仔肉，飽滿大大粒沾點魚露即時提鮮，整體口感好好。🔸梅汁焗豬手 $168Plum Sauce話梅汁平日少見～醬汁令炆煮豬手🐽 肉質更鬆化，豬皮Q 彈滿滿膠原😍，伴以生菜吸滿肉汁精華。我是一枚食肉獸👻！🔸普寧鹹麵線 $138麵條煙韌有彈性又唔易斷，配料同炒乾身又香口，第一次食炒麵線～..×××××ש銅鑼灣新寧道8號中國太平大廈第一期地下B號舖..

最近喺公司附近見到呢間中餐廳，突然興致起想食中菜就同男朋友一齊去食。.好明顯呢間係潮州菜，一入座先有功夫茶飲，有好正宗嘅感覺😂.然後都叫咗啲潮州好經典嘅菜式汕頭煎蠔烙佢啲蠔全部都好大粒，個邊邊位做到好脆口，而中間食落去亦好原汁原味咁保持到蠔嘅鮮味。食落去風味同平時啲蠔餅有少少唔同，佢呢個唔會話太乾身。普寧豆腐外表炸得好香脆，但入面又keep到豆腐嗰種軟腍腍嘅質感，平時比較少食到呢款菜式，都幾特別。鵝肉而呢個價錢嚟講，呢個鵝肉都算份量十足！豬油炒蕃薯苗隔離一條條嗰啲係豬油，用嚟炒番薯苗油香十足，唔知係咪因為有豬油嘅原因，所以食落去番薯苗特別嫩口潮州炒香飯亦即係臘味飯，炒得都算乾身，而且配料好足時不時食到蝦同臘腸。估唔到佢呢度嘅份量都幾大，所以最尾費事浪費打包咗拎走，個人覺得呢個價錢算係大件夾抵食

這一晚，兩夫妻來到銅鑼灣，就在這間高級潮州菜館吃了一頓潮州晚餐。這館子位於沒有那麼喧鬧的新寧道，環境相對寧靜。雖然這裡地方不大，也有兩間獨立廂房，而且環境亦算雅致，館子裡的一位男侍應，招呼也甚好。我倆點了一個「晚市特價套餐」，再點了半份「鵝粉肝」 （$128/半份）和一道「火腿護國菜」（$78），做這天的晚餐。這套餐可在四款名貴菜式：「紅燒魚翅」（$568/位）、「紅燒燕窩」（$568/位）、「厚菇焗鮑魚」（$488/位）和「厚菇炆海參」（$438/位）中任選一款，再在餐牌上指定的二十款菜式隨意配搭，1-2位可選3款，3-4位可選5款，餘此類推，而我就揀了「厚菇焗鮑魚」、「滷水拼盤」、「脆皮九肚魚」和「潮式炸蝦棗」。主菜未到，前菜花生、菜甫和潮州單叢功夫茶先行送上。「厚菇焗鮑魚」是這套餐中的主打菜式，爽嫩的青菜，厚身的冬菇作為綠葉，襯托著以刀叉享用，軟腍滑溜，鮑汁美味，入味可口的原隻鮑魚，是偶爾一嚐，令人回味的美食。「滷水拼盤」有鵝片、豬腩肉、鵝紅和滷水豆腐，各款材料都十分入味，我特別喜歡那鵝紅，爽滑而富口感，雖然只得一件，卻是出色之作。「脆皮九肚魚」和「潮式炸蝦棗」都好吃，兩者中，尤

上排過著忙到只要求”果腹”續命嘅生活，忙完過後終於變返正常，同事加友人就即刻話要食返餐好嘅，放工後就黎咗呢間食潮菜。呢到環境佈局優雅，有圓枱/卡位，亦設有獨立房間，無論幾多人組合都適合。安排坐卡位，夠寬敞舒適，侍應先送上功夫茶作welcome drink，仲有菜脯及脆花生作小食。踏入初秋，梗加想多一點湯水，呢度嘅湯羹類以位計，可以各色其式。我就鍾情呢客老菜脯燉豬肚 ($78)。打開蓋見到煙飄出黎，熱度十足。材料豐富，有幾件豬肚，入口夠腍無異味; 深色嘅老菜脯入口唔咸，湯嘅味道帶點胡椒味，少少香辣味，飲完有些少暖胃感覺。而友人想飲清淡少少，火腿護國菜 ($78)就岩佢啦。以前傳統上係以(鷄油豬油)高油性封面，依加迎合健康飲食都會少油，以蕃薯葉打爛成蓉，入口比較清淡。呢客汕頭煎蠔烙 ($128)，出鏡率相當高，分別送上魚露及胡椒粉伴食。邊位煎得金黃香脆，中間部份滿佈蠔仔，隻隻都飽滿，沾D魚露加胡椒粉趁熱食，正正。香口嘢唔好比佢停，黎多客普寧豆腐 ($98)，一客有12件，相當抵食。香炸至金黃色，外型似炸魚片頭，點埋個蔥醋汁食，外脆內有豆腐嘅豆香味及嫩滑口感。去食潮菜多數食滷水嘢，見餐牌上有

要潮爆好似爭D......正潮樓一丁點也不“爭D”！在銅鑼灣鬧市中出現古色古香的裝潢已經一點也不簡單，推門進店立即有幾位親切的店員熱情的招呼，坐下後店員更不停為我們端茶，茶杯經常出現“常滿”狀態，如此好招呼有點不好意思呢！既然略感不好意思便要肆意點菜！這個生醃海蝦頭盤看圖便已想吃，一放進口，蝦味更是迅速爆滿口腔。汕頭煎蠔烙是“潮流”名菜，果然一試難忘，啖啖蠔肉令人感到滿足。既然“潮流興蠔”便不必剎掣，繼續叫蠔！這個脆皮酸甜蠔算是新派造法，每人一客，意猶未盡！是時候清一清腸胃！這個朥粕春菜煲就恰到好處！朥粕一詞對我十分陌生，親切的店員立即解釋為肥猪肉、猪脂肪煎取的油，即廣東人俗稱的豬油渣，長知識！原本點了芋頭炒香飯以為要填飽肚子，可是我們倆吃了一口已肚飽了，還打包了昨明日午餐呢！這算是潮州版的一泊（門口有泊車位）兩食吧！

店名：正潮樓地址：銅鑼灣新寧道8號中國太平大廈地鋪B號1. 魚露浸花甲 $218花甲脹卜卜，冇泥又冇沙，只系用簡單嘅醬汁調一調味，味道ok，份量都唔少㗎2.汕頭煎蠔烙 $128蠔洛份量十足，師傅一開四，每一塊蠔烙都至少有五至六粒蠔仔系入邊，入口啖啖都系蠔仔，有少少胡椒粉吊味好香，好滿足🤗🤗3.脆皮酸甜蠔（2只）$116份量十足，炸漿薄身，再用埋酸甜醬調味，食落口惹味十足，記住要趁熱食，凍咗口感就爭好遠㗎喇4.梅汁焗豬手 $168豬手好腍好軟，配埋梅汁一齊煮，入口酸酸甜甜好開胃，配埋白飯撈汁一流，佢仲有生菜喺底，生菜好嫩滑，配埋梅汁非常好食5.甜椰汁雪耳 （熱）$48椰汁椰味重，配埋雪耳好好食，雪耳數量都好多，真系入口啖啖都系椰汁同雪耳，雪耳爽身既，用尼個甜品作結尾，非常滿足～6.白飯（2碗）$247.茶介（2位）$24總價連加一$798

環境5分：潮州店中裝修得幾高級，完全唔似傳統打冷店，大堂有個電視，圓枱最啱一大班人或者一家大細，仲有房同卡位，好舒適，環境可以畀五分。衛生5分：新舖非常之乾淨同光鮮，衛生一樣畀五分。服務5分： 年輕服務員爽手唔囉唆，落單，加茶，上菜都好有效率，態度好好，滿分。味道5分：1)    半份鵝粉肝同鵝片一隻碟拼左上，大大件鵝肝厚身但潤滑，Ｄ鵝片黐埋層皮先最好食，好鬼juicy同軟淋，個調味教得好好，响低果D花生同豆腐入曬味最正，配埋白醋一絕。2)    蝦棗拼蟹棗每樣各四粒，炸到脆卜卜，蝦味蟹味好濃郁，一上碟熱辣辣，炸到好通透，點個甜醬好好食。3)    汕頭煎蠔烙成隻碟咁大，好似pizza咁一開四，煎到金黃色，Ｄ蠔仔大大粒有蠔味唔腥。4)    煎韮菜粿一碟有四隻，煎到好靚，韮菜餡都好多，個韮菜味好濃烈好香。抵食5分：平均每人三百幾蚊非常飽肚，地方咁好坐，又有咁正宗傳統潮州菜的款式，抵食絕對值五分。

我今日放工後，約同好友去位於銅鑼灣新寧道8號中國太平大廈第一期地下B號舖的正潮樓食潮式菜餚，裝修古雅，坐得舒服。我地點左：鵝粉肝Groose Liver（半份）$128，鵝片Sliced Groose Meat $168，厚菇焗鮑魚 Braised Abalone with Shiitake Mushroom $218，肉碎蠔仔粥 Poached Congee with Fresh Oyster and Minced Pork $198。鹵水鵝片和鵝肝好味又好食，飽魚焗得軟腍入味，肉碎蠔仔粥的粥底鮮甜，蠔仔肥美，整體黎講係好美味的潮洲菜餚。