民聲冰室 (已結業)

想食佢既肉餅山好耐啦，特登去左筲箕灣食，兩個人叫左個菜同埋肉餅山，肉餅山冇想像中咁大份，但真係好鬆軟，咁厚中間都熟到，配埋佢特製既豉油，非常惹味。菜就一般啦，算係夠味，但冇話有咩特別。

是在台灣節目「康熙來了」看到推薦的！然後就自己搜索到了！原來就是筲箕灣，距離我家也不過10分鐘腳程！ 好讚.！鹹蛋肉山和梅菜肉山真的好好吃，好下飯！一個人把整碗飯扒光！自己都被自己感動到！

只有肉餅！行山前大家約在民聲集合，先到先攞位！去到都早！講定有好多人來緊！店員好好咁比咗閣樓3張枱，普通茶餐廳格局，橙白色搶眼！公眾假期都唔多人！店員唔係成日上閣樓，不過一上就幾nice，要求好快做到！鹹蛋蒸肉餅：招牌菜，賣相可愛，一座小山，豬肉唔嚡，有肉汁！唔知點樣做到！平時咁厚嘅肉餅實好硬！鹹蛋唔太鹹！不過豉油好鹹！墊嘅肉餅索晒！食唔到！午餐肉餅份量唔大，剛剛好夠飽！泰式雞絲河：失敗失敗失敗！肥髀要食呢樣！但來到我同佢呆咗，整碗麵舖滿好多炸蒜！整碗湯好油膩，味道又唔夠，河粉唔滑，雞絲嚡！失敗！凍檸茶：假日無包飲品！叫一杯同阿女分享！茶底濃而不澀！幾好！呢度都係食肉餅夠了！

咸蛋蒸肉餅泥到既咸蛋蒸肉餅真係太出名黎到真係無得唔試首先個外型真係好特別乒乓波咁大粒咸蛋係正上方跟住啲肉餅都好入味同有口感用黎送飯真係一流我自己都叫左三碗飯而個蛋真係成個餸既重點䶢得黎又唔會流唯一不足就係太貴可能會覺得唔底食不過總結黎講都係值得嘗試嫁口水雞泥個餸係呢到都算出名既所以黎到都叫左泥個發覺原來份量都幾多完全夠兩三個日食隻雞都好大隻同整得好入味啲香料配搭都好合適用黎送飯真係一流不過有人可能會覺得辣所以一啲都食唔到辣既唔建議食除此之外都建議第一次黎既可以試下

筲箕灣東大街見到「民聲冰室」，久仰大名。立即入去朝拜一下它的「鹹蛋蒸肉餅」$58，送靚仔白飯一碗：成座「肉餅山」端上檯面，係幾有看頭，但係鹹蛋黃就灰灰黑黑。切開肉餅，肉質很鬆軟，但鹹蛋黃就出奇地無味。之前有聽過朋友評論它下味精太多，我個人就不覺得，反而我覺得調味甚有問題，豉油太甜了，而且鹹蛋黃又沒有鹹味，欠缺了吃鹹蛋蒸肉餅的神髓，是有點兒失望！我個人覺得試過就算了，可以不用 encore 。

難得民聲星期五晚唔算多人 唔洗等都有位當然要叫呢個招牌肉餅 味道依然都無變 如果兩個人食再叫白飯 份量剛剛好超失望既花蟹蒸水蛋 睇落好似好正 實際上 完全唔入味 Staff話第一次代替蟹膏整 講真真係好唔掂！

約一年前食過，水準一般但都算多人食，因為有名星效應！但今天再食客不多了，而且一個扎肉（有點怪味）、河粉（有點鞋口）河粉內有一粒（發寶膠），飲熱華田（比水好點）成為$4x元。員工態度一般 ，我都知飲食業難做（最低工資下請人難），但要特圍不是這樣，有幾多明星來食都是沒用！希望不要怪小兄弟多事了！只想你進步而已

38蚊其實真係唔算平但....食到好sad，諗住一個人求其啦一上，見樣已灰，隻蛋炒得好老，又細份，食落，充滿生油味，而塊包，一咬就吐出黎，唔新鮮到影相都見到，見唔見到橫切面外層圍住一圈白？通粉好淋，湯唔好味好似落好多糖幾十米外間華星成日有人等係有原因....可能得番杯奶茶叫可以.....可能我嗌錯嘢如果真係仲想試呢間，唔建議叫存在呢幾樣嘢嘅餐........而家都唔知仲食唔食好

民聲冰室，原來只係芸芸餐廳小店之一，自從有了招牌菜，頓時客似雲來，名人明星不遠而至，紆尊降貴，逼喺街邊，只為一嘗只此一家嘅鹹蛋肉餅。大坑總店，每日飯市都客似雲來，一位難求，但自從喺東大街開咗分店，每月初二，十六拜城隍都令我充滿期盼。拜完神都可以獎勵自己。其實民聲嘅午飯套餐水準高於同儕，但我只鍾情於鹹蛋肉餅飯。呢度家常菜普遍媽媽都識整，但要達到民聲嘅水平，殊不容易，要做到肉飯鬆化有咬口，酥香醒胃，除子選料審慎，更需要堅持同心思。     肉餅要有咬口，唔會散晒變肉鬆，要訣係唔可以用機免治，因絞肉機會破壞肉嘅纖維，反之，要用刀剁，而且醃肉時要用豆粉同水，代替油，肉餅蒸起先會鬆化。       另外民聲選用原隻新鮮鹹蛋，每次入爐蒸先打鹹蛋上肉餅山，咁鹹蛋蒸出嚟先會酥香。         畫龍點睛，最後淋上特制豉油，應該以老抽加糖同其仔嘢調教，混和肉汁，微甜醒胃，以本人經驗，一碗飯絕對唔夠o候,連扒兩碗飯，汁都撈埋，食完唔口乾，臨床測試無味精。食飽環顧四週，原來不經不覺又全場爆滿。       「山不在高，有仙則名，水不在深，有龍則靈」只要民聲一直保持水準，相信好多客人都會不辭勞苦去支持。 

又係一個朝聖嘅日子啦 今次嘅地方位於筲箕灣東大街嘅民聲冰窒，東大街不嬲都有好多野食，但係鐘意冰室嘅我就梗係去呢間朝一朝聖先啦冰室嘅格局同一般冰窒差唔多，所以就唔多講啦今次我就點左個最出名嘅火山肉餅，等左一陣之後，一個令我吃驚嘅火山就出黎左啦 本身都OK大嘅盆入面有成10CM高嘅肉餅，真係好吸引。 肉餅上仲有大大粒咸蛋，配上肉餅一起食唔會太咸，又唔會油，肉質重好鬆化，聞落超香。除左佢好睇得黎，個肉餅都仲好好食，D肉餅唔會話太UN之外，佢仲好似似手打咁好平均，唔會有咩位食落係無啖啖肉。正呀又唔係好貴!

平時大坑個間就食得多，今次黎到筲箕灣，我地提議左好幾種唔同餐廳種類出黎，屯門區既朋友揀左想食冰室！好~出發黎到呢度，因為已經係下晝2點既關係，我地唔洗等位。入到去坐底，我同男朋友叫左咸蛋蒸肉餅同梅菜蒸勝瓜。肉餅山賣相滿分，肉山上仲有個大大粒咸蛋黃太陽，又靚又有意境。肉餅山味道依然好味，好夠鬆化！夾埋咸蛋黃個種甘香，不之得了~唯一可以彈既地方係佢加埋豉油有啲偏咸，除此之外其他都好好。另外既梅菜蒸勝瓜，勝瓜大大粒，梅菜都好香，唔太咸，質地又唔會太冧，仲有啲爽口。呢2味好似好普通既家常棻，襯一碗白飯真係無懈可擊！

星期日同朋友去石澳行完山之後黎左東大街搵食, 見到咁有特色既肉餅山就被吸引住入左去食咸旦蒸肉餅呢座肉餅山上枱真係好有視覺效果, 食落味道唔錯, 肉質鬆化唔會死實實, 最好食其實係佢既配角-豉油, 食得出唔係街買既貨色, 撈飯一流 馬拉盞炒通菜呢個相對就遜色好多, 炒上黎雖然熱辣辣, 但冇馬拉盞香味, 食落都冇乜味, 同食白焯通菜差不多, 睇黎廚房師傅要注意一下啦....

以往見民聲冰室都很多顧客，今天難得有很多空位，便去食個午飯。但一吃便知為何現在那麼少人了。點了招牌肉餅，味道也保持到，只是以往高高的肉餅變得比碗飯還要矮。起初以為將貨就價，但後來見別桌的肉餅好像沒怎麼變，只有我們的特別細份，不高興啊 另外點了冬菇蒸滑雞，味道不錯，雞肉也滑，只是勁肥，每件雞都有厚厚的皮，真正能吃的肉很少。再來一個瑞士汁炒牛河，一上桌見到亮亮的油光已飽了一半。不是瑞士汁嗎？為何完全沒有汁？吃起來也沒有瑞士汁的味道，完全是乾炒牛河，還要是超油那隻。吃完後碗底剩下的油可以炒蛋呢另外一提，跟餐的白飯十分硬，還好像有點生米。而餐牌上明明寫著有餐飲，但在牆上卻用手寫著星期六日沒有餐飲。其實寫些label貼在餐牌上也不難吧，這樣很誤導啊

家住九龍東嘅我，偶爾都會專程黎東大街搵好野食。雖然東大街位置係正地鐵站隔離，交通非常方便，不過要專程搭車黎較為偏遠嘅港島東幫襯，餐廳一定要有翻咁上下水準。加上東大街神級餐廳如XX咖哩，XX魚蛋粉麵基本上係唔少食客黎東大街嘅必到景點，民聲冰室作為一間家主打家常便飯嘅港式茶餐廳，要吸引食客幫襯真係唔簡單。今日係大年初四，東大街有一半食肆仲未開爐，令開左門嘅食肆生意大增。見民聲冰室唔係太多人等，就決定試下。先講下餐廳環境：鮮橙色嘅門面非常搶眼，整間餐廳感覺光猛而且衛生清潔，檯燈亦都夠大，唔係卡座嘅座椅都係有cushion 嘅小型沙發凳，以冰室黎講算係非常舒適。不過，餐廳嘅設計就非常奇怪。首先，餐廳大門係凹左入去嘅，門外有個唔細嘅地方放擺設同餐牌，隔離仲有一千零一張餐檯，對住東大街馬路@@ 呢種設計係適合海邊餐廳或者酒吧，不過對於一間港式茶餐廳就非常格格不入。如果係我，就唔想一路食住馬路d塵，一路食肉餅。我哋張台係冰室盡頭，要行上半層樓梯嘅小平台上面。以為餐廳門面已經夠奇怪，原來沒有最奇怪，只有更奇怪。我哋坐張台隔離有兩個玻璃箱，裡面養左隻蜥蜴@@ 我認同係食肆養下金魚之類當風水擺設係無可口非

筲箕灣狂吃之You can't stop me 3/5馬拉盞通菜香氣濃郁，一端來剛好放在我面前，虛假問問友人要不要幫她們舀，回響不大；我即暗自歡喜，大吃特吃。有鑊氣而不油膩，香噴噴 。口水雞本來我都怕太辣，大夥兒未必歡喜，但友人叫了便正中下懷。很大碟，又菜又粉皮 ，雞有多少件都全然掩蔽了。就只見一些像是辣椒油的顆粒在雞上，吃下沒甚辣味，與想像中的「口水雞」差天共地。底下的皮蛋浸得久一點，反而挺入味。蒸肉餅好久之前聽過「大坑、肉餅」，但這些字詞已在記憶中成為碎片；想不到原來今天來到筲箕灣，這邊的朋友就是帶我們嚐這個肉餅。 這個「一柱擎天肉餅」，早早已在社交網，食評網看得多。 原來還真美味，肉鮮、有汁、半肥瘦；這一口好像太多瘦肉恐防痴牙時，下一口又復見帶點肥爽的肉。汁不算咸，即使米飯早早送完，空口吃肉餅也不覺口渴。酸甜牛仔骨過酸過甜，我猜，這個酸度的一半經已足夠了，酸得像到「50嵐」點一杯「鮮檸檬汁走糖」。牛仔骨很隨便弄得軟淋，那和茶樓點心黑椒牛仔骨其實有異曲同工之感。不推介。蟹x蒸水蛋很滑啊，但十分離奇，蒸水蛋竟然沒有蛋味，比起泰昌蛋tart的蛋味還弱。那水蛋還硬得可以用一雙筷子夾得起，