水木日本料理 (已搬遷) 新店位置

想同朋友安安靜靜咁傾計，四個人，就上網搵左呢間日本野試吓，店舖唔係好大，人客都唔會太嘈，最啱靜靜地傾計首先嗌咗個黑松露蒸蛋，一打開蓋就聞到黑松露嘅香味，蛋蒸得好滑，除咗黑松露之外仲有其他配料雞泡魚干，絕對係送酒嘅好小食酒盜芝士，之前喺第二度食過，味道都偏鹹，但依一道嘅芝士味道就啱啱好，都幾香口壽司盤，每樣野都可以試啲,我當然最鍾意海膽同埋三文魚子，海膽好鮮甜而且份量都好多，另外吞拿魚茸嘅小卷味道都唔錯，而吞拿魚壽司都入口即溶， 10分肥美魚頭燒得非常之香口，而且魚肉仲好滑，點小小汁已經食到佢嘅鮮甜味水木特製沙律，入邊除咗有唔同款嘅刺身之外，配上佢哋特製嘅醬汁，酸酸地， 好開胃

平日晚上同朋友係灣仔搵野食，係openrice見到都幾多人推介水木，早少少打電話book完位夜晚去到唔洗等就入得。水木裝修精緻得黎又唔會好奢華浮誇，比人一種舒適既感覺，最岩同朋友靜靜地享受食物。未食野先黎呢枝餐前酒，個名幾特別，叫金魚，係有汽米酒，味道幾特別又唔會太濃。前菜拼盤分別有鮟鱇魚肝、枝豆、櫻花蝦凍豆腐、黑豆串同東風螺。其中最鐘意就係鮟鱇魚肝，魚味十分濃郁但一啲腥味都冇。冰菜沙律冰菜係源自非洲既一種菜，香港有唔少餐廳都會用冰菜黎做菜式。冰菜表面有水珠，咬開有少少咸味，用黎做沙律非常開胃。特大燒虎蝦真係手掌咁大隻，而且好多蝦膏蝦味濃厚，鐘意食蝦既人一定唔可以唔叫。燒羊鞍呢個羊鞍十分juicy，肉厚得黎又唔韌，燒得洽到好處，睇得出廚師控制火候之妙。壽司拼盤有我最鐘意食既拖拿，入口即溶既感覺真係百吃不厭。其他食材亦非常新鮮。

早2日同朋友慶祝生日，佢介紹左黎呢間樓上鋪食日本料理，貪呢到環境清靜，坐得舒服由於平日關係，人流唔算太多，靜靜地可以同朋友傾下計，環境好relax人少少老闆都有過黎閒聊兩句，佢介紹左呢款日本清酒主要用乳酸菌發酵，酒精濃度12%，飲落都幾重酒味，酸酸甜甜咁冰菜沙律其他餐廳好少食到冰菜，呢到既冰菜好新鮮同爽口，配上沙律醬特別開胃，口感非常清新前菜汁煮東風螺、甘露黑豆、黑松露豆腐、枝豆、鮟鱇魚肝呢到既前菜種類多，款式亦夠哂特別螺肉及黑豆清甜入味，黑松露配上豆腐，配搭很好，枝豆亦是我最喜歡的小吃，最後一道鮟鱇魚肝真係未食過，魚味十分濃郁羊架配沙律菜呢到架羊架燒得很出色很入味，配上黑椒口感很夾，肉質鮮美，搭上芝麻醫沙律菜中和了羊架的脂肪燒虎蝦呢到既虎蝦好大隻，一隻虎蝦分了四份，肉汁鮮嫩，蝦膏都很多壽司併盤我最鐘意食既係海膽同吞拿魚腩，海膽都幾新鮮有海水味，吞拿魚腩口感肥美，啖啖油脂最後叫了4款雪糕作結，很滿足呢

好耐之前來食過日本菜覺得幾好，今次有客人嚟到就帶佢哋嚟食飯！我哋一開始就叫一啲小食，呢個係八爪魚蛋，口感好彈牙，甜甜地幾好食！另外叫咗一份燒明太子，明太子本身比較濃味所以用青瓜嚟隔開，就冇咁鹹，食落好香口，如果用來佐酒一流 ！呢一個係日本豚肉沙律，豚肉好甜，一啲都唔韌！下面嘅新鮮生菜用日本芝麻醬汁包住，好開胃！而且好多汁！粟米亦都好甜 ！刺身五點包括左牡丹蝦，日本大帶子，三文魚，手釣甘目鯛，鮟康魚肝，油甘魚。全部刺身都非常新鮮亦都好肥美！特別係手釣甘目鯛！又彈牙又甜！魚皮輕輕被燒焦，有小小焦香！帶子勁甜！比較特別嘅係鮟康魚肝！黑松露蒸蛋好滑，一打開個蓋就已經聞到陣陣黑松露香氣！綠茶冷麵好啱夏天食，一啲都唔漏，每啖麵條都有陣陣綠茶香！幾特別。最後尾呢一個咖啡雪糕好有意外驚喜！雪糕好香好滑，咖啡味亦都好濃厚！中間仲有少少咖啡味啫喱！食落有唔同嘅層！好香好好食！今次食過，客人都讚好！下次一於嚟試吓佢嘅午餐！

約食飯最緊要食物好味之餘餐廳位置方便，環境舒適！水木日本料理完全滿足我地要求！-前菜首先嚟個黑松露蒸蛋。一打開蓋陣松露味飛撲埋嚟已經留晒口水，松露味好香蛋好滑，簡直超水準！約食飯最緊要食物好味之餘餐廳位置方便，環境舒適！水木日本料理完全滿足我地要求！-前菜首先嚟個黑松露蒸蛋。一打開蓋陣松露味飛撲埋嚟已經留晒口水，松露味好香蛋好滑，簡直超水準！-另外燒雞泡魚干同酒盜芝士（其實係類似金槍魚）都值得一讚，燒得好香好脆，連埋芝士食都幾特別，做小食一流！-水木特製沙律有好多魚生粒同蔬菜，非常足料！-主菜要左份特上壽司盛合同燒魚，可以一次過試晒十款唔同嘅壽司！每一件都好新鮮好吸引！（適合選擇困難人士😂）-最後甜品有紅豆水信玄餅，望落晶瑩剔透，食落清清甜甜幾好味。總體之言餐廳食品質素頗高，環境裝飾都好舒服，適合朋友聚餐，值得推介！

水木日本料理這份水木特製沙律是很大份的，適合多人享用，沙律配上酸酸的黑醋汁，非常開胃。除了有各式各樣的刺身，包括三文魚、帶子吞拿魚等等，還有天婦羅絲，非常特別，口感十足！ ！沙律菜新鮮之餘，味道仲非常爽甜。不過個人認為醋汁多了一點，有點鹹。佐酒小食不少得的三文魚魚鱈魚片，值得欣賞嘅係佢唔會燒焦變黑，能夠把三文魚塊燒得香脆，同時也不會過火。點上酸酸甜甜的沙律醬，味道更提升一層。壽司特盛拼盤，比較注目的就是金目鯛、左口魚、左口魚邊、油甘魚腩、中拖。我試了左口魚邊，油脂十足，魚肉的口感林身，配上壽司醋飯簡直係一流。手握的壽司飯大小剛剛好，味道不錯。油甘魚腩都是非常肥美的，我會決定留在最後進食！除了這些壽司之外，還有三文魚、海膽、蔥花吞拿魚、三文魚籽等等，質素也是不錯的，每一件壽司都吃到師傅的細心準備。茶碗蛋，蛋帶有精緻及幼滑的口感，熱騰騰而且又滑又軟熟，蛋香味濃厚！

通常高質素嘅日本餐廳都係樓上鋪，今次就試吓一間叫做「水木」嘅日本料理！裏面嘅裝修風格擺設都好有日本風格。日本水果番茄北海道（季節性）原來佢哋定期會有季節性，即係某啲季節先有得食嘅食品推出。味道非常清新爽口，而且個甜味好吸引嘅。食SUSHI，SUSHI真係有好多元化！我就比較鍾意食左口魚邊，口感彈牙而且有比較結實嘅質感；另外中拖羅都係不二之選，口感肥美沒有筋；海膽個味道比較濃烈，加上紫菜中和更加好吃。水木特製沙律裏面有各式各樣的魚生，而且沙律菜亦都十分多不同的種類，味道酸酸地非常開胃，魚生亦非常有彈性。油甘魚餃外皮香脆，裏面啲魚肉非常滑嫩，有足夠鹹香，亦都可以加添檸檬增加清新口感冇咁飽，或者蘿蔔蓉中和一下。燒海鰻是另外一款季節性食品，食到個肉真係非常之新鮮，食下去非常之爽口有質感。燒茄子🍆估唔到可以做到外皮同埋裏面都係咁有水份，平時出面嗰啲係可能好油膩但係又好乾，佢可以做到水份充足外亦都又熟又夠味道。

有日想食d好食既日本菜，就上網搵左呢間評價唔錯既水木日本料理，佢既地點都幾方便，地鐵站出黎行五分鐘就到。餐廳既裝潢都幾高級，有d吧枱可以比你睇住司傅整壽司。食日本菜通常都會飲酒，老闆推薦我地試下支日本sparkling清酒，以清酒黎講算係低濃度，大約12%，飲落去非常清新，米酒味都幾濃。前菜已經非常有睇頭，五樣前菜放晒係一個橫碟到上菜，左起係汁煮東風螺，螺肉非常軟，煮到入晒味，甜味十足。隔離係甘露黑豆，黑豆煮完再雪凍，好甜。之後係黑松露豆腐，一啖將蝦，黑松露，青瓜同豆腐擺落口，混合埋味道好夾而係好清新開胃。跟住係枝豆，再落係鮟鱇魚肝，聽就聽得多，都係第一次食，魚味濃郁。冰菜沙律，係香港好似越來越多人食冰菜，佢爽脆既口感非常適合做成沙律。加州卷就平時食到既差唔多，不過感覺比較新鮮。之後我地叫左燒虎蝦同羊架。虎蝦好大隻，燒到好惹味，啖啖肉，仲有好多膏。羊架一d都唔酥，肉非常腍，唔需要用力已經可以咬開，配埋個mustard醬好夾。最後叫埋壽司盛合填飽個肚，當中個吞拿魚壽司最出色，吞拿魚魚肉好似和牛既顔色，咬落去成口都係油，非常濃郁同肥美。

同朋友去食日本菜，就揀咗一間比較係灣仔區算係偏僻少少嘅地方食日本菜。裏面環境都幾清新，而且有外國人亦都有本地人，都幾受歡迎喎！首先就食返個限定菜式，原來呢間餐廳係有季節性限定嘅嘢食，冇有啲season先至有得叫。日本「水果番茄🍅」來自北海道*季節性雖然細細舊，但係真係好甜，除咗肉質比較結實之外，外皮亦都好有拉力，咬落去爽口又鮮甜，係超級正嘅蕃茄！都食壽司啦，我哋幾個人食嘅壽司都有返咁上下份量，除咗平時比較多食到嘅三文魚、甜蝦、魷魚等等之外，仲有特別啲嘅中拖羅、金目鯛、左口魚、左口魚邊、油甘魚腩、中拖。我就嘗試左油甘魚腩，入口肥美又新鮮，魚油十足；仲有甜蝦都係大大隻，好鮮甜，正個放題嗰啲；海膽就比較味道濃烈，加上爽口香脆的紫菜配搭好吃得多。喜歡食魚嘅我哋就叫多幾款唔同嘅魚，熟食嘅魚一樣吸引，油甘魚鮫表面燒得好香，皮有很香濃的燒烤香味，裏面嘅肉依然保持香滑，呢個位置都算多肉比起想像中更為豐富，如果覺得味道太濃烈或者鹹香提升的話可以選擇配上少許檸檬或者生蘿蔔肉會來得更加清新。差啲講miss咗個茶碗蒸，裏面嘅蛋好滑，仲有一啲冬菇同埋蝦粒，個調味配得剛剛好，很好吃。燒海鰻 *季節性試多一款季節性

位置相當唔錯，地鐵一出，鄰近修頓球場有好多精緻嘅日本料理餐廳，老婆選擇呢間水木食生日飯，一定有佢嘅原因！出lift望一望，環境的確唔錯，而且有私人空間！前菜有我鍾意食嘅芥末八爪魚，而且有個好似魷魚嘅魚蛋， 十分精緻！重點來了，非常漂亮的擺盤，刺身非常肥美新鮮，見到拖羅漂亮的油脂分布，放入口即刻溶化，非常滿足！三文魚橙色白色分明，完全係我的最愛！牡丹蝦個頭有好多膏，而且啖啖肉，老婆食得好開心！燒雞翼我自細鍾意食，但呢度最好食嘅竟然係燒豬腩肉，肥肉同瘦肉都分明，未到調校得唔錯，加埋胡椒柚子，更加好食！最有驚喜係最尾都有個吞拿魚茸飯，再加上好飲嘅麵豉湯及甜點，好飽！成個晚餐有一個happy ending！

朋友於灣仔上班，放工找她到公司附近的餐廳晚飯。先點了一客刺身，是設計得很漂亮的一盤刺身，美得有少少不捨得食掉，牡丹蝦擺放得似在海中飛躍，原來蝦肉已起出來，輕輕一夾已整隻夾出來。每片帶子之間都夾著一小片檸檬，可令帶子味道更為突出。比較少吃到的是金目鯛，是一種油分較高的魚，色澤呈嫩淺粉紅，入口也吃到魚油的甘香。另外就是鮟鱇魚肝，要長得大條的鮟鱇魚才有著肥美的魚肝。魚肝質感粉嫩軟綿綿，味道濃郁。黑松露蒸蛋，未打開蓋都已經聞到濃香的黑松露香味，而蒸蛋是看得到有動感的嫩滑，輕輕搖晃碗身，就見到蒸蛋似布甸一樣彈來彈去，內裡更加了蝦仁、白果，令層次更豐富。燒羊架燒時加了少少醬汁及調味粉，沒有太大羊蘇味，用刀切開時感覺到肉質幼嫩，見到內裡呈嫩紅色。溫泉蛋和牛漢堡，加了半熟溫泉蛋除增加了觀賞價值外，混合了溫泉蛋的和牛漢堡更特別嫩滑，漢堡扒的味道內有淡淡的黃豆味。

朋友生日說要吃好一點，壽星女選了這裡，我們當然無異議雖然是平日晚上，餐廳也不在很旺的位置，但我們到達的時候也差不多坐滿了，只剩下吧檯未有人坐（還好我們有訂檯😛）↑前菜份量不多，其實也對的，要留肚吃之後的菜色嘛！其中一款的口感有點像魚蛋，一片白的，旁邊的醬很有趣，有點忌廉芝士的感覺，又有芥末的味道。芥末八爪魚稍嫌切得太小，有點難夾起。↑燒和牛沙津的牛肉夠多油脂，燒到半熟，中間還呈現著粉紅色～↑刺身有帆立貝、油甘魚、三文魚、吞拿魚拖羅和牡丹蝦，全部都很新鮮，沒半點腥味。拖羅入口即溶，怕膩如我也覺得好吃！蝦更是大大隻，而且餐廳很貼心的已經把蝦頭和蝦身分開，吃起來更方面！↑蒸蛋很滑，連同上面的湯一起吃，有淡淡的柴魚味，好吃！↑燒五花腩肥瘦均稱，用鹽輕輕調過味。旁邊的柚子胡椒味道很重，沾一點點就好。↑反而雞翼稍嫌燒得乾了點↑天婦羅炸漿厚薄適中，偶爾有幾塊稍厚但可接受。夠熱又不會太油，nice!↑尾段還有葱吞拿魚飯，真的飽到上心口！↑甜品是綠茶布甸，質感有點黏，很有趣～

同學聚會有發現新地點，其實幾個女仔除左食之外，係想保留我地友誼所以不定時飯聚係需要的。某同學介紹我們食日本野。餐廳2/F裝修簡約，感覺舒適，幾啱我地食野傾計開胃雜錦漬物平時食漬物都係跟套餐小碟餸上，今次可能係四人份量，所以就會頭盤咁多款漬物，最常食到係醃蘿蔔，鮮淮山食落會慢慢滲出微微辣味同紅喬頭亦酸得剛好而且較特別，牛滂醃製再曬上芝麻都爽脆！ 刺身拼盤肥美三文魚，油甘魚兩款都係油脂均勻，大滿足，左口魚薄切跟左換專登比我醮來食，厚切八爪魚同甜虾，每樣都好鮮味。汁煮鮑魚鮑魚夠軟淋又夠入味，送上枱時都切片。天婦羅必備嘅蘿蔔蓉，賣相似棋子超熱辣辣鮮甜厚肉東星班天婦羅，每口都會食到啖啖魚肉，嫩滑香脆薄漿，成條連頭骨都炸得脆扑扑，實在精彩。另外還炸左點青辣椒陪親蕎麥麵作最後，清爽嘅麵條跟香蔥冷麵汁。

屋企人生日想食日本野，朋友介紹灣仔呢間水木，果然有驚喜！而且食物上得快，最適合肚餓嘅老公！眼睛為之一亮！一盆刺身上檯，最吸睛係吞拿魚腩啊！拖羅肥美，你睇下d雪花！我平時好怕食油甘魚，因為怕腥，但呢個油甘魚一d都唔腥，肉質彈牙！帆立貝好大粒，佢d壽司醬油係柚子醋，配帆立貝最好！而我最愛當然係牡丹蝦，大大隻而且新鮮，頭有好多膏啊！我最驚喜係天婦羅！第一次食粟米心天婦羅，原來好好食！師傅技巧好好，唔會太多炸粉，無咩油！蝦天婦羅仲好大隻！呢個蒸蛋好滑，上面有個鮮甜魚湯，再配合蝦同雞肉等食材，豐富得來，味道唔會太鹹！和牛原來可以做沙律！呢個和牛約8成熟，配合沙律油食，唔會太膩！最後仲有吞拿魚蓉飯同甜品，太幸福啦！

So it’s a double date night for my friend and I, and my friend suggested we try this restaurant near his workplace. The appetizer was nice, would go very well with a beer. Then came the sashimi platter 😍 The hamachi was very fresh, loved it👍🏻👍🏻. Scallop was firm with a very nice texture. Salmon was fatty and had a nice taste 😋 Then it was the toro😌😌😌,super fatty and it just melted in my mouth. Shrimp was very big and fresh and tasted very nice. Next was the wagyu beef salad. Beef was cooked ni