沙田頭火鍋 (已結業)

自從1 月年頭食過一次 冬陰功湯底火鍋，真的好難忘，真材實料價錢優惠 。 今次再約朋友嚟一齊食，食雞鍋。 原隻椰子文昌雞鍋 ，$168 半隻上左鍋己已經聞到椰子湯，再原個椰子倒入銅內，真材實料，原汁原味，雞件大件又嫩滑。飲一碗湯，鮮甜又滋潤。安格斯肥牛 $198 牛肉非常新鮮，肥瘦分明，入口融化。好抵食。鮮滑 三拼$88 三滑當中蝦滑墨魚滑都很出色。四寶餃 $78水餃都好滿意，雲吞內蝦好彈牙。雜菜拼盤 $48最後食點蔬菜，菜吸收椰子湯精華。會再來幫襯小店，店員姨姨都好友善。

依家火鍋選擇都好多，有台灣，重慶，日本，韓國，廣東等等。旺角有間食廣東火鍋，地方唔係好大但係都坐得好舒服。食火鍋最重要就係個湯底，有時有又怕熱氣但又想打邊爐，所以好多人都揀芫荽皮蛋，不過呢度嘅椰子雞鍋，用上文昌雞，原個揶青，清甜可口，又消暑，又唔熱氣。煮好啲雞飲啖湯，嘩….真係好清甜。佢哋嘅蝦丸同墨魚丸都係自家手打，另外餃子同蛋角都係推介。特級本地手切牛肉，肉味濃郁，打邊爐一流。店員兩位姐姐服務殷勤，好有親切感。佢哋話樓上仲有間房可以容納八個人。

花雕藥膳醉雞鍋(半隻)$148 藥膳雞煲做法精髓在於多種藥材及用紹興酒醃雞，兩者缺一不可，湯底濃濃的藥材味，聞到已經覺得好補， 藥膳湯底真係有種魔力，冇食一排真係會好掛住鮮雞件用花雕酒浸過 ，入曬味，酒味香醇，令人垂涎三尺。雞件沒有多餘脂肪是我喜歡的，最適合愛吃又怕肥的我。肉質嫩滑又唔嚡口，而且冇雪藏味，皮爽肉彈，好耐都冇食過咁好食嘅雞喇。招牌鮮牛三色$388 打邊爐最緊要有高質靚牛， 本地肥牛、牛小排、牛胸油各有特色。手切本地肥牛我最愛，肉味較濃，較有咬口。牛小排 脂肪比例均稱，入口即化，齒頰留香。牛胸油，就是牛的脂肪，非常肥美。四寶餃$78 全人手製作，自家包製，餡料非常飽滿，簡單啲講即係皮薄餡靚。最有特色係蛋餃，餃皮用咗蛋取代，口感非常軟熟而且充滿蛋香，當中餡料用咗鮮蝦滑，口感非常彈牙， 與外層口感製造出強烈對比。手工手打丸，粒粒都好大粒真材實料，有墨魚丸、鯪魚丸、鮮牛丸、鮮蝦丸，款款都好彈牙，非常高質，食過真係返尋味。三秒鐘響鈴都係自家手作品，即叫即炸熱辣辣，腐皮吸曬湯底嘅鮮味，食落有爆汁效果。店內有一個鍋底真係好吸睛 ，好想試但係又唔敢試，就係滋潤鱷皇鍋，我咁大個女都未食過鱷

放工後約咗朋友去旺角行街 之後我哋搵到呢間近油麻地站嘅火鍋店 店鋪裝修簡約舒適 店員熱情有禮👍👍 最啱同朋友慢慢食慢慢傾偈啦😎😎 🍽原生椰子文昌雞鍋半隻$168這個湯底真是不得啦👍 除咗有原隻泰國椰子水🥥加入湯底內 仲跟咗半隻雞同海底椰🐔😉原本煲入邊已經有粟米🌽 雪耳 紅棗 非洲椰子片😄 真係非常足料🥰👍 相當清甜😚😚 🍽招牌鮮牛三色（本地牛 牛小排 牛胸油🐂） $388本地牛同牛小排都幾高質肉質 入口即溶 肉質鮮甜口有余香🥰牛胸油 我都係第一次食😜 佢有少少爽嘅口感 灼一灼就食得 據講佢係高脂肪低膽固醇 不妨一試😉 🍽手打四寶丸$98分別有 鯪魚丸 牛肉丸 鮮蝦丸 墨魚丸 全部係自家手打 幾Q彈有咬口😎 四寶餃🥟$78有鳳城水餃 鮮蝦靚雲吞 韭菜餃及蛋餃 每款餃 各有千秋 非常足料 我就比較鍾意食韭菜餃啦🤩🤩 🍽雜菜拼盤$48兩個人打邊爐 叫個雜菜拼盤就最好啦 樣樣都有啲 可以食多幾款菜白🥬😍 地點方便，價錢相宜🥰 好滿足的一餐🥳🥳 🎈沙田頭火鍋 (旺角)旺角砵蘭街139號地鋪

好多時打邊爐食連鎖店既要等，同埋可能年紀大咗就唔係下下都食放題😂見到有間新開，好似幾有地氣咁，就約朋友平日放工近近地試吓～🐮招牌鮮牛三色 佢有肥牛，牛小排同埋牛胸油♥️簡直係一次過滿足晒三個願望! 肥牛食落都覺得幾新鮮～牛小排肉味幾濃😆當然牛胸油呢啲唔係到到都有得食🤭淥3-5秒就食得，食落好脆口，好有牛香味😚-🥓西班牙黑豚肉 打邊爐通常都例牌叫一個黑豚肉，正常發揮～佢花紋分佈都唔錯🐷豬面青呢一個真係超級有驚喜，食落去勁淋身，又有油脂香味♥️下次再食一定要叫多次-🐑紐西蘭羊片我個朋友本身都係麻麻哋唔係好鍾意食羊，不過佢話啲羊片竟然冇咩羶味，最後佢一個人差唔多食晒咁滯-🐠 脆魚片佢呢度嘅魚片切得比較薄，相對上啲骨都比較少～大概都係十秒左右就食得。我覺得佢同皮蛋芫荽湯真係絕配，吸晒啲湯嘅精華，勁養生🫶🏻👄3秒脆響鈴做型打卡100分，睇個樣都知道係自家製，好有心機💫🌱四寶餃and 🦑四色丸我想講佢自家出嘅餃同埋丸真係心好食😍鯪魚丸同墨魚丸都可以掛到沙嗲湯汁，又咬到淡淡魚肉鮮味。丸同埋餃嘅餡料都好實在同彈牙，我諗打邊爐都真係志在食新鮮手工野～

沙田頭火鍋（旺角）老公今日同我講帶我去沙田頭食火鍋， 去到沙田咁遠，我立即拒絕。 去到先知原來地點旺角， 餐廳 座位寬闊，燈火通明，而且分兩層。1.原生椰子文昌雞鍋半隻$168:店員先將整個椰青水倒入火鍋煲內，並將椰青肉刮起放入煲內， 配上煲內的老椰子、海底椰、 紅棗、杞子和雪耳，極具養生之效，配上份量十足的半隻新鮮雞 ，放在鍋中煮煮便可食用，雞肉鲜甜嫩滑,不嚡口,啖啖肉,雞汁四射,湯底非常清甜可口， 我們一口氣飲了多碗。2.手切本地肥牛$258： 大大碟啲肥牛端到我面前， 擺設精美， 中間還放上一朵花， 我眼界大開，肉質紅潤，油脂分佈均勻， 而且有少少的油花， 淥幾秒便可以 進食 ，吃起來入口嫩滑，牛味甘香，帶筋爽口，口感十足。3.四寶丸$78:包括有蝦丸、墨魚丸、牛筋丸和 鯪魚肉丸， 全部真材實料， 自家手打，大大粒， 結實而彈牙， 我最愛吃蝦丸，入口好香虾味，鮮味十足。 4.四寶餃$98:包括韭菜餃、竹笙餃 、雲吞和蛋包餃， 質素高的自家手製， 餡料新鮮， 大大粒又好食， 黃金蛋包餃非常特別 ，這是廚師新造的產品，金黄的全蛋皮包著爽口的蝦棗，非常彈牙美味。

同朋友喺朗豪坊行完街，行到攰攰地好想食間勁既，沿住砵蘭街見到呢間打邊爐好似坐得幾舒服，就試下啦～雖然裡面唔太大有兩層樓，但坐位空間充足，服務員好細心會準備細籃仔放袋。除左有多款港式火鍋外，仲有好多款小食同刺身可以簡，最特別係有多款牛既唔同部位可以選購 。近排喉嚨dry dry 地，所以就叫左個芝潤原生椰子文昌雞鍋 (半隻) $168, 湯底材料有椰子肉、紅棗等等服務員會將成個椰子運肉放落鍋裡面，湯底清甜芝潤，文昌雞雞味濃右肥美安格斯牛小排 $198望落佈滿雪花，肉質嫩滑配埋椰子雞湯底，味道無得頂兩人唔食等多但右想試多D野，四寶餃 $78同手打丸類拼盤 $88就最岩我地眼闊肚縮既人四寶餃 $78 有鮮蝦雲吞，鳳城水餃，韭菜餡，黃金蛋包餃，全部都係餐廳自家製，大大粒餡料新鮮 手打丸類拼盤 $88同樣係餐廳自家製手打墨魚丸、手打豬肉丸、手打鯪魚丸和手打牛丸，食落出全部用既係新鮮肉，咬落彈牙果然手打係唔同D 棉花魚肚 $88大大塊 吸盡椰子雞湯底既精華，彈牙美味黃沙靚豬潤 $68望落少少粉色紅勁厚身，大大塊份量十足 食落有咬食飲品叫左即沖檸檬酸茶 $32 檸檬雪碧$32, 勁大杯起抵飲。

今日下午到旺角針灸，針灸之後正值晚飯時間，記得這裏有間好味的火鍋店，便來到了。特級手切本地肥牛，脂肪甘香無比，牛肉味道香濃，加上椰子湯底味道鮮甜，令到牛肉味道的甜度增高，果然是特級手切肥牛，性價比極高。原生椰子文昌雞鍋半隻，雪耳、椰子肉、紅棗、杞子、粟米、芹菜。店員將椰子水倒在鍋來，增加香甜味道，再將雞肉放在鍋底內，便成了一道鮮甜的椰子雞煲。文昌雞的肉質比較雪白，一眼便會認得出，肉質比較有彈性。四寶丸：墨魚丸、蝦丸、鯪魚丸、梅菜豬肉丸，款款都很蛋糕，其中以梅菜豬肉丸最為突出。四寶餃：鮮蝦雲吞、水餃、韭菜餃、黃金餃。每款都有新鮮的蝦肉在其中，其中以雲吞的味道最為吸引。雜菜拼盤，有多款蔬菜，口味非常豐富。

來到周末 終於約班朋友聚下想搵個地方打邊爐 飲下酒經過旺角有間新開張都坐得滿人 好似不錯 就入座 店舖有2層 座位不算多屬於小店經營 但店員很友善又有準備竹籃放手袋 服務很好我地坐下層 有4至5張枱牆壁用香港屋邨風格的設計 餐牌以港式火鍋為主又有小食和刺身 選擇很多火鍋料的牛肉 海鮮等等 基本都齊以手切牛 大肉蟹 龍蝦刺身最吸引！我地人數唔多 就食碟靚牛加幾款手打丸類 餃類 加個菜整體高質素 夠新鮮 十分滿足 😋😋 =原生椰子文昌雞鍋 (半隻) $168=點了椰子文昌雞湯底，店員把原個椰子水連肉咁倒入去，椰子肉鮮甜，紅棗粟米等等配料多，十分足料又清甜。而雞件肥美夠嫩滑，厚肉又唔會鞋，高質！ =安格斯牛小排 $198=不得了！牛小排肥瘦均勻，油花多，肉質夠嫩，配埋鮮甜的椰子雞湯底，不用點醬油已經很夠味，令人食不停口。 =四寶餃 $78=包括有竹笙鮮蝦水餃、鮮蝦雲吞、韮菜餃和黃金蛋包蝦餃，由餐廳自家製，餡滿又大粒，較特別是竹笙鮮蝦水餃食落清新又唔膩，蝦肉彈牙新鮮，而蛋包蝦餃，製法新穎，像台式蛋餃相近，同樣蝦肉彈牙。 =手打丸類拼盤 $88=包括手打墨魚丸、手打豬肉丸、手打鯪魚丸和手打牛丸，

惹味牛皇鍋🥘嘩嘩嘩….未食過咁足料嘅牛鍋，有牛坑腩、牛肚、牛根、牛骨、牛蒡等等樣樣都有，最重要湯底好濃牛肉味，白蘿蔔、粟米吸晒d湯超好味😋而家真係好小見真材實料嘅鍋👍🏻👍🏻👍🏻特級手切本地肥牛🥩雪花均勻，薄薄一片616就食得，牛味又濃👍🏻👍🏻👍🏻三秒脆響鈴🥢新鮮炸到好脆，616三秒就食得喇👍🏻自家手打墨魚丸、鮮蝦丸、鯪魚丸、牛丸，手打食落口真係好唔同，食材重點要新鮮，咬落去超級彈牙.正。自家鮮蝦靚雲吞、鳳城靚水餃、韭菜餃、蛋餃，餃類都好有水準，大大粒餡料又新鮮。油麥菜🥬配上牛皇鍋簡直絕配，吸晒d湯菜都特別甜😍

上網見到呢度有鱷魚肉打邊爐好想試下可惜佢限量供應 今晚嚟到已經賣晒🥲下次訂位時留定個鍋先原生椰子文昌雞鍋（半隻）成個椰青連椰肉一齊倒落去仲有老椰子同海底椰 勁清甜加埋粟米紅棗雪耳 成個感覺好養生手切安格斯牛小排油花勁靚 厚薄適中 好香好有牛味手工四寶餃有雲吞、水餃、韮菜餃、蛋餃四款都好高質 真係隻隻都大粒又好食我最鍾意水餃 勁多材料好爽口蛋餃好有特式 平時入面係包豬肉 呢度係蝦肉㗎沙田圍手打丸拼盤鯪魚丸、黑椒牛筋丸、蝦丸、蟹籽墨魚丸好結實彈牙 真材實料龍躉魚皮平時食龍躉就係為左食層魚皮呢度可以叫淨魚皮真係超正魚皮超厚身 豐富膠質又彈牙

依間既胡椒豬肚湯底真係好正，勁重胡椒味，咸酸菜又好味，豬肚都唔錯夠淋又入味, 份量十足，又有枝竹。 未開始打邊之前，先飲左一碗湯，唔覺有味精，味道咸辣味適中。 即制響鈴，放入湯吸晒d湯汁，超正👍。 手切牛頸脊，食落有口感，牛肉味濃，有少少肥所以點油香。手打四寶丸都好靠得住，蝦丸、墨魚丸、鯪魚丸、牛丸好鮮味又彈牙，真材實料。四寶餃，餡料十足，皮薄餡多, 入面有大大隻蝦又爽口, 蝦肉蛋餃夠特別，出面好少有得食。 豬頸肉拼豬下青，第一次食豬下青，估唔到豬肉都有個口感咁爽脆既位。 依度地方干淨企理，服務招呼都幾好 。

最近真係打邊爐打上癮！係旺角咁岩見到有間新野就試一試佢！個名好特別，叫沙田頭！一入去店員已經好熱情咁介紹我地我地各種湯底，係佢嘅介紹之下，我地就試咗佢限定嘅鱷魚底！本身我同男朋友對鱷魚肉都有少少卻步，但係店員拍心口保證好食，我地都決定一試！果然無令我地失望！個湯底一送上黎，直頭覺得係湯料多過湯，有超多鱷魚爪，豬骨，海底椰等等，所以個湯係超級超級鮮甜！直頭先直接飲曬全個湯底佢！店員仲建議我地鱷魚爪可以煮耐啲，塊皮煮軟咗口感會似豬皮，更加好味！食落鱷魚皮就似係比較煙靭，而鱷魚肉就係白肉，似嫩滑雞腿肉嘅口感！另外我地仲叫咗個安格斯三拼，其中個牛胸油超級特別！食落係好爽口，真係有一股牛油味，但係唔油膩！安格斯牛粒同肥牛牛味幾香，唔錯！手打丸每款有兩粒，啱曬我呢D中意樣樣試下嘅人！四寶餃粒粒都超足料，咬落啖啖肉！

今日同女朋友去左旺角行街食到好攰就想打邊爐經過見到呢間火鍋店就決定入去試下餐牌好多選擇，湯底除左經典傳統款式之外，仲有特別既海鮮鍋，例如花甲蟹鍋同鱷魚鍋其他配料都好齊全滋潤鱷皇鍋一上枱，就見到2隻鱷魚手係鍋上，非常有霸氣證明真係珍貴既鱷魚肉，無花無假滾起後試一啖味道好清甜！完全無任何腥味比我想像中易接受！而鱷魚係好滋潤喉嚨，係一樣好既補品推薦大家可以一試！安格斯牛小排非常大份，2個人一定夠食紋路好靚，係高質既牛肉淥10秒就足夠，食落肉質軟淋油香爆棚，好好食四寶丸分別有墨肉丸，梅菜豬肉丸，牛肉丸，鮮蝦丸全部都係自家手打好有誠意，食得出真材實料四寶餃分別有韮菜餃，雲吞，水餃同蛋餃全部都皮薄餡靚好足料飽實，好滋味

前幾日去咗打邊爐，食物環境同埋服務都令到我哋好滿意😍😍😍😍😍😍😍😍😍😍😍😍😍😍湯底叫咗椰子雞湯,湯底超濃郁，椰子亦都好新鮮，超級清甜😍😍😍😍😍😍😍😍😍😍😍😍牛肉亦都好靚，令到我哋食極唔停口😋😋😋😋😋😋😋😋😋😋😋😋😋四寶丸同埋各款既餃都同樣做得出色，賣相都超靚🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰即炸機響都好新鮮，加埋湯汁勁好食😋😋😋😋😋😋😋😋😋😋生菜同樣新鮮🤪🤪🤪🤪🤪🤪🤪🤪🤪🤪