泰興餅店

營業中

休息中

講到近期大熱，一定係荃灣泰興餅店賣嘅熱香餅漢堡，限量供應，每人每次限買兩個，一包難求，星期一至五出爐時間早上7:30和中午12:30，星期六日公眾假期下午2:00。每次經過餅店都大把長龍，多次放棄。今日中午12:10開始排，排到差不多1:30先買到，期間店員仲會預備熱茶和遮給排隊客人。熱香餅漢堡$15一個，的確非常便宜，雖然自己都整到，但自己買材料都要十幾蚊成本。熱香餅漢堡，由兩塊鬆軟勁厚的熱香餅夾住中間一塊芝士、一塊豬柳漢堡和一隻煎蛋。醬汁是少量適中的白色沙律醬，不會太酸。由於是即製，所以新鮮熱辣，味道亦非常不錯，而且很飽肚，若不是太多人要排個半鐘，一定會經常幫襯，不難怪咁多人，便宜夾抵食。唯一可惜的是，第一口咬到有蛋殼，但個包係好味的，排咗咁耐等到勁肚餓。

見到最近荃灣有熱爆排隊買熱香餅漢堡，我緊係唔執輸，即刻走去睇睇，果然名不虛傳，去到已經有很長的人龍，當中有人特登跨區排隊來買熱香餅漢堡，果然係香港人氣王。呢個熱香餅漢堡只在平日上午7:30和晏畫12:30供應，如果星期六日和公眾假期就只有下午2點出爐。每人只可限買2個，每個只售$15，賣完即止。我今日排咗45分鐘才買到，而且店員不時會出來數人頭，絕不可插隊，其實根本冇得插隊，因為後面啲人會舉報，而且店員數夠人數會截龍。熱香餅漢堡的製造係用兩塊香熱餅夾住塊豬柳、雞蛋和芝士，全部都係現場即煎。熱香餅唔算特別鬆化，豬柳略嫌薄一些。呢個熱香餅漢堡係香港人首創，而且價錢絕對合理，所以一定要用行動支持喇。

早排喺唔少社交平台見到呢一間嘅熱香餅漢堡，洗版情報絕對係超誇張😹😹而事實係咪真係咁吸引呢？咁啱去開荃灣見仲有少少時間就決定去試吓。社交平台嘅魅力真係好大，本身喺網上都已經見到間店會大排長龍🫨所以已經揀平日去諗住唔會咁多人。點知12:10左右去到已經排咗一條長長嘅龍😅😅😅 本身有留意出爐時間 平日係有2段時間：7:30 同12:30 ；而星期六日就係14:00 。仲要有限出售 ，每人限買2個。 大概12:20左右 ， 就會有職員開始出黎數人頭，並且再三提醒留意唔好打尖、要守秩序，相信係因為吸取過先前嘅經驗，所以溫馨提示下排隊嘅客人。 排到自己嘅時候聽到已經係第40幾位。我之後冇耐就已經截左龍😅😅後面仲有一條長龍😓職員都會同佢哋講未必會有得買，要視乎前面會唔會有人走或者買一個。如果要買真係要早啲排隊😅😅等左差唔多一個鐘， 終於到我😅😅每人限買2個，價錢黎講其實係幾抵， $15一個 ，2個就$30 。一拎到手其實都幾重手😆😆味道方面，個人認為並冇社交媒體、傳媒咁講到話好好食或者好有日本風味咁， 純粹過分吹噓😅😅但當然又唔係太差 ，算係 中規蹈矩。 豬柳味比較淡，蛋既味道同口感比較搶fo。 漢

秦興餅店是一家引人注目的餅店，以其出色的甜點和懷舊的氛圍而聞名。這裡提供各種美味的點心，其中懷舊忌廉筒和蛋撻是必試的招牌美食。以下是對秦興餅店的評價：🥄懷舊忌廉筒：懷舊忌廉筒是秦興餅店的招牌甜點，值得一試。它的外觀看起來樸實無華，但卻蘊含著豐富的風味。忌廉筒上的忌廉層次分明，口感豐潤，奶香四溢。吃下去時，忌廉的滑順與餅筒的酥脆相互交融，帶來令人愉悅的口感體驗。忌廉筒的內餡口味都獨特而美味。它們的忌廉鮮美，口感柔滑，絕對能滿足甜品愛好者的味蕾。忌廉筒的豐富口味和蛋撻的精湛製作技術使得這家餅店成為了品味美食的人們的首選。秦興餅店的努力將傳統甜點保留下來，讓人們能夠在品味中回味過去的懷舊情懷。🥞蛋撻：秦興餅店的蛋撻是另一款受到食客喜愛的甜點。蛋撻的外殼酥脆，內餡滑嫩，口感極佳。蛋撻的餡料豐富，蛋香濃郁，甜度適中，使人欲罷不能。它們的大小適中，方便食用，適合作為下午茶的點心。****************** 香港文化 ******************忌廉筒是一種具有悠久歷史的甜點，它的起源可以追溯到20世紀初的香港。這種甜點最早是在街頭小吃攤上出現的，由手工製作而成。忌廉筒的製作過程需

福來邨傳統麵包老店超鬆化懷舊忌廉筒！=====🌟忌廉筒 $8離遠已經見到有人龍，撞岩出爐時間香噴噴👃🏻拎上手仲熱辣辣，一咬落去酥皮筒超鬆化！Feel到加望到千層酥皮，加埋鹹鹹香香既奶油，好食！👅🌟斑蘭鬆餅除左傳統既藍莓同朱古力味，竟然有斑蘭味，決定一試果然有驚喜～鬆餅包體實淨但唔係死實，入口好濕潤，非常不錯，椰香味超級濃，整體唔會好甜，已經番頭食左幾次，配埋杯咖啡係perfect🤭🌟紙包蛋糕愈簡單既野愈難做得好，連紙包蛋糕都好好食！全部放係一個鐵模入面比客人夾，上手仲係暖暖地，質地超鬆軟，而且甜度適中🥹=====除左好食，呢間麵包舖全部包包都係良心價！菠蘿包都好令我surprise，除左基本菠蘿包，仲有幾款唔同餡既菠蘿包，已經分幾次試下，下次再share🤣

荃灣泰興餅店，價錢親民，附近沒面包店，可算是獨市。款式頗多，可能因為生意好，所以好快賣晒。好多款式都新鮮出爐。我就睇中佢地嘅忌廉筒，雖則係輕飄飄的感覺，但忌廉香濃，真心值得推介

入得黎舊屋邨又點只一間老店丫😏呢都係區內出名既麵包店不過少有既有飲品賣埋最近先出反忌廉筒🤨忌廉筒之前都想試嫁啦不過就未開book mark左果間筒係 拿破崙果種薄脆皮入面包住忌廉忌廉係鹹鹹地應該係 傳統用開既忌廉花生燒餅呢個都係食評推薦燒賣面既中心位深色左地方 原來係脆口像焦脆咁🤩邊就係糯米既沾牙入面吳係 花生醬而係 炒過既花生粒，芝士等十分香口😲😋凍奶茶見食評推薦話奶味濃不過我今次就可能冰佔3份2既關係飲吳到滑，濃既感覺🥲結: 見到其他包款賣相都不錯諗吳到舊屋邨老店都有keep住用心既店推薦: 花生燒餅因為花生粒香口面脆👍🏻😋#花生燒餅#泰興餅店

呢間真係老字號，開晌福來邨都好耐好耐，一啲都唔陌生。成日經過都聞到好香奶茶味，係比茶仔更香。但最吸引我既反而係擺門口櫃既雞批😍😍😍真係每次經過都要買，雞批入面係洋蔥同雞肉但個外層先係重點。牛油超級香，入口鬆化。除左雞批外，仲有蘋果批都好好食，叉燒酥反而一般。

作為包控，呢間係我最愛餅店🍞之一 呢間麵包舖嘅包普遍水平都高， 而且唔係貴， 尤其係中式酥餅方面作為糯米控最鍾意佢嘅花生🥜燒餅$4.5，size 有手掌🖐️心咁大件重點係佢嘅花生餡係真花生餡， 唔係好似其他麵包舖咁，為求方便快捷求其用花生醬做餡略炒過嘅花生餡有花生，芝麻，椰絲🥥同糖， 比例合適， 不會太甜， 食到曬咁多食材的味道。而糯米皮也夠煙韌， 不會太淋， 也沒有臭糯米粉味不過佢煎餅時間拿捏得不太準確， 有時會唔夠香脆，變相餅皮會淋啲相對區內咁多間有出燒餅嘅麵包舖而言，佢嘅花生燒餅已經係算出色另外佢哋嘅皮蛋酥（$5.5）都值得試， 金黃的酥皮鬆化，內餡足料，有大概1/3 隻皮蛋，皮蛋無「壓」味，荳蓉好軟滑，略甜， 偏油；不過就跟足傳統做法有紅薑，可以中和一下油膩感。$5.5 來講有差唔多拳頭👊咁大隻，非常抵食。不得不講。 只係店員嘅態度有時麻麻地

今日走左架車，係荃沉香車街街市附近行下，見到一間門面幾大嘅麵包舖就入去睇下有咩好野食。見到佢地有賣蛋撻，仲要賣$3.5一個，咁就買一個黎試下個蛋撻望落去係ok,都似蛋撻個色但一拎上手輕飄飄😨完全無質感…（心知不妙）食落去…個蛋漿勁薄…（大家睇相就知..☹️）你可能會話$3.5一個…仲想點但咁嘅質素嘅蛋撻，令人空歡喜一場😒不如唔好賣。情願你賣番正常價，俾番正常嘅食物質素第一次幫襯就咁失望☹️欺騙人家信任👎🏻

友人：泰興奶茶好好飲我：太興奶茶有咩咁好飲友人：搵日你嚟開我屋企就帶你去試 我：太興我屋企樓下都有啦友人：🙄唔係嗰間太興呀原來友人講緊嘅泰興係呢間麵包店 入面係有埋飲品可以叫 可以想像到朝早有幾多人會嚟買份早餐再返工返學🎒門口有唔少中式酥餅 叉燒酥賣相幾唔錯 不過今次我就食咗個蛋撻 蛋撻食落幾滑 蛋味都有嘅 撻皮都好有牛油味🥰必講嘅就係呢杯凍奶茶 凍奶茶嘅茶底幾香滑 奶味同茶味嘅比例啱啱好 唔會太澀 又飲到茶嘅味道 真係好唔錯👍🏻下次再嚟一定會再試吓啲叉燒酥同雞批 配個奶茶就真係個好好嘅下午茶🫖

記得以前屋企附近有間包鋪，一大個提子包都係幾蚊，仲要熱辣辣。唔同宜家周圍個啲連鎖包鋪，凍冰冰嘅，所以想搵間平民地道包店真係唔易，荃灣就有一間！呢間啲包全部都大大個熱辣辣，成個盤拎出嚟，大家都去夾，全部都好靚仔，又香！係早餐時間，長期都超多人排隊。我從未試過麵包鋪嘅花生醬包，但因為見到好大個，又新鮮出爐，好香，所以就買咗！食落唔係得花生醬，仲有一粒粒花生同椰絲，唔太重口味又不失花生香之後見到蛋撻好似幾好咁買埋！$3.5咋，不過個底有啲燶，食落都有啲燶味，有啲失望

經過呢間餅店，其實真係經過，期間聞到佢地自家製麵包出爐嘅味道，腳步不自覺停左一下，駐足望一望個凍餅櫃，啲西餅又做得幾精緻，價錢亦好抵，特價$13/件！ 望多兩眼，呢間餅店竟然有賣我好鍾意食嘅芒果糯米糍，仲要只係$9/2件！呢款芒果糯米糍同長洲芒果糯米糍完全唔同，由於工序比長洲芒果糯米糍繁複得多，所以呢款已經好少店有做有賣——佢連個皮都係加入埋芒果一齊做，中間更食到粒粒芒果肉，而糯米糍嘅出面係被一絲絲嘅椰絲包裹住，食落口甜絲絲，糯綿綿，有種兒時回憶嘅味道 另外值得一讚嘅係，店面非常乾淨明亮，有位年輕嘅美女店員亦十分殷勤有禮，估計係新員工，不過睇得出佢做野好認真好有心

新鮮出爐鬆軟麵包 + 熱辣辣香滑奶茶 = 為每日工作加油每日返工都經過呢間麵包店，入面都係人山人海。因為除左住附近嘅街坊會幫襯，附近工業區嘅打工仔，順路經過都一定買早餐。麵包新鮮出爐，熱辣辣，好鬆軟，最受歡迎嘅有菠蘿包、雞尾包，出爐後會放係收銀枱旁，唔洗放上麵包架，因為好快就會沽清，所以早上如果有幸買到菠蘿包及雞尾包，都一定係熱辣辣。出面買到好多麵包，差唔多$10/個，但入面係空心。但泰興嘅麵包，係真材實料，菠蘿包只售$3，但比手掌仲要大個，重點係，裡面係實心嘅，雖然賣得平，但絕對唔會將傾就價。菠蘿包上面層脆皮，夠厚，脆之餘，咬落唔會全部散哂。至於奶茶，更加推介，有好香濃嘅茶香味，加奶後好香滑，雖然我飲開走甜，但只有茶香，無茶澀

泰興呢間麵包店無記錯應該開咗大概年半，我平時經過多數會走入去買個菠蘿包加杯凍檸茶。記得第一次入去買時已覺得啲員工好殷勤同有禮貌，因好少麵包店會咁，多數都態度麻麻，買完想你快啲走咪阻住。其實我想講講佢哋啲飲品先，基本上99%我都係order佢哋個凍檸茶。杯檸茶$12大大杯，最少有4塊檸檬，顯現唔會將價就貨。茶味算濃而冇苦澀味，佢哋重會幫客人篤埋檸檬，啱哂我呢啲懶人。另外亦可介紹佢哋熱朱古力，熱飲＄11價錢公道吖！朱古力味好濃而且甜度適中。飲品呢啲價錢喺普通茶記都未必得。食品主要推介叉燒酥，呢個相信都係呢間麵包店嘅重點推介。＄7一大個，餡料非常足，個面甜甜地、脆脆地而唔油膩。另外雞批，菠蘿包、雞尾包、金沙朱古力包、班蘭蛋糕亦是一啲好嘅選擇~