海天花園酒家

營業中

休息中

小肥:中秋節前o既星期日晚o係呢度做節+慶祝爸爸生日, 訂位時已講明一係六點半, 再唔係就八點半後先有位, 不過呢D時間都預o左, 同埋好在呢度唔會迫人食套餐啦! 我地到之前o係附近o既海鮮檔買o左龍躉, 蝦, 紅蟹, 鮑魚同蠔, 淨買海鮮買o左千五蚊左右啦.環境都算舒服, 而且有海景, o係屯門o黎講算係唔錯啦, 除o左我地買o黎o既海鮮, 我地重叫o左菜同吊燒雞, 龍躉係清蒸, 呢度整得唔錯, o岩o岩熟, 同埋本身條魚係好好味lo! 蝦就用鼓油皇炒, 炒得好入味, 但我就覺得徧醎. 紅蟹用花雕加蛋白蒸, 都唔錯但D蛋白太”水”啦, 同埋我都係鐘意冇酒味o既蒸蛋呀! 鮑魚又係蒸, 呢味都唔會失手o架啦, 蠔就用砵酒焗, 但我就只係食o左一啖, 但就係個人口味問題唔關呢度事, 至於個吊燒雞就令我地個個有讚冇彈, 隻雞好有雞味, 吊燒令個皮好脆, 但D肉重keep到好嫩滑, 而且係吊燒, 令到D油出晒o黎, 所以一D都唔油, 上時配埋鼓油, 但我覺得唔洗點都夠味啦!服務方面都滿意啦, 可能同我地係熟客有關o卦, 位男部長會間唔使走埋o黎問下D菜點, 有冇o野未o黎咁.埋單唔計自已帶o

Been to this restaurant twice, as Yung Lung was full. The taste is ok but kitchen is very slow, I went there last week, had to wait at least 30 mins for a dish, service is very bad. Won't be there again!~

星期四跟朋友去呢度食飯, 街外海鮮不貴(識人),$450有4隻鮑魚仔(半個手板大)1斤海蝦, 斤半蟶子,1條約1斤海魚, 送左2隻蟹及1條魚用來煮湯(抵)哇, 但係海天d油水費就利害, 豉汁果皮鮑魚($68),豉汁蟶子($100), 其他沒留意油水費價錢;叫左半隻鵝($140), 清炒通菜($68你沒睇錯我沒打錯$68) 汽水($12/can) 泊車費($85懷疑係回佣給拿海鮮店的店員), 加埋茶芥盛惠$780附近,呢個價去明星酒家都應該會包埋d海鮮, 所以勸大家不是傾生意或多錢沒地方洗的人不要去!!(不過d海鮮都煮得好好, 鵝就不及深井, 炒菜極差)

今日真係阿sir請食飯，之前年年都會去黃金海岸，今年有人suggest 海天，之前未去過，估唔到屯門有間咁high o既酒樓。high 不單環境而係價錢都好high。12個人訂座，一張大枱，兩邊都落地大玻璃，海景，真係好靚。叫了一枱的點心再叫海鮮，有大大集瀨尿蝦、東風螺、蛋白蒸蟹、炒聖子。真係好豪呀﹗埋單都幾貴，二千幾蚊﹗真係要多請各位miss，阿sir喇﹗

裝修後加價唔出奇，但加得實在太離譜。我們只叫了5款海鮮及5款小菜，每人要400多元。食物質素亦不見特出，上菜要三催四請。一肚氣！

話說復活節期間去深井探親友,之後就首次光顧此飯店。海鮮是附近的店舖買,酒家代煮。食物煮法ok, 都美味,不過結賬發現頗貴:扣除茶錢小吃,平均每味食物要$150....!吃法都是蒸or 炒,相對其他店子貴3-4成,加上又無糖水or生果送,所以feel價錢不值。

今日清明節,拜完山後一家12口去左呢度飲茶。職員服務都幾好,不過不失咁啦~地方都幾靚幾乾淨,但就有少少似深圳比較高級既酒樓。我地只係叫左大約13碟點心、粥品、一個壽包、白飯兩碗、一煲豬腳薑、一個煲仔飯同一碟菜,食物都OK丫~個壽包都過得去,冇之前比食評既朋友講得咁差,相信係酒樓自己改善左,不過當然冇東海既咁好味啦!而d粥品就真係幾好食呀!豬腳薑我自己有食,眼見就好水,但家人食過都話味道係得架喎~馬拉糕幾口食。不過d點心就太普通,有d仲好似味道不足咁,好似個海王炒年糕,年糕質感幾好,但用黎伴炒既野實在太清,結果d年糕淨係食到喊喊地囉...而d叉燒包就唔係好夠肉,個包唔夠香,不過又未至到食唔到落口。最後埋單$590,而家諗返好似都幾貴喎...(茶芥每人$10,12人當中有三個係小童,冇乜點食野架~)

尋日一家人去左海天飲茶, 好耐無去喇...好舒服, 樣樣都新, 又有海景, gd~4個人叫左: (如圖)1) 椒盬魷魚鬚(10個好食! dad都話佢未食過咁好食既魷魚鬚! !!!一d都un, 好新鮮)2) 咸水角(嘩! 我一向ma ma 地都覺得好正, d皮出面脆, 入面好軟熟, 一d都唔會一舊舊, 痴晒牙咁~)3) 煎薄撐(賣相得, 幾好, 唔係好油)4) 硯介鯪魚球(好香, 彈牙, 有水準)5 蒸排骨(好新鮮, 唔係用雪藏野!)6) 鮑魚燒賣(入面d 蝦係出奇地咁大隻, 又爽!)7) 郊外油菜(唔知點解係特別甜架喎)8) 蜜汁cha燒包(相比以上既, 一般啦)9) 是汁蒸鳳爪(相比以上既, 一般啦))

這家餐館完全5掂, 一d都5老實, 佢可能見我地新來, 街外客, 直點我地上貴賓廳, 我地買好晒海鮮, 點好晒菜, 其實我係見佢d鳳爪幾好味, 想叫來食下, 揭揭下menu, 比我發現, 貴賓房d $$ 原來貴好多架, 佢係無我地concent之下就點左我地去貴賓房, 要pay more架麻~跟住搵個waitress開, 佢話佢要call部長問, 之後回來說計回普通table價比我地, 我覺得佢地好5老實, 貴賓房貴d要出聲架, 我知道而我肯比, 我都心甘命抵架~好彩我識拎餐牌睇下, 不過我拎餐牌時, 個waitress好手快咁想收, 我喝住佢話要睇先放底~跟住又係有d油鹽水煮既海鮮, 佢無講加菜底就照加$$, 茶芥, 茶位通通收足超貴, 我地買左6個海鮮,+2個小菜, 白飯5碗, 海鮮買了$500-, 但呢間酒樓埋單要$1,000-!! 我地7個大人, 2個kids, 1個infant - 超貴!!我地臨尾問其中一個部長有無甜點送, 佢話假期無, 但明明睇住佢上比其他人, 跟住個部長拎單來, 我地係到對單, 佢求其減一點既煮費就當抵消貴賓房既附加費, 另下個位部長見我地5係好高興,

天氣太熱，唔想去大排擋食，所以來0左呢度，而且仲有待客泊車。來到等0左一陣至有位，買完海鮮番來落單時間系8點半，等等等等，等到9點3至有第一道菜，足足等0左45分鐘。叫0的部長check check ，個個都就0甘話好快就來架喇。拒地唔覺得系0羊問題，所以相信平時上菜都系奇慢。45分鐘內差不多背熟0左個餐牌。海鮮加工費每兩3蚊。看落收費都ok 。但埋單時，有好多什費，真系好似入左間黑店食飯。來料有：16兩龍蝦–芝士"火局"，正！不過好heavy，同埋蓋0左0的龍蝦味($48)8兩鮑魚–豪汁燴，好似弄乾鮑煮法一樣，但個汁開得唔好味，同埋可能無時間"火文"，所以鮑魚都唔入味，我都系覺得鮮鮑用陳皮蒸好食0的；落單時，部長只系提及會等好耐，但原來，廚房會加幾條菜伴碟而且額外收費。唔好看少呢2 條小唐菜（真系只得兩條），足足要成$50，- ($74)16兩花螺–辣酒煮，個汁唔得，太希，0的花螺完全唔辣。辣酒煮另加$40 - ($88)14兩海鮮湯料–好好味，加0左0的豆腐，薑，同紹菜煲，正！- ($42)除了以上收費外，仲有泊車$15，茶水，前菜（一小碟辣雞腳），醬油（一碟辣醬）海鮮買0左$35

今日去左飲早荼，四人同行八個點心.....130大元-.-"又貴，又冇冷氣，侍應服務又差，坐低左成大半個鐘都冇野食黎都唔理，到問佢去check單先話張單放左一二便冇入到喎....真係*xyz@%#入左單d點心都係黎得好慢....話上午11時前埋單所有大中小點都係計小點優惠，但係張得二十多個點心選擇的點心紙上得唔多過10個係大中小點囉，其他的寫晒價錢照收....搵笨架>.<點心款式太少，連羅白羔都冇......總之奉勸大家一句，貼返錢比你都唔好去呀)))))))))))差中之差呀!!!!!!!!!!!!!ps)其實之前我睇左d食評都唔想去，最衰"有人"一定要撞個頭埋牆而死先至開心囉....

早幾日不用錢來這裡食晚餐，食完只可以講下次不用錢都不用找我了。這裡海鮮偏咸，又不新鮮，特別是貴價貨。上菜時間超慢，好在食之前已經打定底。食物特別差是壽飽，咸蛋黃真的是超咸，白蓮蓉少到只夠包著蛋黃，個飽皮又硬又差又冇味。十的比十個差都冇比少佢。順帶一提，這裡冷氣超凍，待應服務水準一般，最緊要是貴，所以一定冇下次幫襯了。

嘩！我諗唔到點寫喇！總之，裝修完之後油料茶錢都加左。全部班底好似換左。落單之後仍然要講句唔好咁咸同埋慢上。樓下第一檔將近無生意，熟嫁步的都過晒隔離唔比佢換笨。其他野…來來去去差唔多。…………………………是旦啦！味道都仲係ok羅！

以為新的海天會好好但totally disappointed. 小心歺牌有詐!!! 加工費十分之驚人. 食物不好. 新鮮購回來的海鮮被煮到不知所為. 無第二次. 以為經濟好一些就揾人笨!!!Service-waiter/waitress好似夢遊, 慢過包雲吞.

年初二中午與男友二人在黃金海岸附近,打電話到容龍長響無人聽,估計可能未開爐;想起電視賀年廣告三聖村海天花園酒家無休,而且好似好高格調,所以決定一試...怎料...唉.因為第一次幫襯,所以全部叫點心紙上的必食推介項目.首先是一碟名叫生意興隆的應節菜式,正名是炭燒拼盤,原價$100,特價$88一碟.有什麼呢?在約10吋x10吋的白色大碟上,中間放有幾塊鰻魚(份量是普通鰻魚飯的一半),上下有兩行燒腩肉,每行8粒左右(極細件,所以以粒為單位),最後四個角放2件炸豆腐.全部味道不佳.極之敗興.另外一碟蒜香乳鴿皇,$68一碟,乳鴿細隻(與雍雅山房的乳鴿皇差兩個碼),燒得很乾,蒜香其實是點乳鴿的蒜蓉豉油,乳鴿本身像是沒有經過特別醃製.竟然是推介….還有一隻龍蝦上湯開邊蒸,$108,味道就幾好,但好細隻.棉花雞$18,碟底墊豆腐乾,份量很少,魚肚有豆乾怪味,不好吃.鮮蝦荳苗餃,$15,用粉果皮造,味道ok.最後加了一碗京式炸醬麵,$20,根本是港式麵餅,上面的一堆炸醬勁辣嗆喉,亳無美味可言,男友吃了兩口便放棄,卻害得咳了兩天.席間聽到其他食客提及容龍作出比較.結果不言而喻.迅速埋單離開後順路到三聖村的