深夜食堂 (已結業)

今日同事就帶咗我去尖沙咀厚福街5樓嘅深夜食堂食午餐。$ 48蚊包自助沙律吧 ，另外加十至八十蚊就可以點埋主菜一款 ，好似幾吸引。一去到 ，望一望個沙律吧 ，第一眼已經被個芝士火鍋吸引住， 熱辣辣嘅芝士，撈麵包食真係一流。另外個南瓜湯都好飲，夠濃又唔算太鹹。沙律吧有生菜可以自己配搭唔同嘅醬汁，例如日式芝麻醬或者千島醬 。另外嗰個豆腐細細件都幾好。煮菜方面我就加廿蚊叫咗個龍蝦汁海鮮意粉 ，分量唔大唔細啱啱好， 帶少少辣味 ，青口好大件 。朋友就加廿蚊點咗個牛肝菌雞肉焗飯。有勁多菇同雞肉。 個飯落咗少少清酒去煮，味道幾特別。反而我幾鍾意出面個露天茶座， 舒舒服服傾下偈食煙都得 。其實尖沙咀真係好多好嘢食，下次再同大家去發掘下。順帶一提， 午餐並冇加一，明碼實價 68蚊有咁多嘢食， 都算物超所值。

今日約左好朋友聚一聚, 甘岩當日落大雨, 就去左地理位置非常方便嘅琛夜食堂喇! 當日落大雨都坐到爆哂棚, 餐廳職員安排左我哋坐出去, 非常大風! 呢度仲可以食煙, 好岩三五知己傾吓計!打開meun, 食物種類都幾多, 有沙津, 串燒, 燒玉子, 炸物併盤等等。我哋當晚都幾肚餓, 就叫咗好幾樣料理喇!牛油果蟹籽沙律牛油果與蟹籽份量十足(出面d 餐廳唔會俾咁多), 加上沙律菜十分新鮮, 兩者mix 埋口感爽口, 且非常口胃, 做前菜就最啱喇! 琛夜併盤呢個併盤好大份! 芝麻雞翼釀得好香, 炸得香口但又唔會太乾! 炸南瓜有驚喜,外皮好鬆軟，但入面南瓜蓉十分香甜! 蝦多士入面嘅蝦肉好彈牙, 好好味! 咁嘅價錢食到咁多樣炸物，CP 值好高！鰻魚玉子燒蛋很鬼滑，大大條嘅鰻魚包哂入蛋度，意外地加上芝士，玉子燒入口即溶，果然冇令人失望！西班牙海鮮炒飯每粒飯都被鮮濃的湯汁包圍著，一淡一鮮味，停唔到口，最重要係有香料襯托，成個飯食哂。鹽燒牛舌牛舌好爽，一d 都唔腥，而牛舌完克全全索哂醬汁嘅味道，食完又食，用嚟佐酒一流！

I came here for the Grill!!Grilled Chicken Wing, Bacon Roll with Lichi and Ox Tongue - i like the chicken wing, it was just right, crunchy and fit to eat (it was cut for easy eating)Pan Fried Crab Cake Grilled Clam - it was very freshPorcini Mushroom and Chicken Rice - to fill up the carbohydrateGrilled Abalone with Japanese Sauce - GOODGrilled Lamb Rack - it was tenderAnd the famous Eel Cheese Japanese Omelet - it was filled in with alot cheese and a big Eel. Totally love it

午餐去食，1:15 左右已經爆，我們坐了戶外等一下。約10分鐘有坐位。$48 有多款沙律，約6款。餐湯是西湯，很杰身，漿漸口，夠飽。有一款cold cut 較驚喜。主菜點了兩款意粉，每款加$20，份量比較少。冷熱飲同價。

好耐之前同朋友一齊去睇戲，睇完戲之後覺得餓餓地想食D野，但係夜晚好多餐廳都LAST ORDER。咁我地無謂阻住人收工啦，好似好衰咁(畢竟我都係打工仔)。上網睇下有無咩餐廳收得晏D，可以食下野飲下野吹多陣水先返屋企。就發現呢間餐廳收凌晨兩點，食日式野都幾岩我地心水。所以我地就去左呢間餐廳食少少野吹吹水啦!我地叫既野食主要黎講都係輕食類，例如芝士玉子燒，軟殼蟹沙律等等。價錢黎講唔算便宜，但係味道幾好(因為我地都唔想夜麻麻食咁重口味又難消化)下次去夜街都可以黎呢間餐廳醫醫肚XD

今日約咗舊同學gathering ,揀咗呢間餐廳，因為喺尖沙咀夠晒就腳，而且環境唔錯，好適合傾計，價錢亦合理。前菜要左一個龍蝦沙律，好足料，食落好開胃！跟住叫左一個蒲汁饅魚飯，饅魚好入味！一份紫菜玉子燒，入面有好多芝士，一個人食會有d漏，但係share 食就啱啱好芝士蝦球好邪惡，啱晒我哋呢啲鍾意食芝士嘅人，一定要試!嘢飲叫左益力多乳酸沙冰同埋巨峰提子梳打，味道唔錯！餐廳地理位置優越，裝潢有特色，好啱 我哋聚會傾計，下次再有gathering都會考慮去呢度！

呢間野 真係垃圾之中既垃圾 我本身叫左幾樣野 個麵黎先 不過都等左十幾分鐘 都算 我同我老公share食 一筆出黎 得兩條麵 仲要係碎黎既 食淨咁樣 跟住我叫佢過黎 問點解得咁小 一個麵都冇 佢話幫我問下廚房 問完同我講廚房話補多半個麵比我 咁姐係你一開始比得半個我啦 唔係一開始點會得咁小 我問你 你仲話比多半個我 仲好意思收我加一服務費 簡直係垃圾 差到冇能 抵你冇生意眼見個兩條麵 就係得個兩條 冇啦 仲要係碎黎 都唔知係咪廚房食淨比我食 料就正常 唔算多 但係麵小得可憐

上網睇到呢一度嘅招牌蛋卷好出名，今次同老婆終於有時間出去食飯，睇過晒啲價錢唔算好貴，未夠鐘睇戲就快速食個晚餐。蛋卷可以揀餡料最多人揀係芝士蟹子喎。蟹子我呀仔最鍾意食，不過今日放低有佢響媽咪度算啦佢走寶。即叫即整嘅蛋卷份量好大兩隻手掌咁大上下，配上茄汁同一大堆蟹子，分量十足，計落真係幾抵食。切開係留心嘅芝士同埋蟹子，係流晒出嚟架，第一次食覺得好震撼。雞蛋好亂配上芝士同蟹子呢個配搭一流。再點左個鵝肝牛肉石鍋飯，呢個呢又係睇人哋食評二叫嘅好大舊鵝肝同埋好多牛肉，味道濃郁，香口絕對唔比煲仔飯差，百零蚊一大兜兩個人都未必食得晒，服務員仲會幫我地分好晒，特登將鵝肝解體溶係飯裏邊令到成個飯食落海更加香。呢度有樣嘢好就係每一台都有個茶壺供應唔需要等人哋你幫我加茶。服務態度都幾好嗰日落雨仲好細心提我地記得攞遮。

今日友人從美國返黎，一於黎到深宵食堂，位置都算易搵係係厚福街入面既藍馬大廈 成間舖頭環境都係比較暗，但都幾岩同朋友吹水食野 野食方面，就好似居酒屋咁全部都係細細件，所以我地可以叫好多款試 白鱔串：雖然有少少骨但十分好味！魚油十足同埋啖啖肉，係成餐飯既亮點！ 芝士年糕：mochi口感，幾有咬口，但芝士味唔濃 南瓜餅：好正呀！我都唔怕熱氣食左3件，又脆又食到南瓜蓉甜味，我比90分！ 烤大菇：大菇好juicy ,同埋個白汁芝士好夾！推介～ 一口牛：presentation好搞笑，店員提醒下面係生薯仔唔食得嫁！牛味係有但又係熟左d 抵讚既係店員都十分好，勤力加水，同埋好有禮貌,但注意食物分量唔大，可能要叫飯\面先夠飽啦～

今日夜晚黎到深夜食堂-尖咀篇，入到去個裝潢幾好，但係就無乜人。不過可能去個陣算係「深夜」(夜晚六點半)既太早啦，我地坐低左無耐就陸陸續續多人黎，都坐到fullhouse。我地嗌左都有成八樣野，第一樣黎既係南瓜薯餅。個薯餅層皮唔太厚，食落好多南瓜茸!好正，亦非常推介。芝士年糕同芝士野菌玉子燒都係一個唔錯既選擇，熱辣辣同好香芝士味！侍應都等我地影完個玉子燒先幫我地切，一切開就見到啲芝士蠢蠢欲動想漏出黎。不過佢啲牛既product就唔太得，非常可惜。個牛脷好乾身，好難咬開。個一口牛就燒得唔夠耐，而且亦無乜味。所以係唔推介呢兩個。另一個我期待既係佢個黑松露帶子煎鵝肝，不過就令我失望左。塊鵝肝食落就覺得唔太新鮮，而帶子個到就聞唔到黑松露既香。不過好彩都好頭好尾，個汁燒白鱔同個白汁煙肉焗烤菇都好好食同好推介去嗌！白鱔燒得啱啱好，一定要一上就即刻食。個烤菇都好香，亦唔會因為白汁同煙肉而搶左菇既香味。（可惜無牛油焗烤菇，得牛油炒蘑菇）整體而言，我覺得上菜太快（四五個菜一齊上），如果個pacing可以慢啲，等食客有時間食完一樣先到下一樣，同時亦可以畀佢地趁熱食每一樣野，咁我相信個食評會好好多，亦真係會w

還記得之前很火的日劇-深夜食堂嗎最近俾我發現左依間日式居酒屋當然抱著興奮和放鬆嘅心情入去一試環境不錯，和傳統日式居酒屋差不多餐牌也十分特別，我們不太肚餓，所以只點了數樣第一道芝士年糕外表像一個個甜饅頭外口酥軟，內面香濃芝士溢出😋値得一試而第二道便是店員極力推介芝麻雞翼當他送上來，我已經聞到好香嘅芝麻味入口一時肉質鮮嫩多汁，燒得啱啱好個人得喜歡雞翼，這款雞翼可以入我三強之內當然不少得串燒然後我們叫了特色之一的玉子燒味道清淡得來帶出紫菜和蛋的味道🤤玉子燒也沒有over cook ,剛剛好！ 坻讚個人總結，親民價錢，味道上等，值得一試再試

話說 我地 2個 真係有傾唔䀆 o既話題...所以 成日都想揾啲好味得黎, 坐得舒服唔趕人 o既餐廳~ 今次又係就我放學, 所以响尖咀揾食~厚福街呢條食街都算係我地 o既膽黎~ XD梗係要影番張 ig ark like 相啦我呢個龍友~嘿嘿嘿...我睇咗大家 o既 cmmts, 所以我惟一要求係要叫呢個多人推 o既 "蟹子芝深玉子", 其他就任由佢發板~ XD呢個係我 o既第二喜愛 "銀雪魚脆條"~食落係 o卡一聲架, 唔腥好得意~黑牛蜂蜜蘆薈 日式炒野菜 枝豆7味芝士薯角 呢個 我地䀆咗最大努力... 一人食咗 2-3件就唔得喇...完全淋, 飽肚之物~ XD胡麻冷奴 呢個幾好, 夠滑 又夾曬猛食熱氣嘢 o既情景~露筍豚肉串 mini 仔 又 ok 喎~日本蕃薯仔稍乾, 由於太似砂盤中 o既寶物... 比曬佢食... 秘汁帆立貝秘汁帆立貝花蜜燒菠蘿酸酸甜甜 又係夾場景的~芝士年糕 是晚我惟一不被建議進食的東東~佢話太奶味 膩唔啱我喎~ >///<

同二個同月同日出世的朋友生日聚餐，選了一間同电視劇同电影一樣名的深夜食堂。今晚係勁食串燒關係所以都試了好多款式～包括有燒牛舌，芝麻雞翼，雞軟骨，炸薯格，大阪燒，芝士年糕，日式炒手打烏冬，香味牛肉飯，炸廣島蠔同燒茄子。而飲料就選了黑牛，清酒同甘桔檸檬蜜。其本上串燒的份量會小一點，串燒物多靠醬油同調味粉來制作而成。炸物如廣島蠔厚粉了小小，炸薯格脆脆地好好味。最欣賞的竟然不是串燒而係香味牛肉飯，大家試過都讚好牛肉汁滲入了飯來食好香好甜。芝士年糕包著滿滿的芝士一樣咁出色，清酒加98任飲ing，喜愛清酒可以一試其他如茄子同烏東就麻麻～

同Sweetie黎到尖沙咀,想食串燒又想食帶點日式感食品,我地就去左食深夜食堂~佢個餐牌cover page好靚呀環境暗暗地又播住K-Pop,唔係好嘈,舒適感倍增~我地叫左好多野食啊!有芝士年糕; 秘汁帆立貝; 露筍豚肉串;秘汁鵪春蛋; 鹽燒車厘茄; 七味芝士薯角;銀雪魚脆條; 枝豆; 日式炒野菜; 蟹子芝深玉子; 花蜜燒菠蘿; 日本蕃薯仔; 胡麻冷奴; 飲品就叫左: 黑牛 同 熱蜂蜜蘆薈~我最鍾意食有3款:1) 銀雪魚脆條尼個好有驚喜呀~ 佢1條條放嚮個香檳杯度,咬落去咔一聲咖~係脆口的~嘩!正呀~2) 蟹籽芝深玉子 記得佢另外好似有紫菜同煙肉,即係紫菜芝深玉子 或 煙肉芝深玉子,尼個好厚嫩滑好有口感同蛋香~3) 花蜜燒菠蘿平時我唔係咁喜歡食熟左既水果,但係佢燒得真係幾好啊~鮮甜多汁香暖~ 好味喲!

今次黎到厚福街搵食，今次唔係食生牛肉河唔係食米線 而係食深夜食堂！ 樓上鋪位置唔難搵 (厚福街有幾大丫...) 必點既係芥辣八爪魚 作為前菜夠嗆，八爪魚夠爽口 呢個份量也算多，起碼唔會唔夠食到迫住再encore多碟 燒雞翼 - 比較細隻既雞翼 但勝在夠細心已經攤開左 而且外皮都夠脆 朋友推介呢個蟹子玉子燒，一上台係一大舊的 職員會係你面前切開一舊舊，睇住d芝士流出非常滿足 上面同入面都鋪滿蟹子，啖啖都係蟹子~~ 呢個係必點！ 串燒安格斯牛肉粒 - 聞落已經好香牛味， 食落唔會un 入面仲keep住腍身，外面既調味都做得剛剛好 食左咁多小食，當然要叫返個飯飽肚啦 揀左呢個黑松露鵝肝石頭鍋飯，雖然鵝肝唔算好大舊 不過勝在整得夠香，要黎送飯一流 而野菌都吸左好多汁，混埋一齊食好快清哂呢個飯