湘湘娘娘 (已結業)

麻辣是我的最愛 🌶️🌶️🌶️在尖沙咀北京道發現一間湘川菜環境充滿中國古典味道 環境寬敞舒適✨招牌娘娘麻辣香鍋 ✨ 中辣可以自選 5 款配料(3素2肉)選了花菜、四季豆、蒿筍片、牛肉同魷魚鬚花菜是我每次必點的 香辣入味香鍋用火爐烘著 可以保持食物的溫度✨重慶水煮鮮魚 ✨ 中辣魚肉肉質嫩滑彈牙 份量多配菜仲有芽菜、青瓜、寬薯粉索哂麻辣汁 好惹味✨胡麻醬拌粉皮粉皮晶瑩剔透 芝麻及胡麻醬很好吃 也可以解辣 🌶️✨金陵鹽水鴨鴨肉鹹香入味 肉質滑又鮮嫩 肥而不膩色香味俱全以後到尖沙咀吃飯 又多一個很好的選擇❤️

病好後都宅左係屋企成大半個月，見有返啲精神同胃口，所以就同埋好友去食好嘢得我鬆返下。我地去左尖沙咀嘅 湘湘娘娘，大鄉里嘅我都係第一次食新派湘川滬菜，所以食乜就交俾好友負責，我就專責食啦…哈哈！一嚟到就俾個環境吸引住，落地玻璃景觀夠晒開揚，而且窗口位置都有屏風間隔，自成一角食得特別舒服~菜式方面種類都多，有點心、飯麵、前菜、小菜、湯…，而且仲有唔辣嘅川菜，所以啱晒唔同口味嘅朋友~由於我都係剛剛病好，所以我地大多數都係叫左啲唔辣嘅菜式，先嚟點心 揚州糯米燒賣，佢個糯米軟硬度適中，而且啖啖暖暖嘅糯米飯，食落個胃都特別舒服~前菜就來一個 胡麻醬拌粉皮 ，我幾鐘意佢個胡麻醬，冇一般店舖咁濃稠，口感有啲似忌廉但又不失佢嘅胡麻甜味，加上佢嘅粉皮卷起似飲管，所以食落多點咬感，整體口態感唔錯~小菜我地就叫左小酥肉同手撕包菜，雖然兩樣同樣都係辣，但佢個辣度唔算好搶口，所以都係可以接受嘅程度。小酥肉炸得好香脆之餘，入面嘅肉質仲好嫩滑，所以唔覺唔覺我都食左大半碟~手撕包菜個口感就好爽脆，而且香辣中又帶點點甜味添~最後就嚟左個性價比最高嘅 高湯雲吞雞 ，真係唔係講笑，湯香濃之外，鍋內有原半隻雞，雞肉都好鮮嫩，同

早前同老婆想食麻辣野，最後揀咗湘湘娘娘，因為佢環境舒適，野食睇落都幾正。最後果然無令我地失望，雖然真係幾辣，但係味道真係好正呀！娘娘麻辣香鍋，裡面有肥牛、腩肉、土豆片、娃娃菜同鮮腐竹，勁多料，味道非常濃郁同惹味！香鍋下面仲有火熱住，慢慢食都唔怕會凍左，真係一試難忘！泡椒牛肉，雖然個汁比較辣，但係牛肉唔韌，浸滿辣汁，好正呀！加埋啲泡椒，味道更加豐富，真係好好食！同樣係鍋，但係佢下邊無火熱住，店員解釋係因為唔想不斷加熱令到啲牛肉變韌，真係好細心～乾燒大蝦，今次我個人最鍾意呢個菜式，個汁勁正！蝦肉啖啖肉，真係好好食！鮮甜嘅大蝦同煮得啱啱好嘅醬汁，一絕！胡麻醬伴粉皮，係全餐最清淡嘅菜式，但都好正。胡麻醬非常好食，粉皮都彈牙，好開胃！可以當作一個清淡嘅菜式嚟平衡其他辣煮菜式嘅味道。飲品方面，我哋點咗荔枝冰同凍檸茶。佢個size真係重量級，超大杯！荔枝冰甜味剛好，好香～

今日朋友帶我到尖沙咀吃新派湘川滬菜，雖然天陰陰，又是 blue Monday，但食物及特飲好好味，刺激味蕾。湘湘娘娘在尖沙咀太子集團大廈，餐廳開揚望到尖沙咀街景，座位也舒適，餐牌食物款式多，有點心、飯麵、前菜、湯羹等，有辣也有唔辣的菜式，亦有多人套餐選擇。我們點了揚州糯米燒賣、胡麻醬拌粉皮、小酥肉、高湯雲吞雞及手撕包菜。我們還點了2杯吸睛又好味的迷人特飲蝶豆花梳打，其中一杯更加入百香果，2杯飲品超級大杯，透心涼，味道剛好。胡麻醬拌粉皮開胃，粉皮呈長條通心粉形，味道口感很好。糯米燒賣一客三件大大件，熱騰騰，多重口感，不錯。小酥肉一客份量多，新鮮香脆，內juicy嫩滑，而且味道很好，微辣惹味，我同朋友都吃不停。手撕包菜酸辣脆爽。高湯雲吞雞很滋味，湯香濃，有雞半隻、6粒菜肉雲吞、娃娃菜，用料豐富，雞肉鮮嫩，味道剛好。午市時段也有不少食客，服務員態度好，座位舒適，食物也好味。

今日行行下尖沙咀又想食辣野，原來係北京道新開左一間湘川菜餐廳環境古色古香有格調，大屏風隔著大枱富有中國特色用餐環境舒適，坐位闊落，仲有大大塊落地玻璃，部份位置仲可以望到維港景色餐廳提供多款新派滬菜料理如湖南香辣蟹、花雕蒸肉蟹、娘娘麻辣香鍋、滬式紅燒黃魚、四川毛血旺及川味小食等等食物方面:胡麻醬拌粉皮 :晶瑩剔透爽口既粉皮，加入青瓜絲、芝麻及胡麻醬，簡單又惹味既涼菜金陵鹽水鴨 : ，鴨肉經醃製後有獨特鹹香，鴨肉紮實入味，絕不肥膩招牌娘娘麻辣香鍋 : 辣度選擇中辣，再自選 5 款配料(3素2肉)，香鍋用小火爐烘熱，保持熱度，選擇了花菜、四季豆、蒿筍片、牛肉及魷魚鬚，香鍋加入辣椒粒同炒脆豆，夠曬香辣惹味，口感更豐富重慶水煮鮮魚 : 辣度選擇中辣，魚肉份量頗多，肉質嫩滑，配菜仲有芽菜、青瓜及口感煙韌既寬薯粉，夠曬豐富

呢餐真心辣，但好過癮！！好正！-娘娘麻辣香鍋-真係好好食！入面有肥牛、腩肉、土豆片、娃娃菜同鮮腐竹，麻辣味好過癮，味道好香濃！-泡椒牛肉-雖然都係辣，但同麻辣香鍋係兩種辣味，兩種層次。牛肉好軟嫩，浸滿辣汁嘅牛肉好惹味！-乾燒大蝦-個汁超勁正！大蝦好新鮮，口感爽口，真係好好食！好食到想加碗白飯！！-芝麻醬拌粉皮-相比其他菜式係比較清淡，但完全無阻我對佢嘅喜愛！芝麻醬好好食，粉皮好Q彈٩(๑❛ᴗ❛๑)۶-荔枝冰、凍檸茶-好大杯ꉂ(ˊᗜˋ*)初初以為會飲唔晒，但原來對於食辣嘢嚟講，呢個份量係啱啱好😆荔枝冰好香荔枝味！！幾推介！

中菜嚟講我都幾鍾意食上海菜 今次嚟咗尖沙咀食湘湘娘娘 其實我同朋友都唔食得辣 所以今次主要都係叫啲唔辣嘅菜式 輕食 花雕醉雞 麻醬粉皮 醉雞真係好有酒味 雞都好滑呀 粉皮就正正常常啦 乾燒大蝦 呢個真係十分之推介 大蝦新鮮爽口 精華喺出面嘅汁 酸酸甜甜 仲有個蝦殼亦都比較容易搣開 個汁撈飯一流京蔥爆牛肉 牛肉比較林身 有乾炒牛河嘅感覺 京蔥都幾好食 仲有叫咗個菜 乾煸四季豆 炒得好香 蟹粉小籠包 真係咬開見到有蟹粉㗎 見唔見到橙色個d 蟹粉撈咗落豬肉度 嫩雞煨麵 我哋叫咗一碗兩份share 啲雞就冇醉雞咁滑啦 甜品叫左冰粉 我都係第一次食 佢透明嘅好似果凍咁 上面有啲黑糖花生 冰粉咬落去好爽口 甜甜地幾得意

凡事好相量！這晚夜我們好好「湘湘娘娘」！哈哈！其實是一間湘菜館子的店名，真有趣！約朋友食飯聽到地點已經開心！ 現在盛行川粵菜共存，所以「湘湘娘娘」同時供應湘菜,湖南菜,粵菜，有辣有唔辣，各式各樣，正合我們心意。長沙臭豆腐 $118一客三碟有六件，黑潻添的四方轉頭，外層有咬口，內心白雪軟滑，調以火紅的辣椒蓉、大量蒜粒及醬油，疑似正宗，不過也許是本地化了，未夠火候，唔臭唔惹味，但都幾好食，值得一試。 雪火蒸黃花魚 $238竟然是今晚的亮點，味道有意外驚喜，以雪菜及火腿絲調出雪火汁，想不到是甜甜地的味道，提升了不只黃花魚、亦包括雪菜之食味，非常討好，真心推薦！ 乾煱牛蛙 $188（小辣）大量辣椒，炒得幾香，牛蛙肉嫩味美。乾燒大蝦 $188沒有出錯的地方，大蝦新鮮，酸甜蕃茄醬汁內有大量蒜蓉，非常輕微的辣。 凍檸茶 $38熱檸水 $28飲品相當抵飲，尤其是凍檸茶，超級巨杯，解辣一流！ 中菜小館子的環境，磚牆木地板，窗邊位有屏風隔開增加私隱；服務態度值得稱讚，不是查詢我們對食物是否滿意之外，因為旁邊來了一群客人談話嘈吵，女經理主動建議我們換位，今時今日少遇上這樣的的服務態度。為了雪火蒸黃花魚，值得

今晚係我哋第一次嚟「湘湘娘娘」食飯，店舖裝潢比較古色古香，整體給人舒適的感覺。長沙臭豆腐（$118）個黑色臭豆腐，沒有一般臭豆腐那麽濃烈味道，上面舖滿了紅辣椒、蒜蓉同芫荽，一口豆腐，食得好方便！凍檸茶（$38）/ 熱檸水（$28）無諗過原來是這麼大杯，非常之適合呢個時候飲！ 將兩杯放在一起，好大的對比！乾煱牛蛙（$188）（小辣）來到此處，一定要一嘗乾煱，比較少吃牛蛙，所以今晚就試這款，我哋揀了小辣，因為太辣會蓋了牛蛙的甜味。乾燒大蝦（$188）蝦頗大又爽口，醬汁配合得很好，味道不錯！雪火蒸黃花魚（$238）這個有點驚喜，原本因為不想食太多辣野，所以揀了這個蒸魚，魚蒸得啱啱好，魚夠新鮮，帶點甜的醬汁更能提升魚的味道，周邊的雪菜和火腿絲也好好味，所以好快就俾我哋KO了！

花雕醉雞🐥花雕味香濃，而且雞肉嫩滑，啖啖肉，醃得啱啱好。五香牛展🐮牛展切得厚薄適中，所以滷得入味，唔會韌。蟹粉蒸小籠包🦀一咬小籠包嘅湯汁充滿口腔，因為加入蟹粉，多咗份海鮮嘅鮮甜味👍🏻但一出爐熱辣辣，要小心辣口。鐵板孜然土豆片🥔孜然味非常香，炒土豆片好入味，食落又爽口，好適合送飯，非常推薦😋娘娘麻辣香鍋🥘呢個鍋包咗3款素2款肉，加辣椒麻孜炒埋一大碟餸，又香又辣又惹味。我地分別叫咗金菇、萵筍、寬粉、雞軟骨同魷魚鬚。我地重有好多餸想食，所以另外加錢叫咗花枝丸同魚腐😍寬粉簡直係呢個鍋嘅精華，掛滿哂汁，好惹味！咸檸7🍋清新又解辣，食辣必叫嘅飲品👍🏻

最近去咗尖沙咀嘅「湘湘娘娘」，真係驚喜到爆！喜歡辣嘅我，真係覺得佢嘅辣味好有特色！😍我哋叫咗麻辣鴨舌 ($108)，鴨舌啖啖肉，麻辣味道好夠！而且啲麻辣嘅味道食落去好入味，真係辣到爆！😋重慶水煮魚 ($288)都好好食，魚肉好鮮美，配上啲辣椒同埋花椒，真係夠辣夠麻，食落去好過癮！乾煸四季豆 ($68)同埋長沙臭豆腐 ($118)都好好味，豆腐好滑，四季豆好脆口，真係好開胃！總括嚟講，如果你係湘菜愛好者，一定要嚟試下「湘湘娘娘」！特別係佢嘅辣味，真係辣爆你嘅味蕾！愛辣嘅人士一定要來試吓啦！💪

朋友介紹嚟呢間食湘菜，因為星期日來，所以冇咩人，我們點了幾樣菜點了一個干鍋一個四季豆有一個菜，仲有小籠包，雞絲粉皮，但整體來講其實真係麻麻哋，小龍包皮厚 外型，完全不吸引 比起一般酒樓還要差 不似以前吃的 雞絲粉皮真的一般醬汁太多外表也不吸引少少，份量也很少，我們點了一個干鍋只是BB辣，因為朋友吃不到辣，但未到過農，全碟都係黑色叫了兩個菜也是有點辣，四季豆算是最正常但少到食剩咁，最正常應該是。最正常應該是那個菜嘅包 大概因為交來的沒有難度 整體嚟講這餐飯都不太好，只是因為客人太少服務員都經常來我們枱斟茶，可能是試業的關係人特別少，希望他們有改進的空間因為其實這裏的環境也不錯，價錢方面不算平 但食物質素真的很一般性價比不高上大陸食。

星期六同屋企人食呢間川菜，見OpenRice 寫住有68折卷買仲可以星期一至日用，想去試下，但入場前問職員先知OpenRice呢張68折優惠卷要星期一至四先用得，星期六只能有單點8折優惠，不過都冇所謂啦諗住試下新野。但最好買呢d卷之前都係問好職員先買，OpenRice 寫住既可以用都不等於係用得，如果買左之後先去到問職員話用唔到就真係蝕晒。講返野食，入場前感覺餐牌有d簡陋，普通彩印A4紙再過膠，可能似係頂手冇幾耐黎唔切整餐牌啦。不過菜式、環境都幾好，部分菜式有待改善，但main既主打菜的確唔錯。頭盤試左個麻辣鴨舌，味道一般。跟住上黎既清炒萵筍絲，唔係太夠味，雖然係就係清炒，落多少少鹽感覺可能好d。另外小籠包的確唔錯，肉汁鮮甜👍🏻再叫左個鐵板孜然牛肉，牛肉口感嫩滑👍🏻可惜以上菜式都漏左影相今次食呢間野主要想試下佢既菊花酸菜魚、樟茶鴨同花鵰蒸肉蟹酸菜魚魚質鮮嫩，配合酸菜同特濃既湯味，非常不錯- 鴨肉炸完再上，有部分骨頭脆到可以直接食，配合包同醬汁夾埋一齊食別有一番風味，不過鴨骨頭太多，不太方便每舊鴨都可以夾包一齊食，如果可以骨肉分離會更好- 相信係呢間店主打菜之一，配合蛋花同花鵰酒蒸出黎既

今日嚟到尖沙咀嘅樓上川菜館湘湘娘娘食飯 ! 😁😁 第一次嚟 . 中式嘅裝修配埋尖沙咀嘅鬧市夜景 , 別有一番風味 ! 食物種類都好多 , 價錢合理 !胡麻醬拌粉皮 ($58)有 2 種質感的粉皮撈埋一齊 , 口感豐富 , 汁帶微酸 . 好開胃 , 秒速清碟 🤪🤪蟹粉小籠包 ($96)咬落去會見到蟹粉 😋😋 真材實料 , 比普通小籠包帶多一份鮮味 !花雕醉雞 ($108)雞肉 1 d 都唔嚡 . 生熟度掌握得好 , 唔會血淋淋 . 汁唔太咸又帶微微酒香 👍👍 Nice ~乾燒大蝦 ($188)有大概 8 - 9 隻 , 已經去晒蝦鬚蝦腳 , 食起上黎都方便 , 蝦彈牙 , 個汁酸酸甜甜 , 好惹味 😳😳 送飯一流 !京蔥爆牛肉 ($128)炒得好夠鑊氣 ! 牛肉好腍滑 😆😆 京蔥都係重點 , 好甜 !乾煸四季豆 ($68)呢個菜式從來都冇得輸 ! 好食帶微辣 ! 😎😎👍嫩雞燴麵 ($68)清清地 , 個湯濃郁 , 好重雞味 ~ 小小一碗岩岩好 !冰粉 ($38)最後我哋仲叫咗一人叫左一個冰粉 ! 😍😍 好食 ! 推介 !!整體黎講 , 食店食物選擇豐富 , 價錢係尖沙咀黎講可以話幾抵食

今日同朋友去咗尖沙咀，食咗一間好好食嘅川菜°湘湘娘娘 ，餐廳主打廣東，四川，上海，湖南菜。地址係尖沙咀北京到12號A太子集團中心8樓。餐廳嘅裝修好有格調，旁邊有一大片落地玻璃可以望到維港景色。小食 20元，香口酥脆食落去脆卜卜，有少少鹹香，食完特別開胃。乾燒大蝦 188元，蝦嘅size好大隻仲要燒到啱啱好，入邊嘅蝦肉仲係好嫩滑，好Juice食落去爽口彈牙，味道鮮甜。加上秘製嘅醬汁酸酸辣辣令到蝦嘅鮮味更加突出。瑤柱蛋白炒飯 138元，炒飯份量好多炒到好乾身，每粒飯都粒粒分明，加上瑤柱蛋白蔥花增添個口感同味道，入口飯香同時食到蛋白香味。花雕醉雞，真係好入味，有花雕酒同杞子嘅香味融入咗啲雞肉入邊，雞皮香脆爽滑，食落去唔會好油膩，雞肉嫩滑香甜，鮮味可口。砂鍋腌篤鮮 188元，味道鮮甜食到有金華火腿嘅香味，有鹹肉同鮮肉，肉質酥肥，鹹鮮味十足。湯汁香濃一啲都唔會油膩，整個湯底都吸收咗肉嘅精華，越飲越好味。酸辣土豆絲 68元，土豆絲口感爽脆，土豆絲口感爽酸酸辣辣開胃醒神。