湘湘娘娘 (已結業)

鮮魚切片入大鍋，酸菜菊花調味中。滋味酸爽口無腥，回味無窮夢遐想。將鮮魚切片放入大鍋，加入酸菜與菊花調味。品嚐後，口感酸爽，腥味全無。這種滋味，配合花椒辣椒回味無窮，令人陶醉酸爽麻香中。肉蟹鮮嫩蒸花雕，酒香四溢芬芳來。滿口蟹肉醉江南，一滴酒香忘千愁。蒸上一盤鮮嫩的肉蟹，澆上香濃的花雕酒，酒香四溢，芬芳喚人。品嚐其中，彷彿置身於江南水鄉，一滴酒香，忘卻千般煩憂。鮮味令人忍不住一口接一口，直到把盤子裡的蟹肉都吃光光，值得一試。食到中間蟹殼對到一碟都係， 侍應細心為我們換了骨碟，值的一讚!

花雕蒸肉蟹這個菜是以肉蟹為主角，加上花雕酒為靈魂蒸出來。口感結實，香氣四溢。首先肉蟹得選好，肉質飽滿、新鮮。然後，花雕酒是關鍵。它的香氣和味道能夠滲透入蟹肉中，蒸得剛剛好。呢隻蟹肉質偏結實有做開運動，即使要拆売咁麻煩都要繼續，好彩有提供手套方便食。菊花酸菜魚魚肉選了新鮮的鱸魚，肉質鮮美、無刺無腥味。花椒麻香和酸菜的酸爽相得益彰，炮製得宜，味道豐富，建議食得辣揀中辣或以上會更惹味！烹調技巧，掌握到火候，魚肉熟透但不老硬，寬粉份量很多，又夠彈牙。一定要配碗白飯先食得過癮。______________________________🏠 湘湘娘娘📍尖沙咀北京道12A號太子集團中心8樓💵 300+‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

啱啱攞咗消費卷,今日即刻約朋友去尖沙咀行街睇戲順便食飯,睇完戲朋友帶咗我去一間新開嘅四川菜。湘湘娘娘,餐廳位置喺尖沙咀北京道12號A號太子集團中心8樓,上到餐廳裝修得好有格調,望落去非常整潔, 座位空間感好足夠樓喺度食飯感覺真係好舒適。酸辣土豆絲 68元,土豆絲口感爽脆,食落去酸酸辣辣,特別開胃,用嚟配飯真係一流，仲要份量非常多，性價比極高花雕醉雞 108元,賣相十分好,上面仲放有幾粒鮮紅色嘅杞子，入口雞肉吸晒花雕酒嘅香味,好入味,雞皮帶點爽脆,雞肉仲係好嫩滑,雞嘅鮮味同花雕酒嘅味道好配搭, 作為前菜真係一流瑤柱蛋白炒飯 138元,一絲絲嘅乾瑤柱提升咗個口感, 炒飯亦都好入味,火喉控制得好好,炒飯粒粒分明,蔥花,蛋白,配埋瑤柱令到個味道更加有層次，仲非常飽肚👍🏻乾燒大蝦 188元,乾燒大蝦真係好惹味,蝦嘅size仲非常大隻，上面的醬汁酸辣惹味,入口蝦肉好新鮮味道鮮甜,口感爽口彈牙,配上秘製醬汁,令到蝦的鮮味更加突出。砂鍋腌篤鮮$188，用咗香濃嘅雞湯作為湯底，湯底非常鮮甜，入面仲有冬菇，金華火腿，同埋小棠菜，非常健康

平時都好鐘意食辣野，今次就同朋友黎咗尖沙咀食川菜，餐廳款式選擇都好多種，有麻辣香鍋、水煮牛肉、酸菜魚、回鍋肉、辣子雞等，每款都好吸引，選擇又豐富燒椒皮蛋$78皮蛋晶瑩剔透，口感Q彈，食落有質感胡麻醬伴粉皮$58將胡麻醬同青瓜絲、粉皮一齊攪拌，味道香甜開胃四川麻婆豆腐$98口感香濃幼滑，而且唔會鬆散，味道辣中帶點甜，配上白飯一流娘娘麻辣香鍋$298當中包5種，可以選擇其中3素2肉配菜魷魚鬚腩肉片金針菇蓮藕片娃娃菜香鍋炒得香口，味道麻麻辣辣，十分惹味，加上有火種保溫，所以食落仲好熱辣辣，娃娃菜同金針菇濃郁入味，魷魚鬚爽口鮮甜巴蜀水煮牛肉$268牛肉份量好多，入口嫩滑有嚼勁，每片都充滿麻香味，而且湯底唔會感到好油膩，加上當中配有寬粉，口感順滑又唔會太單調

裝修有春日樹原氣息，藤椅加上雲石桌帶有格調，利用屏風去間隔出私人空間，部份位置更獨享維港景色，邊吃邊欣賞美景餐牌上有齊冷盤、熱菜、湯羹、點心和麻辣香鍋等，將湘川滬的拿手菜都有所涉獵，非常適合貪心的小吃貨，左邊吃辣，右邊吃鮮四川樟茶鴨 $238經典川菜之一，利用樟樹的葉和漳州的茶葉嫩芽炮製而得成，整道菜歷經醃鴨、煙熏、蒸熟和酥炸四大工序製成，當中過程殊不簡單，考驗廚師實力上檯時單看色澤已見金中帶紅，入口外酥裏嫩，味道是煙燻的獨有香味，比平常的煙肉和鴨胸等更上一層樓，將甜麵醬塗上旁邊的柳葉包，用包身甜味帶出肉質鹹香乾鍋黃花魚 $268緊接品嘗的是川菜中的麻辣香鍋，香鍋下用蠟燭加熱，發出滋滋的誘人聲音，還有逸散出刺激的香氣，令唾液不自覺分泌出來黃花魚切成數段油炸後再加麻辣料炒香拌汁，入口鮮香脆辣等百感交雜，就連其中的蓮藕片和菜花都入味十分，被我們一掃而空

最近在太子集團中心8樓變成為主打湘川滬菜的餐館，還取了一個食字的餐廳名《湘湘娘娘》顯得有點嬌柔，但用餐才知道是一個火辣娘子胡麻醬伴粉皮 $58新派滬菜利用胡麻醬取代了中式麻醬，口感相對沒有那麼濃稠，多了忌廉似的口感和甜味，加上青瓜絲有清爽健康感覺，粉皮大小不一，有自家製風味，滑溜已夠再彈牙一點更佳砂鍋雲吞雞 $168被譽為性價比最高的一道菜式，裏面有半隻雞和8大粒菜肉雲吞，更有吸滿雞湯的白菜雞是頂級的三黃雞，油份滲透到湯內，油而不膩補充元氣，肉質可算嫩滑，正宗自家包製上海菜肉雲吞，比例恰到好處小籠包 $58當然不容錯過招牌滬菜小籠包，出爐蒸氣翻騰，皮薄餡靚，如果肉汁更多會令人欲罷不能

鍾意食辣就會明，周不時都會辣癮去，之前已經知道尖沙咀呢間川菜都開咗排，下午嚟環豐都好夠光猛，坐得好舒服先點咗個冷盤小食係醉雞，雞件嫩滑一啲都唔嚡口，仲有花雕酒味好夠，食落去雞件入哂味乾鍋緊係點我最愛嘅肥腸，炒得微微乾身，大腸有啲微脆，食落去有啲辣勁，仲保留一啲香辣汁，可揀自己鍾意嘅辣度到重頭戲了，係必叫酸菜魚，首先魚肉係厚切啖啖肉，食落好嫩滑有啲彈性，而湯頭有啲黃金高湯味道，酸度適中，而辣度一樣可揀大中小辣，中辣都有辣勁，入面配料都好多，最正係寬粉夠煙韌

本身比較喜歡吃濃味，所以湘川菜當然是我喜歡之一，聽朋友說湘湘娘娘是新開湘菜，我當然即刻拉辣妹一起試下啦地方古色古香，大枱有屏風隔著，感覺舒適吃湘菜，一定要吃麻辣香鍋，集合超多香料的味道🥰🌶️麻辣香鍋$298 （3素2肉）香料十足，花椒粒、宮保（乾辣椒）、八角、茴香、白豆蔻、泡椒、芫荽…. 不能少，再配合辣醬，一層層滲出辣味今次選了魷魚鬚、萵筍、腐竹、牛丸、雞軟骨、粉皮:由於鍋的醬汁濃度剛好不太乾不太濕，所以每個餸都掛滿了醬汁，很入味 ；而且還有個小爐盛著維持溫度保持火辣辣的感覺🔥這個鍋有大量花椒粒，就是我喜愛的麻味比較重🌶️巴蜀水煮牛肉$268非常大碗落足料，牛肉醃得嫩口，配合大量青瓜條、大豆芽、粉皮，全部掛滿了辣汁非常惹味；而醬油、花椒、辣椒粉、豆瓣醬、花椒粉、蔥、蒜和香菜等也爆得很香🌶️長沙臭豆腐$118這個黑色臭豆腐也是湖南的特色小食，這個不像香港/台灣臭豆腐的濃烈味道，豆腐本身味比較淡，只靠青紅辣椒蒜蓉芫荽的味道；而豆腐外層不太脆口🌶️蟹粉小籠包$96吃了這麼多的辣菜，也要調劑一下🌶️特飲$38這個大大杯 1 pint 的特飲認真抵飲，藍色碟豆花 + 檸檬汁 + 梳打，味道酸酸甜甜的，酸

📍 湘湘娘娘🌍尖沙咀北京道12A號太子集團中心8樓 8/F, Prince Tower, 12A Peking Road, Tsim Sha Tsui📝整體評分：7／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝落地大玻璃坐得好嘆，仲有屏風間住，傾計暢快D~❅菊花酸菜魚❅ $288香、麻、辣、鮮，香濃的湯底，惹味十足，唔單止夠辣，仲好夠酸~ 用左鱸魚，魚肉嫩滑且厚肉，保留住魚肉嘅味道，酸辣開胃。寬粉都係特別厚身，好煙韌~❅四川麻婆豆腐❅ $98，可以特製辣度同麻度，我地就叫左多麻小辣，豆腐軟滑入味，下飯一流。❅小籠包❅ $58 / 4隻小籠包不過不失，湯汁唔油膩，皮可以再薄D。

辣癮止不住，週日中午相約好友到尖沙咀探店找到了北京道太子集團中心這食廈8樓新開的湘菜館一開𨋢門已經麻香撲鼻，裝修非常精緻舒適座位自成一角，落地玻璃景觀開揚，更有少許海景所有窗口位置皆有屏風間隔，盡享私人空間熱菜巴蜀水煮牛肉麻辣中帶有香鮮，鹹香下飯長沙臭豆腐色墨黑，外焦裏嫩，鮮而香辣， 焦脆而不糊蟹粉小籠包一口咬下，餡香湯鮮，濃郁滋味令人回味無窮娘娘麻辣香鍋$298已包三素兩肉，點了萵筍片、鮮腐竹、粉皮、牛肉丸及雞軟骨，另加$42魷魚鬚店長誠意推介特飲蝶豆花檸檬梳打甜度適中，加入了梳打水非常解渴

今日和喜歡吃川菜的家人來到湘湘娘娘，餐廳名好特別容易記，吃著吃著有種回到內地的感覺呢！餐牌有好多菜式揀，冷盤，熱盤，點心等，今日叫左麻辣香鍋，酸菜魚，小籠包。麻辣香鍋 鹹鹹辣辣的味道為主，有小火爐烘熱著，每口都係熱辣辣好好食！香鍋底料辣椒微辣而香，田雞肉質嫩滑，牛肉香口，配飯一流！酸菜魚～酸菜脆嫩，魚片厚度適中，好鐘意呢款帶有少許麻的酸辣。小籠包好合胃口，湯汁豐滿，豬肉餡料多，下次要encore 呢！

尖沙咀shopping 完之後去搵嘢食，而家餐廳做緊正價餐牌8折優惠，趁住有折扣去試下！餐廳係海港城附近，上到8樓一開門就有職員招呼，餐廳座位都幾闊落，今日坐到窗邊雅座，睇到街景，採光舒服充足，枱面有牙簽及紙巾🧻。酸菜魚好大盤，魚肉都好大件夠嫩滑，酸菜份量充足。麻辣香鍋有好多款配菜揀，蔬菜類好吸味，麻麻辣辣非常過癮，蓮藕土豆爽口，肉類選了牛肉及田雞，好配搭。最後揀多個唔辣嘅點心-小籠包，非常滿足的一餐

今晚食呢一間餐廳，係開咗半個月冇耐嘅，主打係食川滬湘菜👍🏻餐廳喺太子集團中心8樓，環境相當唔錯，新嘅裝修，感覺比較Grand啲❤️餐牌入邊有唔同嘅菜式，有小菜，海鮮，香鍋，甚至點心都有我哋就叫咗個香鍋，可以揀5樣餸，我哋揀咗腩肉、腐竹、薯仔片、鵝腸同四季豆;呢個香鍋上枱嘅時候仲有過火坐熱佢，食極都仲係咁熱，店員仲好貼心咁提醒我哋小心燶底，呢個香鍋辣味適中，仲煮得相當入味，尤其是係鵝腸，夠晒彈牙超級正🥰香燒大蝦：呢個亦都係推介之選，蝦夠爽之餘，佢嘅特製醬汁，味道香濃，用嚟送飯就最啱☺️蟹粉小籠包：呢個小籠包皮薄同埋入面有湯汁，食嘅時候真係要小心湯汁噴晒出嚟😝長沙臭豆腐：呢個係店員推介我哋食嘅，同平時嘅臭豆腐好唔同，呢個外皮係黑色嘅，但係佢火候掌握得好好炸得好脆☺️呢間舖頭真係相當有誠意，無論環境同食物都相當高質😍

最鍾意就係食新餐廳，見餐廳冇乜食評，等我黎推介一下。成日去海港城都唔知食咩就好，海防道中途幾條路漢口道，一路直行沿路都有好多餐廳，但選擇太多所以選擇不了，發現原來有座太子集團大廈，整座building都係食肆，餐廳比較高級，但因為樓上鋪，食物價錢平過地舖，臥虎藏龍。揀咗間8樓新開嘅餐廳坐得舒服，窗口位自成一角，環境開楊，有景睇，職員好有禮貌，一坐低就問飲唔飲茶或者汽水，中餐咁就梗係配茶，不過佢都有好多選擇檸檬茶等等特飲。餐廳有提供酸菜魚，重慶水煮魚、水煮牛、鴨血、等等，嗌左個水煮魚，超級大份。重慶水煮鮮魚$288份量極多既水煮魚，未至於咁高境界可以食得出用嘅係鱸魚，鯛魚定咩魚，但可以肯定嘅係，魚質嫩滑，睇得出係手新鮮起嘅魚片，因為每一size都不一，如果係來貨嘅魚片，通常每件嘅形狀份量都差不多，魚肉份量極多，兩個人食都食唔晒，配菜仲有芽菜青瓜薯粉。雖質話係重慶水煮，但感覺並沒有好辣，唔食得辣嘅朋友，都可以試一下。小籠包（四隻）$58小籠包汁多，餡肉結實，因為職員好細心為怕吹凍，叫我哋食嘅時候先攞走個蓋，不錯。體貼加分。太子集團中心，尖沙咀又一搵食勝地，記住認住8樓，不錯之選。

湘湘娘娘 (尖沙咀).食川菜，酸菜魚等尖沙咀又多一好選擇裝條典雅，服務都好.▪️糯米燒賣 $48▪️.唔係好多地方呢樣野食，燒賣皮包住煙韌嘅糯米飯.▪️酸菜魚 $288▪️.非常好食，魚塊夠滑溜，夠大鍋，酸菜嘅酸鹼度適中，入面仲配有寬粉我地叫左最少辣先啱啱handle到🤣但真係好好食.▪️手撕包菜 $68▪️.呢個出乎預期地好食，包菜爽脆，個汁微酸，少少辣，好快就食曬！.▪️麻辣鴨舌 $108▪️.近來真係完全地迷上食鴨舌，但呢個定價稍貴，不過係夠香辣又夠麻.▪️香鍋 $298▪️.$298 可以任叫三個菜同埋兩個肉，食開香鍋呢個價錢都係稍貴。我地叫左牛柏葉 雞軟骨 花菜 娃娃菜同粉皮，佢仲用一個鍋坐熱上.📌 湘湘娘娘 (尖沙咀)尖沙咀北京道12A號太子集團中心8樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️