影片
港鐵上環站 E1 出口, 步行約2分鐘; 大廈入口在永和街
繼續閱讀
電話號碼
53729889
開飯介紹
由湯底到火鍋配料都由師傅悉心炮製，自家製手打丸、餃、滑，蘸料蝦蟹醬亦是心機作。
火鍋湯底清甜滋潤無味精。天天供應高質頂級本地手切牛。
繼續閱讀
營業時間
今日營業
17:00 - 23:00
星期一至日
17:00 - 23:00
公眾假期
17:00 - 23:00
公眾假期前夕
17:00 - 23:00
以上資料只供參考, 請與餐廳確認詳情
有關獎賞計劃
平日無啦啦約人打邊爐，去到上環，就喺E2出口附近嘅世瑛大廈。“湯煲私房火鍋”點解會叫做”私房”火鍋？首先佢比其他火鍋店有多啲特色菜，亦都坐得舒服，最重要佢好啱一班人嚟搞酒局，因為喺佢度消費滿$1000就可以免開瓶費。當然，最重要其實係嘢食，咁就試吓佢啲較有特色嘅火鍋同配料。即炸魚皮及響鈴雙拼 $108首先嚟咗呢個，因為嚴格嚟講佢唔係火鍋配料，佢係餐前小食，魚皮同響鈴都係即炸，入口鬆脆，充滿油香，亦有提供醬料點，但唔建議點湯底嚟食。滋陰花膠雞煲 $388同其他花膠雞鍋類似，所以亦都係一滾就先飲湯，食埋啲花膠同雞先再落配料。花膠頗厚切，雞就正常發揮。特別在個湯非常濃郁，飲完再食雞，先飽了一半😅。頂級本地手切騸牯牛 (例牌) $428騸牯牛即是一歲左右進行閹割嘅公牛。由於精力保留咗，牛味會變得非常濃郁。而佢亦都切得好厚，簡單嚟講係充滿牛味嘅厚肉，最啱就係點酸辣豉油嚟食，非常滋味。水晶奶皇包 味噌大根黑豚餃 雙拼 $108水晶包係今日嘅surprise，甜甜地漏啲奶黃出嚟，當湯圓食都得！黑豚餃大隻多料，點咩醬都得。竹笙帶子丸自家製蝦丸雙拼 $178竹笙帶子丸喺呢度嘅名菜，就係啲丸入邊有埋帶子竹笙同一啲芫荽。自家製蝦丸同樣大粒，食個非常爽口彈牙，最重要係夠晒大粒，一人食兩粒已經幾飽。自家煲酸梅湯 (杯) $38酸梅湯係佢哋自家製，味道充足，唔會好水，亦好解渴。醬料 $30/位 特別要講佢個醬料，係因為佢有自家製蝦乾醬，呢個醬係攞嚟點咩都好食，遠遠攞到嚟已經聞到好強嘅蝦乾味。呢度嘅火鍋好有私房菜特色，服務貼心，服務員一定喺左近serve你，就連每樣配料要涮幾多秒都寫咗喺Menu上面，基本上嚟得呢度食，一定會係享受。
繼續閱讀
一向好都好鍾意打邊爐，但係會俾個環境卻步😣好怕嘈吵好怕好迫好怕大煙🤣 係！我真係好煩🤣 呢度嘅打邊爐坐得好舒適，唔會好大煙，亦都唔會好嘈，可以同另一半傾吓偈（好難得搵間咁舒適嘅打邊爐地方！）真心推介！不是試食活動講吓食物方面：花膠雞煲 $388同其他連鎖店唔同，花膠雞煲，湯底濃郁，天然無添加，超級養顏，回頭之選！湯底足料高質🉐❣️已經好想再食！下次一定返嚟叫返呢個！食完唔會口渴👍🏻👍🏻👍🏻全份安格斯肥牛$368一開頭睇落個牛係真係有啲肥，但食落個牛係勁香，每一都好好食，牛油味好重☺️，每一啖都好滿足！因為個湯底已經好夠味，牛肉唔使點豉油都已經滿分！大推！魚皮響鈴雙拼$108平時少食魚皮響鈴嘅我都覺得幾唔錯！魚皮10分香脆響鈴炸完好特別！熱辣辣上碟😍鍾意食炸魚皮同炸響鈴嘅朋友，就更加可以點去做前菜同朋友傾吓偈！（*消費滿$1000可free corkage 免開瓶費）酸梅湯$76.2杯我就點咗酸梅湯，我自己飲咗兩杯🙃好清新解渴！必叫！奶皇包食完呢個好似打邊爐食埋甜品咁☺️呢個都係必叫💫另外我仲叫咗，鯇魚片，豬肉丸，牛肉餃（少少辣㗎📍湯煲私房火鍋 (上環)上環永樂街1-3號世瑛大廈4樓401室坐得舒服又好食嘅打邊爐唔係好多㗎咋！仲唔快啲Save低佢📌
繼續閱讀
Hot Pot🙋🏼♀️😋好耐無打邊爐平時去開連鎖店，今日特別試試私房火鍋店，食物質素很不錯👍食材新鮮，選擇多，湯底用料足，食物唔需要沾上醬油已味道十足！平時成班朋友慶祝，就岩曬，地點方便，唔會嘈，如果消費滿$1000仲可免開瓶費🍾🍷呢到我鍾意佢哋自家煲既酸梅湯，生津止渴，酸酸甜甜好開胃~湯底足料，我哋揀左滋陰花膠雞煲，啖啖花膠，雞肉夠鮮，湯好濃好夠味頂級本地手切騸牯牛🐂牛味濃，切得薄入口唔會韌，10秒就食得，加上偏瘦只帶少量脂肪，岩曬我唔鍾意食肥牛既人即炸魚皮同響鈴即食夠脆，加上秘制酸辣醬，滋味十足手工丸同餃類都係自家製，牛肉丸及竹笙帶子丸大大粒好彈牙，川色麻辣牛肉餃，麻辣十足夠惹味鮮騸古黑牛柏葉，幾特別，平時外面較難食到，入口好爽，有牛香，外面食既都係好淡，完全唔覺自己食緊牛柏葉;而脆肉鯇魚片同鱔片好鮮味夠新鮮打邊爐湯底同食材新鮮真係好緊要，如果湯底唔得真係食而無味🍲湯煲湯底真係令人回味，新鮮食材加入鮮味湯底，正！🤤
繼續閱讀
在香港火鍋界中，有一家餐廳以其高質食材和獨特創意脫穎而出😎這裡不僅提供免開瓶費和優質食材湯底，消費滿$1000即可享受這項優惠，更以其別具一格的火鍋體驗，成為了火鍋愛好者的首選之地🥳獨特的裝飾風格和細心周到的員工，為每一位顧客創造了一個舒適而愉悅的用餐環境😝珍饈十三味點心火鍋這款火鍋的最大特色在於，顧客可以從34款精選食材中挑選13款，專為2位客人設計。這對於那些想要品嚐多種口味，但又不希望份量過多的食客來說，是一個非常理想的選擇😊【魚皮響鈴雙拼】熱騰騰的雙拼魚皮響鈴是火鍋中的必點菜品。現場炸制的魚皮響鈴脆口可口，可以直接食用，或是蘸湯享用🤤【花膠雞煲】花膠雞煲以其濃郁的湯底和豐富的食材為主，湯底鮮美濃厚，花膠和雞塊滋補養顏😄【全份安格斯肥牛】安格斯肥牛的肉質鮮嫩，油脂分佈均勻，帶來滿滿的奶香❤️【鯇魚片+豬潤】豬潤新鮮厚實，鯇魚片鮮嫩可口，根據職員建議的烹煮時間，可以達到最佳的口感✌️【奶黃包+牛肉餃】奶黃包的驚喜之處在於其流心的口感，牛肉餃則以其大粒的肉質和滿足感贏得了食客的喜愛。【豬丸+蝦丸】兩款肉丸大如乒乓波，爽口彈牙😂😂好味指數：8/10 性價比指數：9/10
繼續閱讀
最近又發掘到一家好味嘅私房火鍋店，個湯底吸引到我想食，呢日收工係附近特登約埋朋友去食。私房火鍋店座位係比普通火鍋店坐得更加舒服，私隱度更加高。前菜🟣魚皮響鈴雙拼$108即炸起的響零沾上甜酸醬食，酥脆口感卜卜脆，酸酸甜甜好好味。仲有魚皮，入口鬆脆唔會鹹，就咁食送啤酒就一流。🟣花膠雞煲 $388就係呢個鍋底吸引咗我，真係好多花膠好多雞塊，花膠厚身有質感，秋冬補身就啱晒啦。鍋底滚起就可以即刻飲兩碗，再加清湯煮火鍋。🟣頂級本地手切騙牯牛 $428(例)個人好喜歡食騙牯牛，牛肉特別香濃，而且嫩滑，果然不會失望。🟣自家製手打牛丸 & 蝦丸雙拼 $138手打丸比乒乓波更加大嘅丸，食得好過癮，真材實料，食到一粒粒嘅蝦肉。🟣味噌大根黑豚餃 & 水晶奶皇包雙拼 $108連餃子都好大隻，蘿蔔用味噌醃製過已經夠味，食落飽滿多汁。水晶奶皇包直頭係一道甜品，煮到外皮透明，咬落去滿滿嘅奶黃流晒出嚟，超美果。🟣酸梅湯 @$38酸酸甜甜，解膩一流。私房火鍋最值得贊係湯底一定足料美味，拍得住自家湯。仲有其他湯底: 天麻川芎白芷魚頭煲 、黑蒜姬松葺脊骨煲、冬瓜陳皮水鴨煲、清湯椰子雞煲等等。自家製辣醬都好香唔會好辣，下次再來食要記得買一樽返屋企。
繼續閱讀