源興美食

營業中

休息中

上網老公見到某個Youtuber介紹說好好味😋，讚到不得了，所以我們今次就去了這𥚃la. 餐廳地點不易找，在一條橫街窄巷。老公早一天訂位。到達後，店子細細，有大約5-6張枱，全部已放了一定數量的餐具，這裡主要是做訂枱，如果walk in 可能無位。我們最想食乳鴿，但原來要預早訂，所以就無了，我們叫了🐓糯米釀雞翼 、🌺滋潤杏汁白肺湯、🐷秘製家傳豬手、🐟咕嚕斑塊和🌷香滑椰皇布甸。🐓糯米釀雞翼$43/1隻- 傳說中好好味的釀雞翼，皮是很脆，但略嫌雞翼皮下脂肪好厚，糯米飯炒得乾身，但味道偏鹹🙄。🌺滋潤杏汁白肺湯$135- 全餐最鍾意這個菜式，杏汁味香濃，我們叫了$135的份量，飲了很多碗，份量應該足夠四至五人，值得一試。🐷秘製家傳豬手$88- 另一個傳說中必食的菜式，豬手係好稔，但味道鹹到無朋友⋯🙄。🐟咕嚕斑塊$128- 味道無什麼特別，又是味道鹹。🌷香滑椰皇布甸$29- 不過不失可能有太大的期望，所以食完有點失望，整體來講，不是傳說中的好味，仲偏鹹，那位youtuber有些誇張了吧😂!

~ 杏汁白肺湯坊間大路做法。。。先把杏仁加水用攪拌機打成漿，過篩後再把杏汁加入豬肺湯中，湯汁加熱至翻滾，加少許鹽調味即成。實話實說，足料無味精，不過杏汁”漿”湯頭非個人所好，入口感覺有點濃郁妖艷（個人仍是喜愛用原粒杏仁清燉做法。。。）～ 蒜蓉蒸扇貝合格～ 蒜拍青瓜海蜇份量足，價錢公道，味道合格～ 風味茄子外層粉漿炸得肉嫩皮薄脆身，配合炸蒜非常香口，送白葡萄酒一流，要挑剔的話鑊油建議勤換小小。～ 秘制家傳豬手大大件，咬落皮滑肉綿，合格。～ 蜜汁燒鰻魚招牌餸，用上大白鱔嘅靚腩位，師傅已去骨，入口皮脆肉滑滿滿油脂同蜜香，好味道。～ 糯米釀雞翼臘味糯米飯先炒香後釀入雞翼再生炸。 入口熱辣辣，雞翼皮脆肉軟綿，上乘花功夫作品，建議必食之選擇。～ 煲仔玫瑰鷄合格～ 咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格。～ 花雕蛋白蒸蟹蛋白嫩滑，花蟹足料夠新鮮，合格。～ 蒜蓉炒芥蘭成晚最失望嘅出品！先用水煮後再加油兜亂。。。生炒真係咁麻煩？綜合嚟講係一間用心做嘅小店，希望老板同師傅再俾多兩錢肉緊，期待下次再嚟過。支持小店！

本身因為睇咗某食評人（佢話冇收過任何人錢自己畀錢試食）嘅介紹話呢間超好食所以過嚟，仲要俾錢落訂先至可以預約，但係真係大失所望。除咗個避風塘茄子同埋甜品椰皇奶凍ok之外，其他嘢都超級鹹，其中包括燒腩仔（似鹹肉多個腩仔,不過皮薄同鬆化係事實,但係太鹹已扣曬分）、糯米釀雞翼（糯米飯已經鹹嗰隻雞翼又鹹仲有南乳味完全唔夾）及美極蝦碌（一個字鹹），本身我都係一個重口味嘅人食得好鹹、我都覺得頂唔住，我有理由相信廚師落咗兩次鹽嚟醃，鹹到猛咁飲茶，唔食飯根本食唔到。唔係單純我一個人有咁嘅感覺同枱幾個人都覺得超級鹹，我真係大失所望，下次一定唔會再幫親，仲要唔平每人食成三百幾。最後我朋友問我，會唔會仲介紹畀人食,我答佢一定唔會。招牌燒鱔我覺得個汁可以，但係成個質感太硬冇鱔嘅彈性亦無肉汁，坦白講好一般，走嘅時候我就好似仲食淨咗兩嚿。講真我真係好懶寫食評食評,但係我真係忍唔住囉，因為我真係好大希望去試，唔知係我唔好彩,定係本身佢哋真係咁鹹,我只係如實將我嘅感受講出嚟,唔知有冇人同我一樣感覺？定係我呢一次只係純熟不幸,不過無論點都好我唔會再幫襯。

風味茄子 ($88): 炸得脆身, 而且炸粉薄, 可以食到茄子肉, 而且仲鎖得住茄子汁, 唔會冇味, 又幾惹味, 用黎送凍飲一流！蜜汁燒鰻魚 ($160): 哩碟菜係最特別, 佢用慢火慢慢將條鰻魚燒熟, 再一路將啲蜜汁慢慢滲入去啲肉度, 令到條魚能夠保持原本既鮮味, 再加埋蜜汁既配襯, 幾夾幾夾, 另外一提既係佢整得啲肉幾彈牙, 有別與平時街外食到, 值得一讚！杏汁白肺湯 ($88): 清清淡淡幾潤喉, 但比較偏重白果味, 略嫌豬肺唔夠出, 同埋口感唔夠綿糯米釀雞翼 ($38): 哩個就正常水準, 雞肉唔算特別嫩, 糯米唔係特別香口, 但佢包糯米既手藝幾好, 咬開雞翼口啲飯都唔會即刻跌曬出黎, 而係痴住隻雞翼, 唔錯唔錯！豉油皇鵝腸 ($88): 哩道菜比較遜色, 鵝腸唔夠肥美, 亦唔夠爽, 再加上豉汁入唔到落啲腸到, 搞到成碟野冇咩味椰皇布甸 ($29): 哩個甜品有驚喜, 椰汁味夠重, 而且好滑, 就好似食緊奶凍咁樣, 椰子愛好者, 可以一試！

豬手好味，訂咗燒肉，人哋係熟客就有，仲2份添，我哋第一次嚟就冇。入坐嗰陣，喺門口等咗一陣，冇人嚟，咁後面又有客，咪行入去話訂咗枱，個老闆就叫我等陣。後面枱熟客一問就即刻入到坐。都唔知踩親佢邊條尾嘢食係唔錯嘅，咁嘅熊度就不敢恭維啦。永遠Bad List

山長水遠呢到鰂魚涌 就係為左試呢間之前比電視介紹過既小店🙊仲做足功課打呢訂檯同埋留定要食啲咩招牌燒鰻魚以為鰻魚係日本鋪先有🙊點知原來中菜都有蒲燒鰻魚食 食落個質感比較厚實彈牙 一食就知唔係平時日本鋪果啲軟淋淋既假鰻魚😂 個汁都幾惹味，要比個👍🏻👍🏻！另一個招牌 糯米讓雞翼我本身就唔好糯米既 所以唔識評價啲糯米😂不過隻雞翼就燒得幾香脆千層大腸 （後邊）呢個好食🤤🤤雖然係大腸但食落唔肥膩 仲要彈牙爽口既！招牌叉燒 （前邊）呢個叉燒相比其他送算係最抵食😂70幾蚊份量都幾多 入口偏甜 肥瘦適中 用呢送飯就岩哂🤤🤤！另外仲叫左個蝦醬炒通菜好有獲氣好惹味！😍😍搞到我明明食飽都忍唔到口繼續食！

早就聽說了這間私房菜，聽說水準好高，但因為要訂座的關係，來了兩次終於可以嘗到。說它是美食，一點也不過份，很多菜式都是甚俱代表性的。午餐也選擇豐富。價錢得宜，值得下次中午來試一下。代表作品之一，燒乳鴿，外皮好香，皮脆，帶點甜甜的感覺。乳鴿味道很突出，吃完齒甲留香。令人難忘。這個雞翼絕對是必吃的，很有心思很考工夫，把炒香的糯米飯讓進雞翼中，整體很乾身好香，雞翼鮮味十足。極度推介，不過，記得提前訂菜，不然可能白來。因為太受歡迎。燒鰻魚也是出名小菜，嫩滑可口，重點係沒鱗無腥。三絲炒米粉相對比較遜色，但與坊間相比，還是那麼好吃。

生日特登book枱黎食餐好嘅網上望到餐牌之後我地叫左三餸一湯杏汁豬肺湯兩個人飲, 每人飲到至少三碗好足料飲落好潤, 杏汁味唔係太濃好好飲鎮店叉燒皇叫得鎮店 我好高期望食落去第一啖 我係有d失望唔係有咬口嘅肉質係淋嘅肉 調味好足夠 係重口味嘅叉燒可以一試$38一隻 一黎到feel到佢熱辣辣要好小心咬開裡面係炒香嘅臘味糯米飯啖啖臘味 誠意之作好味我最鍾意嘅係蜜汁燒鰻魚燒得非常香脆咬落去非常彈完全無骨 啖啖肉呢個真心推介

源興小店隱藏鰂魚涌小街內，招牌之一蜜汁燒鳗魚老闆説每天去街市買新鮮生猛及一定肥美的，因為只選擇魚腩部分燒，出來才彈牙！特別是上枱見燒得很焦，老闆說焦是因為要皮脆！而蜜糖甜味會蓋著焦味，又確是。千層釀大腸 釀了糯米在豬大腸內,味道肥美不錯。

#枱面有頭髮#涼拌海蜇有頭髮#咖哩羊腩有頭髮頭髮係調味料？第一碟上小食海蜇有頭髮，唯有叫阿姐換過碟，但竟然俾我喺牆上鏡面親眼睇到佢喺後廚房用手（重點：用手👋）將食物轉移去第2個碟就算扮新一碟，見到咁核突梗係唔要啦，個老細仲聲大夾惡擘大眼講大話已經換過碟新既俾我啦，想呃我! 再諗下，第一份海蜇我等左10min先黎，換新一份30秒就搞掂？講真，開餐廳衛生同埋對食客嘅尊重先最緊要。冇人想比錢買唔開心，由於上網睇話要預先打電話訂好餸先黎食，咁預定好曬又唔好意思直接走人，但咁樣一餐真係反哂胃。況且食物中本身就唔應有頭髮，個中佬老細仲語氣好差咁大大聲呃人，完全冇對食物有頭髮，食物有衛生問題亳無任何道歉歉意，處理態度冇誠意勁差，令人好失望，絕對唔會再幫襯！有頭髮錯仲聲大大，係食出2次頭髮，而家寫出黎都好反胃。仲要嘥氣打字🤷🏻‍♀️

專登搭車來食架，專登避開搶食時間，太古坊搵食好艱難架，一到放飯時間，四面八方湧出人潮……我都餓到前胸貼後背啦。唔怕，陣間可以食多d。尼個腸腸係見到圖片叫的，不太識食。但層層叠叠咁，食落幾得意。有少少似福建菜的九轉小腸。糯米雞翼，皮脆內裡軟糯甘香。今天叉燒有少少少失準。麵也稍為淋咗d dd。雖然，有好些少失準，但仍覺值得專登搭車來食。期待下次再來時可以食返之前食過的熱辣辣香噴噴叉燒麵。

源興算係唔錯嘅一間燒味位置雖然隱蔽但亦方便座位雖然少少逼但lunch就算7-8個人去都唔洗點等位52雙拼 56三拼送紙包飲品上菜快食身味道好ok叉燒肥瘦適中蜜糖頗甜但甜得唻幾好味燒腩亦幾稔條菜亦冇乜渣份量好足夠男士亦夠食

大家每日返工 除左要諗計sell橋 諗下點應老細最常要諗既 會唔會係lunch食咩好呢🤔正正因為諗到頭都爆喇🤯呢個星期就同同事玩個#lunchchallange👻玩法：1人負責1日諗食咩餐廳👻條件：1.從未食過 2. 食前唔可以同任何人講既（講左要諗過第2揀架喇）呢日 同事就揀左源興美食 佢話因爲係google搵鰂魚涌美食就見到呢間😂原來老闆由從油麻地搬舖到鰂魚涌巷仔 最出名就係燒味同夜晚小菜這間過海店 是什麼東東呢? 等我會一會你啦🍽：鎮店叉燒皇飯用心做 其實係食得出我唔知佢係點做到叉燒焦香味濃 外脆肉鬆軟😌肉同油脂分佈均勻 真係會就住黎食話咁快食完 真係好不捨呀🙈這裡的叉燒 令我朝思暮想,....後續因為太想念他們的叉燒 一個星期後又去左光臨就叫左個燒鵝叉燒飯 真的好失望 上次食既焦香味濃 外脆肉鬆軟 無曬有可能今次食係1點 very peak hour 所以有呢個落差小店經營困難 但保持質素是重中之重呀

這天有親人有外國回來探訪，很想吃正宗的香港燒味，因此來到這一家源興美食，因為之前吃過這裡的燒味，個人認為是在這一區最好味的。早在幾天前已經預訂了晚餐的菜色，這一晚一行三人來到準備品嚐美味的燒味。先來一份杏汁白肺湯🥣，清甜滋潤，一份例牌的份量可以每人足三碗，非常足料。叉燒第一個出場，燒得入味好吃，有肉汁又有焦邊，肥瘦適中，香脆軟淋在一身，好吃。下一到是老闆推薦的咕嚕斑塊，用的是石斑魚，炸得香脆入味但仍然能夠保留魚肉的汁水及鮮味，咕嚕汁甜酸適中，美味而且分量十足。一人一隻糯米釀雞翼，雞皮燒得香脆，糯米飯入味又足料，是非常花功夫的菜色。小炒皇是這裏另一個招牌菜，有大蝦米、韭黃、紅蘿蔔絲、腰果、炸銀魚、魷魚等等，足料又惹味，有大排檔風味，食到舔舔脷。冰燒三層肉(燒腩仔)皮脆肉嫩，難得可以燒得如此到位，一咬下去撲的一聲，非常驚喜。終於到壓軸的燒鵝出場，燒鵝皮燒得非常脆，反着光地出場，果然不負一場等待。鵝肉又香又非常入味，鵝皮更是燒得高水準，叫人欲罷不能。最後來個薑汁炒芥蘭，鑊氣小菜， 正好中和其他菜式的肥膩感，是個不錯的結尾菜式。

男友bookmark 左好耐既小菜館專程遠征到鰂魚涌拜訪拜訪小菜館的確隱世，最終都要打電話問店員才知道位置，打開門裝修都係街坊餐廳一樣牆上貼滿老闆既訪問同名人合照2個人的確唔係食到好多野，但每一道小菜都好吸引！只好叫幾個名菜試左先杏汁豬肺湯 好清香潤喉，湯料都好足，完全感受到0味精，飲完一碗又一碗燒鵝（例牌）本身想叫叉燒，但老闆極力推薦，話唔係成日有今日有人預訂先有，所以就試試佢，鵝唔太肥但夠甘香，不錯糯米釀雞翼 好耐無食過既懷舊菜式，工序多又麻煩，利潤又唔高，所以好多餐廳就無再做，外皮脆內釀生炒糯米飯，雞翼滿滿玫瑰露香，層次豐富燒白鱔 好好味好好味好好味！重要的要講3次因為小妹原本以為係好軟好似鰻魚咁，但一咬落去，不得了，蜜汁經過完美焦糖化肉質爽脆，實在係以往未食過的味道！好燒鱔！本身打算叫個菜，又叫左個好香口的奇味茄子，好似薯條，無茄腥味又唔會太油膩食完仲同老闆吹下水，好有人情味100萬個推薦大家來！好好味，感受到老闆對小菜及燒味認真對待，下次再來試下其他餸菜