潮城潮汕火鍋

營業中

休息中

見天氣涼涼地好想打邊爐，諗起上次朋友推介旺角潮城潮汕火鍋，今晚同老公即刻book打邊爐。店舖尚算環境闊落，職員主動推介食物，服務吾錯蕃茄粟米豬骨湯底 $88拼澄海鹵水湯底我倆叫左呢款鴛鴦湯底，蕃茄粟米豬骨湯較清甜，鹵水湯底味道比較濃郁的鹵水香，我哋都偏向鐘意滷水湯底，惹味又特別潮城牛肉三拼（匙柄、嫩肉、三花趾） $168三款牛肉各有特式，匙柄牛味濃又幼嫩，嫩肉肉質夠腍，三花趾帶小小咬口炸獅頭鵝肉丸 $33炸獅頭鵝肉丸有驚喜，口感非常爽彈又滋味潮汕牛肉丸 $43潮汕牛肉丸都夠爽口豬肉韭菜餃 $33豬肉韭菜餃皮薄餡料粥，味道都不錯醬料費用 2位 $30整體來說，環境舒服乾淨，食物水準不錯，價錢亦吾貴，可以一試

今日在旺角打邊爐。白布街新開了一間火鍋店，標明是潮汕火鍋，很有興趣，一於試吓。潮汕火鍋湯底有別於麻辣火鍋，多數是清湯。我們選了番茄粟米豬骨湯（$78），湯中還有白蘿蔔，清甜好吃。食潮汕火鍋當然要食新鮮手切牛肉。通常一頭牛身上適合直接打邊爐的部位只佔35%左右，其餘部位的牛肉則會被製成手打牛肉丸。餐廳門口的一幅牛肉不同部位分類圖可供參考。我們點了「潮城牛肉三拼」（$168），一次過吃到三個部位。三拼包括「匙柄」、「嫩肉」和「三花趾」。用來醮店家自製的沙嗲醬好味。匙柄位於牛前腿上方部位，脂肪含量少，切面呈樹葉狀，紋理清晰。口感甜嫩無渣。嫩肉是腹部和臀部間的肉，色澤紅潤有光澤，口感清爽鮮嫩，肉味濃烈。三花趾是牛的前腿肌腱肉，爽脆可口。獅頭鵝肉丸（$33）～用澄海獅頭鵝的鵝肉手打而成，鵝肉丸爽口，鮮味多汁。第一次吃，好特別。豬肉粟米餃（$33）～餃子皮薄滑。炸蝦餅（$38）～原隻鮮蝦。油麥菜（$23）

餐廳位於旺角白布街，平時都好少黎呢度，呢日同朋友黎睇運動用品，朋友上網找到這間吃潮汕火鍋店，唔洗返大陸都食到。坐位闊落，與鄰枱亦有距離感，感覺幾好。 姬松茸豬骨湯底 ($88)這款湯底以姬松茸和豬骨熬煮而成，濃郁得來清徹，不會搶去食材的鮮味，感覺亦很健康。 潮城極品牛肉三拼 ($228)有吊龍伴、雪花牛頸脊和匙仁，呢度可以食到平時比較少吃的部位，不愧係潮汕火鍋，牛肉味濃郁，而且餐廳打直放牛肉，牛肉不會跌下來，展現其黏性，新鮮度高，雪花相對油脂較多，油花分佈均勻。 豬肉粟米餃 (4粒 $33)這款餃子包的方法很特別，帶有豬肉和粟米的甜味，皮薄。 牛肉丸 (4粒 $33)牛丸很juicy，而且爽口彈牙，大大粒，有牛的鮮味。 炸墨魚丸 (4粒 $43)墨魚丸炸得酥脆香口，墨魚丸夠彈牙，有墨魚粒亦保留了墨魚本身的口感。 唐生菜 ($23)唐生菜我覺得最適合打邊爐，清脆爽口，新鮮，打邊爐點都要食返個菜最健康。 點了飲品，淳茶舍 大紅袍烏龍 ($20)和健康工房 竹蔗茅根海底椰 ($20)，打邊爐熱氣，飲清熱飲品就啱哂。

公司附近開咗間潮汕牛肉火鍋，今日收工同同事去試下。調料，小料好豐富，最重要仲有自家制蒜油，啱曬唔同種類嘅FD。雙拼湯底（姬松茸豬骨湯底拼牛骨湯底），兩邊湯底都好足料，姬松茸豬骨湯底落咗大量菌菇，牛骨湯底落咗大量粟米同白蘿蔔，兩邊飲落骨湯味道好濃同埋好清甜。炸蝦餅，蝦餅入口好鬆脆，蝦肉緊致彈牙，食落好鮮甜。雪花牛頸脊，牛肉好厚切同埋雪花分明，燙15秒已經可以食。牛味好香同埋牛肉軟嫩，唔錯。五花趾，略帶筋膜，食落彈牙爽口，唔會覺得硬。匙仁, 係連住脖子嘅部分，都係有少少筋膜，不過食落同五花趾係唔同口感，偏軟嫩口感。澄海鹵水鵝腎, 鵝腎片得很薄身，微微燙下就可以食。鵝腎處理得好乾淨，同埋鹵水入到肉裡，食落好脆口彈牙醬香味濃郁。獅頭鵝肉丸，鵝肉丸第一次食。丸子彈牙爽口暴曬汁水，仲可以食到一粒粒肉。豬肉芹菜餃，餃子皮軟糯似手工製作。落咗大量芹菜粒，食落好似食西米，口感唔錯。雜菜拼盤，有4款蔬菜，其中生菜同皇帝菜最好味。蔬菜嗦曬湯底鮮味，食落脆口鮮甜，好健康TIM。

Fafafoodblog為食花太郎🍴澄海滷水湯底拼牛骨湯底88 蚊🐂牛骨湯牛味香 配埋越煲越林既白蘿蔔同粟米 滷水湯低好 入味 夠咸香。正🍴吊龍伴188蚊🐂牛背脊位 每隻牛得5 % 彈牙 肥膏適中 正🍴蒙古羊肉片 68 蚊🐑羊肉片好彈牙 羊肉味香同煙un🍴豬肉芹菜餃4 粒33 蚊餃皮爽口彈牙 餃肉入面芹菜新鮮 🍴獅頭鵝肉丸4 粒 33 蚊鵝肉味好爽口彈牙 一咬落去d醬汁爆哂出黎🍴炸蝦餅4 塊38 蚊🦐小食 外皮夠薄又香脆 蝦肉彈牙新鮮 🍴澄海滷水鵝件78 蚊鵝件唔洗點醬 已經醃到好入味🍴雜菜拼盤 58 蚊🥬#潮洲菜 #火鍋 #牛肉 #水餃 #吊龍伴 #羊肉 #牛骨湯 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#潮城旺角白布街2 至24 號藝興大廈5 號鋪地下及閣樓~~~~~~~~~#fafafoodblog #為食花太郎 #fafafoodblo

今日下午行開旺角、經過白布街見到一間紅色招牌很搶眼的鋪頭、名字是潮城潮汕火鍋店、秋意漸涼、忽然我都想食下火鍋、於是我入咗舖頭裏面、我叫咗一個牛骨湯底、首先嚟咗一客豬肉粟米餃、好明顯、這是自家手工制的餃子、外觀精緻、肉味鮮甜、好味、另外一客獅頭鵝肉丸、 鮮味多汁；不得不讚另外一碟 炸-墨魚餅、食得出係自家手打墨魚漿再炸、最難得的是炸得酥脆玉嫩不油膩、係小食嘅必試嘅菜式、另外我都點了一客蒙古羊肉片、牛肉方面點了嫩肉一客、 匙柄一客、今次我按肉味淡濃、先食嫩肉、鋪頭職員提我、輕輕用滾湯涮了兩秒便可、試後肉味果然鮮嫩、 再試匙柄、 匙柄牛肉在每隻牛大約只能提供2% 、 都幾矜貴、 匙柄肉味醇厚、 但又不會太過搶口、 好味；最後食蒙古羊肉片、 羊肉味香濃郁、食時口腔裏完全感受到大漠的味道、 正、 最後、 記得飲埋個湯同埋食埋湯底的蘿蔔、 可能因為是牛骨湯底關係、吃完火鍋之後、 火鍋湯變得更加清甜好味、 飲埋啲湯就唔怕上火啦、 食物質素優良、值得下次再來呢區嘅必食之選.

秋意漸濃，正是適合「打邊爐」的季節，龍豬情侶在旺角閒逛時被這間主打潮式火鍋的餐廳吸引。平日潮州菜多以「打冷」見稱，而這次的潮式火鍋為我們帶來有別以往的體驗 。    牛骨湯底$68 ❤❤❤❤❤  湯底熬得火候十足，濃濃牛骨香味，清而不膩。 平時打邊爐湯底好濃味，不過今次食完都唔覺口渴，大推！！   匙仁 $98 ❤❤❤❤❤  匙仁肉質鮮嫩，煮後口感依然嫩滑，嚼勁十足。    嫩肉 $68 ❤❤❤❤❤  嫩肉片薄薄一片，吃起來易入口。    蒙古羊肉片 $68❤❤❤❤❤  羊肉片不易散，煮後口感嫩滑，帶著羊肉的獨特香氣。    潮州魚蛋 $33 ❤❤❤❤  店舖以潮式主打，必點潮州魚蛋，口感彈牙且帶有魚香。    豬肉栗米餃 $33 ❤❤❤❤  餃子餡料飽滿，豬肉與栗米搭配得宜。    炸蝦餅 $38❤❤❤❤  蝦餅外皮酥脆，蝦肉香甜彈牙。   娃娃菜 $23 ❤❤❤❤  強烈建議大家必點一款蔬菜，在最後吸取牛骨湯的清甜。    ❤愈多愈推薦(最多5❤)    龍豬情侶評價：  店內環境寬敞舒適，有上下兩層，服務周到，職員會指導肉類的烹調時間，推薦有興趣的朋友一試潮汕火鍋的風味。    

🍊 餐廳名稱：潮城潮汕火鍋 (旺角)🐝 味道：7/10環境：7.5/10整體分數：7/10💰人均：$200+———————————————————牛骨湯底 💰68滿滿牛香嘅湯底，好食緊牛腩河嘅味道咁。匙柄 💰78匙柄位於牛前腿上方部位，聽講係牛肉中最好嘅部位之一，出面都比較少見有得食。 匙柄脂肪含量少，口感甜嫩無渣，幾好味。三花趾 💰78又稱三花腱，位於牛前腿部位，肩胛骨內側，占全牛比例2%。食落有彈性，口感爽脆，筋肉感十足。 蒙古羊肉片💰68蒙古羊名不虛傳，羊味十足，怕羊羶味人士要小心。(不過小編最喜歡呢隻味，嘻嘻)炸潮洲魚蛋 💰33/4粒脆，爽，彈！ 獅頭鵝肉丸 💰 33/4粒鵝肉丸比較少地方有，食落去真係好有鵝味。娃娃菜💰23魚皮餃💰 33/4粒

北上食潮汕牛肉火鍋食得多原來香港一樣有好吃的牛肉火鍋而且吾貴 坐得舒服 先叫了特色潮汕小食獅頭鵝肉丸等待火鍋之際 有小食食住先 爽口 彈牙 而且完全不會覺得乾。超級好食。今日火鍋點了牛骨湯底清清地 配有粟米及冬瓜今日專登食牛肉火鍋的，火鍋配料方面，肉類先叫了匙柄入口柔軟又超彈匙柄的脂肪含量少，是少有腿肉一部分幾秒就可以食 牛肉相當新鮮 富牛味 好味嫩肉牛肉火鍋精華 新鮮牛肉吾會有雪味 而且重牛味瘦肉為主，非常之少脂肪，間有少許筋，肉味濃烈黑毛豬肉片豬肉片一樣好好食 肉味好重 絕對不輸牛肉丸方面 要試試潮州魚蛋真的沒有失望 超彈牙爽口新鮮魚肉打出黎 不會食到成口粉魚皮餃 都好值得一試豬肉粟米餃 裡面好多粟米 多款餃都可以選4隻或8隻 8隻比較抵食炸響鈴一向係個人火鍋必點 吸曬湯既精華

天氣一涼少少就緊係要打邊爐啦！ ~ 我哋揀咗牛骨湯底🦴貪佢鮮香得嚟唔油膩，切合潮汕牛肉火鍋注重食牛肉原味嘅宗旨~等食嘅時候先嚟個炸潮州魚蛋，超級熱辣辣兼且彈牙得很食牛肉要先瘦後肥。一開波先嚟個匙柄同匙仁~匙柄嘅脂肪含量少，紋理清晰牛肉味會比較濃。匙仁就肥瘦相間油脂分布均勻，食落會比較滑同柔嫩再嚟追加我最愛嘅❄️雪花牛頸脊！呢款嘅油脂含量更高，顏色紅白相間，肉質軟嫩油脂超香，滑而不膩~店員好貼心，每款都好詳細介紹同埋要碌幾耐都會講得好清楚蒙古羊肉片 🐑估唔到呢度除咗牛肉，連羊肉都唔錯，唔會好肥同埋羊味十足呀獅頭鵝腸 爽口得嚟甘香而且脂肪多佢哋嘅混醬仲有自家製嘅沙茶醬同辣椒油，沙茶醬帶甜唔會搶fo~豬肉粟米餃大大粒好多餡，加咗粟米食落多肉汁又爽甜魚皮餃嘅外皮好緊緻彈牙，有少少似係濃味版肉燕餃

一向支持留港消費嘅我，今日又畀我喺旺角搵到好嘢食喇📢今日同裝修師傅喺旺角行完睇完裝修建材後，就想搵地方坐低同師傅邊食邊傾下裝修問題，點知畀我哋見到一間潮汕牛肉火鍋，啱曬師傅口味。坐低，師傅先叫了2杯啤酒🍻，再點餐前小食😅🥢炸獅頭鵝肉丸 $33用澄海獅頭鵝的鵝肉手打而成，鵝肉丸爽口，鮮味多汁。第一次吃，好特別。🫕打邊爐最考驗肉質嘅新鮮度，正宗潮汕現切牛肉🥩，香港比較少見😊我們點了最平嘅牛骨🦴湯底，只需$68，定價親民！👍🏻配有冬瓜及粟米, 帶牛骨淡淡香味😋匙仁🥩高蛋白營養豐富，匙仁脂肪含量適中，油脂分布均勻，牛香味十足！😋 🥩嫩肉店長推薦➡️係火鍋界嘅小清新，他説如果未試過一定要試下？💓嫩肉位於牛臀腿部位，脂肪含量極少，肉質嫩口。放入火鍋一灼，食落超軟滑，口感細膩🤤🐑蒙古羊肉片薄薄嘅羊肉片，有羊味得嚟唔會有騷味。今日得兩個人食，唔可以食太多，選擇相對亦都比較少，下次一定要約埋大班朋友一齊嚟大吃大喝一番。想食潮汕牛肉火鍋，唔使一定要北上🙂 潮城 Chao Dynasty Hotpot📍地址：旺角白布街2-24號藝興大廈5號舖地下及閣樓@chao.dynasty#香港美食 #香港好去處

><樓上閣樓空間感幾大秋涼係時候要召喚d人打邊爐醬料(15)有自家製沙茶醬 辣椒油黃豆苦瓜牛骨湯底(78)苦瓜湯底清熱健脾飲咗啖湯頭幾易入口店員喺上菜時提示每款肉類快涮幾多秒如果超時就會比較韌嫩肉(68)/三花趾(78)冇咩脂肪肉味頗濃前者軟腍 後者則有筋肉感蒙古羊肉片（68）魚冊/魚皮餃(33)炸潮州魚蛋(33)油麥菜(23)茉莉綠茶/檸檬薏米水(20)><><><><><><><><><><潮城潮汕火鍋 (旺角)旺角白布街2-24號藝興大廈地下5號舖

天氣開始涼返，最好就係去打邊爐。近年興起嘅邊爐，潮汕火鍋，之前只係喺內地比較多機會食到。而家香港都有好多潮汕火鍋，其中包括呢間旺角嘅…潮城潮汕火鍋潮汕火鍋嘅特色係用新鮮牛肉，所以佢哋會食到好刁鑽，好多部位都未聽過。另外佢哋會用比較清淡嘅湯底，突出食材嘅原味。以下係我哋叫咗嘅嘢 : 牛骨湯底 $68匙柄 $78三花趾 $78蒙古羊肉片 $68炸 • 潮州魚蛋 4粒 $33魚皮餃 4粒 $33獅頭鵝肉丸 4粒 $33娃娃菜 $23醬料費用 (2位) $30健康工房·檸檬薏米水 $20健康工房·竹蔗茅根海底椰 $20特別要講嘅係”牛骨湯底”，雖然價錢平，但味道相當清甜，我哋係飲咗一碗先開始烚嘢食。特別要讚嘅係蘿蔔非常腍同甜，粟米亦相當唔錯。另外牛肉都係水準之上。相比之下，”匙柄”屬於瘦嘅牛肉，切得較薄，所以烚2秒就好食。而”三花趾”明顯較有質感同實在，要烚足8秒。”蒙古羊肉”係有驚喜嘅，羊味突出又唔會太騷，點埋醬料啱啱好。“炸潮州魚蛋”係熟食，適合一上菜就食咗先。最後要講嘅係”獅頭鵝肉丸”。呢個同樣係潮汕火鍋嘅特色，表面上同豬肉丸差唔多，其實亦更有油香同質感，亦都會食到一絲甜美。總括嚟講，潮

男朋友話要帶我去一敞偽潮洲旅行，話旺角間潮城潮汕火鍋好地道8格醬料入面最特別就係自家製沙茶醬同自家制辣油，沙茶醬好香好食😋，雖然本身唔食得辣，但係講到明自家製，點都要試下，一入口唔係好辣，反而係辣椒香多d，之後有d後勁，另外仲有豉油同蒜油⭐️牛骨湯底+澄海滷水湯底牛骨湯底：清清地，好香牛味，湯底入面嘅蘿蔔入曬味，好好食，粟米又好鮮甜澄海滷水湯底：好香滷水味，就咁試啖湯底少少辣，湯底入面嘅芽菜同豆腐卜入曬味，好正，d肉碌幾秒都入到味，厲害👍⭐️嫰肉職員話水滾碌2秒就ok，就少少粉係正常嘅，食落好香牛味😋個名冇改錯，真係好嫰滑，正⭐️三花趾li個就水滾碌6-8秒，有d咬口，愈咬，牛味就愈出🤤⭐️蒙古羊肉片好正呀，好香羊味，超級好食😋鐘意食羊嘅朋友仔，絕對唔可以錯過😍⭐️豬肉粟米餃豬肉好鮮味，粟米好甜，皮好薄，仲有肉汁喺入面嫁，正呀🤤⭐️魚冊見個名咁特別，未試過，就嗌黎試下，食落係絞碎魚肉，好鮮味⭐️油麥菜好鮮甜⭐️炸獅頭鵝肉丸雖然係炸，但係食落唔會油膩，好鮮味，咬落好juicy最後，要讚一讚d店員，好少可打邊爐唔洗主動嗌加湯👍🌈旺角白布街2-24號藝興大廈地下5號舖#旺角 #潮城潮汕火鍋 #牛骨湯底 #澄

餐廳：潮城潮汕火鍋地點：旺角白布街菜式：潮汕火鍋餐牌：潮汕特製湯底、獅頭鵝、牛肉、必食推薦、羊豬雞、海產、餃、丸子、蔬菜、菇、粉麵、其他配料、小食等等。牛骨湯底 $68 另加一牛骨湯底好清，入面有粟米件四件同多片白蘿蔔。三款肉類連個架上。蒙古羊肉片 $68 另加一蒙古羊肉片一客六大片，好嫩口又唔會太酥。嫩肉 $68 另加一嫩肉一客多片薄片，淥兩三秒就食得，都好嫩。匙柄 $78 另加一匙柄都係一客多片薄片。潮州魚蛋 $33 另加一潮州魚蛋一客四粒，非常彈牙，好似手打。魚皮餃 $33 另加一魚皮餃一客四粒，油脂豐富。娃娃菜 $23 另加一娃娃菜好新鮮，吸左湯好清甜。獅頭鵝肉丸 $33 另加一獅頭鵝肉丸一客四粒，炸得皮脆而肉味唔錯。好多配料小食都有沙律絲墊底，仲有花裝飾。醬料每位$15 另加一一坐低就有醬料比你自己揀。健康工房檸檬薏米水 $20 另加一芬達 $12 另加一今餐食物質素都可以。