潮洲滷 (已結業)

筆者好喜歡斬料加餸，吃得港式燒味多，這次轉轉新意思，吃潮洲滷味。在灣仔露天街市的小巷中，簡潔企理的滷味店是筆者一直都想試的，今天決定買回家與家人共享。看到價目表，價格合理， 所以決定買滷水鵝翼、滷水鴨和滷水豬耳。外賣袋印上店舖名字及卡通鵝，有趣。📍滷水豬耳 $20/隻（中）豬耳價格便宜，$20已有交易。豬耳皮滑，軟骨位爽脆，不蘸醬汁亦夠味。📍滷水鴨$65/半隻本來筆者想買滷水鵝的，但鵝最少要買一斤，怕鵝份量太多吃剩會浪費，所以改買半隻滷水鴨，當然鴨肉肉質一定不比鵝肉滑，但解饞還是不錯的，鴨肉較厚身部位稍稍不夠入味，要蘸附送的醬料同吃。📍滷水鵝翼 $50/3隻（中）見價錢實惠，筆者打算買回家邊看電影，邊喝啤酒當宵夜，鵝翼滷得入味，肉質嫩滑，送啤酒、汽水一流。店中師傅友善提點，建議附送的滷水汁和白醋要蘸來吃，不要直接倒在食物上吃，十分細心。是的，因為食物本身已經滷得很入味，單吃已十分美味。小店位於灣仔露天街市的小巷中。稍不留神便會走漏眼，錯過了小店。總括而言，小店有各式各樣的滷味，價錢實惠，味道不錯，值得推介。👅 味道：4.5/5💰CP值：5/5🕴🏻服務：5/5🔰餐廳環境：5/5🍽 餐廳：

位於灣仔的潮州滷，是一間相當有名的滷水外賣店。我家人非常喜歡吃滷水食物，所以不時加料回家做餸，我媽媽更常常特意去不同的滷水店買食物回家呢。這次在朋友的介紹下，我去到公司附近的滷水店加料，試試灣仔區最有名的滷水店到底好不好吃呢。晚市6時多到達，只餘下少量食物，選擇不多啦。 店員推介下，我選擇了 半隻雞、1/4鴨、豆腐和雞蛋等等。全部食材滷得相當入味，雞肉亦非常嫩滑，質素不俗。當中我最愛滷豆腐，很好吃呀。

要正宗滷味， 食過灣仔潮州滷一次簡直返唔到轉頭， 而且每一日都見佢門口前面人流勁多， 思思念念成日都想得閒 叫番隻潮州鹵水鴨 加餸， 於是的起心肝，搵日星期六去排隊買。潮州滷的滷味，味道香而不會死鹹，滷汁精瑩，有種越聞越香的感覺， 鹵水和酸汁會分開上， 不會整個外賣盒都是汁醬。今日每樣都執咗少少: 滷水鴨，豬耳, 鴨舌, 腎, 豆腐同蛋滷水鴨滷水鴨色相亮麗， 而且一食就知用貴貨貨，肉質實肉帶爽，不是雪到霉一霉的肉。 而且鴨味也濃郁， 滷香的厚度會慢慢出來，65蚊半隻超大份也抵食。豆腐及滷水蛋滷得入味， 豆香園滷水香並重，可以放心食多幾舊。滷水蛋簡單的味道，越吃得出滷水的深度。腎爽口入味， 而且片片切得均勻， 一睇就知師傅刀功一流，吃罷齒頰留香。豬耳朵鹵水豬耳大大片， 厚肉而不會感覺肥膩，耳朵切得大小適中， 咬落爽脆軟淋的絕對是佐酒佳品。讚好回應

這間滷水鵝一直都很喜歡食，自從在港島區返工，有時放工回家食飯，有機會都會來這邊買回家吃，今天放工也不例外!放工時間大概6點半左右來到，最愛吃的滷水豆腐已經賣完了，不過還有滷水鵝和鴨可以買。今次買了滷水鵝片、豬耳和鵝腎。滷水鵝片，師傅好好會幫手起骨整鵝片，他們的鵝肉不會很乾身，很juicy，鵝肉肉質帶點嫩滑，鵝肉本身都有滷水味，更附有滷水汁，點上味道更突出!豬耳，一隻豬耳的份量都幾多，豬耳爽口彈牙，而且滷水味都好濃好入味，很好吃呢!鵝腎，平時食鴨腎食得多，第一次食鵝腎!初初以為也會像鴨腎一樣會比較硬身和爽身，而這裡的口感比較冧，容易咬開，而且好有滷水汁的味道，弄得很好吃!再點上附有的白醋令味道更惹味!聽說葵芳總店時常未夠6點已經賣完所有食物，想吃的也可以在灣仔這裡買來試試!

放工又做外賣妹，公司附近呢間滷味店單做外賣，收工時間又有一堆人係門口等😵店家提醒要將醬汁分開裝，不過其實就算無點都好入味▪️ 滷水豬手（7/10）💲75/斤層皮感覺好Q彈，食落有滿滿既骨膠原😌肉質亦都唔會話乾嚡韌身▪️ 滷水鵝腎（7.5/10）💲16/隻以前細個好鍾意食零食物語一粒粒既鴨腎 (好似暴露年齡咁🤪) 一食呢個鵝腎我舊時既回憶返曬黎，滑身之餘帶有咬口但唔會韌😍▪️ 滷水豬大腸（7/10）💲18有啲會連帶住入面些少既肥膏，有啲就會無，兩種肥瘦各有特色，亦處理乾淨無太大異味😚▪️ 滷水豬耳（7.5/10）💲20/隻 (中)；25/隻 (大)豬耳厚肉得黎，依然爽脆有彈性🤫▪️ 滷水雞蛋 (7/10）💲10/2隻呢個同其他比較，會係滷得滷為唔夠濃味，自行點多少少汁更好🙈▪️ 滷水鵝翼 (7/10）💲18/隻；50/3隻 (中)本身大大隻既鵝翼，被斬為細件方便進食，肉層都係頗厚，帶點嚼口🤤🔎 整體評分（7/10）

收工嚟到買滷水加餸！就嚟到呢間潮州滷啦😃 有鵝，鴨，豬手等等揀，價格相宜好抵食😍.最後叫師傅斬左d鵝脾，好多肉又夠入味，撈飯真係一流！有啲位仲要冇乜肥連皮食都正😍 另外仲有叫鵝掌， 都幾滋味😚.再加上最愛的腎，又爽又大舊！份量超足，食2日都得😂😂仲有d潤又幾夠味，唔會有怪怪味，點下d汁就更加好送飯！

喺灣仔行完街諗住喺度買埋餸，經過石水渠街，聞到陣陣滷水味，行前多幾間舖頭，見到這間「潮州滷」⋯⋯買啲返屋企做餸先望到呢度啲價錢都好實際我行到入去望吓，呢間嘅負責人非常友善、殷勤⋯⋯我要咗滷水鵝、豬大腸、滷水鵝腎、滷水蛋我返到屋企打開，屋企人話好香其實我覺得滷水味好緊要，呢個都係吸引人外賣買返屋企的！鵝肉入味，唔會韌，點醋更好味豬大腸及滷水鵝腎夠林，又係好入味有啲地方好出名，賣點係滷水鵝，但我覺得都不及呢一間好味，下次去開灣仔，一定再幫襯，而且跟負責人對話傾講，有濃厚的人情味

潮滷飲食文化深入基層生活,斬料除了叉燒燒鵝,最常出見就係滷水料以前屋企,返大陸,總之由那邊買2-3隻大鵝回香港,一隻大鵝吃三四天是等閒事而且那邊買的比較重咸味,香港滷味道,因時間而久而改良,更合適我們本地人吃一口滷水豆腐一口可樂亦可以很有型,同鄉閒聊幾句,總覺親切灣仔有間潮州滷,主打平民價滷水斬料,也有飯盒外賣,抵食夾大件色深才叫滷味,刀工要有巧,每件都要切得差不大細滷汁乾淨不油膩,明顯做過多重功夫隔走雜質,將醬汁入包,食之前先倒出沾來吃細節位重視,滷水也可以很柔情細緻,慢慢食到獨特既清香,不會死咸重鹽上一代就係靠呢一滷將全家養大,潮洲佬粗豪但克苦,值得敬佩一鍋滷汁,就是他的秘密武器滷蛋入味,豬耳脆爽,鴨翼滋味,識食一定食埋滷豆腐！年青人唔想食鵝片鴨片也有滷雞脾買，只賣１３蚊一隻！#滷水 豬蹄  肉厚皮爽不膩口，　加菜或者搭配啤酒一流#潮洲滷　灣仔店地址：灣仔石水渠街1-13 號其發大廈地下8號舖電話：3702 0068營業時間：10:30AM-7PM

潮洲滷 網址: 地址: 灣仔石水渠街1-13號其發大廈地下8號舗電話: 37020068================新年前大掃除，又懶開火煮飯，索性買飯回家食。屋企父母雙親都是潮州人，就買潮州魯水返去孝敬老人家。全隻魯水雞$100 好抵，整隻買點家可盡情食。白肉比較健康是主要買比家母食的。魯水豆腐一大件$10 兩人當加餸一件岩岩好，煮到魯汁入曬味。因我晚上怕肥唔食飯，再點一盒鵝飯兩份share。$50 一盒裝得滿滿拎上手重又實在，鵝塊肉索曬魯水汁架香味，肉味鮮明突出。仲有醋汁供沾魯水雞同鵝食，而飯盒仲有飲品附送呢間只做外賣，中午同放工時間都好多人黎買飯或加餸。

屋企人話提早做冬至 當日剛好經過灣仔就決定買滷味加餸 呢間滷味價錢相宜 都幾多選擇我大概下午一點幾去到買 都幾多人排隊因為中午時分啦好多人都嚟到買飯盒因為做節關係叫咗半隻鴨 鵝腸 豬大腸 豬耳 豆腐每樣都買咗啲咁老闆好好人請我食雞蛋老闆千叮萬囑我附上嗰兩包醬汁 係點黎食唔好淋入去佢嘅滷水好香 又唔會係死咸嗰種 帶有少少甜味鵝腸同豬耳好爽脆 豬大腸完全冇異味鴨肉好入味 豆腐好滑我屋企人都話好味下次可以encore 因為性價比都幾高

潮州滷在灣仔石水渠街開業都有一段時間，最喜歡這裡的獅頭滷水鵝，又大隻又肥美，經過灣仔都會外賣回家享用。今日又路經，本想再嚟外賣肥嘟嘟滷水鵝，但見滷水鴨特價$65半隻，油雞就$53半隻，好抵食，就換換口味，實行雙喜臨門，半隻油雞加半隻滷水鴨，再配點紅腸、滷水蛋和滷水大鵝翼點綴一下。潮州滷是老字號，經鎮店之寶陳年滷水汁炮製出來的滷水鵝、滷水鴨、鵝腎、豬大腸、掌翼、鵝頭頸、腩肉、豬手、豬頭肉、豆腐、豬耳、雞蛋等等都十分出色。潮洲滷祗有外賣，不設堂食，除滷水出品，還有經經濟濟飯盒供應。潮洲滷除了滷水鵝出色，原來油雞都唔失禮。油雞半隻份量也不少，雞肉好嫩滑，醃製入味，水準不錯。滷水鴨當然不及滷水鵝大隻，但份量也不少。經鎮店之寶陳年滷水汁炮製出來的滷水鴨，鴨肉好入味，而且肉汁充沛，味道不比獅頭鵝遜色。滷水鵝翼可以說是滷水極品，骨肉相連的大鵝翼，渗滿滷水精華，放進口裡，慢慢啜出味道，齒頰留香。廚師細心，將大鵝翼斬件，方便進食。至於滷水雞蛋和紅腸也不失色，雞蛋滷水入味，蛋黃夠軟綿，紅腸質地爽滑。另外賣附有滷水汁，可因應個人喜好，為滷水鴨自行調味。

早幾日同朋友去灣仔玩具街買聖誕禮物俾小朋友，收到家人來電，叫我買啲滷水返屋企加料，咁我就搵下openrice 睇下呢度附近有冇潮式滷水，原來隔一條街就有呢間「潮州滷」。門口有兩個人排隊，我望住櫥窗，睇下有咩想食，結果我揀咗滷水鵝片，鵝翼，雞翼，滷水豆腐，紅腸，仲有家人必要我點嘅滷水蛋。買咗咁多食物，價錢都唔係好貴，百幾蚊左右，絕對夠晒加料呀。兩大盒外賣，根本煮白飯加烚一碟菜就足夠一餐有餘。首先要讚下滷水鵝片好入味，而且都不算柴皮。家人話鵝翼好大隻，都唔錯。滷水豆腐都好滑但不易散，送飯一流。還有店員附送嘅豉油啱晒重口味嘅我。滷水蛋都夠入味，值得encore!喺停6pm 堂食嘅時間，最啱就係買外賣回家，希望小店捱得住疫情啦

尋日收工斬料返歸有唔少街坊幫趁潮式滷水係老豆既心頭好要左一份滷水鵝，再加左d鵝腸、豬腸同豬頭肉揀好要咩之後，師傅就手起刀落， 唔洗三兩分鐘就搞掂曬啦！！！店員姐姐都好友善，服務態度好好！！！内附滷汁同酸汁師傅仲送左隻蛋俾我全部滷水都好夠味豬腸乾淨唔韌，鵝腸爽脆滷水鵝更加係無得輸，絕對係必食～～～鵝肉香嫩， 入咪味得黎又一啲都唔會覺得好韌，又有豆腐墊底，正！！！加上酸汁一齊食仲會有畫龍點睛既效果，令人越食越開胃

大叔祖籍潮州，不過香港出世對講潮州話只係半桶水，不過對食方面有一份潮州感情，除咗潮州功夫茶、茶果、糖醋麵，仲有鹵水嘢都係令人回味。呢間滷水店之前有報導過，不過冇記喺心所以冇特別搵，今日機緣巧合見到喚起了印象，開頭我仲以為係可以堂食，原來間舖係冇座位只可以外賣，反正就買一盒返屋企加餸。大叔其實就樣樣都想食，卒之整咗個鹵水大拼盤，師傅切緊嘅時候，我就喺店外等候，仲睇下佢哋喺門面貼上報導，入面所講嘅大仔就係砌緊嘢嘅師傅，令我更加相信佢哋係真正正嘅潮州人，因為潮州人好興家庭式生意，一代傳一代傳承嘅傳統(我係潮洲人所以我知)，師傅嘅刀工確係鐵漢柔情，將大大隻嘅鵝變成一件一件同埋一片一片，鬼斧神工。我攞返屋企，屋企人以為我加咗人工（笑，呢個時勢講呢啲)，鵝肉係主角，豆腐墊底加上豬腸、豬耳、滷蛋、紅腸，屋企人繼續追問我點解會加餸(開始煩)。隨外賣有鹵水汁同醋，師傅話唔好直接放上去，應該要先放在碗中，食嘅時候先點嚟食。我夾埋一嚿不過唔係自己食，而係夾畀我媽先(主要係塞住佢把口)，鵝肉確係唔錯，鬆軟清香，甘而不膩，逐啖咀嚼令我回想呢種真正潮州鵝味道，阿媽食到幾滋味，問我貴唔貴？(其實唔太貴)除咗鵝肉之外

突然收到媽媽來電，著我買了外賣回家做餸，心血來潮想吃滷味，決定到 「潮州滷」點外賣~由於怕放工後食物售罄，所以lunch time就來到餐廳，望著餐牌，拿不下主意，幸好師傅夠貼心，著我講出budget，再由他決定食物~就這樣買了午餐及晚餐外賣，全部餸菜都裝得滿滿的，充滿驚喜，非常抵食。什錦飯由師傅發板，我相信是什錦飯吧！而店內所有飯盒均奉送飲品，說實，內裏的滷味份量挺多，內裏的滷味全都是佐飯恩物，包括有滷水鵝腎、滷水豆腐、滷水蛋、 滷水豬大腸及紅腸等，滷水鵝腎爽脆入味，帶有一股鮮香，滷水豬大腸帶有嚼勁，帶有淡淡滷水咸香，滷水豆腐帶有豆香，口感綿韌，滷水蛋外層Q彈不硬，蛋黃香滑，大口大口的伴飯吃，相當滋味。到了晚飯加餸的外賣了，內容非常豐富，除了有中午時候吃到的 物，包括有滷水鵝腎、滷水豆腐、滷水蛋、 滷水豬大腸，還有滷水豬耳、鵝珍、滷水豬頭肉，滷水雞翼尖等等，雖然滷味已經放了一段時間，加上師傅於盒內淋上滷水汁，但回家後滷味的味道還是剛好，味道不會過鹹，滷水鵝腎仍然爽脆彈牙，滷水豬大腸煙韌甘香。另外，滷水豬耳柔韌帶脆，鵝珍口感嫩滑，味道鮮香不膩，滷水豬頭肉肉質酥嫩，口感脆脆，滷水味道又香