澳門台山水佬榮火鍋專家 (已結業)

今日訂左枱所以一黎就可以點餐，又系叫花甲蟹煲，之前約半年前老友大請客食得好豪好知味，所以今次諗住再刷歺勁既，點知。。。蟹肉好梅，花甲好細！唉唷、四寶丸保持水準，牛肉一般，好多平過佢好多都咁上下味（朋友講咋coz 我吾食牛）象拔蚌ok ，其他都差不多上下，無驚喜！或者去開附近又想打邊爐會去，但吾會專登去Lu .都吾平架！

台山水佬榮, 名字如雷貫耳, 餐廳於澳門街名氣甚響, 店鋪簡單但多人慕名而去, 身價暴升。去年底, 這條過江龍終於游到來香港, 落座於上海街尾佐敦道交界一翻新大廈之內。之前路過這邊已見大廈外放有一燈牌, 已經有點心癢癢的感覺。這次藉著舊同學聚會,絕不能錯過, 一試何妨。台山水佬榮當中最出名的是花蛤蟹鍋, 嗜辣的朋友絕不可放過這個加辣的機會。可惜我當天狀態不佳, 只點了小辣, 不然必定選個更辣的。而一般來說他們是柯打一個大或細的花蛤鍋底, 然後另加肉蟹的, 肉蟹則按重量計算。現在還有增值版便是可選擇加龍蝦亦可, 可是當天人少, 我們只要一個花蛤底便算。湯底應以雞湯為主, 充滿香茅, 月桂葉香氣, 帶少微辣, 感覺惹味。配料亦不少, 除一大堆花蛤之外, 蔥白, 蘿蔔, 蒜芯, 芫荽, 杏鮑菇等不缺, 不過據聞以前在澳門鍋底的堆頭更勁。湯底的味道豐富吸引, 惹味而濃, 老實說這並不排除有"嗆喉作料"的可能。但是花蛤用料新鮮, 而且就算放湯久了也不見得韌, 只是會離殼他去而已。牛肉拼盆, 火鍋作料, 缺不了牛肉。這個牛肉拼盆包括多款不同的牛肉及形狀。最頂層是牛肉粒, 應是一到即下, 越久越好吃

同事係Facebook勁贊呢間火鍋店個湯底好特別同好嘢味，所以介紹我地去食，但係提醒我要預早訂位，所以早兩星期就訂了4位為朋友慶祝生日，真係同事所講一樣，啲嘢食好正！花蛤鍋底份量十足，個湯底好嘢味、啲花蛤仲好多，正！我地叫左本地手切肥牛、黑松露三寶、響鈴、鮮鵝腸、其他.....仲有碟其他火鍋店好少有的蝴蝶腩，我地都覺得真係好好味，真係好值得推介！

尋晚因兩位外籍朋友話想試吓打邊爐，就問人有咩好介紹，被介紹水佬榮的湯底好似好正！所以雖然自己無試過亦即管帶朋友去試試！即日打去估唔到咁好彩book到枱，準時7點我哋一行三人到達，即時有枱唔使等，叫咗佢最出名嘅雜菌花甲煲加肉蟹，本來細鍋應該夠食嘅三個女仔，但個職員話大煲好d，容易烚其他嘢食，咁好啦就叫咗個大煲。湯底一嚟到望到都覺得正，果然名不虛傳，好好味！蟹肉鮮甜，我倆位朋友亦好滿意，好在無令第一次打邊爐嘅佢哋失望！朋友A對鍋裡面嘅雜菌種類之多亦甚為驚喜。之後我哋亦叫咗嚮鈐，西洋菜，本地肥牛(細),六寶丸，蘿蔔，當中肥牛好好食，其他嘢就好一般。本來成餐飯都好滿意，食到尾我倆個朋友已經話飽停手，得我一個繼續食，當我夾起最後一邊蟹放到個碗度發現有條頭髮痴住隻蟹，當我用手將條頭髮拉出嘗試睇清楚，發現係條陰毛，當場無哂胃口，叫個經理過嚟傯佢睇，佢話唔好意思，即刻攞咗個碗走，然後問我食物到齊未，我話到齊，而家無胃口唔食喇，佢係咁問我飲唔飲嘢，我就話唔要，咁佢就上埋生果同甜品，跟住我叫埋單，個經理攞張單嚟竟然夠膽收我全價加一，我話起碼減咗加蟹嗰三佰幾蚊，因為隻蟹竟然痴住條毛，佢同我拗話係頭髮，但條毛

我係澳門水佬榮fans, 每隔1至兩個月就要到澳門潮聖。以為香港開咗就唔駛下下過澳門。打電話去訂位時話要1星期後至有位，我滿心歡喜等待嗰日的來臨。所謂希望越大失望越大，我最爱的花甲蟹煲竟然湯底的味道，以致花甲同蟹的種類都唔一樣，當然澳門嗰間好味得多。總括黎講，所有牛類食物包括肥牛，牛舌，牛肉粒都好食，但九龍區有好吃牛的火鍋店多的是，無須選呢間，如果各位係慕澳門水佬榮而黎，更加唔駛去，慳番啲錢去澳門食好過。

Supposedly very well-known in Macau, Soi Lou Weng opened its first branch in Hong Kong several months ago and since opening has been flocked to by throngs of people eager to try the new seafood hot pot joint in town. My friend made a booking a day or two in advance but was told that we'd have to be placed on a waiting list and won't know 'til about 30 minutes before our booking time if we'd be able to get a table or not. Fortunately, we were able to get a table that night.We ordered their famous

早在五六年前去澳門一定會去關閘的水佬榮但之後有幾次水準大不如前又有乳豬花蛤煲的興起就已經移情別戀 沒再去了最近水佬榮來了香港但聽講是和香港人合資媽媽的生日一定要去試一試但我三星期前BOOK位已經無晒位無晒大枱-我們6人只是留WAITING.....結果前一日打電話給我有位到底是香港勝還是澳門的好?很快就知道調味料及前菜 - 紅椒旁的是黃椒,店員介紹是最辣的,但試左,並不是很辣,最後要加紅椒辣汁雜菌花蛤鍋 - 我地加左大羔蟹$378-只是湯底已價值$616,味道不值這價錢,不鮮味,不野味,是有很多菇菌,花蛤亦尚算合格,但........蟹~~~實在有點流流地~~~牛星拱照 - PRESENT出黎好得,亦都好得意,但無論是牛頸脊,還是牛肉粒都牛味不足,不知道為什麼鯇魚骨腩/桶蠔/手打蝦丸 - 鯇魚骨腩切都好細,但算OK/ 桶蠔 - OK,好大隻,新鮮 /手打蝦丸 - OK.蝦味濃郁,彈牙轡鈴/芝士腸/魚皮餃/聖子皇- 轡鈴,沒有特別,應該是現成買回來的/魚皮餃 - 一般貨色 /聖子皇 - 店員分付了30秒就已經夠,果然是30秒就岩岩好,好鮮甜鳳城水餃- OK,沒有特別付皮- OK,沒有特

以「辣汁雜菌花蛤蟹鍋」馳名的澳門台山水佬榮最近在香港落戶，曾吃過的朋友說花蛤鍋份量甚大，但加蟹的話價錢就會立即飆升，閒閒地六七百蚊一個鍋，好吃是好吃的，但偏貴。這晚，和女友一心來試試「辣汁雜菌花蛤鍋」($128)，即使店員如何努力向我們推銷膏蟹、蟶子王等貴價貨，我們都不為所動，只要了小辣的花蛤鍋，加碟本地肥牛、響鈴、萵筍和番薯粉就足夠了。花蛤鍋很快送來，內裡果然雜菌多，花蛤更多，而且隻隻 size 不小，記緊先把花蛤吃掉，否則肉質會因為煮得太耐而變老，那就太浪費了。湯底不特別香，也不特別鮮甜，起初是帶點辣勁的，但很快便蕩然無存，看來要中辣，甚至大辣會比較好。花蛤鍋不過爾爾，反而本地肥牛 ($168) 帶來驚喜，肥牛脂肪分佈均勻，輕灼後入口非常嫩滑，兼帶肉香。不知由何時開始，吃火鍋必會叫一碟炸響鈴 ($42)，在熱湯上輕燙三下，入口鬆脆，又能吸收湯汁，水佬榮的響鈴不油不膩，但我覺得比較粗身，稍稍不及東來居的出品。今晚明明不是吃雞煲，但見剔剔紙上有萵筍選擇，又叫來一碟， $33 不便宜，但已比附近的官仔記化算。番薯粉 ($28) 不是我們喜歡的類型，這個比較軟身，入口不夠煙韌，早知要個出前

聽朋友講過呢間火鍋有一個非常特別嘅蟹煲，啲蟹又鮮，個湯底又惹味。我地都係hotpot lover，所以趁有朋友生日，就去試一試佢嘅虛實。首先，我地當然要點聞名不如見面嘅蟹煲，而牛肉更加係火鍋必備，再點吓其他嘢，好似手打丸。因為有朋友唔食辣，我地亦都有點多個胡椒豬肚湯底比佢。轉眼間，個鍋同啲食物陸續送到。見到個鍋裏面隻蟹好足秤，即刻要試試。啲蟹肉好鮮，而個湯就吸收咗啲蟹同花蛤嘅日月精華，再加埋辣辣地，好惹味！果然名不虛傳！之後，侍應再送嚟一個好似人地high tea 咁嘅牛肉3層塔。嘩，有啲讚嘆。望完之後，忍唔住要快啲試。啲牛肉都好嫩，好滑。其他食物都好ok，個胡椒豬肚湯，淨飲都已經很不錯。佢地重有好多其他湯底，我會下次再搵多啲friend嚟試！

唔係猛龍唔過江，由澳門紅到香港的「水佬榮火鍋」，以一招「雜菌花蛤鍋」俘虜了不少打邊爐「粉絲」的芳心。「辣汁雜菌花蛤鍋」鍋底一大鍋賣 $268，另配兩斤的活蟹約 $300 多。喜愛它鍋厎有大量雜菜及雜菌夠惹味，花甲不算大隻，但全都甜美無砂，抵讚。肉蟹新鮮肉厚而扎實，是吃得出的鮮活，配湯底是鮮上加鮮，必吃！「本地手切肥牛」$168味道遠比外貌優勝，難怪一眾人生教練常說「人不可以貎相，內涵最重要」。賣相雖一般，勝在肉味濃，襯鮮味湯底更能將肉鮮發揮。「鴻圖白玉卷」$98以冬瓜包著蝦膠，口感略硬，也不算是索湯汁的好拍檔。「鴨肝雞肉丸」$68好一對雞鴨生死戀的組合。手打肉丸功夫足，肉質爽彈，內裡鴨肝呈半熔狀態，惹味有驚喜。「花枝脆鯇魚」$88賣相亮眼，用墨魚膠包著脆肉鯇，配搭有新意，愛海鮮者不妨一試。另外也點了「炸響鈴卷」$42 及「唐生菜」$28。整體來說，「水佬榮火鍋」鍋底弄得好，蟹也新鮮好吃，只是個別生料食味一般，價錢也略貴，屬可以一試的系列。

早幾日睇TVB＂夜宵磨＂見到莊思敏、周國賢同范振鋒 介紹＂澳門台山水佬榮火鍋專家＂好似好吸引咁，就即刻打左電話去訂位同屋企人去食。這裡坐位舒適，服務態度都幾好，見到門口海鮮好新鮮，所以點了象拔蚌刺身，另外點了花甲蟹雜菌鍋、牛星拱照、鴻圖白玉卷、花枝脆鯇魚、黃金大蝦、娃娃菜、墨魚丸、竹蔗水、啤酒、芝士腸、公仔麵等等　首先介紹一下我覺得好吃的１,象拔蚌刺身，我同家人都覺得好新鮮，切得好肥美，啖啖肉２,花甲蟹雜菌鍋我們點了中辣，這個湯底真的很好味，很鮮甜，點了中辣還吃到好濃的鮮味，沒有被辣味遮蓋，花甲蟹雜菌都好足料，吃極都有，聽說雜菌是可以中和火鍋的熱氣，吃多少都不怕燥熱。３,牛星拱照$338有三種不同的牛，平均都是$100一種牛，相當抵食，擺設像好像酒店High tea一樣,好睇又好吃４,黃金大蝦，好香好大隻餐後還送我們椰汁榚和西瓜，真細心，成個晚餐都吃得好開心，絕對有下次，最後去水佬榮一定要Book位，因為晚餐時間都幾多人

得知水佬榮喺香港開分店, 我同史生都未試過澳門水佬榮, 所以決定試吓.星期日我喺佐敦番學, 史生訂定8點鐘位, 我一放學就九秒九跑去水佬榮, 3至5樓都係水佬榮o既, 我估5樓係VIP房, 我哋就坐4樓.因為我唔係特別鍾意食蟹, 所以叫咗個花蛤煲小辣, 個煲好多料, 除咗有好多花蛤之外, 仲有好多雜菌、芫茜、蔥同西芹等, 好豐富, 個湯底好濃郁, 辣味來自胡椒, 我同史生都覺得如果唔要辣個湯會更加清甜. 侍應提我哋要先食花蛤先, 因為花蛤滾太耐會老, 所以我哋不停口咁食, 花蛤數量都幾多, 但我本人較鍾意食花蛤皇, 所以覺得呢度o既花蛤唔夠大隻, 但勝在夠新鮮.食晒花蛤之後, 就開始打邊爐啦! 叫咗我最愛貴花蚌, 好厚肉而且唔會梅, 好鮮甜好好味呀! 金菇都好新鮮, 不過份量少啲, 預咗啦! 萵荀都好新鮮, 厚度適中, 灼大概3分鐘就又爽又脆, 好味! 我冇食魚蛋, 因為呢樣係史生最愛, 我冇問佢好唔好味, 但睇個樣都幾彈牙o既!最後有一盤西洋菜, 新鮮而且唔會太粗所以唔會老, 灼完索晒啲湯真係好好味呀!呢度有露台, 可以行出去呼吸一下新鮮空氣, 望住佐敦道車來人往, 真係幾寫意架!

老公聽我口述 "滾得棧" 的美食後，一向是火鍋大好友的他，終忍不住誘惑急忙於星期日晚安排一頓火鍋。澳門台山水佬榮是我們蠢蠢欲試的火鍋店，初開張時看到報章的報導，鼎盛的花蛤花蟹湯鍋照片已教人垂涎三尺，可是兩人的話似乎未能多點菜式，有點掃慶，於是立時找來老爺、奶奶及老爸同分享滋味。水佬榮設於佐敦中心3-4樓，當晚我們被編到4樓。原來一層的面積不大，靠窗邊全是4人的卡座，而中間位置只能橫放長方型的桌子。我們5人坐到長方桌後，發現桌面放進鍋子便沒有太多空間擺放火鍋食材了，幸好水佬榮特意把相連的長方桌留空，多出的空間可擺放食材，否則擠迫的混亂情況不難想像。甫座下，侍應馬上給我們慷慨地倒豉油，調味架更有8款不同的配料與醬料，辣椒、炸蒜、生蒜、葱花、芫茜、麻醬、沙爹醬及黃椒醬，款式完備。飲品方面要了清熱的竹蔗茅根和啤酒。喝慣家裡的製作，對食肆的竹蔗茅根不能抱有奢望，要是還能嚐到一點竹蔗茅根的味兒，又不太甜的話己算可以接受，水佬榮的也不例外。辣汁雜菌花蛤鍋是鎮店火鍋湯底，當然可以選擇添加花蟹或肉蟹，變成招牌花蛤蟹鍋，可是老爺與奶奶剛吃過花蟹，而老爸最近吃了兩隻大閘蟹，還有一隻在冰箱內，所以一致否決了加

今個星期一放假走去左水佬榮到食火鍋~事源有個朋友唔係好''好''火鍋食完都話正,於是同埋我家人同我一齊食~開頭係抱住半信半疑既心情去~但食完就知我朋友無放流料~堅係好食,尤其係花蛤鍋同D牛肉!!我地訂左位所以去到即刻有得坐啦^^一開始點野食我地就點左個花蛤鍋先,,,因為朋友非常推薦!..然後再點左個牛星拱照同個海底椰鍋....正到痺既花蛤鍋~~個名叫辣汁雜菌花蛤蟹鍋, 勁足料,勁多花蛤!!正~~佢仲有大中小辣俾你揀, 我地揀左中辣, 個湯底仲會愈煲愈鮮甜^^呢幅圖我係偷openrice既因為淨係顧住食,唔記得影相講到呢個牛星拱照, 真係無得輸, 佢有齊3種牛肉~有牛舌,牛仔肉粒同埋肥牛份量夠又好食既火鍋牛肉真係唔多, 呢個真係好食~個海底椰鍋都唔錯~湯底好甜夠哂滋補,,食唔到辣既朋友可以嗌呢個~end up 平均每樣野大概300蚊到,,但夠哂我地一家6口食~每人大概都係170蚊到!好過去食放題啦~總括而言,,呢間真係唔錯, 咁既價錢食到咁正又足料既火鍋...抵!因為我地有6個人所以仲可以開間房, 岩哂一大班人食飯~所以我一定會再去食過

1/ 頭啖湯好好味,但係手慢Ｄ海鮮滾到又老又縮水,Ｄ湯又濃又濁,唔岩打邊爐.應該熄火慢慢嘆.2/ 三層牛肉唔掂,和牛粒仲未溶雪,牛利就OK,本地牛太肥3/ /酸梅湯剩係死甜又貴