澳門台山水佬榮火鍋專家 (已結業)

WOW~~真係唔野少~~睇人食大大盤海鮮睇得多，自己作為食家都無食過太可惜了吧！所以和朋友玩完密室後就去了！果然無入錯店！正到一個點！ 我忘了幾多點後有折！不過當然夜少少就平少少！ 火鍋配料~~不過坦白講，筆者我完全無用過！因為個海鮮湯好有味！！ 初時配料只可以選5款，我也有少少怕不夠！但大家不用擔心！真心足夠！ 必叫特級肥牛啊~~一定要叫！！ 好靚啊~~D牛真係好好味！又靚，這個記得之後食完海鮮才吃！不然吃不了牛的美味！ 坦白講，配料都好認真和足料！明顯是靚料！ 原來每人有半個公仔麵~~必飽！ 估佢唔到！ WOW~~好厲害啊！職員都明白拍照既需要，所以先讓我們拍照後才放湯！ 真係好多海鮮！ 鮑魚還會動哦~~ 真正海鮮至愛必吃！ 最重要是，海鮮吃下去真的很新鮮！這個很值得再吃！我必會再光顧！ 大大件，而且很豐富！所有材料加埋真的非常滿足！ 朋友都很開心！這個推介度值100！！

比相吸引左好耐，覺得點都要去試翻次！終於約齊人拉大隊去食。佢只有兩個時段食，六點同八點半，每枱限食兩個半鐘，都夠時間食！佢分三樓四樓兩層，枱數唔多，空間還可以我地簡左成六點，上到去都只得一兩枱人，一開始就叫左個海鮮窩先，八種海鮮跟人頭分配，另自選五種配料。我簡左手切安格斯牛，餃子，油密菜，蓮藕片同窩笋職員一上盤海鮮窩後大家都驚訝🙀真係好大好大盤，大家都好驚食唔晒。當大家都影好晒相後，職員就會倒湯，我地簡左清湯，因為咁先食到海鮮既真鮮味大概十五分鐘後就食得啦🤗職員話先食蝦再食其他，蟹最後食。蝦係最好食夠爽同新鮮，但真係唔可以淥得太耐，會老！其他海鮮都冇咩太特別 海鮮下面就放左一堆西芹加黃芽白 配料中屋企人就話牛同餃子係最好食 份量都好多 我就覺蓮藕片係最好食 因為好爽。另外會人頭配公仔麵或烏冬 我地簡烏冬後都後悔 因為佢個d係街市3蚊包個啲噹噹烏冬唔好食 建議大家都係叫公仔麵總括黎講個海鮮窩覺得無乜特別 酒水好貴八人埋單連打半啤酒要$3100 食一次就夠🤗

之前睇報道啊見到航空母艦嘅樣啊～～好吸引啊。以前未食水佬榮都係普通打邊爐啲牛肉好新鮮咁，今次啲同學仔夠六個人（因為要四個人以上先可以叫呢個）一早打電話來了，平日$208但係打親黎都冇位。唯有星期六正價時段🙈個艦除左果幾樣海鮮仲可以自選四樣材料同埋每人半個烏冬或公仔麵。如圖所見個航空母艦斷人頭計每人一隻花蟹、帶子、貴妃蚌、青口、鮑魚、八爪魚、蝦同蜆我哋揀咗香辣湯底。湯底幾惹味唔會冚左嗰啲海鮮味有啲番茄仔無咁油。逐樣講下～花蟹，其實屬於細隻冇乜肉食，花蟹啲肉唔會實，勝在鮮甜。貴妃蚌，都算大隻係新鮮有咬口青口，冇特別帶子，洗得幾乾淨大粒嘅，滾一滾好快啲拎上黎就鮮味又唔鞋口鮑魚，size全部一大一細😂唔公平，新鮮既都厚肉八爪魚，冇乜興趣都係爽爽地咁蝦，侍應阿太叫我地快啲拎晒上水先，話會霉，（唔好呃我啦，其實新鮮既唔會霉得去邊，一早死左既先會既啫）真係發覺有啲蝦應該一早就唔新鮮呀。蜆，應該係攞嚟滾湯調起個鮮味既，可能唔當俾我地食既，所以細細隻同埋有啲仲有沙😅。我地4樣中揀咗鴕鳥肉、蟹柳、肥牛同埋佢聲稱話豬肉嘅腩（仲要已經熟晒）啲野一向都ok既。烏冬係噹噹烏冬面🙄仲以為會係讚岐烏冬我地太天真🙈服務

有次網上見到張水佬榮既航母海鮮盛盤既食物圖，一直都心思思好想試！今次終於約成6個一齊組隊試啦！！！留意！要食航母海鮮盤一定要預約！一入座，經理已經問係咪訂左個set，之後就叫我地簡湯底，我地就簡左水佬榮辣湯底（小辣）！等左陣，主角終於出現了，經理好好會教我地食既先後次序😁😁😁海鮮都算有鮮味，我覺得最好食既係鮑魚，因為最遲先食，吸收曬湯底既精華！呀！仲有，個餐包埋5款既材料，仲有公仔面送，所以唔洗驚唔飽🤤

今晚約咗朋友去試航母盛宴，聽個名都覺得勁！我地有book枱，6:30上到去，已有好幾枱客。餐廳地方略細，枱與枱之間的距離太近，坐得唔算太舒服。另外，只有一個廁所，廁內環境也不好。講返食物，食物就相對地吸引好多，火煱包8款海鮮，4款菜，5款自選配料及兩隻出前一丁。一見到個海鮮煱，大家D嘩！嘩聲出哂黎！真係好壯觀丫！大大隻花蟹加鮑魚巳好吸睛，仲有扇貝，蝦，花甲等，全個鍋都係海鮮，實在太吸引啦！湯底我地叫咗海底椰魚湯，完全突出到海鮮的鮮甜😋，一個字正丫。除咗海鮮得之外，原來佢D肉都好掂👍，我地叫咗安格斯肥牛，牛仔粒，雲吞同丸。D牛好嫩好食！雲吞大大粒蝦好爽口，丸類也不錯。個餐唔包飲品，我地order 咗一jar 雪梨汁，即榨架，好新鮮👍食哂D餸再食埋個出前一丁，飽哂。之後仲有雪米糍做甜品，簡直大滿足☺️。總括來說，食物冇得頂，價錢合理，只係環境略不夠舒適，整體都可以！

和朋友聚舊， 諗住一齊去試新嘢 ，我哋一行四人， 之前同事介紹我去呢個地方打邊爐， 話個食法有啲特別， 所以我book咗七點，襯復活節假期，同朋友去滾一滾，吹吓水，熱鬧吓。我哋第一次去， 本來好有禮貌咁同個男侍應話，我哋想要個清湯底先，其他要諗多一陣。點知個外表魯粗的他，一句「得」埋嚟話:「你睇完，揀咗食乜先一次過話我知啦。」 ，這樣，我哋之前嘅開心情緒一下子就畀佢打熄咗， 佢果嘅副態度， 似係佢係客人多D， 其實我哋坐落都係七點正， 四周圍得兩三台客 ，佢根本就唔忙， 為乜事咁粗聲粗氣對待客人呢!未食嘢我哋已經一肚氣了。 Order完食物， 我哋叫支白酒， 點知拎嚟嘅係另一款白酒， 同menu上面嘅唔同， 問個女侍應兩支酒有乜分別， 佢支吾以對，只係好想我哋肯收貨就算， 佢對自己餐廳嘅食品唔了解，又令我們嬲嬲地。講番食物本身，所有海鮮一鑊熟，根本就有問題，咁樣一些必定Overcooked， 最大問題係啲蟹， 我的朋友自己本身有做過餐廳， 對食材都有啲研究， 佢一食啲蟹落口， 就話啲蟹唔新鮮，肉質好「梅」， 其實我哋有驚食到肚痛㗎。個湯底更加不知所謂， 味精重到呢，連湯底都咁差，唔該厨

今次嚟到呢間其實都係同事介紹，同埋有同事要farewell，所以就一大班同事一齊嚟到。總共12人，都幾誇張。先講咗佢哋嘅安排先佢哋安排左我哋坐一張長枱，12個人一齊坐。對於佢哋地方就唔使要有12個人一齊坐嘅地方都唔容易，安排到都唔錯！但之後嘅服務就真係有待商榷啦，由於我哋有六個人先到所以呢我哋就先入去同埋揀咗除大鍋之外嘅食物， 六位嘅海鮮大鍋，係可以揀五款食物我哋分別揀咗牛肉響鈴之類嘅食物，我哋以為係揀咗一鍋嘅食物，點知佢話我哋揀咗一次就等於3鍋，叫佢改唔肯改叫佢分單分開3個鍋計，佢話系統做唔到，我都真係唔明點解做唔到不過算啦照食啦。坦白講入面嘅嘢食又真係幾好食嘅， 我哋揀咗個鍋係有啲辣嘅，辣味真係好釣到海鮮裏面嘅鮮味，令到個鍋越食越好食！個鍋裏面嘅食物就好似張相咁有帶子、花甲、鮑魚、蟹、八爪魚、青口、蝦等等！真係令到你食到停唔到口！每種海鮮都真係好新鮮，一開始拎啲蟹入個鍋嗰時都真係 識郁識跳，好正！唔使講到配菜淨係講到鍋裏面嘅內容你已經可以食到飽食到冇聲出！所以雖然服務一般，但已佢咁樣嘅價錢有咁樣品質嘅食物我都幾值得嚟呢度食嘅，不過知道銅鑼灣有新開嘅鋪頭，下次可能揀嗰度食啦😅😅

新春團拜時，朋友勁推介水佬榮，話家人吃過都讚好，同埋J2 夜消磨也有介紹。朋友仲俾相我地睇，賣相好掂喎! 我就成日心癢癢想試下，終於琴晚6條友去食。我2月下旬打電話book位，接電話既小姐禮貌好好。用餐時間係2.5小時，我地18:00開餐。食店勁易搵，過咗佐敦廟街牌坊再向前行一個街口，使過馬路，就見到水佬榮既banner 豎係路旁，第一座商厦就係佐敦中心。商廈門口已有個知客櫃檯，她叫我地上4/F。4/F有幾張卡位，若3-4位，都可以座，幾寬敞舒適架。咁我地6條只可以坐中間既長檯。地方夠光猛，檯與檯距離5算太逼，廁所得一格殘廁，男女共用。員工工作勤快，人手充足。5好以為平日少d人，琴晚我見到d檯翻客都幾密。水佬榮有2種食法:一係叫航空母艦 (即係按人頭計去預備海鮮及火鍋配料)、一係剔紙散叫。我地叫咗前者，有8款時令海鮮+5款火鍋配料+1款湯底+出前一丁/烏冬(2人有1個)。琴晚時令海鮮係：1. 元貝2. 貴妃蚌3. 青口4. 鮑魚5. 蟹6. 蝦7. 墨魚仔8. 蜆以上海鮮 (1-5)，每人有1隻。由於整盆食物係一次過烹煮，問題就出現咗。基本上每款海鮮所需烹調時間係5同，如一齊煮，為咗

好想食海鮮火鍋 呢間店都算出名 星期五晚上一於試試 book 左位好快就入得 價錢冇包飲品 要另外再點 醬料都係另外收費 有以下呢幾種揀：8款海鮮有鮑魚、蟹、蝦、貴妃蚌、青口等等望落去超大盤好大份（但好快食）而且好新鮮，特別係蟹同鮑魚郁得好明顯嘅我哋揀咗辣味湯底，唔點醬油其實都已經好夠味仲可以揀5款配料，揀咗肥牛、魷魚、響鈴、豆腐、同埋豬潤，餐廳仲送左兩個公仔麵（好彩送咗咋，如果唔係唔覺飽🙈🙈 ，另外追加嘅價錢貴唔抵）

平時食開火鍋都係好普通嘅湯底，未食過其他較為特別嘅湯底，今次終於有机會去感受下呢種氣氛，是日晚就同好友一齊去咗呢間火鍋店品嚐第一時飲番杯嘢解渴先，再來係小食沙薑雞腳，雞腳肉質細嫩一咬即溶，跟住係今晚主角出場海鮮盛宴，分別有8款時令海鮮另加4款蔬菜同5款自選配料，仲有湯底4選1，又幾多花款再要滾一輪等生猛海鮮熟透才可以食用，首先先食海鮮入囗鮮甜，又其元貝，鮑魚，海蝦啖啖肉，而且湯底香濃又刺激食完一輪豐富海鮮，再來有自選配料火鍋，分別有牛，有豬，有丸等美食，慢慢品嚐一番食得滋味，最後食埋啖麵，又食完一餐海鮮盛宴

今年香港天氣成日都凍到得返5/6度，成日都去打邊爐，食食下普通邊爐已經提唔起興趣！咁岩同事生日，又要求要去打邊爐，當中有同事推介呢間水佬榮，一行4人放左工一齊出發，訂左8點枱，去到已經有成full，估唔到平日都咁多人，果然係呢期最HIT呀！ 一坐底店員會拎小食同醬料俾我地，黎得呢度梗係要點果隻巨型航母盛宴啦！呢隻巨型航空母艦真係好大，要用個電爐先可以盛起！巨航中內有八款時令海鮮：蝦、蜆、八爪魚、象柭蚌、貴妃蚌、青口、鮑魚、蟹，五款疏菜墊底，仲可以選五款自選配料，相當之豐富！啲海鮮好新鮮，仲0係度郁緊架！　湯底我地選了水佬榮辣汁湯底(微辣)！呢個湯本身比較清，只係有輕微既辣辣地，但用黎煮過啲海鮮後，個湯底變得好鮮味！店員姐姐溫馨提示我地，可先食貝殼類，最後先吃蟹！貴妃蚌: 肉質彈牙, 味道鮮甜扇貝: 好大隻, 肉厚彈牙又鮮味蝦: 爽口彈牙, 味道好鮮甜鮑魚: 幾厚身，肉質鮮嫩彈牙八爪魚: 雖則唔係好大隻，但都幾鮮味花蟹經過一輪翻滾後，終於都可以食喇！隻蟹算幾厚肉， 啲肉一梳梳幾肥美，仲要好多膏，味鮮甜可口，正！  除左海鮮外，自選的五款配料同樣新鮮.鮮雞件: 幾新鮮, 肉質幾嫩滑牛仔粒:

第一次嚟食水佬榮海鮮 朋友介紹話好好食就尼試吓啦首先係個入口就唔太明顯嘅但係發現成個大廈幾層都係屬於佢咁一嚟呢工作人員嘅服務已經好好啦咩畀晒毛巾你又好好禮貌咁我哋都叫咗最出名嘅航母海鮮盛宴咁佢有八款時令海鮮同埋仲有得自選五款配料我哋就揀咗個辣湯底(打邊爐始終都係辣湯底開心啲)咁佢嘅海鮮有蟹蝦帶子鮑魚八爪魚青口象拔蚌蜆全部都係新鮮攞嚟煮嘅 所以一攞入嚟仲識郁㗎咁佢係根據幾多個人就一定有幾多份量嘅所以就唔使擔心有人會有啲冇得食咁佢落咗湯大個去閂埋個蓋酒煮10分鐘到啦就有得食㗎啦全部海鮮都好新鮮好鮮味同埋好夠肉係靜係蟹就要自己成隻剝殼囉有少少麻煩之後食完海鮮就可以食埋啲配料我哋就揀咗肥牛啊響鈴啊嗰啲典型打邊爐一定食嘅嘢咁去啲肥牛都好好味如果唔夠嘅話可以加錢叫其他嘢食嘅但係食完海鮮加啲配料其實已經差唔多飽咁佢本身都有包每人一支嘢飲嘅咁都係啦唔夠嘅就自己加錢先再叫啦咁通常嘢飲就一定要加架啦咁我覺得服務態度同嘢食質素都係好高既而且好適合一大班朋友一齊食

食開火鍋嘅人都係大多數都鐘意食肉為先，有時食得多都會有D肥膩，咁就可以食吓其他不同特色火鍋或者食出新口味，今次就去咗佐敦呢間特色火鍋品嚐一下，呢間係主打海鮮拼盤再配合其他火鍋配料係未食之前先點小食有蜜糖黑椒風鱔片，鱔片面層已被蜜糖醬包住，入口香甜肉質鮮嫩之餘，又食到陣陣黑椒香辣又幾刺激輪到海鮮盤出場，場面壯觀有8種海鮮，分別有貴妃蚌，元貝，鮑魚，海蝦，蟹，青口，魷魚同花蛤，湯底點咗水佬榮辣汁湯，再由店員加上辣湯汁煮多大約10-15分鐘就可以食用，蓋揭開已見海鮮已熟透，當然第一時間先食咗海鮮，入口肉質夠晒鮮甜又多汁，又其呢幾款元貝，貴妃蚌，鮑魚同蟹，食得零舍惹味食完一輪海鮮仲有5款自選火鍋料分別有安格斯特級肥牛，新鮮蝴蝶腩（豬肉），一口梅菜豬肉丸，雲吞同炸魚片先品嚐特級肥牛，肉質會較肥美，脂肪亦飽滿，食落肉味香濃，輪到蝴蝶腩入口嫩滑口感十足，到另一款梅菜豬肉丸，食落會比較特別仲以為自己食緊蒸肉餅但由真係幾好味，炸魚片炸得夠晒香脆，就咁食已經最係不知不覺之間由海鮮食到肉已食到不同味道之餘，最後當然留番個肚食番個麵，將湯汁真華吸收食落特別滋味話咁快又享受咗一餐豐富火鍋

今日終於約齊朋左黎食依排好紅既澳門台山水佬榮火鍋專家啦, BOOK台都BOOK左我一個星期基本上黎到D人都一定係食個航母海鮮餐. 海鮮佢基本上無得揀, 佢會揀當日最新鮮既比我地食, 我地唯一可以揀既就只有5種配料同埋湯底, 佢有辣汁, 喇沙, 海底椰同埋清湯底, 由於本人十分熱愛喇沙, 本身諗住揀, 但朋友怕味道太濃既湯底會蓋過…所以最後都係揀左海底椰湯底航母終於到啦, 好壯觀, 好多種海鮮, 全部都好肥美, 之後員工仲好熱心咁教我地食既先後次序以防止海鮮過熟同未熟, 時間岩岩好既情況下, 所有海鮮都好鮮甜, 正呀配料上面安格斯肥牛同埋牛肉粒都係必食, 安格斯肥牛牛味十足好, 把他淥到8成熟口感更好, 相反牛肉粒就可以淥耐小小, 咁樣佢先個心都熟埋, 好味

之前見ava係ig介紹 《航母盛宴 》好吸引啊 已經好想去食嫁喇 終於約齊朋友一齊去食啊門口已經張貼咗大大張poster 而且好多明星集郵今次安排咗我地係3樓 近水缸位置埋位後侍應己經安排咗醬料被我地配 選擇都多航空海鮮盛宴 $238每日8款時令海鮮 另外加4款蔬菜 自選五款配料火鍋湯底四選一 我哋揀咗水佬榮辣汁湯底 小辣海鮮嚟到真係話‘嘩’一聲 好豐富呀 海鮮有蝦 蟹 鮑魚 青口 蜆 扇貝 象拔蚌 八爪魚 時令蔬菜都足夠 有番茄 粟米 菜 等 影完呢張靚相先之後 侍應跟住就加上湯底 煮滾後侍應幫我地開蓋 就可以開動啦海鮮非常之新鮮 水佬榮辣汁亦係推介自選 好味到連湯底都飲埋配料我哋揀咗安格斯特級肥牛 炸響鈴卷 凍豆腐 日本蟹棒 黑豚肉食完海鮮再加埋呢個公仔麵 真係一流 唔使加調味料都好好味㗎