濠客蒸氣海鮮 (已結業)

成日都見朋友食蒸氣海鮮 今次終於都有得食啦 😝 9點先經過雞地個邊 見到呢間餐廳仲幾多人 決定入去試下叫左兩個黃金套餐 ($288一位)特別一提既有 -當季奄仔蟹 每人有兩隻蟹 可能睇住佢由生變熟 好得意呀😝 一食第一啖 嘩 好鮮好鮮好鮮甜😳😳 好耐無食過咁鮮味既蟹啦！！朋友一粒肉都無浪費 食左成半個中先食完佢既兩隻蟹😂 -澳洲龍蝦每人有半隻 店員教既時間剛剛好 唔會煮得過熟 所以d肉好嫩好滑 😋 -鮑魚, 北海道元貝, 南海貴妃蚌, 象拔仔, 澳洲青口以上5樣野都係各一隻, 但係唔知係咪我地太夜先去既關係 貴紀蚌同象拔仔都唔係太鮮 好似已經熱到出左水😂 要比多次機會佢 下次要早d去試下係咪真係鮮d先 -海蝦就每有人兩隻 一大一細 可以試到兩款唔同既蝦 😋 食完哂海鮮同蔬果盤，窩底仲有一早就放左既粟米瑤柱粥！吸哂d海鮮既汁 呢碗粥好好味 😋 食唔哂仲可以打包走架!

元朗出名多好野食又平，性價比高，就連海鮮蒸汽鍋都特別抵食過人！人均200蚊，已經可以食到蒸汽海鮮鍋，除左元朗真係唔知邊度揾到！我同男友今次就選擇食豪D！揀咗高一級既黃金套餐$288/位！同$198最大分別就係多咗半隻蟹同一隻象拔蚌！店員會逐次少量咁蒸海鮮，首先就係食咗蟹先，蟹膏超多，非常鮮甜！龍蝦超大隻！開邊食超方便，啖啖肉！貝殼類隻隻都好大隻！真心抵食！隻蝦拎黎時仲好生猛跳跳紮！仲跳咗出黎要麻煩店員幫我地拎去洗過！個粥本身有南瓜同瑤柱，再吸收埋所有海鮮嘅精華，超級鮮甜，就算已經好飽都要食埋個粥佢！

元朗人想講元朗真係好多好食野，雖然香港依家咁，我決定俾d正能量，講下最近食既好味海鮮！香港加油！呢間野老闆娘好客，人情味濃，兩個女仔叫左每人288既黃金套餐，好飽食唔曬><睇下D蟹膏幾多，清蒸真係細正，原汁原味！配既食蟹工具好足，我自己都拆到完整既蟹棒😋龍蝦長過手板，好大隻，啖啖肉，呢度既員工會幫你擺盤同set時間，確保d海鮮唔會over cooked 🤤醬料既辣椒落少少都夠辣，配埋d青口，元貝一流！開火蒸海鮮前就落米煮粥，食完海鮮手d粥岩好吸收曬海鮮既精華，加上本身有既南瓜同瑤柱，配埋d菜莆，我同朋友幾飽都食多碗丫，最後食唔曬個粥係唯一美中不足既事！d相無p過同佢地一樣原汁原味都夠曬吸引！

男朋友最鐘意食海鮮，聽朋友介紹黎試一試呢間濠客蒸氣海鮮！我地叫左$288套餐，真係超級多野食！一開始打頭陣既係每人一隻奄仔強！勁多膏，而且好鮮甜！同係三聖流浮山食既新鮮程度係一樣架！好味好味～跟住係每人半邊龍蝦，肉質爽口彈牙，依家睇返相都流晒口水！之後係貝殼類登場！$288竟然有埋貴價既貴妃蚌，CP值勁高！最後一類海鮮有蝦同鮑魚，食到依到已經好飽haha點知最後既粥底先係最正！d海鮮既精華流晒落個粥到，勁鮮甜！成餐飯都無多餘既調味料，全部都係食食物既原味！真係十分推薦👍🏻👍🏻

鳳攸南街周不時都會有新餐廳，今日行過就見到間開左無耐既蒸氣海鮮。招牌上寫住「海鮮直銷」，感覺有保證。睇左餐牌有不同套餐，價錢合理。於是我地揀左中價位既🔹黃金套餐$288。舖面雖然唔算大，但勝在乾淨企理。由於新開張無耐，所有用具都好新好靚仔。八點半後入座既客人越來越多，未到九點就Full House。人氣都幾旺！店員全晚會輪流幫我地蒸食材，服務跟得足。老闆娘有時仲會過黎傾下計，幾nice。枱上蒸爐設有自動計時器，唔怕掛住傾計蒸到過時😂黃金套餐食材好豐富，種類亦都幾多。單係海鮮已有八款，仲有新鮮蔬菜籃同汽水。係蒸海鮮之前，店員將煮粥底既材料放進煲底層，其後先開始於上層放上食材。我地由奄仔蟹開始蒸起，放上爐既時候仲會郁，證明好新鮮。蟹膏香，蟹肉柔軟細膩。之後係澳洲龍蝦，肉質彈牙爽口！其後包括鮑魚、北海道元貝、南海貴妃蚌、象拔仔、海蝦、蟶子，全部鮮味十足！唔洗落調味料都一樣咁好食。貝殼類海鮮亦處理得唔錯，乾淨無沙。食哂海鮮大概七成飽，之後就係蒸蔬菜，到最後先食埋個粥底。加入菜莆既瑤柱粥，吸收哂剛才蒸海鮮既鮮味，煲得軟綿綿，好食！入面仲真係食得到一粒粒瑤柱，真材實料！份量多到食左幾碗，食哂就真係

性價比極高的蒸氣海鮮火鍋今日跟朋友黎到元朗搵食，因為朋友話我知佢最近食過一間性價比極高嘅蒸氣海鮮火鍋，知我依個為食家一定有興趣去食！依間火鍋店位於元朗雞地附近，位置都算方便，火鍋店地方雖小，但裝修同設備都好企理齊全！而佢個蒸氣鍋係特制嘅，鍋底有個活塞自動加水，而且不痴底，咁煲出黎嘅粥底就夠綿有火候又唔會有陣難食嘅濃味啦！佢嘅海鮮套餐有成五六款，咁我地就選擇咗$288個一款，三百蚊就可以食到澳洲龍蝦、奄仔蟹、貴妃蚌、鮑魚、元貝等等嘅貴價海鮮喇！依度嘅海鮮生猛新鮮之餘，份量亦好充足！佢個海鮮盆上檯個陣，我竟然睇得到啲龍蝦同蟹啲肌肉神經仲係彈下彈下，係100%新鮮呀！依隻龍蝦肉質食落鮮甜彈牙，啲蝦膏仲好香軟呢！依隻奄仔蟹係足一隻俾你，奄仔蟹爆膏，唔一定鹽焗，只要新鮮，蒸起黎一樣咁好食！其餘嘅蚌、元貝、鮑魚、鮮蝦等等，全部都好新鮮爽甜，唔使特別加醬汁都一樣食得出新鮮海鮮嘅滋味！蒸完晒啲海鮮，海鮮嘅肉汁精華流晒落個粥底到，依鍋粥亦都唔使特色加調味料，食落口海鮮嘅鮮甜味出晒黎，簡直係大滿足呀！依間蒸氣海鮮火鍋，朋友真係無介紹錯，好味抵食之餘亦都令人相當飽足，而且食飯過程全程都有職員代勞幫你蒸煮海鮮

見到元朗開咗呢間新嘅蒸氣火鍋今日就同朋友嚟試下室內環境雖然唔係好大，但係麻雀雖小，勝在內臟俱全，而且新裝修，清潔梁麗，氣氛十分之好。佢有好多海鮮嘅套餐，而我今日就選擇左$288嘅套餐。呢個價錢，已經包左一隻蟹，龍蝦，鮑魚，象拔蚌，元貝，貴妃蚌，海蝦，青口仲要送汽水，呢個價錢，自己喺屋企食都唔得啦。食海鮮最重要嘅係啲咩，就梗係新鮮啦，佢啲蟹，上枱嘅時候仲識郁架，係蝦跳跳吓，真係嚇死寶寶了，海鮮食落口，爽口又彈牙，最緊要嘅係好乾淨，一啲沙都冇，可見廚師嘅細心，將海鮮洗得好乾淨，真係食得好放心啊。食完海鮮之後，仲可以送返啲菜俾我哋，雖然份量唔係好多，但係都已經夠晒飽啦，最後行到可以食返個粟米粥，蒸海鮮嗰啲海鮮精華，留咗落去啲捉到，令到個粥充滿海鮮嘅鮮甜味，呢一個就真係昇華啦，真係無論有幾飽，對住個粥都係不可抗拒的，食落口個粥好錦，又鮮又甜，搵機會真係要再去大食一餐。

想食海鮮，朋友建議食蒸氣海鮮，鍾意呢種做法保留到海鮮既原汁原味。我地好肚餓5點半就去到😆有唔同套餐可以揀，豐儉由人。我地揀咗＄288既黃金套餐，包括當季奄仔蟹（1隻）、澳洲龍蝦（半隻）、美味鮑魚（1隻）、北海道元貝（1隻）、南海貴妃蚌（1隻）、象拔仔（1隻）海蝦（2隻）、澳洲青口（1隻）、蔬菜籃、瑤柱粥底同埋汽水。首先登場既係奄仔蟹，自己食蟹最怕剝殼，但餐廳好貼心，除左開邊之外，更加將蟹蓋的邊緣位置剝開，更加容易食。蟹肉好厚好紮實，味道好鮮甜，仲有好多膏，食得出係新鮮嘅味道！龍蝦蒸嘅時間剛剛好，而且因為好新鮮，所以好輕鬆就剝到殼。肉質非常彈牙同嫩滑！好好味！所有貝類一次過蒸，樣樣都咁鮮甜，自己最鍾意係元貝，飽滿得嚟又夠厚肉，正呀！壓軸登場既係海蝦同鮑魚，海蝦好生猛，食落充滿鹹鮮，一人仲有2隻，大滿足！最後既瑤柱粥底一人兩碗，吸盡海鮮精華，軟綿又鮮甜，為美好一餐畫上句號💖

朋友第一次食蒸海鮮叫埋我，簡左呢間濠氣蒸氣海鮮。一坐低，老闆娘會即刻比醬料你自己配醬汁同上一碟前菜青瓜等你開下胃口先。套餐有好幾款選擇，我地就簡左$288一位既黃金套餐。上菜前要簡粥底，有南瓜同粟米簡，我地簡左粟米粥。 老闆娘會首先落左粥底先，然後再在粥底上面蒸海鮮，咁海鮮既精華就會流曬落下面既粥到，成為一鍋鮮味既海鮮南瓜粥。呢碟就係黃金海鮮套餐喇，可以見到係非常之新鮮，上桌既時候隻蝦係仲郁緊既。首先蒸既係蟹。店員將肥美又新鮮既蟹放入檯上的蒸爐，再幫我地較好埋時間制，我地就一邊傾計一邊等d蟹蒸熟！等左6分鐘，終於食得喇！隻蟹又肥又多膏，正！ 之後就係蒸澳洲龍蝦，唔大隻但夠曬鮮味。之後就係蒸海鮮拼盤例如元貝、鮑魚、青口、象拔等⋯海鮮絕對係新鮮多汁，唔洗加任何調味，就咁食都非常鮮味。飽魚夠大隻，而且肉質彈牙，是我的最愛！之後係蒸蔬菜併盤。食完咁多海鮮後，個人覺得呢個時候食返d菜清一清係非常之咁好⋯食完蒸菜併盤之後就可以食我地非常期待既南瓜粥喇！ 本身平平無奇嘅南瓜粥吸收左所有海鮮的精華已經變左一兜南瓜海鮮粥，呢兜粥既鮮甜又好味⋯我地明明已經食到好飽，但都收唔到手食左3

好耐無食蒸鍋，所以同老公專登入左元朗搵食，入到去叫左兩個黃金套餐。黃金套餐$ 288當季奄仔蟹（1隻）好多膏，好新鮮，放到上枱都仲郁緊，肉質鮮美，鮮甜多肉，推介。澳洲龍蝦（半隻）肉質爽口，龍蝦味香濃，仲有一舊舊蝦膏。美味鮑魚（1隻）好爽口，大大隻，咬落仲好多汁。海蝦（2隻）海蝦好鮮甜，大大隻，咬落仲好爽口。澳洲青口（1隻）Size比其他店大，食落去又不腥，好鮮味。北海道元貝（1隻）新鮮帶子，肉質結實，咬落鮮甜。南海貴妃蚌（1隻）貴妃蚌好大隻，唔係調太多味就去蒸一樣鮮。新鮮蔬菜籃有粟米，娃娃菜，南瓜，秋葵，正好中和一下。瑶柱粥底蒸鍋的精髓就係個粥底，完全吸收哂海鮮的精華，勁鮮甜，個粥好綿，仲有埋瑶柱、菜脯，兩個人都清哂！

今日忽然間好想食海鮮, 我記得朋友有提過元朗有間食蒸氣海鮮幾好, 於是就走入去元朗搵食先😁由於係平日, 8點入座都唔算太多人, 唔需要等位就入得. 但如果係假日前夕或者假日最好訂位, 因為唔算多枱!  試個黃金套餐❤️當季奄仔蟹 1隻澳州龍蝦 半隻鮑魚 1隻北海道元貝 1隻南海貴妃蚌 1隻象拔仔 1隻海蝦 2隻澳州青口 1隻蔬菜籃瑤柱粥底汽水 1罐睇到個餐牌好多野食, 即刻就ORDER!店裡面個姨姨好好招呼 👍首先幫我地放好奄仔蟹, 蒸6分鐘! 香噴噴嘅奄仔蟹就食得!😋奄仔蟹入面除咗有好多膏, 仲有好多肉! 所以我連腳都唔放過! 蒸出黎真係好鮮甜!😘之後就到龍蝦, 又係蒸6分鐘! 龍蝦肉真係又爽又甜! 跟住姨姨將元貝, 貴妃蚌, 象拔仔, 青口 一齊蒸! 好似係3-4分鐘咁上下! 😍又係一陣陣香甜海鮮味, 蒸先可以保留最原整嘅味道! 😋😋呢一輪嘅貝殼類海鮮, 可以配一下大廚自家調配嘅豉油! 豉油少少偏甜, 但同海鮮嘅甜味配合得幾好😍蒸海鮮最後一輪就係鮑魚同海蝦, 今次我記得係蒸2分鐘☺️ 好快就食得! 鮑魚剛好離殼, 海蝦啲肉又好彈牙!最後, 蒸埋個蔬菜籃就大功告成, 蔬菜籃有南瓜, 娃娃

這間位於YOHO附近的蒸氣海鮮店，以粥底蒸氣鍋為主，有幾款由百多元至三百多元的套餐，客人可視乎自行喜好而選擇。今次我們就揀了個中價位的海鮮餐，二百多元就可以食到八款新鮮的海鮮。手拍青瓜味道爽脆，帶點酸甜，十分開胃。這裏的海鮮全部都是即叫即劏，保證新鮮，而且會細心地去掉內臟，所以海鮮十分乾淨。不得不說這個奄仔蟹，以當季食材，蟹膏豐富，有濃郁的蛋王香味，十分鮮甜甘香。龍蝦中間都有少許蝦膏，肉質爽彈，味道突出。其他海鮮都處理得很乾淨，貝殼類全部都無沙，新鮮好味。蔬菜籃有南瓜、粟米及娃娃菜，南瓜又甜又腍。粥底是粟米瑤柱粥，煮至綿滑，有淡淡的瑤柱鮮味，亦都充滿了海鮮精華，鮮甜無比。

今日約咗朋友喺元朗搵食，因為我唔係元朗人，所以都搵咗一陣先搵到呢間餐廳，呢條街好似食街咁有好多唔同嘅餐廳!睇下個餐牌先，今次試咗黃金套餐， $288一位!過咗冇耐就上海鮮喇，一碟係一人份量，感覺都好多!店員會幫手落海鮮同set timer，我哋淨係負責食就OK啦! 一開始就食奄仔蟹同龍蝦，兩樣都好有鮮味，證明呢度嘅海鮮好新鮮，隻蟹落去蒸嗰陣仲識郁㗎!! 隻蟹嘅膏唔係太多但就有好多蟹肉食!!! 跟住就蒸元貝鮑魚海蝦同貴妃蚌，感覺呢度揀嘅海鮮都比較大隻，最impress係隻鮑魚，非常大隻食落彈牙，真心推介!! 再來就係青口象拔仔同蔬菜籃，一樣非常鮮甜美味，食到停唔到口，其實未食蔬菜籃之前都飽飽地!!最精華梗係喺個粥度啦，打包個粥第二朝做早餐!! 覺得呢度嘅蒸海鮮性價比高，海鮮種類夠多夠大隻夠新鮮，另外老闆娘好好人，有用心去招呼每枱客!!

海鲜很新鲜，父亲节套餐两只蟹一只超多膏一只普通，看隔壁桌也差不多质素，估计店家控制。龙虾个头不算大，但是新鲜，贝壳类海鲜也非常鲜甜，总体味道cp很不错，最后的蔬菜和粥底集合海鲜精华，满足而归再打包。值得再去

一直都覺得食蒸氣海鮮鍋其實料靚就得, 無技術廚藝可言, 所以如果想食, 自己係街市買返屋企蒸就得. 但係今晚想食蒸氣海鮮鍋, 太夜又買唔到海鮮, 唯有破例出街食喇. 見呢間新開張, 入去睇睇.有6款套餐可以揀, 當然越貴就有越靚既海鮮, 今次叫左黃金套餐(每人份量): 奄仔蟹(1隻), 澳洲龍蝦(半隻), 鮑魚(1隻), 元貝(1隻), 北寄貝(1隻), 象拔仔(1隻), 海蝦(2隻), 青口(1隻), 蔬菜籃, 粥底, 汽水. 其實份量都唔少, 食完都好飽.個蒸爐火力好強勁, 每種海鮮都有指定蒸煮時間, 確保唔會過火而變差. 爐本身有時間制, set好時間, 一夠鐘就自動熄火, 跟住可以慢慢食. 屋企就無呢款強力蒸爐, 係舖頭既優點.佢既海鮮都算新鮮, 蟹, 蝦, 龍蝦都好多膏, 好滿足. 但係其他貝類就差D, 無乜味道, 同洗得唔夠乾淨, 蔬菜份量都比較少, 原本粥底係蒸氣海鮮既精髓, 但係可能米既質素問題, 做唔到完美既結局.