火車頭越南餐室 (浣紗街)

營業中

休息中

今日黎開銅鑼灣嘅中央公共圖書館，又點可以唔黎大坑揾野食，今次男人話比我話事食乜野。今晚凍凍地，early dinner想食輕食啲同埋熱湯麵類，所以就決定試呢間越南野。雖然叫自己做餐室，但入到去都幾有浪漫情調，坐得幾舒服。好少menu會差不多每樣食物都有圖，值得一贊！叫左一個小食，庶蝦。呢樣小食最基本亦都係最梗要嘅係要夠熱，佢地做到。蝦肉餅亦都夠彈牙，夠味但唔係得個咸字！滿意！男人叫左個招牌火車頭河，啲牛肉夠嫩，上到枱生牛肉都仲生生地，唔會熟曬，good job!試左一啖湯，好香同濃濃嘅牛味我就叫左個鮮茄蟹肉檬。見到紅紅嘅湯底，已經覺得一定冇叫錯！好香蕃茄味，加上蟹肉，炸魚旦等，好豐富好滿足！叫多個菜，炒得惹味又大份，幾抵食！

一向都好喜歡大坑嘅環境，一黎多美食，二黎周圍環境寧靜舒服，食飽飽就可以周圍散吓步消化一下嚕。今日就約咗個朋友黎大坑覓食，而正好我同朋友都好想食湯麵，見到依間越南餐廳網上的評價都唔錯，就決定試一試佢啦。首先餐廳嘅環境都幾舒服，座椅間嘅空間夠，餐廳嘅裝潢以火車車卡為參考，非常用心。另外餐牌上嘅選擇都夠多，最後我哋就叫咗炸春卷$57、軟殼蟹紙米卷$78、炭燒沙嗲雞串$63、生熟牛河$72，鮮蟹肉湯檬$108。飲品就叫咗椰汁紅豆冰$33同凍龍眼肉水$33。炸春卷$57即叫即炸，所以好脆口，可以用生菜捲住再點魚露食，作為前菜食又好味又開胃。軟殼蟹紙米卷$78首先軟殼蟹比我想像中大隻，而且有牛油果及粉絲。可以點醬食，不過其實本身嘅味都已經夠好味，而且軟滑嘅米紙同炸軟殼蟹令到成個口感好豐富。唔錯!炭燒沙嗲雞串$63雞肉肉身好嫩滑，而且好入味!生熟牛河$72依樣係朋友想點嘅，不過我哋都係share食，首先牛肉湯底夠晒濃味，而且牛片份量多且口感嫩，河粉夠索湯，加少少辣椒仔一齊食就非常滋味。鮮蟹肉湯檬$108身為海鮮精嘅我一見到餐牌上有依款揀，就已經二話不說地揀咗食佢。首先個湯真係鮮味十足，有好濃嘅蝦蟹味

今晚到了大坑吃越南菜，餐廳內部裝修頗有心思，有如火車車卡，與其名稱火車頭相襯，跟友人共點了春卷及蔗蝦2款小食、一個湯河及一款特色飯。春卷共有四條，春卷皮炸得脆卜卜，夾入生菜連同魚露，吃入口味道爽囗且醒胃，如果春卷再大一點，相信更佳。相反蔗蝦共有四件，但份量較大，蝦被炸得金黃色，賣相吸引，入囗頗彈牙，亦不油膩，造得不錯。生熟牛河，上枱巳充滿香味，原因源自其濃郁的清湯，這個湯很入味，不會大咸，且滿有濃濃牛味，相信煲了很久。牛肉也不少，印象中有五至六塊牛件，入口也不嚡，加入了大量芽菜、辣椒及青檸汁，整個牛河湯特別鮮甜，很入味，友人跟我也差不多把湯喝完。另外點了一個街頭米碎飯，侍應介紹這是越南的特色飯食，白飯配上一大塊豬扒、煎蛋及豬頸肉絲及豬皮幼絲，厚豬扒煎得金黃，富香茅味，淋上太陽蛋的蛋黃汁一起吃，感覺有d像香港茶餐廳的豬扒飯，吃起來同樣可囗，一試無妨。另外還點了椰汁三色冰，這個造得頗出色，三色𣲙的每樣配料分配平均份量十足，如果不是太飽，應各人各點一個三色冰。溫馨提示這𥚃的菜式份量十足，下單前真的要考慮一下自己的食量，不過整體來說十分不錯，另外，本人猜想金庸可能也在這𥚃嚐過，因為他們的墊枱紙

大坑有間衫鋪啲衫好特別，但呢度好唔就腳，好間唔中先去，今次去完睇衫之後見到呢間火車頭裝修不錯就入去試下。同男朋友兩個人嗌左：火車頭招牌湯河, 蕃茄牛腩河, 燒豬肉濱海, 青檸梳打, 凍雙檸密火車頭招牌湯河($98)先飲一啖湯 火車頭最重要是湯湯重牛骨味 好濃 但不會太鹹都幾大碗粉 河粉幾滑有生熟牛肉、白蘿蔔、牛筋、牛丸和牛栢葉牛丸最出色 彈牙白蘿蔔好入味牛筋軟腍男朋友加了少許辣椒和青檸 更添層次蕃茄牛腩河($82)都係先飲一啖湯蕃茄味濃而甜 非常開胃牛腩大件 入味 而且好腍都是大碗河粉燒豬肉濱海($118)第一次食覺得好新鮮顏色好繽紛員工教用生菜夾住自行選擇的配料食有米粉餅、菠蘿、水蜜桃、青瓜以及燒豬肉調味料非常香口這個冷盤非常清新新奇再沾蒙汁吃 酸酸的 不錯青檸梳打, 凍雙檸密 ($32)青檸梳打正常凍雙檸密非常適合我 酸酸甜甜員工指著一大罐東西說是自家調製的好想買走呢!

平時去開銅鑼灣覓食，其實附近的大坑都有不少正野。今晚就試試越南菜。我們點了火車頭招牌湯河，十分足料，有青檸，芽菜，辣椒作配料，生牛肉在熱湯中，慢慢燙熟，牛肉沾上甜酸醬，豐富口感，河粉細滑。酸辣無骨鳳爪，微微酸辣，十分開胃，適合懶人，女士，不用吐骨。蒜蓉法包，蒜香味十足，塗滿牛油，十分香。牛油雞翼，牛油和麵包糠完美結合，炸得香脆皮薄多汁，而且雞肉嫩滑。龍眼冰，龍眼肉超多，是我喝過最多的，有半杯，甜度適中，很滿足！椰汁三色冰，三色配料也相當豐富，椰奶香濃。

真係好耐都未食過越南菜啦但今日朋友仔話想去位於大坑嘅火車頭越南餐廳，其實我以前都一直想試，今日終於有機會試啦！餐廳設計模仿火車廂，充滿法越小餐室風格，有卡位梳化，一家大細或者同朋友嚟食飯都坐得好舒服！越南菜嘅小食當中我就最鍾意食越南春卷喇，這𥚃嘅春卷炸得金黃酥脆吃的時候把春卷放在生菜裡，再放上兩片薄荷葉，捲起來以後蘸上檸檬魚露調料，一口咬落去，十分有層次。第二最愛就係邪惡嘅牛油雞翼，那陣誘人的牛油蒜味撲鼻而來，雞翼脆卜卜，充滿牛油和蒜香，雖然邪惡，但還是忍不住一隻一隻放入口！主菜也是我必點之選，有驚喜，擺放得好靚，仲有桃同菠蘿做襯托。燒豬肉濱海燒得軟滑惹味，濱海又滑又彈牙，用生菜包着再加點魚露，一併放進口，快樂無窮！同朋友食到飽一飽才是$200一個人，真是一個又滿足又愉快嘅晚餐。

食越南野點可以唔理呢間火車頭越南餐室啊，有朋友已經同我提及過佢哋嘅越南美食都幾正宗，同埋幾好味，可以話係做到越南嘅風味。叫咗個生牛肉湯金邊粉，佢哋首先會嚟咗碟生嘅芽菜先，因為係俾你一陣間放入個湯面度浸熟佢，個生牛肉湯金邊粉嚟到嘅時候好香牛肉湯味，望落去亦都好濃郁，牛肉亦都唔少份量。另外叫咗呢個黃金炸軟殼蟹，軟殼蟹都算幾大隻，唔會淨係好似食到得個殼咁，因為感覺啖啖肉，亦都炒得好香，我覺得呢款餸可以encore。最後叫咗啲條鹽焗魚，佢係用啲好粗嘅鹽去蓋住黎燒，所以燒到個魚皮好脆，但係佢亦都可以鎖住裡面啲肉汁，好嫩滑，不過通常都係食入面啲魚肉俺會食個魚皮，因為魚皮佢太多鹽嘅話會比較鹹，而佢個魚身裡面亦都用咗好多泰式醃料擺入去一齊去燒所以會令到個魚肉更加香更加好味。食咗咁多熱氣野梗係要飲返啲羅漢果清一清熱氣，好重羅漢果味，亦都唔會甜，幾好飲架。

這間越南舖頭在大坑好一段日子了，就係舞火龍的那條街，經過店面會比佢既古朴特色吸引，今次第一次來食！坐低見到牆上掛有金庸題字越南街景圖，於是點左其中一個招牌菜，火車頭湯河！最要試真啲係個湯，用牛骨同雞淆制，河粉同配料完全不加調味料，全部吸收湯的精華而入味，啖啖鮮甜而不油膩👍🏻小食香茅豬趴，多過小食既份量哈哈，細心剪開小件上碟，半肥瘦，幾Juicy鹽燒烏頭，因為即做等左25分鐘左右，期待！Waitress幫忙敲開鹽面，飄來香茅同魚油香，魚肉算爽實證明食材新鮮，配搭舖頭自制醬汁更加鮮味，個汁如果辣啲仲正😝今晚點既菜都質素不錯，下次會再來食其他菜式😋

到銅鑼灣行街的話，我比較鍾意走遠一些到大坑搵食，鍾意大坑的寧靜，餐廳選擇亦不少。今晚我就選擇到火車頭食越南菜，區內有幾間食越菜的，但我鍾意火車頭的裝修及座位闊落，坐得舒服。餐廳是用了正宗越南牛肉湯底及雞湯底，所以一步入餐廳已經聞到好香的牛香味。今晚老公點了鮮茄蟹肉湯檬，紅紅的湯底是用了多個新鮮蕃茄煲成，有很濃的蕃茄味，還有蕃茄蓉，材料很丰富，有鮮甜的蟹肉外，還有炸魚條及炸魚旦，湯面再舖上香蔥蒜，令整體更香更惹味。而我就為了補充鐵質，我選了生滾豬潤牛肉湯金邊粉，好少越南菜會有這個配撘的湯粉，豬潤做得不好是會有一陣臭味的，但這裡沒有，還很爽滑。而薄薄的生牛肉上枱還是粉紅的，靠湯的熱力再將它浸至剛熟，食落嫩滑。隨著湯粉上枱，亦會附送一碟芽菜，青檸，辣椒粒及甜辣醬，每樣都嘗試放少許入湯粉之中，令味道更加提升。春卷中，我最鍾意越南炸春卷，因為越式春卷的皮採用的是用米粉做的越南米紙，皮特別的薄，其次是用魚露作為特有的調味料加入到餡料中和蘸料中，令到味道提升，炸得香脆，包著生菜食，可減油膩感。每餐都要食菜的，今晚點了，喜歡馬拉盞的咸香，如果將芥蘭的花摘走就更好啦。今晚要讚好的是食物夠熱及份量十足，另

突然好想食越南粉, 同朋友係柴灣上完堂坐車去大坑“火車頭越南餐室”, 我鍾意黎呢間因為鐘意呢度裝修好別緻, 天花有木橫樑, 簡潔又帶有少許古舊味道的吊燈, 還有幾個指有世界不同地區時間的掛鐘, 餐室樓底夠高, 完全無壓迫感, 燈光又柔和, 好舒服。好耐無黎, 睇下食乜先, 今次好似多咗套餐選擇, 有每位$188 (兩位起)火車頭套餐, 亦有廚師套餐, 個餐有小食拼盆, 椰青浸大肉蟹, 咖哩鴨, 鰽魚...樣樣都想食, 而且唔算貴, 每位只係$268(四位起, 需一天前預訂)兩套餐都好吸引, 只可惜今日無人陪我食, 因為朋友一早已經話要食鮮茄蟹肉湯檬, 唔緊要終有一日我要食到廚師套餐。平時黎火車頭必點牛肉粉, 牛油雞翼, 併盆... 今日我要少肉多菜, 試下其他平時少叫既食物先, 必叫鮮茄蟹肉湯檬, 柚子大蝦沙律, 馬拉盞炒通菜, 同從未諗過會有火車頭湯河素菜版。首先"鮮茄蟹肉湯檬"祈待以久, 聞到個湯已經忍唔住熱辣辣咁飲咗一少啖, 好甜又有蝦味, 仲有大大舊蕃茄, 而湯檬裡面都有幾多野, 有大蝦, 蝦卷, 龍蝦丸同蟹肉,鮮味十足。第二度菜就黎咗馬拉盞炒通菜, 同一般馬拉盞有唔同, 好惹

放假就諗住周圍行下，係附近行完，就諗不於係大坑搵下野食，因為六點時間都仲係早，所以都未算太多人，睇睇下就揀左間越南野食。我地六點左右入黎，但唔夠半個鐘已經坐滿哂。佢有單叫又有得叫套餐，套餐有大頭蝦套餐同埋火車頭套餐，見到火車頭套餐都幾岩食，所以就懶得再睇了，然後再加杯飲品，荔枝特飲。火車頭套餐都幾多野食，總共有六樣野，一個人都係188蚊。頭盤有大蝦柚子沙律，大蝦加左調味料再煎過，幾香口，柚子夠甜，沙津食落幾清新，開胃。扎肉就有四塊，同蝦一樣都係煎一煎過黎，香口好味D。同場仲有兩件特色蒸粉卷。之後就有馬拉盞炒時菜，我地驚太辣，所以叫左小辣。不過黎到都有小小辣，惹味小小。跟住就有咖喱雞配法包，咖喱味濃但唔係好辣，岩我地口味，咖喱雞有四件，煮到好腍入哂味。法包就暖暖地，用黎浸咖喱黎食一流。我覺得主角係火車頭招頭湯河，影相可能唔係好覺，但其實佢個碗勁大，兩個人既分量黎。湯底好有牛味，睇介紹有牛骨等十幾樣材料一齊煲。材料好豐富，有肥牛肉，牛肉味濃而且又嫩滑，仲有牛腩、牛丸同牛栢葉。加埋杯野飲一個人225蚊左右，性價比高既越南餐廳。

今日下午到大坑探望友人，見時間差不多, 是時間找個地方晚飯。 友人隨即建議去附近一間越南餐廳共進晚餐。 此店牆上裝修使人聯想到火車車卡, 配合其餐廳名字 --- 「火車頭越南餐室」。 春卷 : 春卷以碎豬肉丶紅蘿蔔粒丶沙葛粒丶木耳丶米粉做餡料, 外皮是用越南米紙。 越南米紙包的春卷較煙韌, 以生菜包起來, 再蘸魚露來吃, 口感不會油膩。 蒸粉卷 : 以晶瑩剔透的粉皮包着炒得很香口的餡料。 以碎豬肉丶紅蘿蔔粒丶沙葛粒丶木耳等為餡, 粉卷外加上炸蒜蓉丶炸乾葱和葱粒, 豐富了食味。 蔗蝦 : 蔗蝦蝦膠非常厚, 兼且又爽又彈。 牛油雞翼 : 鋪滿了金黃的蒜蓉碎。 雞翼炸得香脆, 但我個人喜歡牛油味重一點的。 火車頭招牌湯河 : 既然是招牌食品, 那就一定要試。 碗內食材多, 有生牛肉丶牛根丶牛柏葉丶黑椒牛丸丶白蘿蔔和越式河粉。 芽菜丶青檸丶辣椒粒以另一小碟奉上, 隨個人喜好放入大碗中。 湯底果然與眾不同 正宗越南牛肉湯底, 以牛骨丶花椒丶南薑丶洋蔥等十多種材料, 熬最少十小時而成。 此湯底味濃且香, 每款食材都入味, 越式河粉也滑

要到天后附近做嘢，想食個快嘅但有質素嘅晚餐，於是係大坑搵嘢食，大坑嘢食越開越多，但開得多亦走得快。最後揀左係大坑開左比較耐嘅火車頭。由於六點鬆就去到，所以成為第一檯客，但食到後期就越來越多人。我同友人第一個菜係點牛油雞翼，因為我個人對牛油雞翼情有獨鍾。雞翼係即叫即炸，送上檯嘅時候重叫我地小心熱，點知友人轉頭就太心急XD牛油雞翼整碟有濃香的炸蒜，炸得剛剛好，有淡淡嘅牛油香。主食方面，我就叫左生熟牛肉河。呢度都幾地道，俾左生芽菜、紅椒粒、青檸等配料，可以自己想落幾多就幾多。至於碗牛河，先論份量，可謂十足，無論係牛肉，還是河粉都唔少，好少見牛肉份量咁多。上檯時牛肉就半生半熟，經由熱湯再浸，就熟啦。至於湯底非常濃郁，夠哂味道。想加埋杯凍飲，飽晒。

一年一度Sogo thankful week 點可以錯過，但買完野之後向銅鑼灣搵食真係非常困難，於是唯有轉移去美食集中地大坑搵食。大坑近呢2年轉變好大，開咗好多新店，唯獨我比較喜歡舊鋪嘅美味。火車頭向大坑已經開咗一段好長時間，依舊屹立不倒，今晚就去試試佢先。餐廳門口係開放型式，光猛又夠開揚。餐牌選擇多樣化，簡直眼花撩亂！但餐廳亦好貼心有供應套餐作選擇。火車頭招牌湯河Size 超大碗，$98真係好抵，配料有齊牛丸，蘿蔔，牛柏葉，熟牛肉等等，而最特別係芽菜分上，食嘅時間加上芽菜，青檸汁，辣椒調味，湯底牛味濃郁，牛肉牛味突出，肉質鮮嫩，配上幼滑河粉，超正！牛肉酸窩而家已經唔多越南餐廳可以食到，估唔到呢度竟然有得食，一定要試。酸湯湯底酸咪咪好開胃，牛肉擺盤精緻，放入湯底輕輕淖熟，牛肉鮮嫩又濃味，令人食不停口，超贊！最後叫返杯醎檸七喜，醎檸吉店家預先整碎，令到味道更濃郁更突出，消暑又解渴！今餐真係超滿足又好味，而且店員態度有禮，值得一贊！

難得今天五時半可以離開office，老公又剛巧放假，決定到很久未去過的大坑吃晚飯。我們六時到達，老公早已說好想吃越南菜（我們倆這個星期為何都變了越南控呢！），所以便向火車頭越南餐室出發。走到門前發現同一餐廳原來是有兩間店的，一間以火車作主題，另一間裝修較有法式風味，老公選了火車主題那間店。一間餐廳竟然在小小的社區內佔了兩個舖位，我們不禁對食物有點期待，看看餐牌，對食物基本上已有默契。有點口喝，先來飲品。我點的椰青非常清甜，夠凍，解渴一流。老公的椰汁三色冰配料有紅豆蓉、綠豆邊和綠色大菜條，冰是碎碎的，混入椰汁，甜度剛好，也有透心涼的感覺。一邊喝飲品，食物很快送到。1) 火車頭招牌湯河索價近百元的湯河，原來份量是很。大。的，比普通生牛河足足大兩倍，湯底也比平日吃到的有點不同，較濃味和有層次一點，根據餐紙上的描述，湯底以牛骨、花椒、南薑、洋蔥等十多種材料淆製，材料除了牛肉、蘿蔔外，還有牛展、黑椒牛丸、牛筋等，再加上可再添的芽菜、青檸、辣椒等，很豐富，也足夠兩個人分享。2) 蜜糖魚露雞翼在牛油雞翼和魚露雞翼中選了後者，醬汁有點像撈檬的碌冧汁的濃厚版，雞翼應該是先輕微炸過，然後再加醬汁一起煮，很