烤魚工房 (南天大厦) (已搬遷) 新店位置

從來未返過大陸嘅我成日聽到人哋食乜魚乜魚真係好想試吓究竟係咪真係咁好味🤨🤨🤨我就唔會返大陸架啦今晚一於來元朗嘅烤魚工房試吓！去過大陸食探魚既朋友話呢度嘅環境都同大陸好似而且員工大部份都係講普通話同佢講廣東話好似聽唔明我唔食得太辣於是嗌咗蒜香酸菜魚只係微酸 好似唔夠味就道如果食得辣嘅朋友都係建議你地揀辣啦一定惹味好多江團魚寫明無骨嫩滑，魚肉又真係好滑都有少少骨嘅，但係比其他魚少呢條魚唔錯👍🏻烤魚整體來講中上水平反而令我驚喜嘅係佢嘅串燒同燒海鮮全部好正！👍🏻👍🏻👍🏻食物質素唔錯，但員工有待改進。一入到去冷氣機滴水，同一位員工表達過之後完全冇回應，我又唔知佢係聽唔明？平日晚上都好多客人，上菜速度都幾慢，一定要預夠時間先好去食啦！提一提，要人齊先可以入座！

依家食烤魚邊洗咩返大陸，去元朗就得啦呢間餐廳同一班朋友聚會非常之好，因為條魚既份量都幾多下，如果情侶黎食叫左條魚就無得試埋其他，因為我覺得佢d燒物同小食都非常好，推介。今日同朋友放工黎食飯，叫左條青椒魚，燒生蠔、蒜香茄子茄子同炸魷魚鬚。條魚嘅配料我哋叫咗凍豆腐、萵筍、午餐肉、娃娃菜全部都係吸味既配菜，吸哂辣味同魚既香，一個字，正！仲有燒生蠔蒜香茄子同魷魚酥都係即叫即整，熱辣辣，要攤一陣先食到，生蠔同茄子都鋪滿蒜頭辣椒等等，好香同大陸買嗰啲一模一樣。總括來講都好推介大家食呢間餐廳，唔使去到大陸咁遠！

返完大陸食探魚 有種回味嘅感覺 想係香港揾好味嘅烤魚食 一嚟到呢間野就有種探魚嘅感覺先嚟飲品 蘋果蘆薈茶 有蘆薈粒粒係底好有咬口 食完辣野飲好清甜 😋 芒果至尊都好濃芒果味 值得一讚係佢哋啲野飲真係好大杯 串燒我哋揀左唔辣 但好香醬油味 唔駛驚冇味 因為有孜然粉同其他香料既味道雞軟骨燒得好香 雞油香好濃郁燒蔬菜類就揀左小辣 蔬菜本身係淡味 跟返啲辣味就惹味啲 有香蒜味加埋辣粉 燒得唔算好油膩 而主菜就揀左毛血旺小麻配No.1銷量既江團魚 條魚真係好嫩滑 好大條 食落啖啖肉 都有啲骨 小麻既辣度係可以接受既辣 加埋我叫左extra既凍豆腐、鴨血真係好match🥰🥰🥰我最鐘意係除左我哋加左既extra配料 佢地會加左啲薯仔、火鍋寬粉、午餐肉、芽菜等 食完真係好滿足🥳🥳🥳🥳最緊要餐廳冷氣好夠 唔會食完辣之後 覺得又焗又熱👍🏻👍🏻

烤魚係香港唔算多亦唔算普及，所以我估好多人都會選擇番深圳食會比較方便，但元朗呢間烤魚確實好味 味道令我不感回味一番，加上每一日都有人排隊食，所以我6點已經去左食啦哈哈江團魚 $356有5個餸 小辣，但味道一流🤤 魚又好吸味其他配菜又好食好似番左深圳咁芥末魚皮$45呢個味就好多，但可能自己唔習慣，唔中意咁食魚皮百香果多多 $30好大杯呀！2個人飲都唔過份🤤百香果多多味道都係酸酸地，幾開胃呢間我一定會再食架！因為真係好好味！加上我當日著左白色衫，職員見到馬上比個圍裙我着，咁樣就唔會整污糟件衫，非常細心。

烤魚喺內地好受歡迎，喺香港亦都係一樣，好多店都要大排長龍，今次呢間烤魚工房亦都算係呢區嘅人氣店之一，未正式入座之前，店員都已經講明要人齊先可以入，證明人多到咩程度了。我哋一行一共有六人（三男三女）叫咗兩條烤魚，兩個茄子再加幾杯野飲，每人都只係130蚊左右，仲食到好飽，份量可以話非常充足。第一條係鱸魚，叫咗溫柔辣，但都好夠味，未食已經聞到辣椒誘人嘅香味，好醒胃，配菜叫左豆花、烏冬、娃娃菜、金菇，菜單上面亦都好細心提醒客人叫配菜嘅時候，最好喺四個之內，會更加入味，所以我地都照跟。配菜同魚尤其個汁好夾，豆花好滑，菜吸哂d汁真係唔講得笑，烏冬竟然出奇地夾，中和下辣味。另一條就係酸菜魚，見到本身嘅配菜有蒜頭同埋炸蒜、蔥花等等，當然唔少得酸菜啦，我地加左腐竹、凍豆腐、墨魚滑同寬粉。雖然一路滾起嚟條魚陣味真係好香，但係當飲落啲汁嘅時候就有少少奇怪嘞，嗰啲酸菜無我想像中咁酸，反而有d似雪菜,所以無左酸菜魚果種越食越開胃嘅感覺，好在條江團魚肉質嫩滑，加翻唔少分，仲無乜骨，開心翻d 。墨魚滑係自家的，食到魚肉，但煮熟後口感略嫌有點實淨唔夠滑，好在鮮味搭夠另外燒茄子一定要食，好香好入味又夠腍，我地食完又加多

想食烤魚唔一定要返深圳嘅！係香港都可以食到😇餐廳當日都有唔少人等位出邊有一部飲品機 可以俾人自助使用相當貼心餐廳裝修都好有特色好有街頭塗鴉風味蒜香酸菜味桂花魚 $338食得辣嘅可以叫香辣重慶味🤣約1.6公斤重 超大條😱肉質鮮嫩 夠晒新鮮😋另外可以點配優惠組合 $58土豆 🥔蓮藕 海帶 金針菇🤩.另外仲配左杯健康百香果水果茶估唔到超級大杯 兩個人都飲唔晒酸酸甜甜 超級開胃醒神烤茄子🍆 $33超多蒜蓉一上枱已經聞到好香一絲絲咁拉出嚟 方便進食

同朋友一行四人一齊去食烤魚叫左小辣既重慶香辣豆花味既江團魚配菜方面跟住魚一次過落單就算16蚊一款如果再後加就20蚊一款我地就加左火鍋寛粉同萵筍兩樣因為原本個鍋除左條魚之外就只係得幾舊豆腐 無乜野好食今次因爲朋友唔食得辣 所以就點小辣對好鐘意食辣既我而言就係完全唔辣🤣。小食就叫多左呢個炸魷魚酥埋單大概一個人百五蚊參考黎講係四個女仔完全無一個飽既情況終於明白點解啲人會咁鐘意番深圳食烤魚因為係內地食真係性價比就好多

在香港吃辣的，要找家夠正宗的店舖不容易，因為很多香港人都不能吃辣，餐廳都會調校至適合香港人口味，辣味降兩級，雖然能入口，但味道就完全不是那回事了。朋友說聽口碑，元朗的香魚工房，很多人吃過都說很夠辣，今晚我們就來試試，是否夠正宗啦。餐廳裝修很有型格，牆上的畫七彩繽紛，還有些逗笑的字句。烤魚我們點了清江魚，挑戰大辣，然後再加其他配菜和串燒。既然是大辣，鋪滿辣椒在烤魚上是必然的。把它撥開在湯裡煮，讓辣味再揮發，魚要煮一會才夠入味，肉質比較結實，最初煮的時間不長，味道較淡，覺得一般。但吃著吃著越煮越入味，而且吸收了湯的咸、香、辣，魚肉也開始越來越軟滑，十分香口。這個味道就對了，是我在深圳吃烤魚的味道終於找回感覺了。烤魚盤的四角有豆腐花，這個豆腐花，實際是超滑的豆腐，豆腐花配辣湯吃，跟深圳吃的風味一樣，口感一流！吃完魚，再煮配菜，我們點的優惠組合$59，有金菇、蓮藕、土豆、海帶。 都是很適合加湯做火鍋的配料，最能吸收湯的味道。 我最喜歡海帶，煮得久了質感仍然很滑，而且辣湯越煮越辣的，吃點海帶能解辣，清新一下口腔，對腸胃也有幫助。另點了火鍋寬粉，就是很配合吃辣的，等於外面吃麻辣紅薯寬粉一樣，這裏就

週末要食，要一開門前黎排隊先如果唔係有排等不過唔駛返大陸都有得食不錯不錯叫左泡椒小辣的江團魚$298試食左泡椒，原來唔辣的😆辣的...原來係來自d辣椒油叫左魚，可以優惠價加d蔬菜類串燒土豆片～薯仔勁多油的娃娃菜同都係勁多油金菇但多蒜，惹味的

想不到是日晚餐吃什麼，於是又到我們的飯堂—烤魚工房。到烤魚工房當然就是要吃烤魚，所以想都不用想就直接點了我們的例牌江團魚，今次吃的是不辣的蒜香酸菜味，加配吸味之選—豆卜及凍豆腐。另外還點了百香果多多及芒果沙冰，一邊吃熱騰騰的烤魚，一邊喝冰凍的飲品，不管冰冷的冬天或是炎熱的夏日，都是一大享受。百香果多多甜甜酸酸的，帶有很香的百香果味，而且吃到一粒一粒的百香果籽，很開胃。芒果沙冰每次都裝得滿滿的，充滿芒果味，冰凍消暑。烤魚保持一貫水準，江團魚少骨，肉質嫩滑，一邊煮一邊吃肉質也不會老，大量的蒜粒，炸蒜及酸菜，令烤魚越吃越入味，配上豆卜及凍豆腐，吸收湯汁味道的精華，實在令人回味無窮。

又黎到元朗食烤魚 ,唔係好食得辣既我，就揀左食蒜香酸菜味烤魚 $268 (*´∀`)~♥ 魚嘅種類分別可以揀清江魚、海鱸魚、江團魚同桂花魚，我地唔識揀，揀左海鱸魚，所以魚肉偏實，後尾先知想食嫩滑啲就要揀江團魚｡:.ﾟヽ(*´∀`)ﾉﾟ.:｡烤魚味道好香蒜味同好惹味，煮愈耐就會愈濃味，上面有好多炸蒜同埋酸菜，烤魚微微煎過，所以更香(◔౪◔)～我地仲要做年糕同金菇，索晒啲汁幾好食!!!串燒就叫左雞腎$22、雞軟骨$26、海蝦$40，用左孜然粉，都幾重口味，不過燒完唔會太乾身(✪ω✪)魷魚鬚$46香口彈牙，份量好多而且好大條！(๑´ㅂ`๑)烤茄子$40好好食，有好多蒜蓉，不過就偏油左少少～想解喝就可以叫健康百香果，好大杯而且好清新(๑´ڡ`๑)烤魚工房  地址：元朗教育路37號南天大厦地下8-9號舖 .

自從大陸試過烤魚後就愛上了！香港一直搵吾到果種味道...直到遇上烤魚工房一行六人慶祝生日 平日夜晚都爆棚好彩一早book左位...表面係condom 實際上係一次性手套😂😂叫左小小串燒試下 都吾錯幾野味👍🏻牛舌正～叫左兩盤烤魚～似足大陸大大盤😍份量勁多條魚非常入味又冇乜骨！仲好滑👍🏻👍🏻正啊美中不足係配料另上 要自己落 吾夠入味... 如果可以將配料同條魚一齊煮起就完美了！總結*烤魚係香港黎講應該數一數二 價錢當然吾算平 但絕對值得一試。

近年越來越多人北上尋找美食，當中探魚，海底撈等等都街知巷聞。要食烤魚好多人第一下都係諗要返上去食，但今日比我發現元朗有烤魚食！聽到呢個消息已經雙眼發光。由於怕人多所以五點左右已經去到，諗住已經全場最早，估唔到都有兩三枱客。門外設有凳位比人等位用，亦有金橘檸檬俾人飲，對喺夏天等位嘅人來講非常貼心。先講主菜-烤魚種類方面有四種魚可以揀分別係：桂花魚，江團魚、海鱸魚同清江魚。然後就揀做法，因為朋友唔食得辣關係，我地揀左桂花魚配蒜香酸菜味同海爐魚配菌香豆豉味。桂花魚入口嫩滑，魚肉索晒啲酸菜味，再加埋蒜香好野味。菌香豆豉全部鋪晒係條魚上面，條魚都好入味，去到後面仲覺得咸要溝返啲水。而海爐魚雖然肉質比較實，但又唔會好鞋。串燒方面就叫左兩件烤羊架，兩份蒜香燒扇貝，烤雞中翼兩串，兩串烤肥牛金針菇同燒茄子一條。特別想讚下羊架羊架香得嚟唔羶，而且加埋孜然粉可以話係更上一層樓。食左咸野梗係要飲返啲甜野，我地四人就叫左兩杯荔枝特飲，一杯水果茶，一杯芒果至尊。由於一條魚既份量都好大份兩個人食一定飽，雖然我哋四個人，但係我哋叫左兩條魚同埋好多串燒，最後真係食到好滿足咁走。

身邊朋友經常去深圳食烤魚，探魚、二太都食過哂，反而未試過元朗好出名既"烤魚工房"。每次經過元朗都會見到鋪頭外大排長龍，walk-in未必有位。所以我今次就醒，book定星期六既5點半，早d入座就唔怕多人。果然，6點半後開始坐滿哂，要係門口排隊啦～但門口設有水果客供客人邊等邊解渴，酸酸甜甜好飲！餐廳姐姐安排我地四人坐6人長枱，為免爭食，我地叫左兩條魚- 菌香豆豉味海鱸魚$268&蒜香酸菜味桂花魚$338。兩個口味都聲稱唔辣，但我地發現菌香豆豉味個湯底係橙紅色，開頭少少辣，後其會越煮越辣。餐廳姐姐好貼心，得悉我唔食得辣，幫我地加左清湯溝淡辣度。豆豉味雖然唔重，但湯底既菇非常多，吸哂湯，朋友掃清光啊！海鱸魚魚肉較實，冇骨，易入味。蒜香酸菜味就較清淡，湯底偏奶黃色，鋪上大量酸菜&炸蒜，可惜酸菜味唔突出，只嘗到咸咸地，後來得知可以叫餐廳姐姐另外酸菜呢，下次一定會主動提出。桂花魚ok大條，約1.6斤，魚肉細膩軟滑，亦係冇細骨，大人小朋友都岩食。食完魚我地冇打邊爐，反而叫左好多小食，如烤羊架、烤肥牛金針菇、烤雞中翼、烤茄子等…全部都落大量孜然粉，岩哂重口味既我！好有重慶bbq feel~我最鐘意既係

這種烤魚是很難抗拒的，魚上的時候只是剛剛熟的狀態，湯汁經過加熱，至煮沸了冒起泡沫來的時候，聲音跟畫面是極盡美妙。而香辣湯汁滲了魚裏發出的香氣叫人垂涎三尺。我們要的是推介的江圑魚，牠是一條少骨的魚，大大的一口魚肉沾上香辣的湯汁，魚肉是嫩滑和帶軟。我們要的是少辣，所以不會過辣。整個魚吃起都是充滿香濃和刺激的味道。這裏除了烤魚，想不到這裏的串燒很不錯，而且價錢非常相宜，蒜蓉蒸茄子和燒多春魚值得推介。另外有個很特別的是饅頭，其實是將饅頭切開一半，然之後再加一些蜜糖去烤，入口甜甜的。