無麵不歡 - 中華私房粉麵 (已結業)

環境店舖好整齊乾淨，以紅色牆同啡色木枱櫈為主。碗碟有獨特的中國風圖案，食野都特別有風味。椰子汁：好香椰奶味，飲完又唔會覺得好濟，超好飲，係香港可以飲到真係少之有少，竟然可以比我係到飲得番。加$38任食小食： 又抵又好味，叫左黑臭豆腐、拍青瓜、麻辣雞、蛋餃，特別提及蛋餃整得好好，用薄薄嘅蛋皮包住啲肉，超級好味。黑臭豆腐外脆內軟，口感同味道都一流。涼拌秋葵：佢同左個咸咸地嘅醬料配秋葵，好入味。豬軟骨：肉夠晒淋，舊骨亦好好咬口。卜卜蜆花甲粉：會連埋一個小火爐送上枱面，所以係熱辣辣，湯底望落好似清湯，第一啖飲下個湯好熱好有鮮味，超好飲。入面有唔少大大粒嘅花甲，我諗都有十幾廿粒。啲粉係粉絲，絕頂嘅配搭，仲有兩舊粟米係入面。柳川螺絲粉：螺絲粉好似米線甘，好大嘅一碗，係粉表面鋪滿蔥、肉碎、雲耳、花生、脆片等配料，湯底酸酸辣辣，越食越想繼續食落去。

收工返到旺角已經九點幾，就係屋企樓下附近覓食，呢間位於女人街的「無麵不歡」主打廣西桂林風味的各式麵食，食物嘅價錢唔算貴而且好多款式。凡惠顧一碗麵食+飲品另加$38就可以任食特色小食，我都加咗$38試下香煎蛋餃金黃色的蛋餃外皮由雞蛋做成，半煎炸的外皮好香脆，裏面有豬肉碎、菜絲同馬蹄，好有口感同肉香紅油木耳爽脆的木耳搭配微辣的紅油，酸酸辣辣，清新開胃宜賓燃麵第一次食呢碗宜賓燃麵，燃麵本身嘅配料都幾豐富，面上有肉碎、宜賓芽菜、花生粒、蔥花等等，好香口又增添左口感。麵條係幼身的蛋麵，幾滑溜，底下仲有少少紅油，感覺似係食緊撈麵牛腩有3-4舊牛腩，炆得好入味，半肥瘦嘅牛腩肉質好鬆軟鹵蛋滷得幾入味～胡椒豬肚雞麵用小窩呈上的豬肚雞麵，熱辣辣的好暖胃，湯底充滿着胡椒香。豬肚都幾新鮮，份量好多；雞肉都好肥美嫩滑。而麵條則比較粗身，QQ彈牙的，有麵粉香，好好食呀烏龍茶及無糖可樂雞湯娃娃菜娃娃菜煮得好軟腍，雞湯清淡唔油膩，好夠味，加咗少少炸蒜蓉吊味

一間主食中華風味麵線的小店~ 菜式價錢親民, 麵款多, 是平食的好選擇。 //胡椒豬肚雞麵🍲// 以上海幼麵做麵底, 以鐵鍋上枱, 下面有火座熱住個鍋。鐵鍋保持住麵條暖笠笠, 食落好暖胃! 上海幼麵有點兒像米線, 有微彈牙的質感。幼麵上有豬肚、三黃雞、紅棗、枸杞 。豬肚份量多, 湯底的胡椒豬肚味夠濃, 好重胡椒味. 我喜歡! 柳州螺絲粉裡面有螺絲肉、肉末、酸豆角、脆花生🥜、蔥花、酸辣、黑木耳、脆腐竹。微酸辣, 惹味。白灼唐生菜🥬 和雞湯娃娃菜都很鮮甜, 雞湯娃娃菜上面佈有杞子和蒜蓉。

店小小的 但人挺多😳而我最愛的就是卜卜蜆花甲粉絲 味道鮮甜 真的值得一試！大大的一窩粉絲上面都是滿滿的花甲😍🤤加上辣椒玉米所以甜甜辣辣的 很好吃😈朋友叫了湖南五穀漁湯粉 麻辣湯底 魚湯很鮮所以可以一直喝😂😂現在還有個特別活動 - 只加38塊可以任吃特色小食✌🏻 其中最愛的是香煎蛋餃跟爆菊花辣魚蛋🤭蛋餃雖然是煎的 但是不會很油 蛋皮薄薄的很香🤤魚蛋真的挺不錯 夠辣！如果是重慶妹子一定要試😂這裡還有木耳口水雞 不辣的也有 所以肚子餓一點的不妨加38塊吃個飽😎

店舖唔算大, 得幾張枱, 不過都多人幫襯, 好快都坐滿曬😲 重點係一行入去成間舖要頭都係筍既氣味😂, 其實我本身都唔係一個筍既愛好者, 不過呢個氣味可以証明呢間餐廳既食物都係真材實料😎桂林米粉-乾伴($38)桂林米粉其實即係米線😂本身個粉都跟左唔少配料, 例如: 肉末, 酸豆角, 花生, 蔥花, 酸辣筍, 不過本身我食花生所以走左花生🤔 我覺得佢既肉末可以多返少少, 因為個粉食落有D乾🙊 我朋友話好似我果碗仲臭過佢果碗😂 因爲我朋友果碗係螺螄粉, 不過我本身既體質唔太食得筍, 所以俾曬我朋友食, 佢話D筍好好食, 好入味😎柳州螺螄粉(湯)($48)同樣地呢個粉都有配唔少既配料, 螺螄肉, 肉末, 酸豆角, 脆花生, 蔥花, 酸辣筍, 黑木耳, 脆腐竹😌 湯既粉相比之下出色過桂林米粉, 而且螺螄粉夠彈下, 再配埋咁多款既配料, 十分惹味🤩三味爽脆魚皮(原價:$48) (跟餐:$38)出面已經好少見呢款撈魚皮🐟有兩隻味, 一款酸辣, 一款係酸, 魚皮好彈牙, 兩款既味道都好正, 好開胃🤰🏾 我覺得絕對值得一試⚠️餐廳位置有少少難搵, 佢寫就係係威達商業大廈, 但係其實佢係係商業大廈既左手邊

最近夏日炎炎唔係太開胃食唔落飯，所以最岩食就係麵條啦！但係就咁淨食碗麵又好似差緊啲野咁，梗係要叫啲前菜同埋小食食豐富少少。飲品叫左椰子汁，係罐裝飲料，飲落好香濃嘅椰奶味。店員介紹最近嘅promote，只要一碗麵加38蚊就可以任食合共有九款嘅特式小食！由於一叫任食就要成張枱都要叫，所以我地兩個都加錢轉任食。先講左正餐先，我地叫左順德卜卜蜆花甲粉絲、原創胡椒豬肚雞麵。黃蜆同花甲有成十隻份量多又大，湯底清甜。而另一碗湯底胡椒味相當香濃，豬肚爽口彈牙，雞都幾嫩滑。小食方面全部熱食都即叫即製，煉奶炸饅頭外脆內軟好正！香煎蛋餃外皮薄薄地有蛋香味，入面包住啲碎肉。紅油木耳夠爽口，醒胃又好食。麻辣口水雞唔算太辣，雞都幾滑。蒜香B仔雞翼尖幾惹味，帶少少辣味幾過癮。

成日想嘗試螺螄粉，平日搵咗朋友去試。我地午飯時間左右去，餐廳雖然近地鐵站，位置唔易搵。一去到就有位坐。我哋叫咗一碗柳州螺螄粉，一鍋蜆，兩罐汽水share食。柳州螺螄粉賣相好吸引，好多配菜，好多人都話佢嘅味道唔係個個接受到，我都係抱住挑戰一下嘅心態，冇諗過會幾鍾意個味。聞落去其實似係街市經過賣榨菜嘅檔攤果陣味，食落辣辣地，越食越過癮。另外叫嘅一鍋蜆，賣相同樣吸引，湯底禮奶白色，又有粟米同埋好多蜆，味道鹹香，好好味。整體來講，服務良好，侍應主動介紹加錢可以有任食配菜，不過我哋兩個人就冇叫到。食物質素良好，味道好加上分量足夠，性價比高。平均一個人大概食左80 蚊到。

好唔容易又等到同朋友一齊放假,於是乎出左旺角既戲院睇個早場,睇完見有d肚餓,就記得個同事講過係女人街有間麵鋪都幾ok架,於是我同老公走去試下啦,間鋪頭叫"無麵不歡",未入到去就已經係門口聞到好香濃既香料味,之後就急不及待坐低叫野食啦,我地都叫左個"胡椒豬肚雞麵",依個麵真係無得頂,d雞嫩滑彈牙,又非常足料,湯底胡椒味好濃,飲落d胡椒味留哂係個口度,回味無窮,豬肚洗得非常乾淨,又爽口彈牙。另外每人加多$38,就有好多款小食任食,我地叫左煉奶炸饅頭,蒜香B仔雞翼尖,爆菊花辣魚旦,全部都非常出色,老闆今次真係益街坊,我地下次都一定再幫襯。

麵館入口為於威達商業大廈Deli 2的電梯大堂內，如果在街上閒逛時不會太容易留意到。麵館規模不大，只有約二十個座位左右，上菜速度不快。螺螄粉味道比較失望，土豆粉當天無貨，豆干也沒有貨，雖然可加38任食小食，但因為想試的太多沒有貨，所以就決定不加了，只另外散叫一份臭豆腐，留意任食小食紙上沒有臭豆腐，需另外告知侍應才能下單。臭豆腐炸太乾，但仍脆皮。當天唯一可推介的驚喜就是辣椒醬，但應該也不至於會為它而再來。

陪個好煩既friend行旺角， 行左成日。 你唔餓我都餓啦， 問佢食乜，竟然話要食面， 真係omg. 食麵我就真係麻麻地望下個餐牌， 選擇唔多，睇下前後左右食緊個d麵唔錯。 總括上黎講， 原來我地4個都幾大食。 4個面， 小食7碟， 仲加個佢地既二人雞煲冇諗過呢個價錢， 可以咁大碗麵， 仲有個7碟小食， 認真好食， 價錢平， 性價比真係高到呢⋯⋯卜卜蜆花甲炒 同胡椒豬肚雞麵 呢兩個竟然仲有個火俾你熱住咁食， 真係細心。 因為「煲」面幾大碗， 要食晒要d時間。 蜆都好大雙好新鮮。 比想像中更好食。 d豬肚既量呢， 同麵差唔多咁多， 真係好飽。 柳洲螺螄粉， 螺肉幾多下， 辣辣地幾好食。 重慶碗雜麵， 原來係撈麵乾麵！ 好特別， 調味岩岩好。 小食更值得讚下， 個 黑臭豆腐同個藤椒炸雞牌 真係超好食， 個臭豆腐忍唔住， 係咁飽既情況下， 都再叫多左碟。 外脆內軟， 仲酸酸辣辣咁好開胃。 藤椒炸雞排仲攪笑， 我地食個陣一直以為係豬扒黎， 點知食真d原來係雞扒， 可能因為d肉好多好足料， 所以以為左係豬扒。 其他個幾個小食都好好食。 其實佢地食麵加38蚊可以小食任食， 我諗要下次再餓d先去挑戰

小妹今日OT完諗住同同事快食返屋企訓個靚覺，畢竟聽日仲要早起返工嘛同事同小妹都系面食愛妹者，本身小好提議食譚X，同事話附近有間唔錯成都麵食想食好耐，小妹唯有棄譚陪君子喇小店而家做緊宣傳，加$38可以任叫小食，一場黎都冇理由唔試<五穀漁粉$56>小妹唔係好食辣，所以帶咗個清湯五穀魚粉清湯好鮮甜，應該係魚湯黎鯇魚好鮮，不過食嘅時候要小心啲骨，唔好食到骨呀最鍾意個五穀粉，口感其實同米線差唔多，不過比起米線再Q啲，好好咬五穀粉真系有五種顏色咖，未食淨系打卡都已經好有睇頭<胡椒豬肚雞麵$68>好重嘅胡椒味，飲左一啖湯即刻覺得個胃暖曬採用上海面，有咬口得黎又可以吸到胡椒湯嘅精髓，好味雞件同埋豬肚都有成五六舊，全程都可以食到料，唔錯<雞湯娃娃菜$20>娃娃菜煮我好淋，好容易咬得開雞湯裏面仲要有杞子，好有心任食小食+$38爆菊花辣魚蛋、椒鹽鍋巴土豆、紅油木耳、青瓜、麻辣雞絲任食小食有好多唔同嘅選擇，小妹同埋朋友揀咗五個小食每碟小食都係細細碟，啱啱夠兩個人分，少食多滋味，何況食完覺得好食可以再嗌爆菊花辣魚蛋點會唔係好食辣，但係又覺得OK喎魚蛋有種麻麻哋嘅香

今日朋友帶我去呢間小店食野, 佢話自己食過兩次, 個臭豆腐好味, 所以今日跟佢黎試試!店鋪好易搵, 其實係女人街內兩邊商鋪, 較近廣華醫院那邊入口!餐廳吾算大, 但有著小店嘅特式, 內裡都充滿著酸辣氣味, 甘先有氣氛望下個餐牌, 價錢非常優惠, 麵都有好幾款可選擇, 再加38蚊可以任食數款小食, 超便宜!我地4人都各自叫左一碗麵, 再加小食, 又加雞煲小食我地無揀任食果個, 只係隨意選了幾款, 介紹一下燈影牛肉絲其實係牛肉乾撕碎甘, 佢帶有輕微麻辣味, 好惹味魚蛋彈牙實心, 又夠熱, 都算辣手撕雞份量足, 亦撕得很仔細藤椒炸雞扒, 食落啖啖肉, 我地都以為係豬扒, 好脆口, 入面又食落好似有層芝士, 推介!香酥排骨細細粒, 食落有點兒酸酸既味道, 吾知係咪加左醋!臭豆腐朋友真係無介紹錯, 炸到趣卜卜, 我地最後叫左兩碟我選了卜卜蜆花甲粉, 佢用爐熱住上枱, 非常有心, 份量多, 卜卜蜆亦好大粒, 湯味濃, 一定會再來 ENCORE!

可能運氣欠佳，點了一個桂林米粉，傳來一陣陣酸臭味，發現是來自筍。加上米粉是冷拌方式，兩者配合起來令人卻步。但是熱湯的薯仔粉沒有異常，還是可接受。個人不建議桂林米粉，食材有點放太久的感覺。

黎過呢間食好多次 佢呢度嘅麵同少食都好有特色 今次叫咗1. 順德卜卜蜆花甲粉絲 $68佢下面真係有個火燒住 入面有好貼嘅粟米 好多花甲 清清地 好鮮甜 2. 香煎蛋餃個皮真係用雞蛋黎包 薄薄嘅一層 煎得好脆 入面仲有啲肉嘅香 口感好豐富呀3. 湖南經典黑臭豆腐 $28有四五舊 聞落又唔係好臭 但係好脆 佢上面仲有啲配料 我發現咗個新食法 其實將舊豆腐浸咗入湯度 咬入去會爆汁 好正呀4. 涼拌木耳 青瓜仲要夏天 黎啲清爽嘅小菜 食落好fresh 但 又唔會好草青feel 推

朋友知我鐘意食蜆，特登帶我黎試食的。但因為朋友自己都只係黎過一兩次，同埋麵館係屈左入一幢大廈入面，所以對於路痴嘅我地係一個極大嘅挑戰。😂😂我地兜黎兜去，兜左好耐都搵唔到。但突然聞到一陣臭味，終於比我地搵到喇！呢陣臭味係黎自麵店的主打-柳州螺絲粉不過我地都無試，因為未接受到陣味，同埋朋友係特登帶我黎食-卜卜蜆花甲粉，終是我地嗌左兩個花甲粉係連埋一個細火煮爐上，可以保持住食物嘅溫度，入面有六七隻大大隻的蜆，蜆湯鮮甜，果然無介紹錯。😍😍另外仲叫左個薯條薯條係粗薯條加埋小小辣味的調味料，食落香口好味！推介👍👍