無麵不歡 - 中華私房粉麵 (已結業)

My friend and I ordered one clam noodles combo and one chicken pork belly combo.The clam noodles combo comes with an extra fried egg, which is a very ordinary dish.On the other hand, the chicken pork belly combo came with a fried tofu, which consists of few very thin slices of tofu with some spices and chilli on them.The noodles came in a boiling pot with continuous flame heating below, which lasted for around 5-15 minutes. The soup based are very nice, and the amount of clams is satisfactory. T

全港十八區每區都有它們各自的食街，旺角內最有名的食街莫過於其中一條通菜街即是女人街，中間的通道主要做遊客生意，內則兩旁則可算是一條平民食街，食店不但多樣化，而且價錢都非常大眾化。.旺角雖然多美食，但廣西粉麵店卻不多，所以當發現通菜街內有一間朋友食過都話可以encore的一間成都粉麵店就挑起了我的興趣，趁Happy Friday就飯都唔煮，跟他一齊試下。店舖是威達商業大廈內的一間地舖，非常易找到，入面位置不大，枱也只有八九張，幸好當晚剛好不用等位。一入到去有一陣籠罩住成都柳州螺螄粉既味道，適應了一會便沒有太濃烈，幸好我一點也不抗拒。是坐下再看看餐牌才發現之前在太子已吃過一次，但記錄模糊，亦不防再來一次，餐牌是畫圈圈的，非常環保♻️劃錯了也可以抹走再劃...餐紙上簡單易明亦非常多麵款選擇，每種都好特別，湯麵、拌麵都有，外面真係未見過！小食價錢又相當吸引！都心思思左一會兒。最後選擇點多一兩樣野食開心Share。總共點了一個粉，追加了一個配菜及五個小食！可以試多點不同的味道呀！正！.主食點了柳州螺螄粉 $48外型好討好啊，因為好似眼望有好多唔同既野食，面頭啲料擺得都略顯心機，可以影下相呃下Lik

朋友想食大陸家鄉味嘅螺絲粉， 但係我自己唔食辣。黎都無麵不歡，驚喜地揀到我心水，而且又好味嘅嘢麵食！1）順德卜卜蜆花甲粉絲 $62 👍🏻裏面有大大粒嘅卜卜蜆、粟米、金菇 ，仲有好清甜的湯（飲晒湯都唔會頸渴），配粉絲真係好正！我雖然唔太食得辣，但加左剁椒，錦上添花啊！2）雞湯娃娃菜 $20 👍🏻晚餐淨係食個麵又好似唔夠，點多個娃娃菜清清地，配雞湯好甜。$20 一D都唔細碟丫🥬🥬🥬3）麻辣手斯雞 $28🐔份量岩岩好，手斯無骨既雞肉，最岩懶人！個辣度仲好親民！如果覺得唔夠辣，原來老闆娘有自家製辣椒醬，個辣椒醬聽聞真係食都會噴火。我見老闆娘每次都有善意提醒食客加少少好喇，食到再加😆4）天地一號 $12 🥤完全係情意結啊，正！小店絕對有驚喜！之後同老闆娘傾計，先知原來佢哋推出左下午茶仲抵。$38就有成個下午茶餐，雖然份量細啲，但係可以揀三款嘢食，可以一次過試多啲唔同嘅餸🤤

佢個門口有啲隱蔽， 喺座大廈入口再入 。如果唔係見到佢門口有人派傳單真係唔會留意到 見佢寫住有個名叫中華粉麵研究所，叫得研究所一定對自家出品好有信心。見佢價錢又唔貴，所以就吸引咗我去食。順德卜卜蜆花甲粉絲佢係屬於濃味嗰隻粉絲吸咗海鮮味本來就好夾。再加埋加咗啲剁椒變咗好惹味, 不過都幾辣，叫左少少辣就岩岩好。湖南五殼魚湯粉叫咗原味都好夠味。 佢啲粉唔知係用咩做有啲紫色嘅有啲白色幾特別， 又煮得啱啱好唔會煮過熟林pat pat追加豬軟骨同鹵蛋夠哂味都好入味湖南經典黑臭豆腐呢個係大陸周圍都見嘅街頭小食。 竟然喺香港 小店入面都有得食。基本上同喺大陸食嘅差唔多。白灼唐生菜 &雞湯娃娃菜食咗咁多嘢就要食返啲纖維，所以就另外嗌咗 啲菜。 份量都可以唔算細。總結佢呢間嘢同大陸食既都好似。所以有時想食大陸嘅粉麵又唔想走到咁遠， 就可以黎呢到食。同埋佢都係偏濃味，如果鍾意重口味既人都會岩食。

同朋友下午遊旺角掃下街 唔夠飽嘅時候遊下d小巷先發現原來都幾多嘢食 鐘意試下唔同嘢嘅我地又試下呢間新嘢我地首先叫咗個平時我地都好鐘意食嘅柳州螺獅粉 加多個扣肉, 我地有時都會返大陸食嘅 但始終衛生方面好似差d 個人覺得真係好味得嚟衛生好多 個湯都好香 同d配料都好新鮮 加個扣肉都好入味 對女仔嚟講都夠飽 值得一試另外朋友就叫左個呢度招牌嘅卜卜蜆粉 類似嘅嘢我係返大陸玩嘅時候都會食 朋友話個蜆好大隻同鮮甜 而且都幾多隻 湯底都鮮甜而唔係太鹹 但係呢d有特色嘅中華美食真係點都要食喺旺角位置又方便d 下次都會再食

講到我對麵食既喜愛度，我可以一日三餐都食，多過中意食飯。因為麵有好多種，而且唔同國籍，煮法都好多，可以有好多花巧🤤。.🔺宜賓燃麵 $38唔好講錯，係燃麵。其實係乾拌麵既一種，麵底用蛋麵，加入花生、肉碎等。食辣等於廢J級別既我，選擇將辣椒醬拎走再撈，依然感受到果股辣勁，爽！.🔺五穀魚粉 $56係魚湯啊😻，入面真係有魚，不過我無食到就不評論太多。.🔺蛋餃 $18小食類我推薦大家試，蛋皮好香，煎得脆，而入面豬肉調味幾對，加入左蔥，又爽口又減少油膩，成件事都好夾同好味。.🔺手撕雞 $28

成日都聽到呢間無麵不歡係出名食螺絲粉、同川味小食。周六下午茶時間經過女人街見到唔多人就入黎試試。一入到去已經籠罩住濃烈嘅螺絲粉果種臭味，果然夠正宗。打卡仲送椒鹽狼牙土豆或爆菊花魚蛋。望到牆上好多小食都想食，所以同友人決定只叫一碗面，再叫小食share!原創豬肚雞（上海幼麵）原鍋上，飲落湯底非常濃稠而且帶膠質。胡椒味幾濃之外仲帶點點藥材味。食麵碗湯仲可以飲埋，爽。仲附上秘製指天椒豉油俾我地點豬肚雞食。加左大腸！大腸滷得入味外，豬腸應有彈性還在。湖南經典黑臭豆腐總共有6件，同我係東門經常食到嘅味道相約。 不過呢道就較乾身左少少。椒鹽狼牙土豆 超有驚喜。薯條炸得通透，調味非常惹味。呢個魚皮有3款口味，涼盤魚皮又真係買少見少。 爽口惹味，開胃嘅前菜。蛋餃$18就已經有5隻，都幾抵食。外層似煎香嘅蛋角，內層有豬肉餡都有調過味。不論小食同麵食質素都屬中上，價錢都唔貴。最後食得好滿足，埋單219。

成日見Facebook 介紹呢間無麵不歡，就心郁郁想試下。 呢間野位於旺角，搵個時有少少吃力，因為間店係正大廈入面，就甘睇出面未必知入面有間麵店。 一入到去環境迫d，因為始終係細鋪。聞到好大陣竹筍味。竹筍聞味唔係個個都受，但加落麵食真心正。食麵時可以揀要唔要新鮮剁辣椒，岩晒中意食辣既人！

之前食過覺得幾好食，同埋香港少見呢類型麵食，所以經過咁岩肚餓就入去啦~ 有左上次經驗好放心試新野食😆 我好鍾意個五穀漁粉😍 麵質好滑，但食到最後都唔會話好稔。鯇魚片無煮過火好滑，脆黃豆增添左口感👍🏻魚湯好好飲❤️ 男朋友係譚仔只會食清湯，佢竟然再叫螺獅粉😯 佢話好好食，充滿酸香又彈牙。encore 蛋餃，無煎到老哂，入面又足料，今次食到粒粒馬蹄有意外驚喜~ 臭豆腐好食😋 首先，佢一 d 都唔臭😂 拌埋菜甫同點汁食有少少酸辣好惹味！排骨粒炸完都充滿肉汁，食到停唔到口🤤 我地見佢寫話 like fb 加 upload 相送一碟椒鹽狼牙土豆，黎到原來係薯條🙈 但佢又講得無錯喎 🤣 識食一定係食呢種波浪🍟 見到佢話黎緊係大埔開分店，希望佢會越開越多啦~

第一次黎,旺角難得少見的小店.湯底真係好好飲.唔揸流灘.蜆分2種, 花甲好大粒, 好鮮甜.重點係無沙, 卜卜蜆好好肉.粉絲多到食唔曬, 配菜有金姑同粟米(好甜)湯全部飲曬.晚餐黎講仲好抵食, 分分鐘仲平過譚仔.

餐牌上有好幾款不同款式的麵線，我先前來過這裏吃過胡椒豬肚雞麵, 便一直很想再吃, 所以今次來到這裡, 我又點了同一款麵。菜式價錢親民, 是平食的好選擇。 冬天來一碗暖呼呼的麵, 很棒, 它亦是養生的鍋。胡椒豬肚雞麵🍲以上海幼麵做麵底, 以鐵鍋上枱, 下面有火座熱個鍋。鐵鍋keep住麵條暖笠笠, 食落好暖胃, 冬天食好正! 上海幼麵有點兒像米線, 有微彈牙的質感。幼麵上有豬肚、三黃雞、紅棗、枸杞 。豬肚份量多, 湯底有香濃的胡椒豬肚味, 重胡椒味, 我喜歡! 雞件幾嫩, 不乾身。海苔多春魚脆脆的, 很香口和惹味。

假日下午嚟到，得兩枱客，但已經聞到好酸酸臭臭嘅螺絲粉味。前兩個星期去完桂林，日日都食桂林米粉，返到嚟香港又癮起，諗住嚟食啦。但嚟到反而俾佢第二道菜吸引住。1. 順德花蛤粉佢成煲連酒精燈滾住咁上，係冬天咁食暖笠笠好正。花蛤湯非常鮮甜，花蛤仲隻隻都好大隻好飽滿。本身落咗啲剁椒，少少嘅辣味已經將碗湯提鮮。粉絲吸哂花蛤湯同啲辣味，好好食。食到一半唔太夠辣，侍應介紹我落佢地自製嘅辣椒醬，落少少已經好香好辣。👍🏿👍🏿下次一定再嚟試佢嘅桂林米粉同螺絲粉！

螺獅粉少到不如唔好比，重冇咁嬲，搞到成身一陣酸叔味都唔講啦，果碗胡椒豬肚雞又多油又少餸，簡直當人羊估，揾笨揾到想喊 !呢度好彩係旺區，日日都有唔少老襯路過比廣告呃咗入去，所以冇有怕，唔駛好味㗎，客走客還在，話之你食一次，以後唔來佢都唔介意完全用大陸劣質食材，廚房揾晒新移民阿姐煑，本少利大，碗碗都比雞碎咁多你，當我係乞兒咩

難得一位唔食辣又揀飲擇食既同事去左台灣，就同另一個同事跑去試下「柳川螺獅粉」。大約一點十五分到達，店內一位顧客都無，但同位同事已經坐低左，叫左兩碗柳川螺獅粉。之前係網上見到介紹過，咪想試下，可惜一試之後，真係無乜特別，又唔係臭，又唔係辣又唔酸。伙計介紹我佢地大辣既辣油，可惜又唔香又唔係辣。另外，share 相係FB 就有免費小食，叫左魚旦一碟，又唔辣又唔彈牙！試過一次，應該無下次。唔係難食，但唔係好食！

友人跟我都是湯粉麵愛好者，總是愛到處找尋好吃米線湯麵店，這次看到網上宣傳，一於試試這間新開不久的中國特色麵食。店鋪位置有點隱蔽，在大廈入面，所以很容易走過看不到。牆上的食物圖片看起來十分吸引，餐牌上的麵食選擇也挺多，那就點些小食及麵食吧。麻辣手撕雞：不算太辣，偏向麻香多點，適合不太嗜辣的朋友試試。雖然是冷盤，但那麻辣的香仍然挺濃烈，而且雞肉爽口彈牙。配上粒粒芝麻，加添口感。藤椒炸雞扒：即炸的雞扒，外層已炸到卜卜脆。雖然是炸物，但內裡肉質滑嫩，仍能保留滿滿的肉汁，不會乾乾的，加上吃進口有股香而濃郁的藤椒香味，配搭令人醒胃，吃得很滋味～原創胡椒豬肚雞湯：未吃已經聞到淡淡胡椒香。胡椒湯底十分濃郁，每一口的湯汁會令人想一再品嘗，非常適合秋冬之時吃的火鍋，暖胃之選，吃完整個人也暖和起來。配料方面雞件同樣新鮮、肉質結實，配上米線佐餐，飽肚。另加了鹵大豬腸作配菜，鹵水汁的豬腸，頗入味，有靱口。