燒烤堂 (已結業)

今日和朋友往紅磡燒烤皇聚舊食串燒。我們點了雞泡魚干, 翠玉瓜串、牛油蒜蓉焗什菌、鹽燒雞中翼, 雞軟骨、燒雞皮、大蔥雞肉、芥茉朱頸肉、唐揚炸雞、鰻魚炒飯和可樂。雞泡魚干入口惹味, 配上沙律醬食落去十分醒胃；翠玉瓜串燒得剛剛好, 翠玉瓜好新鮮鮮甜；牛油蒜蓉焗什菌上桌時香氣四溢, 什菌配上牛油食落去十分滑蒜蓉食落十分惹味；鹽燒雞中翼雞肉鮮嫩, 燒得香脆, 十分美味；雞軟骨入口惹味,食落彈牙好爽口；燒雞皮雞皮燒得乾身胞卜卜, 配上惹味香料, 佐酒一流；大蔥雞肉雞肉配上醬汁食落彈牙, 大蔥燒得乾身, 能中和雞肉的肥膩；芥茉朱頸肉食落特別, 朱頸肉食落肉質鮮甜, 配上芥茉食落去口感清新；唐揚炸雞值得推介, 雞肉炸得乾身爽脆, 食落彈牙, 啖啖肉；鰻魚炒飯鰻魚肉汁鮮甜炒飯炒得乾身, 飲好軟綿, 配上蔥花和紫菜帶出炒飯的惹味, 美味十足。餐廳環境舒適, 食物熱辣辣, 十分美味, 價錢合理。雞泡魚干,燒雞皮、唐揚炸雞和鰻魚炒飯很好食和很有特色。值得三五知己聚會好地方。

平時黎紅磡黃埔呢頭都有好幾間重慶燒烤店😳用左孜然粉個d黎整令到d串燒又辣又香口不過身為日本迷嘅我 串燒我都係比較鍾意係日式相對唔會食到成個口好乾咁🙈.今次黎到係黃埔站附近嘅日式串燒小店 慶祝朋友開始新工知道朋友都有可能遲收工 突登搵番間唔會咁早收舖嘅廢事一坐低又趕住埋單search左原來佢地開到凌晨 咁我慢慢同朋友傾計都仲得😂😂🙌🏿.呢度嘅裝潢同日本嘅居酒屋無異😍好岩同朋友放工黎飲下酒食串燒平時串燒多數要汗流狹背係街到食雖然呢間係係室內嘆住冷氣食 但佢地嘅通風真係做得好好 係入面唔會話焗/成陣油煙味😳👍🏿.鰻魚芝士玉子 ($60/6件)芝士份量岩岩好帶到種香味出黎 唔會話好漏搶哂主角鰻魚同玉子鏡 變左咩都加芝士拉芝個種🙈鰻魚燒得好香 汁都好夠味 玉子質感嫩滑 帶微空氣感 好鬆軟好有蛋香💓.海苔黑豚肉鵪鶉蛋 ($28)超特別嘅配搭 但中間夾住鵪鶉蛋竟然省去左黑豚肉嘅肥膩感🤤 蛋黃蓉嘅香口感又同個豚肉好夾 估佢唔到😳.牛油蒜蓉焗雜菌 ($38)必定唔會唔好食嘅燒烤良品😂 所以同時都無咩驚喜 係普通嘅好食不過略嫌唔夠牛油香 蒜香就好足夠 份量都幾多😌.燒日本雞肉軟骨串 ($28)雞軟骨真係佐

紅磡呢頭有好多小餐廳 之前會一間一間咁試 試過蛋包飯試過雞蛋仔 今次試到嚟燒烤堂 一間小舖入到黎一眼睇晒 但係又唔會覺得好侷促通風都好好！首先呢個柚子醋伴有機凍蕃茄 食串燒前最啱就係點啲開胃小食 呢個去皮凍蕃茄就啱晒啦台灣雞泡魚乾 唔係度度有得食 煙煙韌韌 都幾得意椒鹽雞軟骨 基本野啦 美國蘆筍 唔好睇佢窿窿地 咬落去一啲都唔老  唔會有根牛油蒜蓉焗雜菌 正呀正呀呢個 絕對冇偷工減料 啖啖都有好香牛油味鹽燒牛舌芯爽口彈牙好好味值得試！韓式牛仔骨真係不得了重頭戲！ 食完呢個都叫飽左 呢個調味就十足啦 好香口 是日海膽刺身 Menu就話加拿大 員工就話嗰日新鮮返貨係日本紫海膽 食味甘甜 比其他品種相對清淡 對海膽有研究嘅朋友記得問一問員工喇鹽燒白鱔脆皮得來又有啲彈牙埋尾黎個鹽燒菠蘿！完美嘅結束！食到咁 埋單位位二百五！ 貴唔貴就見仁見智喇！但質素確係不錯！

黃埔花園半日遊， 又行埋黃埔號睇傢俬， 真係多姿多彩一日都行唔曬， 行到腳仔軟想搵間餐廳坐低歇一歇， 講到黃埔嘅食街一定係德民街一帶，仲聽講有唔少特式小店。於是我哋就搵到呢間燒烤堂，店外裝修以居酒屋嘅格局，原來已經俾佢吸引住都唔知。每台客坐低無耐都有店員介紹同推介幾款小食。當中包括牛仔骨，服務態度相當良好。講解過後，憑著張菜單紙仔就點咗以下食物。1,燒雞皮2,虎皮尖椒3,芥末豬頸肉4,黑豚肉韭菜花卷5,牛油蒜蓉焗雜菌5,鵪鶉蛋蟹子冷蕎麥麵6,韓式牛仔骨其實整體食材我覺得極新鮮，燒得夠晒火喉香噴噴，而個人覺得，精髓係在於枱上的兩支調味粉，一支係辣粉，另一支係類似孜然粉的東西，極配合重口味的我。意想不到的是雞皮竟帶比我驚喜，原來係一大塊上，仲燒到卜卜脆，隨自己喜好加上辣粉後，極邪惡，第一次咁食燒雞皮，飲埋支冰凍啤酒正爆！至於被推薦的牛仔骨，真係有韓燒嘅感覺，帶有小甜的風味，將骨位同肉切好分開，食的時候不會太大件而且小塊更加入味，用生菜包住泡菜甘青瓜條甘筍條，別具一番風味。對比一般嘅串燒店都整到皺皮又扁又腍，呢度質素包括環境真係的確高一線，喜歡食串燒嘅朋友呢度有得諗。

通常去紅磡食串燒都會去美味佳，今次同男朋友試下黃埔站附近嘅燒烤堂。店舖座位不多，牆身擺左日本清酒，做緊七折優惠好抵呀，可以一邊食串燒一邊飲酒！食物選擇多元化，串燒以外仲有刺身、炸物、一品料理等，價錢亦大眾化。黑豚肉韭菜花卷做得非常出色！薄薄嘅豚肉包住鮮嫩韭菜花，咬落爽脆無渣。豚肉燒得微微焦脆，油香滿載，韭菜花中和左肉嘅膩感。去親串燒店都會叫茄子，蒜蓉燒茄子同樣有水準！食嘅時候可以一梳梳咁食，茄子腍滑唔乾身，而且帶有濃濃蒜香~好多時候茄子皮會燒到燶曬，但呢個絕對可以連皮食。自家製煎餃子每日限量發售，下一台客人想叫已經賣晒。我諗會自己包餃子嘅串燒店唔多，我幾欣賞小店呢份心思。餃子皮薄餡鮮，咬落多汁，不過餃子煎得唔夠香脆，偏油膩。每次叫大蔥雞肉串係為左大蔥！大蔥鮮甜爽脆，雞肉肉質嫩滑，掃上濃郁醬汁更惹味！麻辣炒鴨舌比想像中細份，入口重麻香，做佐酒小食都唔錯。必點沖繩黑糖燒菠蘿！菠蘿表層焦脆無比，咬落香甜多汁，多左一份甜蜜嘅滋味！果然係招牌菜之一，好想叫多幾串呀！呢間串燒店以熟客居多，我見店員都已經認得出佢地，仲有傾有講。

黃埔站通車後多了很多不同食肆進駐呢個社區，基本上中菜、西菜、日式什麼都有，但身為街坊嘅我亦對於開了很久的小食念念不忘，全因他們不但抵食之外，就是穩定的水準令你百吃不厭，今次呢間燒烤堂更是其中之一，所以吸引了不少街坊變成熟客，一吃便是朋友。燒烤堂門外已經睇到清酒七折的優惠，鐘意一邊食串燒、飲清酒嘅朋友真係啱哂。店內裝潢日系，牆身亦擺放咗好多日本清酒，令到你個人好似置身日本居酒屋小店一樣。坐下之後，店員即時俾咗菜單以及介紹人氣食物，非常貼心。柚子醋伴有機凍蕃茄用料新鮮，鮮甜凍蕃茄加埋清新柚子醋份外醒胃。一開始就點了泰國秋葵、美國露荀。泰國秋葵秋葵人所皆知營養非常豐富，而我個人亦好鐘意食秋葵。而今次燒秋葵真係外脆內豐潤，啱哂同朋友一齊分享。美國露荀露荀唔會有草青味，質感爽口。海苔黑豚肉鵪鶉蛋呢個係餐廳嘅特色串燒，黑豚肉包住鵪鶉蛋再加上燒汁、海苔已成。串燒非常有日式風味，特別鐘意佢利用黑豚肉包住鵪鶉蛋的做法，令咬落去有多重口感。接住又點了鹽燒雞翼、安格斯牛小排。鹽燒雞翼食串燒好似都離不開食雞翼，所以今次就點了鹽燒雞翼。雞翼已預先將骨頭切開，令食時更加方便。雞皮表面金黃香脆，如果鐘意食辣更加可以

上一次食係2個月前，今次再食好有驚喜😍佢地轉左新餐單，多左好多心機燒物同日式料理，一定再番叫既係條泰式鹽燒楊氏烏頭😍魚油十分香，一翻開個魚皮d黃油就爆出黎😋再配埋佢地自家製嘅泰式汁，好好味仲要一d都唔腥完全無泥味女侍應仲推介食元貝，果然無信錯佢又鮮甜又厚肉，燒烤堂既海鮮真係有保證，因為上次食左蟶子都係好新鮮，價錢又合理其他食物都好有水準，個燒鮮雞皮簡直係人間美味燒得非常脆口一d都唔油，出面既雞皮都係好細串，但呢到既係原塊新鮮雞皮，同我手掌咁大塊，可惜我唔記得影相同埋而家佢地清酒做緊7折，好抵飲，我地一行4個女仔叫左支一期一會，好易入口，侍應話有d(蜜瓜味)?可惜我就飲唔出，不過呢支真係我少數會番飲既清酒下次去試下筲箕灣店既食物睇下有咩唔同先另外佢地既服務真係好值得讚，好親切，令我地食得好開心

呢間串燒幾乎一星期七日, 日日都要排隊所以我特登揀左平日黎食等左大約10分鐘就可以入座了入面唔算迫最重要係樓面好乾淨企理一D污糟既感覺都冇坐既位亦都好舒適今次我叫左既有黑豚肉韭菜花卷估唔到咁好味, 豬肉卷住D韭菜, 肉味特濃, 但係又有韭菜既口感, 岩哂我呢D食肉獸!! 甜甜的口感一流唐揚脆雞SIZE都算正常, 邊食邊餸酒真係一流, 最正係佢D味粉, 食到格格聲泰式鹽燒楊氏烏頭店家應該之前處理過條魚黎, 食落完全唔會覺得魚腥味, 燒到脆卜卜, 肉質好嫩滑, 但又比蒸魚要硬一點, 更有口感, 細骨唔會好多, 唔識食魚都食到好開心, 正鰻魚芝士玉子呢個係必食推介, 鰻魚，芝士，蛋，呢三樣野係勁MATCH!! , 一咬落去就有JUICY的感覺, 仲有拉絲既效果TIM

講起紅磡燒烤大家心目中都會有一間店即時係腦海中閃出但係當然好食既串燒就唔止一間既呢一間超近地鐵站行2分鐘就到而且環境好有日系既感覺會覺得自己似係食緊日式居酒屋咁店員既服務都好好一坐底就即刻送上菜單份MENU係手寫勁有HEART同有人情味而選擇亦都好多下我推薦既係鹽燒燒雞翼雞翼唔會燒得好柴, 而係肥肥白白的, 燒到岩岩好外脆肉嫩, 最正既係D鹽燒味道唔會太咸, 令人食唔停口西班牙黑毛豬食落非常爽脆, 肥瘦得宜, 食落同平時食開既豬肉味道有一點不同, 但係各有特色, 呢個就更香口一點黑松露蛋蓋飯呢個真係性價比高, 外面食個炒飯50蚊, 呢度食竟然只係要38蚊, 真係好抵, 仲有埋黑松露, 食落口感唔錯, 黑松露同蛋既味道都幾夾, 材料既份量都幾多下, 一個人食絕對夠, 如果大家怕食串燒唔夠飽的話可以食個飯或者麵打底就PERFECT

筲箕灣已經食過幾次都忘記左，紅磡分店第一次食，有分別嘅，賣相靚左，有特別串燒。日式嘅梅子紫蘇葉秋刀魚，廚師真係好有心機，將魚起骨，挑骨，再加入梅子肉，紫蘇葉，卷起一串，方便食，梅子嘅味完全蓋左秋刀魚嘅腥味，加埋紫蘇葉，好清新。雖然係普通嘅食材，但做法細心，功夫極多，最後仲會將啲魚骨炸到脆卜卜，一味兩食。味道唔係個個接受，功夫同價值都唔係個個欣賞。不過我就好喜歡❤️❤️❤️另外想介紹佢地個雞腎，又爽口，有惹味，一啲都唔韌，燒到岩岩好，世界級呀

今日上完training，提早收工，就去黃埔行下街，見到呢間日式裝潢嘅餐廳，覺得環境同氣氛都唔錯，就想試下。餐單種類很多，我地叫左9款燒物再加烏冬。Waiter 介紹左今日廚師推薦-燒蟶子， 好好食， 配料都係蔥，粉絲同蒜，煮埋一齊好香同味濃，加埋蟶子煮得岩岩好，肉質好嫩。絕對首推。昆布烏冬，因為怕唔夠飽叫左個烏冬，湯底清淡，配合食其他濃味嘅串燒，係個唔錯嘅選擇。呢間細細地串燒店有驚喜，基本上所有串燒都好夠味同嫩口，波蘿加左層蜜糖，表面脆口，肉勁甜！！！鐘意食波蘿嘅真係要試下。唔知係咪我地太早食，7點未夠就入座，店舖送我地菊花茶，好好飲，唔係太甜，又夠凍。

喺黃埔有好多餐廳，好食嘅餐廳亦多不勝數，今日誤打誤撞入咗一間好有誠意好有心嘅燒烤餐廳，食物選擇有好多，佢哋燒烤同出面其他餐廳有D唔同，大家可以試一試。我本人就鍾意佢地嘅蜜糖雞翼🐔🐔🐔，黑糖燒菠蘿🍍🍍🍍，鵪春蛋🥚🥚🥚，九菜，服務人員👩🏻‍🍳👩🏻‍🍳👩🏻‍🍳亦十分有禮貎，人手雖唔多但勝在手腳快🏃🏻‍♀️🏃🏻🏃🏻‍♀️，希望你們生意越做越好，加油！！！💪🏻💪🏻

今日同老公行開附近諗住搵野食。行行下黎到德民街見到好多特色小店。因為我哋两個都鍾意食串燒，所以就諗住試下呢間。舖頭不大，大概坐到10多人。當天晚上人不多，所以都坐得舒服，亦不大油煙。我哋叫咗個2人套餐，$398 （抱歉我全程都唔記得影相）有雞軟骨，全茄子，烏頭魚，牛肉，燒香蕉甜品 （唔記哂食過啲咩😅）。啲食品好有誠意也不像一般串燒店咁，好重味，好多味精。呢間舖頭，燒每樣野食都好細心，明顯係放咗好多心機。味道剛好，亦熱辣辣的。值得讚，同埋一定會再去幫襯。

前陣子經過見到有新食店 探頭研究店員有善地向我們介紹可惜當下已在別店用餐 惟有等下一次機會想起快到情人節 就決定當晚去試一試店員很好地擬好餐單 讓我們預先看看合不合意不喜歡的可跟他們說 改其他食物海膽很新鮮蠔也很不錯燒茄子很美味煙肉芝士帶子蟶子鮮味燒烏頭嚐第一口時感到高興感 (吃到美味食物而高興的感覺)配有兩個醬汁 泰式醬跟日式醋 兩個都很搭燒烤拼盤韓式烤黑豚肉 喜歡甜品燒香蕉雪糕

收工去紅磡搵家姐食飯，見呢間冇乜人又新開，所以入左去試下,原來都幾好食，不過價錢就有D貴，我哋叫左9樣嘢，老闆仲送左個甜品比我哋！燒茄子，其實燒茄子真係好難唔好食，所以呢間味道都唔錯！呢個雞翼好好味，我哋後尾叫多左份食雞軟骨味道一般啦，不過其實同出面差唔多雞腎都ok!呢個帶子燒係老闆介紹，真係必試，出面燒熟、但入面其實仲有小小生，但味道係勁正豬頸肉加埋D醬汁，勁夾同好味，醬汁辣辣地，好惹味呢個都係老闆介紹，話佢哋燒魚好好味，所以我哋都叫左試下，都好味嘅，條魚幾滑，我哋食到一半時，老闆好好幫我哋起骨，等我哋易D食燒九菜花，味道都唔錯咖！呢個係老闆送嘅！估唔到咁好味！唔太甜！整體都唔錯！不過係價錢係貴左D