燚火鍋專門店 (已結業)

深夜時分，打算在九龍城食宵夜，走著走著，見到焱火鍋$1貝貝鍋，於是便吸引了入去打邊爐。餐廳環境舒適，燈光亦十分光猛，非常適合三五好友打邊爐聊天。食物方面，首先，當然少不了$1貝貝鍋，另外，我們叫了時令海鮮拼盤、豬牛拼盤及一般打邊爐都能食到的打邊爐食材。☝🏻貝貝鍋不得不提這個$1貝貝鍋，雖然它只售港幣一元，但味道十分令人驚喜。除了有十分足料的蜆肉，其湯底確實鮮甜無比。這令所有食材都多了一分鮮甜味☝🏻時令海鮮拼盤海鮮拼盤的種類頗多，亦夠新鮮，最最欣賞的是龍蝦，啖啖肉，肉質鮮甜肥美，店員又已細心的幫客人先把殼輕輕打碎，令客人輕易食用整體來說，焱火鍋質素高，是宵夜打邊爐的好去處。

$1就食到貝貝鍋？😍😍😍Happy hour 9:45pm 後就有供應！放工即刻趕過黎食今次就未試到佢地個海鮮拼盤，因為本身自己唔中意食海鮮～但要讚既係呢道上菜好有效率，而且服務態度好 食得開心其實之前趁未熱得哂🤪而且打邊爐癮又起九龍城除左係一個小泰國 ～唔經唔覺而家開多左好多唔錯既食店😋燚火鍋專門店 係其中一間😝貝貝鍋其實即係蜆🤩 湯底有大量海帶☺️最特別係⋯⋯佢地係蝴蝶形狀湯底濃度都幾適中，而且蜆都幾多而且仲有$78啤酒任飲🍻🍻🍻岩哂男士們😂一開始有送上小食😆辣辣的青瓜雲耳當然唔少得自選醬料環節雖然唔係叫左好多食物，每款都份量好多相比出面抵食！豬牛拼盤 $138 呢個賣相好吸引！而且價錢已經贏哂牛肉好新鮮紋路勁靚豬肉也不俗好薄好嫩非常腍身，而且沒有因過肥而產生任何油膩感中間仲有豬肉丸和牛丸作點綴，絕對係必叫炙燒芝士丸 $38數量多到有點難以置信 而且係炙燒面魚皮餃 $48不過不失！ 起碼皮不會過厚午餐肉 $38 每次打邊爐總會叫午餐肉😂😂這裏的午餐肉都幾厚切吃得出不是平價貨

幾個月前已經食過一次，非常回味，皆因98蚊5款鮮味十足既海鮮同湯煱底令我一試難忘。今日係9龍城做野野，一行2人又再泥呢到反尋味，😎👍🏻去到門口望入去，全場滿座，好不容易等到有人埋單，服務員二話不說即清枱帶我地入坐，我地睇左餐牌，當然必選98元既5款海鮮先啦，之後見到一1蚊卜卜蜆，可惜未到宵夜時間，選其次半隻奇味雞煲，等左一會，雞煲上枱，一開蓋，嘩！超香，試第一舊，非常入味，我平時係好鐘意食雞煲既人，呢間雞煲我最係俾好高評價，色香味俱全！一舊接一舊停不了，食完雞再打邊爐，原來可以加一蚊有精選湯底，我地就揀左四把火柱皇鍋，呢個湯底有勁多瑤柱，岩我地食海鮮更帶動鮮味。海鮮拼盤今次有花蟹，蠔，海蝦，聖子同鮑魚，98蚊食到哂貴價海鮮真係開心到不行了，上到枱都係識郁架，一係無得彈！而配料，我地要左必選午餐肉，雲吞。雲吞大大隻蝦係入面，足料好味！完全夠哂飽！捧住個肚走！說實話，我會一而再再而三咁泥幫襯。呢到既老闆好好人既呢。

自同老婆半年前食完呢度之後，一直念念不忘，今日終於有時間再次嚟到呢度食嘢了。坐低之後我哋好快就叫咗一個奇味雞煲同埋時令海鮮拼盤。奇味雞煲$168半隻嘢味嘅醬汁，味唔太辣，雞肉鮮嫩，勁好味，我同老婆好快就將佢清哂湯底：四把火柱皇鍋$9.9（雞煲後，優惠價）一個非常清甜既湯底，內有好多元貝仔時令海鮮拼盤$98x2有五款嘅是日海鮮，送到上枱時，鮑魚同埋蟹都仲郁下郁下， 十分新鮮。食落當然鮮味無窮，蝦肉爽甜，蟹啖啖肉, 鮑魚爽口彈牙，聖子冇沙好味，蠔大大隻，好鮮味食完雞煲同埋海鮮，我同老婆都開始飽飽地了，所以都冇叫好多配料，只係叫咗雲吞同埋午餐肉。呢度嘅雲吞勁大粒，大大隻蝦，食落爽口又彈牙，非常滋味。總結：呢度嘅雞煲同海鮮都十分出色，我留意到呢度21:45後入座仲會有$1卜卜蛽煲優惠，下次真係要再嚟試吓

一聽到九龍城與食飯，第一時間會聯想到，泰國菜、牛肉餅今個晚上，辛勞了一整天，路經附近，倒不如去這個滿布橫街的九龍城走一趟，看看有什麼好東西，去慰勞自己與伴侶辛苦了一天的辛勞。在橫街中穿梭，尋找今晚的落腳點時，伴侶突然提出一個破天荒的提議，「不如今晚打邊爐囉」「好呀」我口是這樣說，但心裡........今次出事了，你話泰國菜，我都知可以食邊間，邊到搵火鍋呀行行重行行，突然看到對面街有四個火字，再配上火鍋店這數個字，我看到綠洲了！左望望，右望望，再左望望，無車，過得去到店外，金睛火眼的伴侶一看就看到大優惠，$1 貝貝鍋嘩，天生貝貝狂的她，未入座已經有所決定。既然不入座都已經有決定，又未有其他選擇出現，那就入去吧(媽，好餓呀)一入座，侍應先放下餐牌，再放下調味料讓我們自由配搭再送上前菜，酸酸辣辣，刺激一下胃口然後就選擇食物了，睇睇餐牌，有很多選擇，突然又聽到隔離枱要求要幾個外賣盒下，打邊爐都要外賣？喔，原來還有很多食物未食完，所以要拿走。那我們便小心翼翼地點餐了(我們就算外賣回家，對我們無飯夫婦來說，簡直是災難)當然，一定要有貝貝鍋啦過了一會，所有食物都到齊了當鍋再滾起，我二話不說便打開那個

九龍城除了是泰菜集中地外，火鍋同樣也是繁多。朋友說常經過燚火鍋，剛過去的最近天氣寒冷，實在是想不到理由不去火鍋一下！選擇分類得夠清晰！難以選擇情況下，最後選了香茜皮蛋鍋！菜肉餃 - 八隻餃看起來雖則形狀不一，不過皮包得薄，菜肉比例平均，味道清爽！炸魚蛋 - 魚蛋有十多顆，質感彈牙帶有微微魚香，的的骰骰很快便吃光。手打牛丸 - 賣相紅紅的，質感比魚蛋更為實身，入口同樣爽口彈牙，牛味亦相對較濃郁。頂級手切牛肉(例) - 雪花紋呈現挺清晰。薄薄的一片但牛味挺豐富，入口不韌。菊花茶 - 自家製作關係，入口甜度比市面出售的較低，感覺較為健康及清除熱氣！

之前經過見到有呢間火鍋個名幾得意，但又唔識讀。今晚經過再望下店外嘅海鮮好多龍蝦又好生猛就試一下。入到店又見到牆上字句，哈哈，幾搞笑。 在八卦問下店員，鋪名點讀，原來其中一個讀音係讀"一"，另外仲有兩三個讀音已經唔記得咗。不同嘅調味料。好明顯呢個係廁所啦!牆上有講唔同牛部位嘅牌。花膠雞湯底，花膠好厚身，啖啖膠，啲湯都好甜。店可能開了不久，做緊promotion，有另一碟花膠送，不過唔知做幾耐㗎。海鮮亦有優惠，幾低食，有龍蝦，聖子，鮑魚，蠔，樣樣都新鮮鮮甜。墨魚豆卜，墨魚都幾煙靭。炸魚皮都幾脆口，上面有啲炸乾蒜，更加香口。萵筍都砌得幾清，唔怕有渣。牛肉兩層，放到鳥籠，幾有特色，名堂叫四把火牛拼籃，係四種不同部位，有林的，有爽的，各有特色。牛肉不錯。冰豆腐係打邊爐嘅好朋友，吸咗濃湯嘅美 嘅味，食落更加好味。蔬菜籃都幾新鮮。有稻庭烏冬，係比較幼身的。飲品係自家制菊花茶，清甜解熱氣。

天氣凍唔洗諗，一定系打邊爐！之前食過好幾次花膠雞煲！今次食勁啲！唔要花膠仔！要花膠筒！前菜都食豪啲！花雕鮑魚！鮑魚好爽口彈牙！都幾重酒味！整得幾入味！之後正式打邊爐！叫咗半只嘅花膠雞鍋！無諗過都有咁多花膠！而且啲花膠真系好大件！有成只匙羹咁長！滾起咗會有人幫我地剪開只雞！再滾多陣就食得！湯底同平時食嘅花膠雞煲唔同，衣到會清啲，似煲老火湯嗰只！啲雞又唔會煲到老曬特登叫咗雲吞食，好似沙窩雲吞雞咁，好夾！雲吞又夠皮薄餡靚！正！頂級手段牛肉一定要叫！好香牛味，好滑，好好食！因為個湯夠清，所以唔會好漏！而且又唔會遮咗牛肉味手打麥提莎墨魚丸，好搞鬼嘅配搭！但甜甜咸咸又幾盞鬼！有啲朱古力味，咬到中心位又脆脆地！但出面又軟軟咁！仲有啲流心！新奇！有麥提莎甜餡之外，都有芝士做咸餡嘅！手打芝士牛丸，入麵包芝土，同牛肉味又係好夾！牛丸都好彈牙！出面彈，入面軟滑！芝士同牛肉味都特出到！好食！

天氣持續寒冷，唔可以唔打邊爐再一次番嚟九龍城食飯，因為呢間嘅手切肥牛真係真材實料叫一份手切肥牛真係夠曬一家四口食👨‍👩‍👧‍👦 肥牛嘅紋路好明顯，肥瘦分部得好均勻火鍋嘅配料大致上同上次嘅差唔多肥牛、蜂巢豆腐、珊瑚蚌係我地必食嘅火鍋配料今次仲叫左豬皮、醉雞試下豬皮好爽口，又大份食得出啲雞醃左好耐，好入味，啲雞肉唔會太鞋翠肉脘食得出係新鮮魚肉煮熟左仲好有硬口最後仲試左黑松露墨魚滑食落好有彈性，又好香黑松露味道不過每次嚟都要記得訂位，餐廳坐位有限，天氣咁凍仲多左人打邊爐

近排持續天氣凍，最好當然就係食啲熱盪盪嘅食物，打邊爐絕對係首選，今晚放工就同朋友去了這間火鍋店吃，材料新鮮之餘，重有個超級優惠，時令海鮮拼盤每位$98，湯底就要個鮮茄薯仔湯$68，用料十足，湯底內有大量新茄同薯仔，而且個湯底味道夠晒鮮甜！餐牌上有燚口價套餐選擇，我們就點了套餐A$539包本地手切牛肉，同刺身拼盤，因有最愛吃嘅牛同刺身吃，手切牛肉整齊鋪滿了隻碟上，放在鮮味嘅鮮茄薯仔湯內滾一滾，入口時感覺得到肉質嫩滑軟熟，夠晒味道！而刺身就有肥厚嘅三文魚、爽口彈牙嘅象拔蚌、同肉質爽甜嘅大蝦刺生，真係吃得十分滋味！當然除了肉重要丸丸啦！通常都點樣樣有嘅手打五寶丸$88，有牛，有豬，夠晒肉味，入口彈牙煙韌，而當中嘅墨魚丸就超有口感，而雲吞$58中間有好大隻蝦肉藏係裡面，入口彈牙爽口夠晒味道，同加多個小吃米網脆蝦卷$48，外面將米紙炸得香脆，裡面個蝦身亦十分鮮味，加埋火鍋必吃嘅香脆炸魚皮$38，真係十分滿足，而中段時間個海鮮拼盤出來，真係嘩出來，超正龍蝦半隻、聖子、鮑魚、生蠔，完成感覺賺了，唔係將價就貨，真係真材實料，當然只可以一人一份，但係每個人都要叫係真的！加埋入去個湯滾，個湯底就更加鮮味，

朋友生日聚會，壽星女想食火煱，見附近有火鍋店不錯，今次去試下 藥饍龍躉鍋 火鍋店會推出特色湯底，女孩們都喜歡藥饍，生日當然要滋補養顏下! 用料十足，內有熬龍躉骨腩，湯不加味精，先嘆一碗香濃藥饍湯，十分滋補，飲完湯再加上湯打邊爐 龍躉鍋另外上一碟龍躉片，龍躉本身貴價魚，但沒有偷工減焜料，龍躉片十分厚肉，而且入囗新鮮彈牙 新鮮手切牛肉 (大)牛肉帶鮮紅有油花而且脂肪同肉平均，輕輕煮8秒已經變色可以食用，食落肉質厚、嫩滑、重肉味帯油稥 自家製炸響鈴打邊爐不能缺少響鈴，亦係即叫即炸，響鈴酥脆吸湯能力強，建議滾2秒保持內裏酥脆效果 松露墨魚滑店員貼心混合松露和墨魚滑，墨魚滑入口彈牙有口感，而且松露味唔會過濃令墨魚滑無鮮味 台灣黑椒腸台灣腸好惹味，有少少黑椒味，火鍋食台灣腸好有特色．Menu

和朋友一班人係屋企開完party後，肚子有點餓，便一同前來九龍城「搵食」啦。選址九龍城只因這裡選擇夠多，而且大多質數有保證，食唔到A餐，都總會有B餐，C餐，或者D餐等緊你。今次就俾我地發現佐呢間感覺好LOCAL，而且人頭湧湧既火鍋店。根據非正式統計，人頭湧湧既餐廳，衰極都有限？餐廳唔算大間，一眼睇哂，亦都正正係一眼睇哂，店員既服務好似特別的好，輕舉單手，5秒內一定有人過黎服務。火鍋湯底選擇有差唔多20款，絕對可以用花多眼亂來形容，最後我地都係要搵店員介紹，揀佐個精選湯底。食火鍋，醬油配料絕對唔少得，基本既生蒜，炸蒜，辣椒絲，蔥花，等等，呢度都一應俱全。精選湯底 - 藥膳龍躉魚湯鍋 $318呢個湯底名為精選湯鍋，就係每日餐廳創出最好，最特別既湯鍋給予客人選擇，就有如日本餐廳既Omakase，所以今日食到未必聽日食到，今日食唔到，可能聽日又會食得到，可說是可遇不可求。藥膳龍躉魚湯鍋其實就係藥膳湯鍋再加上龍躉魚塊，令到個湯保身得黎再帶點魚既清甜。藥膳湯底非常足料，飲落有點甘，帶一點甜，全身即刻暖哂。用料非常多，而且原汁原味，不帶一點味精，我地都忍唔住多喝了兩三碗，令到店員都忍唔住要叫停我地，

眾多火鍋其中一個我覺得最好嘅選擇就係火火火火，因為海鮮夠新鮮，都算抵食。先黎個小食，青瓜醒醒胃。今次選擇咗北茹雞 ... 唔係，只係睇落有啲似，其實係花膠雞鍋先真，只係裏面又有啲東茹。有半隻雞，除咗冬菇外，仲有娃娃菜起湯底，所以真係湯底都幾多料，湯底亦好甜，所以可以飲下啲湯先開始打邊爐。菜籃都放得好整齊，有西洋菜、生菜、茼蒿、金菇同埋粟米，都幾豐富。主角之一，梗係有本地手切鮮牛， 本地牛牛味比較重。另一主角，當然唔少得海鮮拼盤啦，98蚊一人份量嘅優惠仲有，梗係要食啦。 有龍蝦、鮑魚、貴妃蚌、同海蝦，仲有一啲小貝貝。正如一開始所講，新鮮好味。另外，亦都叫咗大大隻桶蠔，大約有四至五隻。嘢飲係自家製菊花茶，少少甜都幾青，可以清熱。

等到望穿秋水，終於收到季度 bonus, 少少哋都夠食餐好嘅！一於跟我們同事圍爐取暖天氣凍凍地食打邊爐就最好feel。九龍城都算係我哋嘅聚腳點，之前就係見到其他同事Facebook打卡，所以我哋都決定試吓。其實最吸引我哋嘅係＄98一位海鮮拼盤淨係睇龍蝦每人有半隻，已經夠晒吸引，而且成個海鮮令湯底更加鮮甜，龍蝦、聖子、美國 oyster 、鮑魚、仲有海蝦。全部都係新鮮街市直送湯底我哋就要左番茄薯仔湯，最基本而又好味道嘅。在點左花雕醉雞，雞肉好香花雕酒味，只需要滾大約5分鐘，雞肉就會熟而且入口先夠鮮嫩多汁。食食下就上小食，新鮮熱辣嘅炸魚皮同埋米子春卷，兩者入口都非常香脆。聽到隔離枱對手打丸讚不絕口，我哋都要左招牌四寶丸，果然夠彈牙，而且味道鮮美。就連刺身都唔錯喎！尤其是牡丹蝦跟住再追加左西班牙黑豚肉，肉質零舍爽甜。顏色賣相都更勝一籌最後再飲番杯自家製涼茶，下火去熱氣，而且又唔會太甜。今晚飲飽食醉，仲要多謝老闆 d bonus 添！

慶祝新一年，2018年第一個星期日要食好尐 一入內店中已很多人，好彩今次有預訂咋，如果唔係好似上年聖誕想食都無得食（上個月聖誕果晚大約七點walk-in....全店滿座無得食）可以直接在過咗膠既咭上點食物, 夠晒環保又方便 ! 又點少得調味醬料餐前小吃自家制菊花茶 , 可以幫手下下火今次才留意到天花的燈飾, 好中式酒家FEEL實在好掛住個花膠雞煲今次都係點番花膠雞煲，不過今次無咗電話預訂送每人一隻花膠筒好彩湯底內也有6隻店員為我土也剪雞 個湯好清甜花膠夠大隻 今次一人一份$99，滿足口慾這是二人份量 睇下幾咁巨 等食期間一路吞晒口水 我唔客氣啦, 啖啖肉牛肉雜菜籃 , 真心好抵食！ 桶蠔夠大隻 今餐又係捧住個肚走人