爽爽麵店 (已搬遷) 新店位置

今次入元朗食好野，本身自己超中意食醉雞，梗係唔執輸試下出晒名既爽爽麵店招牌醉雞米！好彩餐廳有兩邊，唔洗等位就入得。醉雞有鮮雞同冰鮮雞簡，一場黎到梗係簡鮮雞 黎到雞同米粉分開上，醉雞肉質好滑，酒味濃。將浸著雞既汁倒入米粉，一碗超好味既醉雞米就完成！食食下仲搵到有兩片酒糟雞腎，同樣入味like!小驚喜！雞腎好味！都有淨雞賣

下午2點去,門外已經7~8人排緊隊,明明已經吾係LUNCH時間...2位要搭台,因為一張台係4個人坐,拎飛等叫飛,排左好耐好耐,企左好耐好耐...衣間野其實都出名,好多名人都食過,但佢反而吾會好似其他店咁曬命貼出黎,相當低調!!等左好耐好耐,終於入到去.裝潢同一般細茶記沒什麼大差別,我地坐係最入最入,望落間舖其實都幾細,得4~5張台,不過佢地隔離有多個"單位"可以坐,用"外賣盒"食(你懂的幸好我吾係坐係風口位,如果吾係吹到正都真係幾凍,有個女人坐正風口位同待應講好凍,然後比佢地寸話"好凍?出去企咪吾凍囉".由於新鮮雞同冰鮮雞的價錢都有D分別,所以我想試下佢地食落係咪真係咁大分別.我係"不知情"下試兩隻肉質GE分別,一隻係好滑,肉質係一絲絲,好有咬口!!一隻係個肉粉D,冇咁有咬口,一咬就斷.不過兩隻都好有雞味,個醉雞汁都好正!!!咁開估,當然好滑好滑個個係新鮮雞,肉質比較粉GE係冰鮮.如果吾係放埋一齊食,又真係吾會好介意,因為佢個冰鮮肉質都吾差.個豬扒都好味,我覺得有D un,不過黎爽爽食當然係食雞啦.個河粉都好好味!!!!吾會係煮到一舊舊痴埋個D,係條條分明.打打下食評又好肚餓...要

醉雞米 ($47)元朗嘅美食其實真係多到癲，雖然對於市區嘅居民黎講有啲遠，不過如果入黎食過元朗嘅美食就會覺得一切都值得！今次司令要推薦嘅係爽爽麵店嘅醉雞米！聽到醉雞已經流晒口水，而且覺得好特別，出面應該冇乜地方會有🤔。麵店主打醉雞同豬扒，而且雞有鮮雞同冰鮮簡，司令一場黎到梗係要個鮮雞啦！米同雞係分開放，一打開個雞，好香酒味，雞件多而且每件都有雞皮😍，食落雞並冇因此偏過重酒味，而係鮮味同好滑，證明店家係浸酒方面有做好時間管理。令司令好驚喜嘅係每個醉雞原來都會附送兩片酒糟雞腎，中意食嘅可以同老闆講要一份，好似都係10蚊，好味！而米湯底雖然偏淡，但都有少許雞味，米粉並冇煮林到，面頭仲有蔥花，好香！食呢個醉雞米有一點要留意，就係可以將醉雞汁倒入米粉湯入面，司令就倒左三分二，建議可以慢慢加調配出最合適自己嘅醉雞米，然後一碗包含鮮、甜、酒味嘅醉雞米就完成啦！😋同場聽到好多食客都會加豬扒食，不過司令今次就好飽啦，下次一定會再黎試！同埋記得留意返！店鋪好早收，大約六點幾左右，而且鮮雞都好快賣晒，建議大家早少少去呢！

下雨天總掛念從前...落雨，爽爽麵店應該無咩人排隊卦，碰碰運氣！ 去到不用等位，然後點了他們的招牌新鮮醉雞撈麵再有碟豬扒。醉雞真的好入味，加上是新鮮雞，肉質嫩滑彈牙！L豬扒，如果我用半肥瘦形容會不會過份？但真的是半肥瘦喔... 好夠味亦好好味，只是有點兒咸。爽爽真的值得一去再去! 爽爽麵店 (元朗)地址: 元朗鳳攸北街5號順豐大廈地下5號舖電話: 24774988

呢間我食過好多次嘅麵檔，的確係有佢嘅吸引力，每到中午都必定有人排隊。其實我每次來都係食同樣餸嘅粉或者麵，就係醉雞豬朳，而飲就係支裝自家制菊花茶。次次來食都会食新鮮雞，但今次揀左冰鮮雞，想睇下15蚊嘅差價，有幾大分別。個醉雞汁花雕味好香，應該用左啲比較靚嘅酒去做個浸雞汁；此外雕味重而入口不覺有太多酒精，可能係輕輕煮過啲酒，酒精揮發左。雞每次食都一樣咁滑，冇過火鞋口情況，今次食左冰鮮嘅亦一樣。咁15蚊差價分別喺边？就係用新鮮雞造醉雞用一种特別嘅雞香，今次食冰鮮就冇左呢种香氣，但雞肉依然嫩滑甜美，都係靚冰鮮貨。豬朳係用新鮮梅頭朳造嘅，肉鬆化餣得非常入味，並非一啲落左鬆肉粉又有雪味嘅冰鮮貨可比！麵一如以往爽口彈牙，淥得啱啱好。特別要提一提佢地嘅湯，好正！出面嘅麵湯一般只有肉同骨去淆制，但呢度嘅係應該加左豬同雞嘅什去煲，所以飲落多左個層次！我其實唔多食內臟嘅，但加內臟煮嘅湯就好欣賞！我加多左一碗。菊花茶好香，靚花煲嘅。非常滿足嘅午餐！

今日下午三點幾到，直入唔駛等位。依舊叫醉雞豬扒米，同阿姐講，新鮮雞，少湯要雞汁。水凖依舊，今日豬扒半肥瘦，雞係雞翼同雞胸。雖然係雞胸，但啲胸一啲都唔鞋，仲好滑。

在元朗區覓食的其中一個樂趣就是：因為好吃的隱世食肆實在太多了，每次發掘到一間合自己口味的餐廳時，那種驚喜的感覺，有如在售賣二手雜貨的攤檔淘到寶一樣。因為好些食店，單看門面的話可能根本沒有進去的意慾。但當你放開成見，肯踏出一步，說不定會因此而徹底改觀。就如這次我想寫的爽爽麵店。* * * * * * * * * * * * * * * * * * * * * * * * * * * * * * * * * * * * * * * * * * * * * *星期六的下午，和女友二人都想吃得清淡一些。(我不是餐餐都大魚大肉的...) 她想起有次經過鳳攸北街時，都會看到有一家小店的門前聚集了不少人。於是事先上網做了一番功課，便著我去那裡買些外賣回來。「這次要買的是醉雞豬扒河、魚蛋魚片河還有自家菊花茶...」我邊走邊想。好，到埗了，門口果然已站了約5-6人，都是在等位及等外賣的客人。「阿姐，唔該要一個醉雞豬扒河，魚蛋魚片河仲有一支菊花茶。」「冇哂河粉同魚蛋喎。」阿姐頭也不回，光速地回應了我。「咁...米線呢？」「我地不嬲冇賣米線。」簡單的回答，霸氣盡展現。突然有點想玩麥兜「魚蛋與粗麵」的遊戲，但

難得平日放假，終於食到心思思左成年ge爽爽！我對上一次係一年前黎，果次嗌左醉雞幼麵覺得唔係好match...今次我終於食到醉雞米！仲豪一豪食鮮雞 好入味丫，骨都有味我係食一撮米粉就筆少少醉雞汁豬扒都好正，半肥瘦咁，成個米粉都係豬扒香味 我下次要成碗醉雞汁撈晒落去先得！有菊花茶好開心，特別d~

下午12：30 去到元朗好多店都未開，之前聽朋友講過呢間幾好，就試試。叫做冰鮮醉雞（HKD32）麺，雞同麺都係用膠碗上連埋蓋~笑面係比個醉雞嘅~~雞﹣夠凍 夠醉 夠滑 夠多 酒味濃得來唔會蓋過雞嘅鮮味~麺﹣有雞湯味，但係唯一不足就係鹼水味 不過加d 醋就perfect！辣椒油﹣唔錯，有別於平時餐廳，辣椒磨得幼滑，HKD40可以買一樽添豬扒都出名 可以選肥瘦添 不過無叫 下次可以試試 雙拼！題外話：都幾多學生去食 小店特別有風味服務態度良好 唔會因為出名就惡對客人

終於放暑假(2日大假咋一一''')，跟同事s入元朗，她大力推介我食醉雞米線，一來出面少見，二來爽爽的醉雞堅好食。爽爽的醉雞分兩個價錢，冰鮮$32新鮮$47，我一場來到，當然試下新鮮，我叫了個新鮮醉雞河，同事s叫了個新鮮醉雞米。可能比較少人叫新鮮，等得比較耐(很多人叫冰鮮的一早就到)爽爽的醉雞和河分是分開廚房處理，他們會夾好時間一齊上，一個姐姐右一碗雞另一個姐姐左一碗河，一齊上。先試河粉湯底，湯底好清但好有雞汁味。到主角醉雞，有7至8件雞，冰冷的雞肉仍然嫩滑，酒味不太重，將酒倒入河粉食仲正，雞皮爽口，不油膩，連戒左食雞皮的我都破戒。 

元朗多舊式食店就眾所周知，不過好少係舊式價了，即是平。爽爽開左起順豐大廈都有一段日子，同樣是麵店，不過佢最特別的是醉雞、豬扒。見到有其他食評話醉味唔夠，其實我聽講佢地之前話客人頂唔順太濃味，所以就較淡D。今日放假就諗住落去買醉雞豬扒米當下午茶，因為少人吃所以都好快。醉雞今次無叫新鮮，因為我覺得如果你在乎肉有無雪味既，可以唔洗太介意，因為D酒味可以蓋過左。今次D雞肉唔太嫩，有點硬身，可能還太凍既關係，不過無"鞋"、"渣"既感覺，將D雞浸落D熱湯到岩岩好。豬扒因為浸左一陣個皮開始有D化，但個入面個肉都好嫩，好易咬得斷，整體上來講都係可接受既，不過價錢都有D高下，可以間唔中試下。

身為港島人，過去元朗一日遊，當然要做定資料搜尋，openrice下有咩食，呢間爽爽麵店竟然有不少好評，於是就去一試。一間小小街坊式麵店要做到出名，令人特登尋上門去食，仲要拍曬隊，自不然有返兩道拿手菜。見其他人推介的都係醉雞同豬扒，就淨係試左呢兩種配料的粉麵河。和朋友點左三碗，總之有試豬扒又有試醉雞啦。醉雞有分新鮮雞同冰鮮雞，相差＄15，我地去到新鮮雞已經賣曬，不過本來都只想食冰鮮雞，所以無所謂。醉雞係同麵分開上的，雞浸在湯裡，有8，9件，算好多。我地點的醉雞，一碗比較靚，帶雞皮，有光澤，看起來比較新鮮同吸引，另一碗d雞甩左皮，賣相即刻大扣分。味道上，冰鮮雞其實都已經都嫩滑，雖然無試到新鮮雞，講真唔覺得我會食得出大分別。酒味幾香，而且夠入味，呢道醉雞可以話就係成間店ge鎮店之寶。至於豬扒，其實比較似食大件ge叉燒肉，仲係好瘦嗰隻，有D乾，一定唔係平時食ge日式的豬扒，可能有人覺得特別，但係我個人唔太接受。飲品推介菊花茶，飲得出真係煲出來ge菊花茶，菊花味清香，唔苦，亦唔太甜。凍菊花茶夏天飲清熱解暑。

從高中幫襯爽爽至今已約有十個年頭，和很多客人一樣我也算是常客，但這是我最後一次的幫襯了。爽爽一直是家庭式作業，這本來是在這連鎖點林立的年頭加分的一點，但就像很多生意好的食肆，這家人不懂珍惜客人。香港平價食肆的服務態度差已聞名於世，我本身對茶餐廳和這類裝修 "up dup" 的食肆的服務態度也沒有太多期望，加上這類食肆，流轉快，侍應忙，冷漠無尾音地問你："食咩"，然後食物用幾近拋擲的型式置於客人面前，這些我都明白很正常。但爽爽態度之差遠遠超過於此。是日帶朋友吃爽爽，週末的中午時分，等位是意料中事。拿了飛就和朋友站在離門口１０尺左右的不遠處邊聊邊等。過了一會一位中年男士叫了我們手中的號碼，我們很快反應過來，就在我們聽到號碼後的２秒，我們正在穿越其他在我們前面等位的食客上前對號入坐，那位男士用十分惡和大的聲線再大叫了一次我們的號碼 "3X號呀!!"，他明顯是用一種責罵的語氣，責罵怎麼２秒還沒有人給他反應。朋友有點被嚇倒，快步上前說 "係度係度"，然後我們入坐。入坐後我馬上黑面，和朋友說那中年男士的態度怎麼這麼差，朋友也有同感，影響整個用餐氣氛。店主中的一位年輕女士似乎見到整個過程和聽到我的抱

 星期日冇嘢好做又去咗搵食，聞說元朗有間麵檔食醉雞麵幾出名，就即管去試下啦。果度有分冰鮮雞或新鮮雞做嘅醉雞。5點幾去到，已經賣晒新鮮雞，唯有試冰鮮雞，叫咗個醉雞撈麵，豬扒，雞腳，菊花蜜。醉雞有點失望，冇咩酒香味，冇咩驚喜，味道一般，只係雞肉僅僅熟係幾滑嘅，麵質彈牙冇梘水味。新鮮豬扒厚切，醃得好好味，肉質實在。自製菊花茶雖然冇咩難度，但可見有一番心機，好過啲現成嘢。

聽朋友介紹話好出名，所以有日lunch同朋友一齊去外賣左醉雞同豬扒試下，食完一d都吾覺得好食同有咩特別，豬扒同普通茶餐廳下午茶豬扒無異，醉雞雞肉有d老，酒香亦不足，同之前晌上海舖食的差好遠。。。