牛布拉日式牛肉麵 (已結業)

去開旺中，過隔離舊工貿參觀一下，見開左唔少餐廳，有貴有平，都幾方便，只係個場仍舊好黑，可能係無透光的關係啦～本身想試最高那層的西餐，但見呢間店員好熱情介紹，仲話可以係牛布拉點緣蝦一麵食🙄🙄坐低看餐紙，點了魚生飯，費事食牛咁多紅肉唔健康。個飯面的料都好足夠，每款都大大件，唔會話食哂啲魚生仲有好多飯淨返，正！啲飯的酸味調交得好好，好岩鍾意酸酸地的我！各款海鮮都算新鮮甜美，食完岩岩好飽足，配茶好滿足！勁適合熱熱地的下午享用！

TOP 是係旺角的新開商場，有日行過就入去睇睇，行到上4樓見到呢間日本野，於是去試下。見到poster 的牛肉飯好吸引，叫左個190g的試下。嘩，好多牛！啲牛疊成一座「牛山」，見到到開心。我要將個「山頭」夾去另一個碗，先夾到飯食。牛肉有好多塊（無數），中間有啲是8成熟的牛，正呀。香牛味的，好食！我個人prefer 唔落汁食，原汁原味的牛更滋味。我朋友叫左個魚生飯，擺到五顏六色咁，靚嘅。魚生件件厚切，新鮮的。另外叫左個小食-枝豆。環境都ok 舒服，但比較open，傾唔到密計。

經過旺角就去左試呢間牛布拉拌麵我點了牛布拉拌麵70g($88)あぶらそば 油拌麵，以醬油汁撈過的香油拉麵。配上牛肉碎和紫菜碎。粗身的麵條掛汁能力高，口感彈牙，會吃到醬油的香口和濃味。牛肉是用上牛肩胛肉，粉色的牛肉味道濃郁，口感軟身。牛肉份量有不同多少選擇，由70g到極大份量的190g。不好麵的人可以食牛肉伙伴飯。但整體會比較偏咸，🙈吃畢會感到油膩和好咸。

之前已經聽同事講過下呢間野，好似話係日本都係得兩間分店，而香港都竟然可以開到兩間，對於熱愛日本野食既我當然係有咩新野都想試下啦。見今日食晏又見無咩人排隊，就同同事一試呢間日本野。一入到去第一眼就覺得裝修好靚，可能係因為新開既關係啦。其實我好想一試佢個雨雲咖啡賣相都幾好，撈完再加少少醋落去，認真一流同事唔食牛，叫左個鰻魚飯食，好似係得午市先有鰻魚飯 幾個人加埋都係四百蚊，午市有個好處就係唔洗加一

東京過江龍伴麵店。。。招牌牛布拉伴麵味道唔錯，初初食有點咸。 可以自己加調味，加埋白醋，少少辣油，同炸蒜蓉令味道更豐富，同埋會冇咁咸。最後食完可以叫佢上埋一啖飯，俾你撈埋啲汁，有少少似滷肉飯咁。 個 idea 都唔錯。不過午餐只有汽水唔使加錢，餐牌上熱飲只有加$12柚子生薑蜜。Order 時職員明明話柚子生薑蜜唔要生薑唔使加錢，最後竟然變咗要收錢，仲要話冇講過！ 😡😡😡好食都冇用，都係要 Blacklist 👎🏻👎🏻

繼上次吃完宗像牛肉屋之後, 今次又心思思想食牛肉飯。不過今次試的這間餐廳既有牛肉飯,又有牛肉麵。 牛布拉蓋飯 130g ($88)先評牛肉, 很有牛味, 肉質不鞋, 算是不錯。至於醬汁就是沙律醬, 正正常常, 沒有甚麼特別。飯的方面可說是非常差, 黏成一團和太乾, 不用日本米也算了，但這裏的米像是碎米，是我最近吃過最難食的白飯！ 牛布拉拌麵 130g ($118)拌麵上的牛肉是和蓋飯的牛肉是相同, 就不再重覆了。拌麵和蓋飯相比多了一堆牛肉碎, 吃落口感肉像牛肉乾。汁的方面就是肉汁加上沙律醬, 味道可以。麵條算有彈性，感覺還不錯。店方還有提供數款調味料, 包括醋, 炸蒜, 芥辣洋蔥等, 用來拌麵後更加惹味。吃完所有麵後, 還剩下少少汁和肉碎, 餐廳會建議你撈一些白飯下去一起吃。由於這間餐廳的白飯很難吃, 所以撈飯的味道也很一般。 日式牛肉拌麵在香港不常見, 牛布拉拌麵的質素還算可以。如果未吃過的話, 我認為是可以一試的。不過就不要選擇蓋飯, 感覺十分中伏。

1. Immediately joined next to a Chinese noodles restaurant (as you can see the pink neon sign in the picture), I was ushered by a proactive waitress to the Chinese noodles restaurant instead of this one. Not until I take a look at the menu that I realized I was in the wrong restaurant. The waiters in this restaurant are not quite enthusiastic, therefore you gotta be careful to make sure you are in the right place.2. Waiters also appeared to be unprepared. When I asked if I can have the creamy st

鍾意食牛既請注意‼️最近係旺中對面開左個新商場叫TOP，設計特別，入面好多文青店鋪，亦都多左好多食店，呢間就係其中一間，今次終於有機會試下。牛布拉麵係日本亦都有分店架，鋪頭有好多唔同既選擇，不過當然食返最出面既牛喇。牛布伴拉麵（70克）$88好鍾意佢個麵煙煙靭靭好好味，配上秘製醬汁加芥末加炸蒜好好味👍🏻啲牛好嫩好重牛味😋份量亦好多牛布拉蓋飯 （130克）$88飯比拉麵既牛更多，70g牛已經好夠，宜家仲要130克真係超多😂但係佢個汁真係超正牛肉點左先正☺️伴麵好味啲

經開旺角新商場就算下新野，見呢間日式餐廳以牛肉為主又見幾多人排隊就跟風排隊食下喇。呢間餐廳仲有刺身等等既日式主食，但現場比較多人都係食牛布拉飯或者拌麵為主辛味牛布拉拌麵 ＄88愛辣既小妹點可以唔叫辣味既拌麵呢？麵質較為粗身而且比較煙韌有咬口，感覺都唔錯。都既味道就好似擔擔麵加印尼撈麵既feel. 老實講個細汁唔算好特別。牛肉方面有3-4片左右，牛肉係凍的但肉味都幾濃忌廉牛布拉拌麵 ＄88比較西式既拌麵用了忌廉同芥末醬。如果同辛味比較，忌廉口味小妹覺得較為配合。雖然落了芥末醬但一D都唔辣，如果覺得唔夠，枱面仲有芥末可以俾客人落總括，小妹覺得牛肉的確唔差不過以份量同味道黎講唔算好出色同抵食。如果以套餐形式可能會更吸引

試到而家都仲未試哂T.O.P.入面嘅美食,今日嘅工作令人太攰喇,所以全日都極度眼瞓,嘢都諗唔到,飯又唔想煮,一收工就衝出嚟旺角,二話不說就約阿肥喺T.O.P.度等啦! 阿肥本來話想食拉麵,但係呢度間拉麵舖我哋之前已經試過喇,所以今次拱咗上嚟四樓先,見到門口個牌都有類似日本拉麵之類嘅嘢,阿肥又係了解都費事又衝咗入去細心睇下佢哋嘅餐牌,原來係又有拌麵又有蓋飯喎,連牛肉嘅份量都有得揀,又幾得意喎。仲有好多款小食可以選擇阿肥點咗呢個牛布拉蓋飯($118蚊),130g佢又驚唔夠食,390g佢又驚多得滯,所以佢就要個中間位190g啦,嚟到之後我發現都幾大碗喎見到阿肥都食得幾滿足,就算食剩最後一啖飯,佢都仲有牛肉餸飯,片數肯定夠多就咁睇呢張相都覺得好澎湃而我就點咗個牛布拉拌麵,最細嗰隻份量70g,$88蚊only~對我嚟講已經好夠食,無論牛肉同啲麵我都係食唔哂嘅(不過應該係因為我哋仲有嗌其他小食,如果淨係食個麵應該都食得哂嘅)拌麵口感好好,小小硬唔會林謝謝,仲有啲肉碎同埋紫菜增添味道,燒到粉紅色嘅牛肉片原汁原味,夠薄又好嫩滑,雖然牛肉唔會係十分熱,但係無損對佢嘅評價。上面仲有啲特製嘅醬汁,白色唔知係

牛布拉拌麵～～～～～～～～～～～～～～～～～～牛布拉lunch 跟餐送野菜沙律、麵豉湯及汽水。唔食牛人士，亦有更多刺身、沙律、海鮮丼及小食可以選擇。今次試左個牛布拉拌麵（$88），冇湯嘅乾撈麵，加入醬汁取代湯底，個拉麵粗度同烏冬差不多，粗身煙韌，容易掛到D醬汁。但個人認為太鹽，食到底會越來越鹽，忌廉沙律汁唔會太酸，但有D膩, 牛肩胛肉食落柔軟富肉味，牛肉碎有D黑椒。建議大家可以食佢嘅海鮮丼，性價比高D。～～～～～～～～～～～～～～～～～～～

行呢個旺角新開既商場，都見到頂層有幾間食店，就決定試下新野。因為同男友都鍾意食丼飯，見到佢門口既牌有得賣就入去食。我叫左三魚丼，而男友就叫左三文親子丼。個飯黎到，都覺得D飯怪怪地，飯呈微黃色。睇落有D細碗，但食落份量係足夠。雖然份量足夠，但味道就完全唔得。飯比較酸，可能落左過量醋。而魚生係唔新鮮，食到一半都唔想食了，而家仲要肚痛。

依個商場開佐好多新野食，全部都好有特色😍 我依個牛魔王梗係唔會放過食牛既機會哈哈！佢既裝潢都係參考一貫嘅日式作風 — 並排坐。.佢係採用自助order紙點餐既形式，除佐主打牛布拉麵仲有啲刺身丼同一品料理可以試。原本我地諗住試個咖啡，點知暫時無貨👉🏻👈🏻.忌廉芥末牛布拉拌麵 肉量130g $118（留意返 70g、130g、190g係用黎簡肉量 唔係拉麵量😂 因爲我地事後睇返先知get錯😂😂）一黎就見到啲肉已經蓋過晒d麵就知幾吸引🤤 好細心地將芥末放係一旁比你自己撈 仲有啲紫菜係牛肉面度 跟佢既教學先試佐啖牛 用佐黑椒去慢煮 食落去都好嫩有牛味 但如果就咁食感覺無乜特別有d dry 如果撈埋汁會好味啲 撈完個麵一啖食落去既時候真係覺得口感好豐富好特別 好creamy有啲似卡邦尼🙈 不過感覺有啲流～所以唔大食既嗌依個可以嗌70g肉量都夠。.牛布拉拌麵 130g $118都係會將啲配料放埋一邊比你撈，但味道同忌廉芥末真係完全唔同，又有另一個風味，之後再將其他醬油左撈撈右撈撈，真係每撈一次食落都有唔同感覺。拉麵既口感都幾好味幾爽口，唔會話癡埋一餅野黎撈。.總結，日式既撈麵真係好少食，未食過真係

牛肉飯好難食🙄 唔新鮮 😫冇啦啦 加咗芥 😞好難食 只是吉野家既高級版🙄巨峰梳子好伏囉😱仲難飲過藥水味😕d廚師好唔衞生囉 😑用膠手套黎整d牛肉😫見得最多既係佢地狂將醬汁淋係飯同肉🙄d肉係冷既😞連煮熱都懶得煮😑飯係唔熱😑咁就收咁貴😕好唔值囉😢

牛布拉呢個名，即刻令人諗起布拉腸粉，係以皮薄為佳嘅，即係啲牛肉好薄啦？對我黎講唔算係賣點黎，但係見佢個 lunch set 又好似幾平幾多野食，就入去試下。個三色刺身飯其實真係唔錯，三舊刺身新鮮，濕潤，都算大舊，開胃。碗醋飯調味都有水準，食完就更開胃。食完飯先食返沙律同麵豉湯，冇跟次序嘅，呢兩樣就比較失色，沙律醬略嫌少，唔夠味。湯似乎亦都稀咗啲，冇麵豉應有嘅濃重口感。但係最後上碗麵就幾有水準喇，係佢嘅招牌牛布拉拌拉麵，有三塊薄牛肉，幾大塊嘅，雖然薄，但都食到豐富肉味啵。麵夠粗身，冇梘水味，咬落又夠彈牙，已經合格有突啦，佢仲有啲肉碎比你撈添。仲有杯汽水送，夠多野食喇啩，咁究竟有幾平呢？88蚊加一，新張九折，即係都係88蚊，唔好話旺角，放喺香港任何一點都係平。