牛布拉日式牛肉麵 (已結業)

見新開,門口幅圖幾吸引就入左去,點知就係中伏開始,order 左佢hard sell個牛布拉蓋飯,但係....D牛係凍的,仲慘係連最基本的飯都硬到不得了,又無飯味,要用D汁撈飯先無咁硬啦。真係無下次了唯一好食的係餃子,軟得來又幾有汁咁。

本身唔打算寫食評，所以無影相。叫左一個牛布拉拌麵同忌廉芥末牛布拉拌麵味道不錯，前者帶有咸味後者帶點甜味。但最想講的是餐廳員工態度。經理和男侍應成日都黑口黑面，上茶時放碗碟同收碗碟時又嘭嘭聲，好disturbing問經理拎牙籤，睇住你拎完就即刻收走，有無咁chur呀🙊最後叫男侍應加d水，男侍應指住水杯話，入面仲有水喎😨原來加水要飲哂先可以加既🤔真係幾好味都好都唔會再去食，食餐飯都食得唔開心。。

第二次黎~因為落大雨，本來想去睇戲，都係廢事行，黎Top唔洗淋雨，又可以再食牛布拉嘅牛~上次發現原來中等份量嘅牛布拉麵啲牛唔算多，今次要多啲，同埋轉飯，避開啲梘水味~今次大滿足~不過仍然嫌啲白色醬汁太少...上次見友人點唔到叉燒，再問都係未有，就點返佢上次點嘅豚肉拉麵，佢上次話好食嘛~今次...乾身同埋硬咗少少，味都普通，湯都無咩味，拉麵仍有嗰陣味...我都係繼續食我嘅牛布拉飯啦😅由於坐嘅係二人位，本來攬住個袋一陣，又阻又重，又無櫈背，忍唔住放咗去隔離位，可惜好快就有人坐隔離，如果佢地去另一邊就好啦…雖然侍應話可以放櫈底，但之前實在見好多人都踩上去，唔想放手袋...真係好唔方便。如果個袋大或多嘢拎，唔適宜黎呢度。

帶朋友黎試新嘢~齊齊做白老鼠叫咗個中等份量的牛布拉，本來怕太多，所以先二人分享，點知原來唔算多...好鍾意啲牛~加埋啲醬汁幾好食，如果啲白色醬汁可以多少少就好了~望落多，其實唔夠點...啲拉麵...有陣我唔鍾意嘅味好似重咗少少，應該係梘水味唔係好勁嘅~不過個人對呢種味較敏感...下次食飯吧~既然唔夠飽，見友人個魚生飯咁吸引，我哋又試~本身就盡量唔食三文魚，食咗更後悔...無味...同埋個質感爭咗啲...吞拿魚都係，剩下好似係劍魚，質感好啲，不過少食，唔知係咪應該咁淡?埋單時送咗張優惠券唔知消費幾多送三文魚，諗都唔諗就畀咗人😅再黎都係食返牛布拉吧～

香港終於有專食油拌麵既專門店啦🔆日式油拌麵係來自東京既 即係乾拌麵再加入醬油 特製醬汁等等既調味料再撈勻一齊食招牌既牛布拉拌麵/蓋飯選用左美國牛肉慢煮而成 可以根據自己既食量揀唔同份量既牛肉 分別係 70g 130g 同180g 每個牛布拉拌麵既賣相都好似個牛肉山咁 叫左130g既拌麵 份量唔算太多 但又未至於唔夠食 大約8-10塊牛肉左右牛肉食落係凍既似係預先切左 撇除凍既問題 牛肉既味道係幾好食 美國牛肉重牛味 薄薄一片片質感軟腍 不過就有啲乾 要加埋拌麵一齊食先至冇咁寡相反忌廉芥未拌麵就比較出色佢地既麵係比較硬身個種 比拉麵粗少少 而忌廉汁由忌廉 醬油 鹽醬製成 再加入wasabi醬 食落重忌廉味之餘 又唔會比芥末嗆口 由於佢既忌廉汁唔算好濃厚個種 所以食多左都唔會覺得膩口 整體都唔錯！

睇圖先呢間店油面係主角，先食牛，普通料，專門拉麵店果啲牛肉可能仲好食，再食面，撈下佢啲汁，我叫果個小小辣，味道還好，面彈牙合格食完面之後，侍應會提你仲可以有個一口飯，撈埋啲面汁食，老老實實，咁樣幾難食，完全唔夾呢間店係旺角新開先去試試，吸引唔到我去第二次，埋單約$100，除左飽肚之外，性價比不高

阿林：短短三月開設兩店，牛布拉似乎對打入香港市場十分樂觀。招牌牛布拉拌麵設70g、130g、190g三種份量，中size ($118) 有接近10片牛肉，層層疊起確實吸引。牛肩胛肉經過慢煮，切成薄片，肉味濃郁，軟腍不粗糙，惟比較乾身，與醬汁同吃會較好。醬汁以醬油為基底，加入肉臊、油醋洋蔥，再配忌廉醬，頗為特別。油拌麵粗身，經香油拌勻，本身味道就已不錯。下次一於試試忌廉芥末口味。另外點了柚子溏心蛋 ($22)，蛋味幾乎全被柚子遮蓋，實屬一般。

點了忌廉芥末牛布拉伴麵，❌冷麵又不是冷麵，熱食又不夠熱⋯⋯食完拉麵，來了一個一口飯，（侍應推薦 “將一啖飯與食完麵的汁，撈在一起🤢”）味道古怪，感覺似食剩的飯⋯⋯（整體來說，來了不冷不熱麵和冷牛肉加一啖飯）賣相好，但超級難食⋯⋯再點了清酒煮蜆，不只味道腥，還有很多沙⋯⋯最後點了一客忌廉蟹肉薯餅，味道不過不失，已經是全晚最好食的一味餸⋯今天因為看到餐牌上（看似）很美味的牛肉布拉伴麵而惠顧，唔會再去！

嚟到旺角新開嘅T.O.P.搵食 d舖頭終於都開得七七八八啦晚飯時間見仲有幾個位就入咗去坐低揀野食 叫咗一個130g嘅牛布拉蓋飯（$118）同一個70g嘅牛布拉拌面（$88）果然兩個都有驚喜😋蓋飯牛肉同飯嘅份量好平均 食到最後一啖都仲有牛肉送飯😆粉紅色嘅牛肉肉質雖然有少少鞋 但牛味搭夠 仲有洋蔥碎同醬汁可以淋喺面 真係絕配🎉拌面嘅麵條好特別 比平時嘅粗 介乎油麵同烏冬之間 口感比較淋 同醬汁撈勻之後感覺好夾 不過有少少油飲品方面 叫咗杯士多啤梨嘅特飲 係冰沙嚟🤤味道稍甜 勝在份量多🍨

日式拌麵，不過不失牛布拉日式牛肉麵迷你辛味牛布拉拌麵👌🏿 + 三色丼👌🏿T.O.P. 日本過江龍 牛布拉拌麵、就係因香港少有日式拌麵餐廳、所以一直關注最新情報。牛布拉這名字是為打入中華地區改的中文名、希望不要如大部分過江龍一樣、到步就改了應有的質素。😅剛好這天在旺角工作、就去試試、位置不在food court, 上幾層、可能商場新開、裝修味重、越上高層越少人、去到現場、接侍職員也沒有、反而隔離同一集團的餐廳職員帶位、後來才發現整個樓面得一個職員忙錄上菜落單。點了午餐、魚生飯、沙律和湯先上、感覺中規中矩、沒有道理對麵店的魚生有高要求吧、約20分鐘後主角 辛味牛布拉拌麵上場、幸好只點了迷你版本、因為花生和味噌香味還不錯、麵硬、味噌硬又凍比較難拌、拌後沒有辣味、肉比較韌味較淡、整體而言好普通、一試無妨、不試不可惜。上拌麵的時候已提職員可上飲品、太忙的關係。$88 加1 全單九折、有飯有湯有沙律有麵有飲品算還好、只是作為一個食量不算大的男士、只有六成飽、女士應該更適合這類餐！哈！#拉麵 #ramen #hongkongfood #香港拉麵#牛布拉拌麵 #迷你辛味牛布拉拌麵 #Roast Bee

來到旺角新商場，本身係想食緣蝦一面既～ 不過見呢間係對面，好多人等，於是我都唔汁輸黎排下！原來呢間牛布拉同緣蝦一面係同一個老闆既，因為牛布拉太多人，我坐左去緣蝦一面果邊。同檯既人話如果坐牛布拉果邊，檯面係會有d醬料可以落，但唔係坐果邊唔知～ 下次再去睇下係咪！不過我只係用本來面上既醬料已經好夠味！食左一個牛面，一個牛飯同蝦卷～ 蝦卷小貴，味道正常，不過d飯好散！食得好狼狽... 加上個汁有d太酸～ 呢個唔會再食！牛有分面同飯！朋友食飯 （原味），叫左第二多肉果個 （好以係130g) 超多肉！男仔分量！同埋飯入面本身汁唔多，少乾！要問佢拎多d汁先好食！我食面，都係原味！叫左最少肉果個（好似係90g?) 夠食夠食！個面仲有d肉碎嫁～ 用佢本身個汁都夠，先撈暈再食！個汁係好重口味果種，唔鍾意濃味野既人就唔岩啦～ 仲要比我發現左8月下載商場app有刺身送～ 聽日會再戰一次😊

今日同朋友去旺角上興趣班，上堂前一齊lunch 一lunch 先。之前係Facebook見到有人介紹旺角呢個新商場的新餐廳，順便嚟貢一貢。之前試過地庫food court，今日再來，的確開多咗鋪。我哋係4樓見到呢間餐廳（其實係比佢隔離舖個霓虹招牌吸引先）Menu 黑色部分有教點樣食呢度ge拌麵，可惜ge係我哋問其中一個staff,menu講嘅秘製醬汁究竟係乜嘢，佢就話姐係壽司嘅醬油，同埋其實廚房已經調晒味，我哋可以就咁食唔使再撈⋯⋯咁啫係⋯⋯但係呢度午餐有迷你配搭嘅定食，$88又真係幾抵，每份套餐都包括一個野菜沙律、面豉湯同汽水。仲可以揀唔同嘅迷你拌麵配搭唔同嘅迷你刺身壽司飯我嘅朋友仔就揀咗迷你三文魚魚生飯配迷你忌廉芥末牛布拉拌麵，佢話碗忌廉拌麵嘅芥末味唔係好重，所以佢見到枱頭有一盅芥末蓉佢就自己再加咗啲，味道當堂出咗好多而我點嘅係迷你角切魚生飯配迷你辛味牛布拉拌麵。我自己幾鐘意個拌麵的口感，非常煙靭有咬口，但如果講辣，佢應該只係BB 級。而個角切魚生飯都幾有料，飯量亦唔少。初頭見佢個飯有少少色，以為佢加咗醬油，但入口只係有醋味⋯⋯有D＂意料之外＂總括來講，除咗個拌麵嘅面質唔錯，其他就

今日和老公行下新開的彌敦道700號商場，發現有不少新食肆未曾試過，於是周圍行下，最後選了牛布拉麵。我們叫了兩個88蚊餐，每一個餐有面鼓湯和沙律，有飯有麵。我們叫了三文魚飯，牛布拉湯麵 ，牛布拉拌麵，炸雞飯仲有汽水，真的很抵食，雖然說是迷你但都量一點也不少，吃得很飽。服務員都好有禮貌，值得一讚。環境一流，乾淨衛生，看出很用心經營，雖然人流未夠隔壁多，但服務員守望相助，笑容可掬，親切熱心，香港實在少見。

點左辛味牛布拉拌面上面鋪滿了慢煮薄牛肉片，聞起來很香 牛肉帶有一陣咸香。店員建議的品嚐方法是先單獨試了片牛肉。牛肉是用慢煮烹調所以吃起來不會覺得老，而且非常入味，很好吃。然後我再把麵，辣汁和牛肉撈均勻，加了點店員推薦辣椒麻油，因為辣椒油裡放了麻油所以很香， 詢問店員原來支辣椒麻油係同日本用同一配方。試了一口麵，覺得幾有咬口加埋辣汁一起食 少少辣 好惹味 另外叫左一杯特飲 熱帶雨林 好好飲 裏面有菠蘿同藍蝶花 我個人覺得好好飲 仲飲左3杯

果日行開旺中附近，見到有人派傳單。 話說新開係旺中旁的shopping mall 開業，進跓唔少特色舖頭同食店。 傳單正正講緊新進場的牛布拉日式撈麵店。之前係東京試過，都知道馬𩣑山開咗一間。 一個九龍人又幾何會去新界果邊呢？ 見到旺角都有，當然立即殺上去啦！ 我去食晚市，新裝修乾淨，位置就唔係好寬敞啦！如果朋友傾計就唔建議嚟依到。 講返食物先，牛肉係出色嘅，我叫咗個$88 蚊果個我同我老公完全夠食。 麵係彈牙嘅！ 不過醬汁就偏鹽， 我果個係醬油牛布拉我老公忌廉芥末牛布拉，依個好cream,芥末味唔太出。 不過整體唔錯， 牛肉幫個麵加咗唔少分。 最後點咗個炸軟殻蟹， 份量太少了，得兩舊。 味道唔差！