甘味讚岐手打烏冬 (已結業)

滑蛋蟹柳烏冬$42芝士年糕$26蕃茄漢堡烏冬$48九折合共$114.80好普通烏冬，唔煙韌，冇麵粉味滑蛋冇蛋味，蟹柳幾像真冇雪味，湯幾甜，不過飲完幾口渴芝士年糕幾香口，唔油，口感煙韌係蕃茄濃湯，漢堡冇乜特別

完成因為OPENRICE 的關係而去........(較多笑臉)6點30- 45 分到....星期四..... 暫時仲好少人... (不過我地7點半食完走時就多到人地要等位la)叫佐個無骨雞翼烏冬 + 豬頸肉烏冬... 大概40元左右...2碗既烏冬湯底都普普通通喇...不過d 烏冬好明顯唔係街外d 頹烏冬黎既....yin yin un un 咁.... 不過D"送"我覺得幾得.... 豬頸肉烏冬個肉汁好味... 不過真係少食多滋味....得5 / 6 塊仔...無骨雞翼個個就好似雞胸肉咁乾....不過我個fd話唔係雞胸肉 , 不過都唔太脆....so 不太高分....唔recommand 妳地叫...之後仲叫佐個芝士年糕... 我覺得好脆好得意... 年糕包住d 咸咸的cheese liquid 物體....so幾好口感!!!!不過我個好小食既fd話好易滯.... 不過26蚊都係得4個half piece.... 肚餓個時一個人都食得哂。。。坐window位... 望住apm個天台百無公園... 有sofa就好環境ok ga.. . (不過多人時就嘈lu..)service o

呢日未夠鐘睇戲, 所以可以黎食個晚餐先。一直見其他食評及朋友都提及蕃茄烏冬好味, 想試好耐。令到我食完對呢間野完全失望。男朋友先講食物的號碼"1xxx", 然後個侍應就好無禮貌咁話"講中文啦!"哇, 態度有點兒差 勁扣分!咁我就幫佢講牛肉蕃茄湯烏冬,我要左一個吉列豬扒蕃茄湯烏冬, 再加一個燒豬頸肉。吉豬與湯烏冬的分開上的, 起碼不會浸淋。湯底有蕃茄味, 而且是濃郁的, 但是有點過咸。烏冬雖說是煙煙韌韌, 我覺得較硬了, 咬得太耐會好累。不過!! 吉列豬扒才是真正的硬!炸得太耐了, 乾曬身, 毫無肉汁可言; 外屠的粉已經炸到及攤放到好難食。燒豬頸肉是極不推介的小食!!一, 十分肥, 脂肪層很多二. 煮法是白灼了後, 沾上燒汁, 完全錯曬呢餐不太滿意, 亦都唔會再試。

尋晚要去買相機,突然想起賣電器樓上間手打烏冬專門店,我地order左蕃茄牛柳粒手打烏冬~蕃茄湯好濃,牛柳粒唔un,烏冬彈牙,加上本人係蕃茄精o既關係,食完好滿足...!!!燒牛仔骨手打烏冬~有三塊牛仔骨另上,ok,不過不失.紫菜炸魷魚蘇~炸得脆,但唔夠熱,有d油膩牛油素鮑片炒雜菇~無牛油味之外仲有苦澀味

因今日早上辦私人的事情, 早上11時半自己一個人食野, 因太早時間很少人用膳, 我點了炸豬扒番茄烏冬, 豬扒好脆口加沙律醬幾好味, 個番茄烏冬湯底有好濃的番茄味, 個烏冬好有彈性 好有口感, 份量不是太大, 如果男仔去食一定唔夠飽, 今次食的感覺上一般, 而上一次在葵芳食感覺上好食好多, 結帳時我不斷叫賣單及揮手 穿黑色衫褲的部長只顧同佢的同事傾計都冇理會我, 有少少激氣, 最後負責係門口的同事才幫我賣單, 連加一只係$39.6. overall都係一般, 都冇咩特別, 我有排都唔會再幫襯了.

前陣因為一d私人事太煩, 所以無心機update, 而家要快快補先得...因有同事生日, 又末試過觀塘呢間, 所以一行7人去食, 但原來係無得book ga, 我們都預早一點, 幸好都有位, 但之後就越黎越多人...小妹如常都係食"燒牛肉十殼飯", 吾知點解, 今次食無第一次食咁好味既...d飯真係好多, 好像食極都食吾完咁...不過牛肉真係好多, 配上烤汁, 味道好好食..真係可以一試, 我們還叫了凍蕃茄, 同炸豆腐, 凍蕃茄好酸令人感覺好開胃, 而豆腐就一般...因為太飽喇, 所以都無試其他同事既定食, 但值得一提的是, 呢度可能太多人等, 所以收野係勁快, 好想你快d走, 成日都望住你食完末..感覺not good...還好呢度係有10%off優惠, 即是吾洗加一囉, 都可以一試既

這次時間尚早﹐餐廳內沒有太多顧客﹐所以能坐到卡位。 因強勁射燈的關係﹐坐了一會後覺得有點兒熱﹐所以怕熱的朋友就被免坐邊位了。這裡環境光猛﹐衛生情況可以﹐直望還能清楚地望到廚房內那四位廚師的一舉一動。雖然這裡主打是烏冬﹐但還有很多款式選擇。食物點了蟹子巨形蟹柳湯烏冬﹐燒牛肉十二穀飯和鹽燒雞翼。蟹子巨形蟹柳湯烏冬 $42 – 賣相吸引﹐紅紅的蟹柳配上橙橙的蟹子﹐另食慾大曾。麵上亦加上紫菜﹐滑蛋和洋蔥﹐另淡淡的烏冬變得很好味。但本人覺得這裡的烏冬沒有赤之丸的那麼煙韌﹐可能是煮麵時間內了些吧﹖燒牛肉十二穀飯 $ 39 – 賣相特別﹐牛肉跟飯用了一個以木盒固定位置的鐵兜剩載。眼看鐵兜的直徑窄窄以為份量有限﹐但原來鐵兜都幾深﹐飯亦是緊緊地壓落﹐所以份量絕對不少。大量洋蔥另這飯的味道曾加了不少分數﹐啖啖洋蔥+牛肉﹐味道很香。所為十二穀飯只是少量其他種類的穀物以一比九十九的份量撈在大量白米之中﹐所以本人覺得所為十二穀飯只是銷售技倆。畢竟﹐牛肉和洋蔥烹調得很好﹐所以亦不太介意。鹽燒雞翼 $ 28 – 外皮金金黃黃﹐內裡的肉也不太蟹口。真的不知這些雞翼是炸還是燒。乾乾的雞翼來送烏冬都幾夾。質素不錯﹐每道菜

一個星期總會順同事意去食一次LUNCH,冇咩唔好, 只係覺得好貴, D送又唔算好多.今次食午餐, 漢堡蕃茄湯烏冬, $48包檸水一杯, 加一中午再九折(搵黎攪).蕃茄湯真係好好味, 今次夠熱.(因為有時食巨蟹柳烏冬, 覺得佢D湯係唔夠熱囉.)漢堡扒都夠厚, 夠送食晒碗烏冬.粟米得幾粒, 好貴咩? 比多DD都唔怕啦!!

昨日夜晚突然收到朋友電話出黎食飯, 叫佢過黎觀塘. 食哩間日本野check過個蕃茄湯幾受歡迎, 不過好可惜我唔多好蕃茄介紹左朋友食哩個, 我就叫左豬軟骨烏冬$36, 再叫墨魚餅$18試左一啖蕃茄湯, 唔錯, 唔似係咁落茄汁整成.而我哩個豬軟骨烏冬既湯係豉油湯黎, 一飲就飲得出係味精, 預左烏冬唔似手打, 煮到好林, 加埋d 味精湯其實一d 都唔出色赤丸既烏冬好過哩度多多聲, 價錢差唔多但d 烏冬夠晒彈牙豬軟骨夠入味, 有d 似三河屋既叉燒, 味道差唔多, 但豬軟骨係一舊舊, 有d 骨同埋幾多肥膏墨魚餅冇乜特別之處, $18黎講, 揀食炸薯餅會好d

黎到 apm 至發現有平時去開杏花村0既甘味烏冬. 裝修靚過杏花村好多. 入去試試啦.今次冇叫飯食, 主要都係食返烏冬啦.小食炸 BB 池魚感覺好特別, 細細條好香口, 炸得0岩0岩好唔係好熱氣. 雞扒烏冬普通少少, 個雞扒比較乾身, 差少少. 泡菜豚肉烏冬好正, 泡菜味0岩0岩好, 冇蓋過湯底0既味, 好好配搭.

今天放學後同男朋友出觀塘開倉執完平野之後過返apm打算醫飽個肚先慢慢行我之前只食過葵芳店..覺得還可以..於是便進去醫肚坐下來以後就發現檯與檯之間條隙真係同無分開無分別隔離大聲講大聲笑內容我都聽得一清二楚=.=男朋友點左雜錦鍋燒烏冬($46加一)我點左滑蛋蟹籽蟹柳烏冬($42加一)我o個個黎先..呷一啖湯..同葵芳水準都好接近..唔會水準飄忽男朋友ge雜錦鍋燒烏冬隨後都送上黎佢將裡面隻炸蝦比左我雖然浸軟左外層..但對於有一陣子無食蝦天婦羅ge我黎講係好好味(但水準當然不及三河屋)其餘有咩我都唔太清楚而我自己ge滑蛋蟹籽蟹柳烏冬湯底甜而且烏冬食落彈牙蟹柳食落無咩特別都係配壽司比較好埋單$42加一..還可接受我的喉嚨今天有點不適所以不清楚但男朋友食完一陣就開始話口乾似乎落左味精wo..

鍾意食日本野, 但係就最驚D拉麵煮得唔好食, 食到喊, 所以自從hotpot時食過日本雪藏烏冬之後, 就轉投烏冬懷抱。諗住搵日有機會去沙田行街時食呢間甘味的, 就咁o岩係觀塘放工時既APM見到佢, 二話不說, 試左先講。夜晚八點幾鐘唔洗等位, 逼就逼少少, D staff都好似好忙咁, 我地二人叫左兩個烏冬加一個小食, 埋單一百蚊再加一, 唔洗自己煮又唔洗自己洗之餘, 烏冬又好食, 絕對可以繼APM Pepper Lunch之後, 成為我倆飯堂之選!

M travel 40 mins to make it to AMP to have dinner with me We waited 40 mins to have dinner at this place, everywhere is so full...We ordered:Chicken N Egg Rice* this rice has 20 different kind, quite special* but this rice comes without sauce? after you finish the chicken and egg, it's quite dry to keep eating the rice alone...* the chicken is tender and smooth, yummy* the egg is not a lot, more egg for the rice might make it more moist* overall beside dryness of the rice, its' quite specialBee

下午去試這間讚歧烏冬店, 從set lunch menu中揀了吉列豬扒湯烏冬.吉列豬扒不是另上, 浸在湯中令吉列脆皮變淰. 吉列豬扒底有蛋連著, 算交足貨了.主角讚歧烏冬比坊間店來得煙韌彈牙, 湯底也濃香.心情不算太壞……因為習慣了?!

M travel 40 mins to make it to AMP to have dinner with me We waited 40 mins to have dinner at this place, everywhere is so full...We ordered:Chicken N Egg Rice* this rice has 20 different kind, quite special* but this rice comes without sauce? after you finish the chicken and egg, it's quite dry to keep eating the rice alone...* the chicken is tender and smooth, yummy* the egg is not a lot, more egg for the rice might make it more moist* overall beside dryness of the rice, its' quite specialBee