發哥粥底海鮮火鍋 (已結業)

今日去大圍搵朋友，知道附近有一間酒樓，叫逸翠軒，係好出名食粥底火鍋。同事亦都知道佢性價比超高，三百蚊嘅價錢，有一大套海鮮餐，同埋好多嘅火鍋配料，再加埋汽水、竹蓆茅根水任飲。喺大圍落車之後，需要轉乘巴士坐幾分鐘，入去顯徑。酒樓環境好大，坐得好舒服，最緊要係經理好好，佢知道我哋係第一次食粥底火鍋，所以都好細心咁樣同我地講解究竟應該要點樣食。我哋叫咗海鮮餐，裏面有龍蝦、亦都有鮑魚，仲有其他海鮮，非常豐富。粥底火鍋嘅湯底。淥清甜嘅鮮鮑魚。佢仲有得俾你揀食冰鎮鮑魚，鮮甜爽口亦都好有鮮味。叫到成枱都係食物平時我哋好驚打邊爐會將啲食物錄得太耐，因而變得唔好食。呢度佢仲會建議埋每一樣野要煮嘅時間，咁就可以保持住食物嘅質素。打邊爐期間，佢哋仲會贈送蟲草花雞腳燉湯，鮮甜，滋陰補腎，滋補養顏。佢嘅牛肉亦都非常之嫩，同甜。食到最後，佢會拎飯、粟米、芋頭，放入湯底度，然後煮一兜好靚嘅粥。

平時通常黎依度飲茶，好少食火鍋。唔講唔知依度有火鍋食。今次同朋友黎試粥底火鍋，首先店員會比前菜同湯，湯十分足料！以前從來都未食過粥底火鍋，原來係幾好味！粥底，顧名思義就係粥水湯底粥水。一開始心諗點會好食架咪姐係好似普通水咁，咁咪無味？！但原來係有米香, 令海鮮好鮮甜依間餐廳可以自選八款配料, 其實份量已經好足夠, 想任食可以叫雞煲~(另外見到有小菜食, 好似都唔錯, 有機會黎試試~)海鮮都算足料, 份量算多, 而且新鮮, 另外d牛肉勁大塊, 食果陣無咩雪味。其他都ok, 無咩特別, 但唔會難食~食完配料之後我地叫店員拎粥黎放入鍋入面, 瞬間就變左海鮮粥。保留左岩岩海鮮同所有配料的味道, 就算唔落鹽一樣都夠味, 清清地幾鮮甜。

香港地真係好幸福 周圍都有好野食 上個禮拜去完親戚屋企 發現佢樓下屋邨商場都有粥底海鮮火鍋食揀好要邊款海鮮餐同火鍋配料就先飲返碗暖笠笠既蟲草花燉雞先野飲係任飲既 除左有齊基本既忌廉可樂冰紅茶等等 仲有清熱精選既自家製竹蔗茅根 味道仲幾好飲海鮮餐每人可以揀新鮮/冰鎮鮑魚一隻 我同媽咪兩個都揀左要冰鎮海鮮餐既重頭戲當然係海鮮一人份量已經有好多小妹既龍蝦餐有半隻龍蝦, 蟶子皇, 海蝦, 鮮魚片, 仲有海蜆粥底一滾起我地就放晒d海鮮落鍋 (有instruction睇 提示唔同既海鮮要煮幾多分鐘)大部份海鮮都係5-15分鐘內就食得龍蝦多膏鮮甜海蝦就非常大隻同新鮮食完晒頭輪既海鮮盛宴已經半飽 但仲有成枱野食等住要食安格斯牛配粥底火鍋 別有一番風味呢食完晒真係飽到郁都郁唔到

朋友住顯徑村帶左我去試這間打邊爐，朋友同屋企人多數食這店雞煲同小菜多d。今次我地就試佢地嘅粥底邊爐😋中式酒樓嘅間局都好岩一大班人去食😍我地2個人食都安排到坐圓枱，唔洗好迫咁打邊爐，非常好👍🏻餐牌都有唔少選擇。我地揀左龍蝦餐。套餐有燉湯提供，醬料可以自己調配，飲品方面，我地就覺得竹蓆茅根水最好飲。因為唔太甜。粥底到左之後，就落左各式嘅海鮮，做左個湯底先😋 龍蝦都算多羔，由於貴妃蚌唔當造所以餐廳比左扇貝我地，扇貝好大隻。海鮮令到粥底更甜。鮑魚都好新鮮👍🏻仲有唔少蜆，都好鮮甜☺️配料方面，我地揀左黑豚肉🐷，一d 都唔肥，好食過普通肥牛。墨魚滑同蝦滑入面真係有墨魚同鮮蝦😍又彈牙。牛肉都唔太肥。我地仲叫左萵筍，店主切到個size 岩岩好，厚薄適中。最後店員提供粥料入面仲有粟米，南瓜同芋頭粒，個粥好綿好好味😋

天寒地凍又係打邊爐既時候! 經過朋友屋企附近叫左佢落樓打邊爐。發哥海鮮粥底火鍋, 除左有得打邊爐, 仲有小菜小炒, 基本上中式既野佢都一應俱全👍🏻同朋友揀左粥底火鍋, 除左指定既海鮮之外, 仲可以揀多8款火鍋配料。如果驚唔夠食可以揀非粥底既鍋底, 可以任飲任食(海鮮除外), 岩哂大食既朋友👍🏻同朋友揀左一份龍蝦一份蟹, 最後個粥一定超鮮甜👍🏻未開火先飲下佢既燉湯! 有杞子、龍眼肉、瘦肉同雞腳, 材料用高壓煲煮到腍哂、連雞腳骨都可以食埋。燉湯超香甜, 飲完個人非常暖😍海鮮料有多寶、海蝦、蟶子、蜆、鮑魚、元貝。蜆肉超大粒, 鮮甜彈牙;新鮮鮑魚夠大隻, 鮮甜爽口; 海蝦蟶子同元貝都較鮮, 超正👍🏻仲有一份安格斯牛, 肉質入口香腍有咬口, 可惜無得encore🙉龍蝦同蟹真係一流, 尤其係隻蟹, 超多蟹膏, 如果有人拆埋俾我食就好😌同埋呢度最好既就係有埋時間表俾你睇, 海鮮唔怕煮到老哂8款配料食完其實都覺得飽, 但無理由唔食埋個海鮮粥😋粥底煮起非常綿, 食落十級鮮甜, 用煮過海鮮既粥底再煮粥果然唔同啲👍🏻除左啤酒, 同埋呢度既飲品係任飲架!仲有自家製竹蓆茅根, 真係超抵飲, 要飲多幾揸😂😎

所謂粥底火鍋必需要材料新鮮先可以發揮到粥底最大嘅美味, 今次嚟到大圍顯徑嘅粥底火鍋, 之前已經喺佢觀塘嘅分店食過, 至於一間都一樣咁有水準. 兩個人食一個叫龍蝦餐一個叫海蟹餐, 飲品任飲, 基本上三百蚊樓下都係可以接受. 而佢哋嘅醬油, 加有爆蒜蓉簡直一流. 啲蜆同埋啲聖子新鮮冇沙, 龍蝦同埋海蟹都十分肥美, 餘下有8款菜式畀我哋揀, 推介手打墨魚滑, 仲有佢地付送嘅燉湯, 非常之好飲又入味. 因為本身這間倫哥粥底火鍋係喺酒樓入面, 地方夠大不需要等位, 姐姐服務態度亦良好. 附帶一提小小貼士, 記得一開始就煲咗啲蜆同埋蟶子先, 因為如果有沙的話可以叫佢換湯水, 及早換湯水可以留到啲鮮味到最後食到粥.

最近天氣開始凍，最適合吃熱辣辣的火鍋。粥底火鍋和普通湯底的分別，就在於湯底是粥水，較為清淡。這能凸顯配料的鮮味，所以通常粥底火鍋都會有海鮮！這裡的海鮮新鮮，足料大件，加上微微米香，味道又不像白灼這麼淡而無味！最愛象拔蚌，大件，而且煙韌，有鮮味，不錯！除了海鮮類，當然還有普通的火鍋配料！最出色就是肥牛，很大一塊，和鍋一樣長，不像廉價貨色，肥瘦適中，好吃吃完火鍋，最後可以加粥，煲成一鍋充滿海鮮鮮味的粥。粥吸滿剛剛所有配料的精華，超好吃！而且粥底還有一些小配料，有咬口，不會太齋的感覺～整體不錯，味道夠新鮮，份量不算少。環境舒適闊落，員工服務態度好好。另外這裡除了火鍋，還有小菜吃，下次要來試試！

今日趁天氣好到左大圍踩單車🚴‍♀️，朋友話涼涼地不如食打邊爐。睇到發哥係大圍有分店，緊係要試下喇😝店係位於顯徑村嘅冬菇亭位置，要由逸翠軒海鮮小廚入去。店面格局係中式酒樓，經過睇到唔少食客都有食緊小炒小菜，都幾好味咁☺️店員安排左張4人枱比我地，好闊落👍🏻睇下餐牌都有唔少選擇😆我地揀左龍蝦餐🦞店內有自助醬料吧，可以自行調醬😍仲有唔少飲品可以任飲👍🏻每枱都會有自家嘅竹蓆茅根水😊好清熱。仲有燉湯送，係響螺燉雞🤓店員好快上左我地點嘅野食🤤同個粥底。我地先煮左日本黑豚肉😍食落肉質好爽😍👍🏻大推🙌🏻之後我地再落埋，各種海鮮，當中扇貝超大隻，味道好鮮甜。龍蝦🦞都好多羔😋令到粥底更鮮🤤不得不提，佢地嘅墨魚滑同蝦滑，食落又彈牙，又鮮味👍🏻必點項目😌最後我地加埋豬肚，牛肉，魷魚，一齊煮埋個粥，粥料入面仲有粟米🌽，南瓜🎃，同芋頭😌食落個粥熱辣辣，食完成身暖哂🥰果然凍凍地打邊爐係最好😆

天氣開始涼，又係打邊爐嘅時候啦！小妹最鍾意嘅就係食粥底火鍋，因為最尾個粥真係好鮮甜好好味！今次揀咗食大圍嘅發哥粥底海鮮火鍋，我哋分別揀咗一個龍蝦餐同一個海蝦餐。每個餐本身已經配左鮑魚、多款海鮮、牛肩肉、同埋自選八款火鍋配料，嘢飲都係任飲㗎！侍應先送上前菜兩款、自家製嘅竹蔗水同埋一人一盅燉湯。前菜叫辣青瓜好入味，味道偏辣啱晒我～竹蔗水唔會太甜，用嚟下火幾好。燉湯係雞湯嚟，熱辣辣，湯頭都幾甜。冰鎮鮑魚：唔好睇到佢白晒好似冇味咁，但原來已經好入味，啲肉仲好爽脆添。正！跟住到主角海鮮啦～個餐包嘅海鮮配料都好多款㗎！可以跟住佢嘅建議食法煮海鮮。一見到啲海鮮就更加期待陣間最尾嗰個粥嘅味道啦，因為粥嘅精華就係呢啲海鮮！！蜆肉冇沙，鮮甜！鮮蝦爽口彈牙！龍蝦好多膏好大舊肉啊！！！隔住個mon又諗返起果種彈牙鮮甜嘅味，好想再食⋯⋯花蟹都有膏㗎，朋友食到舔舔脷～其他各款配料都唔錯，小妹推薦食蜂巢豆腐同冬菇，因為入晒海鮮味，超級鮮甜呀！另外日本黑豚肉同美國肥牛嘅肉味好濃，都唔錯！戲肉嚟啦～侍應係我哋食完所有配料之後加咗粥膽、南瓜粒同芋頭粒，滾左個粥就食得啦！！！唔好睇佢個樣平平無奇咁，但真係好好好好好鮮甜！！

半年後終於有件開心事，一定要食返餐好野！上網搵到呢間粥底火鍋，之前都食過佢既分店，一於試埋呢間！門面係中菜酒樓式。餐牌如下。我地兩個人叫一set 龍蝦 一set 海蟹。呢張秘笈可以幫你煮出最適合最鮮既海鮮。飲品任飲。首先黎碗靚老火湯，熱辣辣頂住檔先，邊飲邊等水滾。冰鎮鮑魚。唔好睇佢好似好dry，食落去，飽魚味濃烈，爽口彈牙，極品也。安格斯牛肩肉。係牛最好食既部位之一，睇佢肥瘦均勻，淥到少少紅紅地就放入口，效果極佳！龍蝦！你睇下面張圖，舊肉肥美到擠哂出黎，真係冇得頂！海蟹！多膏多肉，好鮮甜，材料上乘！仲有8款自選火鍋料，包你食到滿足！最後叫店員幫你加粥膽，個粥底吸收哂之前既海鮮同肉類既鮮味，可以話係真材實料，必定要食埋佢！總結黎講真係食到飽到想死，好豐盛既晚餐！

呢間位於大圍既發哥粥底海鮮火鍋，想食新鮮海鮮既可以試下。呢度既火鍋係以套餐既形式咁嗌，有龍蝦餐同蟹餐比大家簡，咁我兩個人食就各嗌咗一個餐，試晒兩款海鮮。咁隨咗呢兩樣主打之後，每人仲會有扇貝，海蝦，魚肉，蟶子等既海鮮。餐廳為咗一班好似我咁唔太識煮野食既人準備咗一個list,寫低每樣食材大約要煮幾耐時間，等我地唔會食到太生，又或者係overcook。咁樣我地先唔會浪費咗呢一d咁新鮮既海鮮。見到成大盤海鮮上到枱，即刻影完張相打個卡之後，就將主菜逐一擺落個爐到。見到d蝦仲生猛咁跳就知呢度d野新鮮，一邊食到各種海鮮既鮮甜，一邊就會係度期待緊最後個粥一定會好正。食晒之後再食多少少邊爐配料後，就叫店員準備期待已久既粥。好彩留定肚食呢個粥，果然無辜負我哋嘅期望充滿海鮮嘅鮮甜味道，十分正！建意多啲人一齊嚟食同一個粥底用更多海鮮黎煮一定仲好食。

好耐之前喺九龍灣食過發個呢一間打邊爐，居然喺大圍度我見到佢嘅分店，天氣又涼涼地所以呢就同朋友食呢一間火鍋店啦！記得之前好好食㗎^ _ ^前菜就有青瓜同埋花生，青瓜就辣辣地嘅花生呢就卜卜脆。仲有時令燉湯一盅，好有住家湯嘅味道💕叫左龍蝦海鮮火鍋粥底餐。海鮮好豐富有八款。有生猛嘅龍蝦，仲彈下彈下㗎！都幾多肉下。冰鎮鮑魚我就第一次食，整得幾香👍另外仲有海蝦，海蝦勁新鮮，爽口！仲有幾款就係蟶子皇、貴妃蚌、黃金蜆、時令貝紅多寶魚，的確係幾新鮮好食㗎😍仲有安格斯牛肩肉，牛味好重，非常好食！海鮮套餐之外我哋仲可以揀八款嘅配料，真係有選擇困難症啊揀咗好耐先揀到，因為佢嘅選擇有好多！肉類就揀咗日本黑豚肉、美國肥牛，賣相都唔錯食落都OK。另外仲有芝士腸、自家製雲吞兩粒、魷魚鬚、自家製墨魚滑。最後再食埋娃娃菜同竹笙，飽到上心口啊！食完之後我哋就食粥底，粥有粟米同埋芋頭啲粥吸哂岩先海鮮嘅精華，幾鮮甜！嘢飲任飲，個人比較鍾意飲竹蔗水，因為清熱解毒，絕對係打邊爐嘅不二之選哈哈！最後要讚嘅係佢嘅服務態度好好，侍應成日都好關注我哋嘅需要，我要俾返個like佢👍有自助拎配料嘅地方同埋拎嘢飲嘅地方。

今日去大圍探朋友，天氣轉涼，一於打邊爐，見到有間酒樓有超正嘅海鮮食，啱曬我地。我地叫左龍蝦餐，食材豐富！開胃小菜有涼菜兩小碟，花生香脆，青瓜醒胃，另外時令燉湯一盅，足料好飲，好暖胃每位有半隻龍蝦 🦞勁生猛，食落果然好鮮甜彈牙。冰鎮鮑魚唔錯喎，大大隻鮑魚冰鎮凍食好有驚喜，鮮嫩爽口，口感清新😝呢個餐包左勁多海鮮，有爽甜蟶子皇、彈牙貴妃蚌、啖啖肉鮮嫩多寶魚、黃金蜆、時令貝，我最鍾意就係海蝦，勁新鮮，好甜美，想食一打❤️❤️而到肉類，安格斯牛肩肉係指定菜式，係正嘅，肉味濃郁，口感腍嫩😋😋呢個餐仲有八款火鍋配料，我地揀左日本黑豚片三片、美國肥牛三片、芝士腸三條、自家製雲吞兩粒、魷魚鬚、娃娃菜、竹笙、自家製墨魚滑🤤我最鍾意自家製雲吞，入邊有原隻鮮蝦，勁大粒，好味！竹笙攞嚟點醬汁食就一流啦😝墨魚滑都唔錯，幾彈牙可口☺️打完邊路仲可以整返煲粥，有粟米同埋芋頭，如果想要蔥，可以去自助調味料位置取。攞返頭先打邊爐嘅湯底煲粥，粥就可以吸收晒海鮮嘅鮮味。呢度仲有竹蔗水同埋各款汽水任飲，加上服務一流，值得一試！

原來顯徑都有粥底火鍋食架！住顯徑嘅朋友仔記得去試吓今次要同大家介紹翠逸軒發哥粥底海鮮火鍋，今次就係同朋友兩個人去食，一人帶咗一個餐！就係帶咗龍蝦餐，同埋海蟹餐！配料就嗌左美國肥牛，新鮮豬紅，海蝦，唐生菜。前菜方面，餐廳會預備青瓜，同埋花生。青瓜係辣辣地，好開胃。另外仲有一碗例湯，不過唔記得左叫咩名！哈哈一開始，餐廳會準備一煲粥水，記得煲滾左之後先落料！溫馨提示記得跟足餐廳提供嘅建議食法煮，識食就梗係落晒啲海鮮先啦！海蟹蟹肉鮮甜，仲要幾多肉，點少少豉油食，啱啱好！龍蝦就好彈牙，仲要好香！真係不錯不錯！食完我最鍾意嘅海鮮，就梗食返啲生菜！生菜吸收左湯底嘅味道！有少少海鮮味！幾特別！然後到海蝦，好新鮮，仲要幾大隻，咬落去又係啖啖肉！食完啲餸之後，就可以係侍應幫你加粥，煲到滾就可以食㗎啦嘢飲方面係任飲㗎！有好多唔同嘅汽水，果汁，任君選擇 ！

呢間火鍋店係新開張住附近既朋友介紹，呢日咁岩係大圍附近收工就去試下，呢到地方好大，不過主要做街坊生意，大家一路食一路傾下計呢間主要食海鮮火鍋，不過都可以食雞煲，我同朋友一個簡左龍蝦餐一個簡左花蟹，試下佢夠唔夠新鮮海鮮餐包左8款海鮮同8款其他小食，所以一定夠晒食！肥牛啲花紋好靚，食落都好有牛味，唔錯！另外仲叫左打邊爐我必食既豬紅，數量都唔少架好快就擺滿晒成張枱呢到仲有啲比較特別既例如粉腸、准山，我地都有叫黎試下，幾好食終於黎到重頭戲既海鮮啦，海鮮黎到既時候仲識郁，好新鮮！不過我地去到果時蟶子賣晒，老闆就加多左兩粒扇貝比我地海鮮好鮮甜好大隻，種類又多，正啊食完海鮮之後湯底已經有好濃既海鮮味，呢個時侯就可以煮粥食。店員會幫你倒走少少水先，再加左南瓜、粟米同芋頭，甜甜地好好食😋呢到環境幾舒服價錢又唔會好貴，有機會再黎食