碗碗香 (已結業)

我同朋友黎到依間餐廳食午餐，第一次黎依間餐廳試下，依道專賣貴州牛肉粉，依道可揀唔辣或bb 辣，少辣，中辣，大辣，我地就叫左一碗唔辣一碗少辣。老板推薦苦丁茶，我地就叫左一杯熱一杯凍既苦丁茶。野食好快就黎到，第一印象系好大碗! 粉口感煙韌，爽口，熟度均勻，比平時既粉好食好多! 至於湯底, 少油不膩，有清甜既牛肉味，辣味黎自麻籽，我既最愛，飲湯感覺舒服，唔會覺得太鹹。牛肉可謂極品，好軟口，重牛肉味。苦丁茶我比較傾向要凍既，苦苦甘甘既味道可以幫助解辣。份量十足，我地食完都覺得好飽。個人認為依道既紅燒牛肉粉系我食過最好食既，好值得試!! 依家舖頭不算大，餐廳規模唔大，但質素好可能比出面所謂名店賣既牛肉粉更好，價錢亦更相宜。推薦!!

有時周末經過好幾次，每次都幾多人。但见到冇乜装修，所以一直冇試。最近突然见到網上有很多好評，好啦，weekend 就和老公去试试。那天我叫了个牛杂汤加粉，他叫了个红烧牛肉粉。两碗汤都很大碗，适合喜欢喝汤的人。红烧牛肉粉，肉很香，汤看起来很清但浓，有点五香粉的味道。我不是贵阳人所以不知是否地道，但味道就很大陆，我想应该是地道的。个粉是贵阳来的，像发了的面线，但口感QQ, 很特别，几好食。我的牛杂汤有牛根，牛展，牛肚，是没有肺，肠的。汤牛味较浓，但就没有红烧五香粉味。过了几天，我又去食，今次自己一个。叫了红烧牛肉粉，但这次比较失望。汤面有一层1cm 的油，我心想果然地道。我要了一个小碗了一整碗油，吃剩1/3碗，实在太油。结论，我不会自己要求再去。怕了。

餐廳裝修簡單, 地方比較細。雖然座位有點擠迫, 但明白銅鑼灣租金昂貴, 在所難免。餐廳選擇唔算好多, 主打貴州米粉, 我地決定試一試!紅油牛肉粉 $58 我地叫左小辣, 湯底加左貴州地道辣椒, 麻辣味適中! 湯底用左牛骨, 豬骨, 鮮雞熬成三骨原湯, 所以湯底鮮甜美味! 加埋自家製酸菜, 爽口開胃!牛肉係上等牛展, 筋同肉嘅比例平均, 咬落一啲都唔硬, 肉味濃郁, 好味道!貴州米粉係好似好粗身既米線, 口感比起米線爽滑, 唔易斷, 又唔會太淋, 好彈牙又獨特!紅燒牛肉粉 $58湯底用左牛骨, 豬骨, 鮮雞熬成三骨原湯, 所以湯底鮮甜美味! 加埋自家製酸菜, 爽口開胃!牛肉係上等牛展, 筋同肉嘅比例平均, 咬落一啲都唔硬, 肉味濃郁, 好味道!貴州米粉係好似好粗身既米線, 口感比起米線爽滑, 唔易斷, 又唔會太淋, 好彈牙又獨特!同紅油牛肉粉一樣, 只係唔辣!苦丁茶 $9苦丁茶好解辣, 回甘味久久不散! 有降血脂, 降血壓同降血糖功效, 非常健康!

一直都覺得大陸出品嘅麵好好食，估唔到係香港都可以食到。呢間店舖面積唔大，我哋揀咗個角落坐低。今日食嘅係貴州粉，其實冇聽過貴州呢個地方，真係第一次試。男友人叫咗個紅油牛肉粉，小辣，食落有啲麻，原來仲有隻bb辣，店家話係任何人都食到嘅辣，湯底加左花椒，所以會有麻香，用上等大紅袍精細磨製成花椒粉，有散寒，健脾同埋促進食慾嘅功效，估唔到食一碗普通嘅牛肉粉可以有咁健康嘅效果！我就試咗紅燒牛肉粉，呢個係唔辣嘅，邊個湯係用上等嘅豬骨加鮮雞做湯底，再加埋新鮮嘅牛骨，就係三骨原湯啦，呢個湯絕對冇味精，味道好濃郁，我都幾乎飲晒個湯底，飲完覺得好生津！兩碗牛肉粉都有泡菜做配料，其實即係酸菜，味道好清爽又酸脆多汁 ，好開胃！至於啲牛肉係上等牛展，筋同肉嘅比例都好均稱，咬落一啲都唔硬，好好味！而碗麵嘅精髓貴州粉係無添加，冇色素又冇味精，要煮幾個鐘，口感爽滑，唔易斷，又唔會太淋，夾起上黎好有彈性！最後每人叫左杯苦丁茶，店家話係解辣良品，飲完回甘嘅感覺久久不散，功效可以降血脂，降血壓同降血糖，非常健康。

今日係六四，又咁啱行經銅鑼灣，想食下呢間之前收藏左嘅貴州餐廳。入門口就聞到陣大陸辣，流晒口水。我地食左老闆推介嘅紅油牛肉粉，同埋清湯牛肉粉。老闆係一個好好客嘅人，不斷介紹菜式。從來冇食過貴陽粉，今日先認識。見到有幾多大陸人嚟食，我諗原來所謂嘅地道應該係咁。關於貴陽粉，老闆話每十天就會由貴州新鮮運到。粗度比烏冬幼少少，米線粗。質感方面，感覺就像粗米線但不算太彈牙的口感，需要多嘴嚼較易消化，可是不太掛湯所以用湯匙伴湯吃較好。⬇️湯底非常出色，清湯牛肉粉嘅湯底好清好甜，飲極都唔會口渴，好高質素。喝得出是牛骨熬出來的！配上貴陽粉一起吃很夾。清湯牛肉粉上有兩種唔同嘅牛肉，一種係白灼牛展，一個係紅燒牛展。我自己比較喜歡白灼牛展，每塊都有牛味同埋很有口感。紅燒牛展就炆得好琳好入味，但份量頗多，食得多會感覺很滯。⬇️紅油牛肉粉，我們叫了小辣，但食唔到辣的朋友，千祈不要那小辣。我是食得辣的人都覺得很辣。個人認為辣得的確過癮，可是湯上的紅油，卻令人食唔到原來湯底的鮮味，有點可惜。另外我們也試了老闆推介的苦丁茶，原來真的解辣回甘，似乎比牛奶更有效。老闆誇口喝完十五分鐘甘味還會在嘴裏盪漾，真的沒有誇張。整體上很滿

小店面积不大，略微挤迫，但丝毫不影响我们感受贵州美味。各种小餐粉面也有饭餐供应，苦丁茶十分有特色，微涩回甜，清凉解暑。也试过店家奶茶柠檬茶，分量足口感爽滑。辣鸡也是精品，外焦香内软糯。口水鸡分量大，皮肉口感都很令人回味。总之，是一个非常值得去尝试的，以一个贵州人所推荐代表贵州牛肉粉很高水准的小店~

我地一班學生 成日鍾意過黎碗碗香食嘢 最緊要係個老闆人超級nice 次次過黎食仲送埋好多嘢添！喺呢度好似有家嘅感覺一樣。我都係要推薦返 口水雞 同埋 清湯牛肉粉 呢兩樣嘢係我嘅至愛！同埋 呢度同樣嘅價錢喺呢度食到嘅嘢我覺得豐盛d!😄

放假接肥髀放學，先去食個late lunch，呢間川貴粉都一直想試，不過肥髀唔啱食，今日一人食剛好！去到方木桌椅，光猛乾淨，店內無其他客人，男店員好熱情招呼，一路講解自家嘅麵點正宗，有乜特別！大家傾下偈，食物好快到貴味雞絲涼皮（$68）BB辣，賣相幾好，撈勻啲汁，粉皮大大塊好彈牙（我小心撈時，男店員叫我放心，佢嘅粉皮好彈牙唔易斷咁話）索咗啲酸辣汁（BB辣剛剛好）加上配料爽脆（青瓜🥒、蘿蔔絲🥕、花生🥜、雞絲唔嚡）好好味！苦丁茶（$9）男店員介紹會苦，但食完辣飲會有陣甜味！我食到個咀有啲辣時飲，夠凍，第一下係甘苦嘅，好快就變得有陣甘甜味（好神奇嘅感覺🤪）解辣一流！再加個外賣：貴味玫瑰冰粉（$36/9折咗）發泡膠碗包裝，搭一程巴士就漏水，返到家換過個碗，再雪凍之後當甜品食，粉紅色湯有啫喱狀冰粉，仲有玫瑰花瓣🌹，另外仲有一包乾果可以加落去，肥髀唔加，冰粉彈牙嫩滑，糖水清甜，不過我唔喜歡啲玫瑰花瓣🌹阻住食！過程都只得我一個客（有外賣單）男店員會同我傾偈，我加外賣仲同我分單計平啲（因為加單無折）廚師姨姨又會出來問下好唔好食！好家庭感覺！可以再encore嘅店

最近的天氣非常熱，對白飯完全感到沒有任何食欲。因此這次決定到訪位於銅鑼灣的主打適合香港人的麵館，也帶着半好奇的心態嘗試當中的食物。首先從麵館的環境而然，帶有令人感到休閑的感覺。設計以樸素為主。而且店主準備的食品也很花心思，完美展現出店鋪的理念。家的感覺 在店鋪中 享用了雞塊面和口水雞 以及嘗試了店鋪的自家製飲料 苦丁茶 味道也令人感到很意外。 有助清熱解渴，實在令人愛上這飲料。然後從主食方面 ，我認為當中的麵質爽口彈牙,配上碗中的雞肉。實在是最佳的組合，不用花10分鐘 不經不覺間已把碗中的食品清光。然後我也食了其中一款小菜 口水雞 當中的醬汁也很有特色，給人一種自家製的感覺。 經過這餐後，也令人有種想重覆再嘗試的感覺！

同朋友見到佢新開，大家又鍾意食辣，就試下。舖位近希慎廣場，算方便。店內環境乾淨，偏細間。服務態度幾好，會推薦同介紹特色食品（貴陽粉）俾客。我地兩個人嗌左一碗紅油牛肉粉、一碗紅燒牛肉粉同埋苦丁茶凍熱各一杯。店舖幾貼心，有得揀走/多蔥、蒜、花生、油等等等等唔同配料。上菜速度快，幾分鐘左右就上哂（當時冇乜客）。碗紅油牛肉粉，嗌左小辣，但係都幾辣，如果唔食得辣，建議嗌返BB辣。兩碗粉湯底都濃郁有牛味，粉係貴陽粉，質感黏韌，似係烏冬同米線既合體，值得一試。因為我鍾意食啲煙韌野所以都幾鍾意呢個粉，但係應該係鋪頭特有嘅，係喺貴陽黎，所以唔知邊度可以買到牛肉選用上等嫩滑牛展。一碗粉，份量足，所以我地冇嗌小食。杯嘢飲係苦丁茶，飲落少少苦，冇咩特別，不過店員就話我地知係特別解辣，我地又冇特別覺得解辣。但如果有興趣嘅朋友都可以試吓飲，因為比較少地方有～

係中央圖書館附近有一間麵線館叫碗碗香，喺店門口都已經好有feel，同一般既唔同，佢入面既裝修擺設都幾特別( *｀ω´)我嗌左小辣嘅牛肉麵線飲凍嘅苦丁茶！一上菜見到個碗咁大都有d嚇親，完全估唔到份量咁多(///▽///)湯底好惹味而且好開胃，小辣絕對推薦(｡ì _ í｡)，牛肉好香好啊而且好容易入口，麵線方面同街出邊食嘅不同，佢一間係比較粗同埋比較有咬口♪(´ε｀ )，我都係第一次食咁特別嘅麵線，每一啖麵線加上啲湯真係食到冇停口，好過癮！其實我都係第一次飲苦丁茶，聽個名以為係苦嘅(///▽///)但原來係飲落去甘甘地跟住有啲甜，好得意既味道，但好清新，而且好解辣，大大杯絕對夠飲！成個餐都好抵食，大件夾扺食！

今日約咗朋友去一間叫碗碗香的小館，睇店舖個名好特別，原來係食貴州(貴陽)菜，叫了兩碗麵及幾款小食，香港真是一個福地，甚麼菜式都可以好方便咁食到。既然店名叫得碗碗香，每一碗麵都色香味俱全。貴味木耳， 睇下幾大碟都係$38 認真抵食•紅燒牛肉粉$58及清湯牛肉粉$58，(比較似雲南米線)，牛肉味出，湯底清甜，蔥花亦夠新鮮。第一次食貴陽玫瑰冰粉$38，不是太甜，好特別的口感。餐牌設計卡通化，亦簡單易明。埋單共計200多元，包括自選小食、甜品及飲品，在銅鑼灣來說也相當經濟實惠。

想去誠品搵書，但點都搵下食先！去到加路連山道行下行下，見呢間貴州菜幾特別，於是試下！同老闆傾咗兩句，原來佢嘅貴州人老婆係主廚之外，之前仲要做過達官們的廚師，即刻想試下佢手勢！老闆推薦咗牛肉粉、口水雞，仲有甜品玫瑰冰粉！聽講呢到啲辣唔講得少，驚驚嘅我叫咗小辣試試先！牛展好入味，甜甜辣辣咁好開胃！但最有驚喜係個麵，麵質幾特別，唔係米線又唔似米粉，好滑身但又有咬口，原來係「貴洲直送」米粉，有啲異國風味！至於辣度我個人接受到小辣，而且個湯花椒味都幾重，唔係嗰種單一辣味，幾有層次。至於玫瑰冰粉就好似涼粉，不過就透明嘅！甜甜地凍凍地，食辣嘢配佢就啱哂！老婆話佢應該有加玫瑰露喺入面，不過我就唔係幾食得出XD最後老闆介紹咗一個特色飲品苦丁茶，話解辣一流，飲一啖確係解辣，但苦味真係幾重！原來佢係號稱地上最苦嘅茶，雖然回甘都幾好味，不過唔係人人接受到苦！所以叫之前真係要諗清楚先，唔怕苦確係可以一試！

銅鑼灣加路連山道附近有好多食肆，質素唔錯又抵食嘅小店～ 今次又去尋寶，發現有間新開嘅餐廳「碗碗香」，係食貴陽粉的，係香港好少可以食到，都幾特別，決定入去試吓～ 一坐低，老闆就介紹佢哋嘅招牌牛肉貴陽粉，當然要試一試啦～ 清湯牛肉粉 $58老闆話貴陽粉佢哋揀咗5、60款，先揀到呢種咁特別嘅粉，口感特別爽口彈牙，而且湯底係用牛骨、豬骨、同雞煲成，完全冇味精，濃郁鮮味，飲幾多都唔怕😝 而且牛肉都非常好味😍 有口感，肉質諗，有𡁻口，而且牛肉味香濃，完全食得出係用心製作而成👍🏻紅油牛肉粉 $58湯底大同小異，都係用豬牛雞煲成嘅湯，粉亦都係爽口嘅貴陽粉，加左紅油，可以選擇不同嘅辣度，我揀咗小辣，因為唔想搶走本身湯同牛嘅鮮味，依碗牛肉粉用嘅牛肉係牛肉粒，我覺得更加好味😍😋👍🏻 首先肉質亦係非常腍，都係非常入味，真係好正👍🏻 食唔停口😋貴味口水雞 $60老闆話呢款係正宗味道嘅口水雞，雞嘅份量都幾多，肉好嫩滑，食之前要將紅油再次淋上雞面，味道甜甜辣辣，非常好味👍🏻 我連底下嘅青瓜絲同紅蘿蔔絲都唔放過，食清光😝非常推介😋貴陽玫瑰冰粉 $38好特別嘅一款甜品，真係第一次食~ 玫瑰味嘅啫喱，有玫瑰花瓣，糖水淡淡

Happy Friday Night 梗係要出街食飯鬆下，喺銅鑼灣想搵個地方食飯，最好不過當然係加路連山道，因為呢頭有好多隱藏嘅特式小店！ 今晚想食碗粉，見到開咗間貴州牛肉粉嘅，一於試下～Order咗兩個，有辣有唔辣！紅燒牛肉粉雖然係清湯，但湯頭清甜，聽老闆講佢地每朝早用大量嘅牛肉、豬骨同雞新鮮煲，配上口感軟熟嘅粒粒牛，仲有口感Q彈同好滑身嘅貴州米粉，真係好好味👍🏻👍🏻👍🏻紅油牛肉粉清湯配上濃濃嘅辣紅油，香味不錯，小辣對我嚟講辣度剛剛好，辣油同貴州米粉好夾，不錯不錯！口水雞偏辣，份量有點少，但雞件夠滑，麻味十足，味濃，係好味嘅～但係對唔到辣嘅朋友就未必食到。老闆同員工都好熱情同有善，但坐位有點迫，只能夠快食，不宜坐太耐。整體嚟講，味道都不錯，米粉口感特別，湯底清甜，小店確係有誠意，值得回頭再吃👍🏻👍🏻👍🏻