福和雍

營業中

休息中

服務真的很差，我平日12:00去到，叫咗幾樣點心，居然12:30就問我仲有冇點心要叫，要last order，我同佢講我先食咗30分鐘，有乜理由咁快要last order, 跟住佢就轉口風話整點心需要時間，如果係嘅可以落咗先，講真嗰度啲點心價錢同好多高級食肆差唔多，佢啲點心一啲都唔平，中點$68，大點$88， 茶錢$40一位，環境又唔係特別好，喺大堂lobby間個位出嚟做餐廳，正常嗰個位攞嚟開間Starbucks就差唔多，茶餐廳都冇咁趕客啦雖然點心質素是好吃的，真心不錯，可惜呢個價錢真係有大把選擇。

諗住呀爸呀媽鍾意食中菜突登卜左呢間試一試先講食物，都係一般中式點心質素的確係唔錯份量你唔係大食係夠飽金錢肚係爽口彈牙的，亦都唔會太油膩燒賣份量足，有肉香肉質無梅的感覺一個類似雞包的點心就無乜特別叉燒包個包做到外脆內軟，外面加的糖粉同入面的叉燒好夾蝦餃都好食重點係服務唔得一黎已覺得唔夠侍應一班人係reception度等但係無人招呼總共落左一次單，食完幾款點心後之後發現有兩樣點心無黎催左4次去到要發火先至真係同你追單第四次先話漏左單，都已經過左一個鐘諗住唔食同佢講左取消，話完幫我地取消，突然轉頭又攞左兩樣點心上黎，有一樣點心仲要上錯左食到一肚氣埋單發覺張單又係錯的，又要改人均200-300蚊一位，俾呢個質素的服務大家自己衡量下值唔值得去食啦

飲茶時間限定一個半鐘以依個價錢食物講真一般Book枱時候冇講限住個半鐘入去查嗰陣時又冇講食物質素 非常非常普通喺中環大把選擇絕對可以唔使考慮呢一間第一次飲茶遇到啲夥計會趕客人走員工態度差，我們去的時候沒有講定進餐時間有限時。等了一會後我又去問了一下接待員，說有兩個位置嗎，坐了十多分鐘，才有人拿來菜單，講話比較粗魯，態度不好，連冰室餐服務員的態度都要比這裏好，這裏服務水平真是太差了。尤其是其中一個服務員，態度差，還很傲慢，服務沒有達到一般標準，很失望。

中環飲茶有一個共通點，就是價錢會相比其他區貴。這是正常的，畢竟中環就是一個商業核心，租金已經遠高其他區。這家其實是位於商廈中庭，由於外面找不到招牌的，而且位置又是在商廈的二樓。因此，相比客人會比較少。這是正好適合喜歡較靜環境的人士。餐店可提供訂座服務，但不訂座其實也沒所謂的。環境比較寬敞，適合身型健碩也沒問題。酒樓格調是營造懷舊本地路線，不少擺設都是為了配合主題而設。與一般酒樓不同，他們提供的茶水不是一般的普通酒樓的普洱、壽眉、鐵觀音那些，而是另類的選擇 (所以茶錢也較貴，要$40一位)。點了酒樓必有的蝦餃，還有酥皮焗叉燒餐包、春卷、豉汁排骨蒸飯以及芝麻糕。蝦餃($68)是超水準的，可以吃得出蝦肉十分結實，非一般行貨，當然要與廣州相比亦有距離的。鮮蝦春卷($68)外皮非常脆口，點喼汁一流。酥皮焗叉燒餐包($68)亦要必試，酥皮焗得十分鬆化，內裡的叉燒份量亦足夠。然後是豉汁排骨蒸飯($128)，與其他蒸飯相比，份量較多。但吃得出是用脢頭肉來，而且必需贊歎其飯的煙軔度完全完美，恐怕不是普通的飯煲所做到，雖然價錢略貴，但卻十分值得推薦。最後是芝麻糕($48)，完全是滿滿的黑芝麻，甚至可以說是

福和雍的賣點有三：粵東磁廠磁具、優質靚茶、前福臨門點心師傅坐陣。當中以粵東磁廠最有故事性：成立於1928年，是本港第一間手繪磁廠，受惠於廣東彩磁師傅南下，帶來技術，亦見證了七、八十年代香港工業最煇煌、出口龐大的盛世。可惜隨著八十年代中國經濟改革，加上香港土地、勞工成本上升，其他磁廠不是北遷就是結業，剩下粵東磁廠仍留守香港，逆境求存，由創辦人的第三代在九龍灣廠廈繼續生産。我哋呢D土生土長既香港人，經歴過香港既盛世，睇住香港工業式微。家陣最熱門既話題除左Mirror 之外，就係討論「留」或「不留」，或者話阿邊個邊個已經去咗米字國/楓葉國啦⋯⋯粵東磁廠既「身世」，你話系咪同香港人命運相連吖！所以，老實講，我去福和雍，主要系因為被粵磁的故事所吸引。去到果然無令我失望！全套磁具清淡雅緻，低調脫俗，有別於一些五星級酒店中菜廰既餐具既華麗風格，突顕茶館所塑造的「港式優雅」風格。見到碟底印有「粵東磁廠（made in) Hong Kong 」字樣，全港磁具，只此一家，真係有d感動！方型的茶壺加竹手柄，造型別致，襯托埋同色系的餐牌，封面展示香港上世紀初的城市面貌及本地人的生活。食點心之餘仲上埋香港歷史課

『回到東西文化交匯的起點，以傳統精緻的點心茶藝作為初心，重現始於洋行買辦時代的港式優雅。』⁡平時食Lunch幾乎日日經過呢間充滿清代氣氛的茶樓，估唔到禮拜日的下午依然座無虛席。座位之間以高椅背相隔，私隱度十足。點心師傅黃志生係前福臨門老師傅，手藝十分了得，尤其欣賞佢的蒸點同焗點。⁡我自己最鍾意係下午茶盒的🥢桂花糕，茶香同桂花香味撲鼻宜人呢。🥢素菜餃也是招牌點心之一，皮薄帶韌即便是素菜亦十分惹味口感豐富。而🥢八頭鮑魚酥多汁彈牙，酥皮香脆可口。————————————————————►下午茶盒 (HKD180) │ 3/5//蝦多士//黃橋燒餅//咖喱春卷紅綾酥//黃綾酥//棋子餅豆沙芋棗//椰汁糕//鳳凰單叢桂花糕✨//精選茗茶 - 強烈推薦鳳凰單叢哦！⁡►單點點心//素菜餃 (HKD48)//八頭鮑魚酥 (HKD168)//酥皮焗餐包 (HKD68) //XO醬炒腸粉 (HKD128) //北菇燒賣 (HKD48) //蝦餃 (HKD68)

不需要排長龍但又可以食到好味又精緻的點心！是有些貴不過勝在不需要等，服務好！地方有點細，最好2-4個人食。 因為地點在中庭所以還滿吵的，如果環境安靜些，會更加分，氣氛會更優雅。

如果想坐sofa 位最好book左位先。 今日有有幾種茶都無，本身仲想試茉莉花茶雖然野食唔多選擇但野食好食服務好環景都好。餐廳主要係古典風，同埋其實唔算好多位，唔會好嘈同有私人空間。sofa 位夠哂大，我地3個人坐剩超多位。最緊要係唔會催人走。要提提大家餐廳係無切餅服務，所以如果要慶祝生日食蛋糕既話可能要諗諗推介要試雪山叉燒包打卡必到

中環，福和雍。我是去错了。這是名媛去的。我這種大叔是不會喜歡的。本來我聽它名字，以爲會带些頹廢的清末風情。誤會了。茶淡到無可再淡。我要的是牡丹。等於壽眉。很淡，可能要多泡些時候會好些。但服務員過於敫勤，不斷來加水。我制止了三次，最後還是一不留神被他們加了。點心是不錯。不過有如吃空氣。吃十碟都唔會食飽。適合女士多些。Anyway, 這餐廳頗雅致，有特色，爲中環財金俊彥多添一個選擇。

嗜點阿婆又點燈，本來點高竇貓兒～彤福軒，佢唔彩我，我咪來邂逅這位混血兒。 上此處由1/f漢堡包店行一條樓梯，或在娛樂行側上幾级才有升降機到達，我老當益壯無問題。 吊扇，藤椅 ，给舆休閑感覺，白色雲石枱，皮梳化，皆有線條順滑圓潤木邊襯托， 提升兩者高格設計，再配白色英式牆，綠色植物，青花磁器，整套外貌，令我想起當年畢打行China tee club。 我們2時幾到達，侍應安排坐門口位，但中心點好多吉位，要求轉位，都在同區梳化位，跟住有6位客人坐我隔離枱，有的壓迫感，咁點休閒。 侍應遞上茶牌，介紹2種普洱-六堡鄉及布朗山，特色及益處寫在牌上，曾加知識，讓我扮作茶馬古道商旅。茶價每位$40,聞其香，品其質，真係黑茶，墨汁的黑，但一有機會就要求侍應加水溝淡，嚐過後，都係喜歡香宮，夏宮，欣圖軒，嘉麟樓 ……普洱清清幽香。品茗，點可以無一套典雅茶具，來提升品味，優雅享受，此套青花茶具，拿上手順滑，增添茶順滑，花纹清晰，顏色潤澤光亮，愛不惜手外,還吸睛，看慣萬歷及康熙大美人，轉看清纯小花，另一翻風味，此乃粵東磁廠出品，從而探索其歷史，引申海上絲绸之路，中國磁器通往歐州歷程。 入主題，先來撚手韮菜蟹肉

因為家中法國人好喜歡食點心, 而我自己對點心係極度咀刁嘅關係, 我哋食過好多香港同澳門出色、高質又高檔嘅點心, 例如明閣、The Eight、Mott32之類, 但呢一間新開嘅福和雍都依然令我有驚喜❤️呢度嘅地點位於中環心臟地帶嘅娛樂行, 無敵方便; 裝潢方面, 行緊兩層樓上嚟嘅時候諗, 咦, 高檔點心嚟講, 環境好似幾open 咁喎? 但一入到餐廳坐低, 又突然覺得好似坐咗喺一個古典嘅境地, 感覺好特別, 有一種別有洞天嘅感覺。呢一間福和雍據聞係名人飯堂廚師班底製作點心, 所以我哋第一次嚟就兩個人一次過試咗超越我哋二人份量嘅點心, 包括平時叫開嘅蝦餃、燒賣、明蝦閣, 仲有老闆推介嘅鳳眼餃、韭菜炸蟹盒、蘿蔔絲酥餅、鵲巢黃金蛋、蛋黃千層榚同芝麻榚。點樣釐定一間點心高與低質, 我自己有古怪嘅一套理論, 首先睇水晶皮, 係唔係少少恰到好處嘅彈牙, 當你咬一個點心, 佢係唔係喺一個啱嘅timing去爆開; 之後d 餡係唔係有層次嘅咬感與口感, 相信呢個同蝦嘅質素同蝦滑/豬肉滑嘅手工有莫大關連; 另外係味道, 係唔係到位, 好重要係香味有冇驚喜, 例如, 咦? 佢落咗d 咩呢?? 呢d 係叫驚喜;

知道中環娛樂行新開咗間好優雅嘅點心茶館「福和雍」今日碰碰運氣試吓訂位，好彩哋有位喎 😚踏入茶館恍如置身五、六十年代嘅香港有錢人高尚大宅內，茶館以中式青花瓷嘅藍白色做主導，套用在咭片、餐牌、茶壺、茶杯、口罩紙套上，再配襯大量綠色植物，風雅。從網上資料知道茶館是為了傳承當年「洋行買辦」嘅文化精神，透過高品質茶葉再配上傳統點心，為客人帶來優雅茶藝體驗。茶館提供十款高級茶葉選擇，當中有經常飲用嘅黑茶、紅茶、白茶及烏龍茶。而最頂級係大吉嶺紅茶始祖，產自福建武夷山嘅正山小種 $120/位，所以一定要用時間細心去品嚐 🍵。茶館所有點心都由前福臨門老師傅，國福樓點心部主管黃志生師傅親自主理。 而我哋今日叫咗⋯⋯⋯⋯燒賣 $48鳳眼餃 $48鹹水角 $48雞絲蝦春卷 $48北菇棉花雞 $68蛋黃千層糕 $68每件有一小片冬菇在面，內𥚃不單止有蝦、豬肉，更有肥豬肉粒，非常傳統、精緻、好味。帶子鋪面，餃子造成眼睛形狀，貼題「鳳眼」𥚃面有豆苗及蝦肉，帶子新鮮，豆苗多過蝦肉好多，但反覺清爽，喜歡。鹹水角、春卷初上檯時，熱辣非常，鬆脆但毫無油膩感覺，與友人一邊食一邊吹水，差不多過了一句鐘，兩款炸物依然可以保持脆口

中環娛樂行新開的茶居。炸點比蒸點稍為出色。其實兩者也在水準之上。自己最鍾意九菜蟹盒，香菇燒賣同鼓汁牛肚。牛肚調味出色。味道準而不咸。燒賣係真香菇燒賣，我老公話好耐冇揾到一間點心的燒賣可以please 佢。最尾點左個义燒酥也是鬆脆而不膩。味道别幟一格，喜歡有貼紫薑味的襯托。