究極堂 (蜆殼街)

營業中

休息中

前排同老闆喺炮台山見客，成功傾到單生意，所以佢話帶我喺附近食日本嘢慶祝下喎！佢左帶我黎「究極堂」，位於炮台山地鐵站附近，非常方便。餐廳裝修幾有居酒屋嘅風味，環境幾闊落，坐得好舒服！老闆話佢上次嚟食過，佢覺得呢度嘅卷物好出色，所以就叫咗兩款：四重芝士炸蝦卷：芝士味好香濃，裏面嘅炸蝦非常彈牙，而且賣相好吸引，果然係好正嘅卷物！黑松露牛油果軟殼蟹卷：我好鍾意食炸軟殼蟹，而呢份卷物就將軟殼蟹發揮到淋漓盡致，配合埋牛油果，令到口感更加有層次！忌廉薯餅：細細份，炸得好香脆，係小食嘅好選擇！粟米汁焗牛油帆立貝：由於即叫即做嘅關係，需要等比較耐，但係等待都係值得嘅，因為啲帆立貝好鮮甜，而且真係好香嘅粟米味，正！和風炒雜菜：健康之選，唔會好油，而且都有好幾款蔬菜一齊炒。蟹棒壽司係老闆叫嘅，佢話都唔錯！迷你鰻魚飯拼牛肉烏冬：份量啱啱好，鰻魚飯個汁好惹味。牛肉烏冬嘅牛味十足，烏冬麵都幾彈牙。

重遊舊地——炮台山附近嘅食肆已經變咗好多想在附近留耐一點揀左呢間究極堂食lunch餐廳裝潢設計精緻環境衛生非常之乾淨好彩我早少少到步Lunch hour基本上好快就坐滿晒***究極丼$208***Openrice d comments好多都推介呢個signature究極丼，所以一坐低都唔洗諗就試呢個，同埋lunch set叫佢抵啲牡丹蝦、三文魚、三文魚籽、吞拿魚蓉、帆立貝、海膽、鯛魚、左口魚裙邊魚生好新鮮亦有好款三文魚非常厚切牡丹蝦大大件食完滿滿魚油鮮香味好似食咗好多Omega3咁😋Lunch set配有麵豉湯同埋田園沙律同樣新鮮同足料***韓式泡菜章魚玉子燒$78***玉子好香滑配有少少泡菜同章魚🐙味道好夾又係好好食😋餐廳其實仲有好多其他款式嘅食物呢間必定會再來推介👍👍👍👍👍👍

今日約咗朋友去東岸踩板，即刻睇吓附近有咩好食。發現附近有間食日式料理嘅小店，Menu好多元化，裝修好有風味，就決定同朋友入去試一試😍😍✨究極丼個丼一嚟到真係好驚喜，每款魚生都好厚切，每塊魚生都好似加咗放大鏡咁，啖啖肉，仲要好新鮮！當中包括油甘魚、左口魚、海膽、魚子、帶子、吞拿魚蓉、三文魚、牡丹蝦。除咗魚生，仲有一個紫菜蛋黃，係用嚟撈埋啲飯一齊食，成個當配搭起嚟真係超有層次感好好味，而且份量都好足夠！果然係signature😎✨究極炎之丼朋友叫咗呢個炎之丼，魚生種類同究極丼差唔多，但係隻燒咗又係另一番享受！魚生經過炙燒之後魚油迫晒出嚟更加香口！我同朋友兩款丼都好鍾意，鍾意食丼飯嘅朋友一定唔可以錯過✨明太子玉子燒玉子燒完成度剛剛好，中間仲有芝士奶絲，配搭埋明太子，味道簡直係100分。雖然有芝士喺入邊，但係一啲都唔會話好油膩！我同朋友好快就食晒成份！✨海膽左口魚邊蝦卷呢個卷物好有驚喜，左口魚微微燒過，油香配上海膽，兩者夾埋既新鮮又香口。再加埋蝦卷，口感層次好分明，超級值得一試！✨海苔墨魚他他墨魚他他入面超級多墨魚粒，食得出佢食材好新鮮同好足料，再加埋海苔同埋啱啱炸起，味道配搭啱啱好！✨西京豚

呢間北角嘅日式小店，食物質素唔錯，價錢合理！我哋叫咗幾款丼飯同小食。首先係究極丼$218，呢個丼飯真係名副其實！材料豐富到不得了，有帶子、牡丹蝦、海膽、三文魚籽、三文魚、吞拿魚蓉、油甘魚，每一款食材都好新鮮，而且份量十足！帶子鮮，牡丹蝦爽口，海膽入口即溶，三文魚籽同吞拿魚蓉撈飯一流🤤另外究極炎之丼$138嘅材料都唔少，有玻璃蝦、帶子、火炙三文魚碎、洋蔥等，火炙三文魚碎帶有微微的焦香，同其他材料配搭得好好😚小食方面，煙燻蒜香火灸吞拿魚$68。吞拿魚用火灸嘅方法烹調，外層微微焦香，內層仍然保持鮮嫩多汁，煙燻蒜香嘅味道好特別，好惹味！芝麻雞翼（2隻）$38，雞翼燒得啱啱好，外皮香脆，肉質嫩滑，芝麻嘅香味濃郁！海膽右口魚蝦卷$78，右口魚滿滿油香，炸蝦香脆。呢間日式小店嘅食物味道好，而且價錢合理。環境乾淨企理，坐得幾舒服。服務態度都幾好，員工有禮貌又夠主動。如果想食一餐有質素嘅日式料理，呢間小店絕對係一個好選擇☺️

炮台山近天后一帶都有好多食肆，今晚同朋友搵到一間位於蜆殼街嘅居酒屋，原來銅鑼灣都有分店，見到菜式種類多而且價錢相宜，如果同大批朋友一齊黎仲有VIP房book究極丼 $218丼飯食材豐富，有海膽、赤蝦、三文魚、油甘魚、吞拿魚蓉、三文魚子、炙燒左口魚裙邊、同帶子，刺身新鮮，尤其赤蝦甜味濃郁，再加上醬油漬生雞蛋拌勻赤醋飯，蛋香同刺身嘅鮮甜非常配合醬燒三文魚炸蝦卷 $58卷物水準都幾好，三文魚經火炙後油香四溢，再加上醬油燒過零舍惹味，中間炸蝦仍保持脆口，口感十足海葡萄海藻青瓜沙律 $58海葡萄的口感脆嫩，帶有淡淡的海水味，跟清爽的青瓜互相配合，非常開胃避風塘炒枝豆 $38枝豆用避風塘形式炒香，比較特別，濃香炸蒜沾上枝豆表面，食落香口又唔會有草青味燒油甘魚鮫 $98油甘魚鮫肉質綿密，燒得外脆內嫩，蘸上酸酸地嘅醬汁，令人食唔停口味淋雞泡魚乾 $78用味淋烹製令雞泡魚乾味道咸中帶甜，口感煙煙韌韌，唔會太乾身，伴酒一流Suntory 生啤 買一送一 $78居酒屋點少得叫酒，而家做緊生啤買一送一，非常抵飲🍻

平時都比較少嚟北角、炮台山呢一頭食嘢，估唔到今次試嘅呢間究極堂都唔錯，而且喺銅鑼灣都有分店。餐廳裝修得好靚，好似去咗日本咁😬同場都見到有一班人book咗VIP房，好適合一大班朋友reu究極丼 $218呢個丼好抵食，入面有齊好多唔同款式嘅魚生，啱晒心思思咩都想食嘅人，包括三文魚、赤蝦、油甘魚、吞拿魚蓉、海膽、三文魚籽等等，全部都好新鮮、好大塊厚切究極海鮮杯 $98呢個杯嘅賣相好精緻，食落都幾特別，分咗好多層，最上層係海膽同三文魚籽，中間係吞拿魚蓉同蟹肉，而最下層係橘子啫喱，第一次試咁樣嘅組合覺得幾新奇、特別三文魚腩（4切） $68三文魚腩睇賣相就知好肥美，呢個價錢黎講好抵海膽右口魚邊蝦卷 $78會話呢個卷物係必食😋一次過滿足你三個願望，右口魚輕輕燒過，油脂味超級香濃、搭配金黃酥脆嘅炸蝦同鮮甜嘅海膽，無論係口感定味道都非常豐富，超級出色鰻魚芝士玉子燒玉子燒整得啱啱好，一切開見到芝士拉絲超級吸引😻入口口感嫩滑，蛋香味濃郁，加埋芝士嘅鹹香同鰻魚粒，成個組合冇得輸

日本野就食得多,但有d菜式我未食過。今次係度就左麻婆豆腐炸雞蛋包飯,麻婆豆腐醬汁有四川果種spiciness,炸雞好香脆,係日本果種炸雞既味道,一飯二食,真係特別。叫左個右口魚海膽卷,有海膽係面頭,又有火灸右口魚、仲有炸蝦,呢3個層次帶來豐富既口感,也太吸引了吧?另外,小食叫左個蘋果蓉鵝肝,仲有金箔係面頭,也太尊貴了吧?每一啖都好享受,好好食,同埋個法包好香脆。食左咁多野都只係三百蚊,抵食呀!!!

究極丼呢個丼真係好正，裡面有帶子、三文魚、海膽、虎蝦同油甘魚，口感多層次😍🩷角切魚生丼呢個角切魚生丼有啲特別，魚肉切得好靚，口感滑溜，配上飯一齊食，簡直無敵！😊明太子玉子燒明太子玉子燒味道香濃，每一口都有濃郁嘅明太子味，口感軟滑，食完真係想再嚟一份😆醬燒三文魚虎蝦卷呢個三文魚虎蝦卷醬燒得恰到好處，外脆內嫩😆唔會太膩，食完真係令人回味無窮～😋整體嚟講餐廳好多食物選擇🩷😋每款都唔錯！！

今日係炮台山附近做完野超級肚餓，即刻問住附近嘅朋友有無好介紹。朋友就帶左我黎食我地最愛嘅日本野。其實我之前都去過佢銅鑼灣嘅分店，即刻有信心嘅保證。一入門口就好有feel，好似去左日本咁。識揀就梗係坐bar枱睇師傅表演。第一眼望餐牌，就俾呢個究極丼深深吸引住。每樣魚生都係肉眼可見嘅新鮮，每啖都係肥美、甘甜，加埋特制嘅醬汁，更加提升多一個層次。朋友叫左呢個滑蛋吉列日本黑豚包飯。吉利豬扒炸得岩岩好保留到肉汁，面層非常香脆，而底層吸收左醬汁，一啖有多重口感，性價比好高。朋友強烈推介一定要試呢個明太子芝士玉子燒。滑溜嘅玉子燒加埋拉絲芝士，呢個組合本身已經無得輸，加埋明太子嘅香，一啖一啖眨下眼就清左碟。見到呢個麻婆咖哩芝士薄餅，好奇嘅我立刻叫左個黎試試。侍應話係即叫即焗，熱辣辣嘅芝士配埋有少少辣嘅麻婆咖喱，新奇得黎又幾夾。完美嘅一餐永遠需要甜品作為結尾。脆卜卜嘅焦糖加上香滑嘅芝士蛋糕，洗滌了整天工作的辛苦，換成滿足甜美的一天。

呢間餐廳喺銅鑼灣都有分店，之前朋友帶過嚟VIP房成大班一齊玩，有私隱度之餘，啲食物都好美味深刻！1. **黑松露牛油果軟殼蟹卷 (118.0)** 精緻的軟殼蟹卷包裹著滑順的牛油果，搭配獨特的黑松露香氣，讓每一口都充滿奢華感，口感層次豐富，軟殼蟹新鮮！2. **明太子芝士焗炸豆腐 (58.0)** 香脆的炸豆腐外皮包裹著濃郁的明太子芝士，焗烤後更添香氣，滑順的口感與微微的鹹香交織，正！3. **京蔥地雞（芝士忌廉汁） (68.0)** 鮮嫩的地雞搭配香濃的芝士忌廉汁，讓每一口都充滿滿足感，京蔥的清香更是為這道菜增添了獨特風味！4. **麥粒味噌黑豚肉薄餅 (118.0)** 薄餅外皮酥脆，內餡融合了香滑的黑豚肉與麥粒味噌的獨特風味，口感豐富且富有嚼勁！5. **蜜糖芥辣章魚丸 (42.0)** 外酥內嫩的章魚丸，搭配甜美的蜜糖與微辣的芥末醬，口感上演了一場甜辣的完美交響樂，＂絕對出色到可以出邊開一間章魚丸專門店6. **麻婆豆腐炸雞蛋包飯** 鮮香的麻婆豆腐淋在香軟的雞蛋包飯上，不過不失！

「究極堂」有兩間分店，之前吃過銅鑼灣店，覺得很不錯，所以今天在炮台山就決定去另一分店。店面雖然不是很大，但裝修雅致，而且有獨立房間，可供一班朋友聚會。坐Bar 枱跟㕑師邊聊天邊吃，感覺很輕鬆，店員很親切。毎天都有一些廚師推介抹茶牛奶咖啡 $48抹茶和咖啡味道都很香，口感 creamy。蟹膏豆腐鱈魚乾 $58鱈魚乾魚味濃厚又脆卜卜，加上蟹肉和蟹膏豆腐，真是鮮上加鮮。特選壽司拼盤9件 $298九款不同種類寿司🍣，最緊要夠新鮮，要濃郁有濃郁，要爽口又爽口，要鮮味有鮮味。究極海鮮杯 $98煙燻蘿蔔配奶油芝士 $58海鮮杯：刺身蟹肉三文魚籽鮮味豐富，再加上蜜柑啫喱的清新果香，味道更多層次。煙燻蘿蔔配奶油芝士：蘿蔔酸酸的、少少奶油芝士的奶品香、少少烏魚子的鮮味、加上這道菜的靈魂，就是久久不散的煙燻香味，在口腔內迴盪。餐牌選擇多，總有大家喜歡的口味。

同朋友去開炮台山整陶瓷，發現到一間好好食既日本菜。我哋各叫左份午市套餐，另外叫左兩份特色菜。套餐係究極丼和壽司定食配烏冬😋究極丼既蝦真係好大隻同新鮮，魚生厚切，食完好滿足🥰壽司定食配烏冬既壽司好驚喜，有吞拿魚，還有炙燒，一口一個壽司啱啱好👍🏻整體依間舖頭既海鮮好新鮮，而且份量好適宜。個飯同烏冬唔會太大份，但餸方面海鮮好豐富，食起來啱啱好👍🏻。另外我地叫既特色菜有😋：帶子他他，個名好得意😆 食起黎外面好香脆，入面好滑😋。明太子芝士玉子燒好有驚喜，好厚身好滑，而且入面既配明太子好多好大粒。同埋都大份，兩個人分享好適合呢😆。原來炮台山之外仲有銅鑼灣分店，如果大班朋友gatherings, 兩間店都仲可以book VIP房，夏天有個舒服好去處👍🏻

首先，我哋點咗海膽右口魚蝦卷，賣相精緻，紫菜包裹住右口魚片、炸蝦以及壽司飯，上面有新鮮嘅海膽，入口嗰陣右口魚片嘅嫩滑同埋海膽嘅濃郁鮮味好夾。🍣至於究極丼，放滿咗唔同種類嘅刺身，有鮮嫩嘅三文魚、肥美嘅吞拿魚腩、滑溜嘅北寄貝，同埋幾款魚卵，份量十足，每一啖都係刺身嘅鮮甜，壽司飯略帶醋味。🍚然後就係九州槍魷魚（魷魚肝醬）配蒜蓉法包。呢道菜嘅魷魚肝醬味道濃郁，帶有少少鹹香味，魷魚肉質彈牙，配埋蒜蓉法包非常惹味。🦑真鯛薄切帶有輕微嘅油脂感，入口即化，帶出魚肉嘅自然香氣，搭配少量嘅檸檬汁或者山葵，更加突出刺身嘅鮮味。🐟最後，清酒煮蜆嘅蜆肉鮮甜而且無沙，煮得啱啱好，清酒嘅香氣滲入蜆肉入面，湯底非常鮮甜。🦪

北角蜆殼街晚上人流唔多，但有間食日本菜，就上比較多人。今晚我約咗朋友去食，睇下你係咪咁正。有個梅酒menu，來杯先（易入口、微甜、好香、飲完感覺順口）。小食有蟹膏豆腐鱈魚乾，估唔到豆腐同蟹膏會咁夾，墊底有鱈魚乾，脆口夠味，呢個小食可以再encore👍🏻。醬燒三文魚炸蝦卷都唔錯，加了醬燒係幾好。究極丼上場😋可以話係豐盛，好新鮮，而且大部份魚生都係厚切，仲有隻蛋黃比你撈飯，食落口感豐富、有層次感，真係好好食。再來有炸串海苔墨魚他他，又幾彈牙，幾好咬口，少少脆，又有紫菜👍🏻另外還有日本雞柳配牛油果蓉，這個食法幾特別，但又真係幾好食😂。甜品有Frozen士多啤梨🍓配煉奶。效果幾好😋。非常滿足，而且價錢大眾化😊可以成日黎食都唔怕👍🏻。

呢日黎到北角呢間究極堂,係面面見到佢個餐牌都覺得好吸引, 好彩早左入黎, 遲多少少都可能要等位! 入面坐得都幾舒服, 又有啤酒飲, 同朋友食下野飲下酒都真係好chill! 不過我今日就係黎食野多過要飲酒! 我地叫左火炙燒丼飯, 究極丼, 海膽右口魚邊蝦卷, 吞拿魚腩卷同埋炙燒三文魚蝦卷~ 火炙燒丼飯燒到好香, 好吸引, 份量都唔少, 食到我地lamlam利, 究極丼D 刺身勁新鮮, 塊塊魚生都厚切咁, 食到我地停唔到口, 真係好好味! D飯仲可以撈埋隻生蛋, 真係一流! 海膽右口魚邊蝦卷好高質, 入口既多種口感令到我覺得好好味! 吞拿魚腩卷同埋炙燒三文魚蝦卷都好好食, 但最好食都係海膽右口魚邊蝦卷! 呢度將會成為我既飯堂!