第一郡

營業中

休息中

呢間越南野一向出色，記得曾經響深水埗舊舖食過佢嘅蟹膏蕃茄湯檬，從此回味無窮。聽講搬咗嚟油麻地後，地方大啲又好坐啲，呢晚專登拜訪下。蟹膏蕃茄湯檬 ($65) - 首先擺盤已經十分吸睛，湯底用蕃茄及蟹煮成，味道鮮甜，非常惹味。當然唔少得佢嘅蟹膏餅，香濃好味，望落去有少少似蜂巢豆腐，吸收埋湯底嘅精華，真心正。其他配料亦十分出色，包括扎肉、豬紅、豆卜芽菜、生菜等等，味道夠晒豐富有層次。雞絲撈檬（$65）- 呢款撈檬分量都好大，雞絲入口嫩滑，另加$10要埋肉丸，所以就更加豐富。檬粉連埋酸酸甜甜嘅醬汁一齊食，非常之開胃。 烤豬肉法包 ($62) - 法包烘得非常香脆，入面有豬肉、酸蘿蔔、青瓜、芫荽等配料，味道好夾好清新。落單時可選擇將法包砌成兩件、三件或四件，方便share食。斑蘭糕 ($15) - 聞說呢個係必食甜品，唔特別好斑蘭嘅我都點咗一件試吓。呢個整得勁煙韌，帶好香嘅斑蘭味, 中間仲夾雜咗一啲綠豆蓉，好清新好味。芒果糯米卷 （$35）- 一碟兩件，芒果新鮮香甜，糯米卷亦相當煙靭。牛油果沙冰 ($ 35）- 作為牛油果控嘅我又點會錯過佢嘅牛油果沙冰，沙冰整得非常軟滑，入口好creamy，特別

好近油麻地地鐵站，見到樓下海報影個越南法包幾吸引就同老公上去試吓，估唔到午市都咁多人。🧡越式法包🧡法包我哋揀咗一開二，個法包烘過脆脆的，裏面包住的材料好多，有腩肉、扎肉、肉鬆、青瓜、芫荽等，一口咬下去口感好豐富。🧡蟹膏蕃茄湯檬🧡呢個真係佢哋嘅招牌菜，個湯底夾雜着蟹膏加蕃茄，好鮮甜又帶少少酸嘅味道，材料仲有蟹膏餅、扎肉、豬紅、生菜等，裏面仲放咗香茅同埋芽菜，係好越式的味道。🧡齋撈檬🧡老公鍾意食撈檬，因為個汁酸酸甜甜好開胃，有好多芽菜、青瓜、香菜等。🧡米紙蝦卷（自家醬）🧡米紙卷用了香葉包住，個卷包得很扎實，蝦肉也彈牙，配埋佢自製醬、好香濃嘅花生同蝦米味好夾。甜品：💛斑蘭糕 斑蘭味道好出，口感好煙韌，唔會好甜幾有特色。💛芒果糯米卷芒果肉好甜好大片，糯米卷個皮都做得幾好。Drink:💚滴滴咖啡（熱）滴滴咖啡係越南特色，咖啡味好香濃，佢個底係有煉奶，攪勻之後飲好香。💚牛油果沙冰呢個沙冰我勁鍾意，牛油果控的我表示必叫，唔會甜飲落好creamy好滑。

今晚就喺油麻地附近搵嘢食，原來之前的西餐廳已經轉咗這一間越南餐廳第一郡， 緣分就這樣試一試新嘢估唔到餐廳勁多人，要等一陣先有枱兩個人都好肚餓，就叫咗一碗蟹膏蕃茄湯檬+兩份法包好吸引成碗都覺得好大份上面仲有大大個蕃茄檬粉同平時嗰啲有少少唔同比較偏白色抬抬都一定叫嘅冰沙我要咗牛油果沙冰朋友要講芒果沙冰超正呢個沙冰唔係成杯冰嘅感覺， 係質地非常幼滑，感覺似奶昔， 飲完一杯直情仲想再飲多杯牛油果法包估佢唔到有呢個搭配牛油果都幾新鮮越式法包餡料非常充足， 扎肉香口， 肝醬味濃法包值得一讚，分兩份有兩張紙包住唔會食到週圍都係， 用手食都唔使怕污糟食到最尾見原來有啲甜品選擇原本 想要芒果糯米卷可惜已經售罄，就揀咗一件紫米糕+芋頭糕+ 芒果糕價錢只係七蚊件 比想像中大件同埋冇咁甜

😋Since this restaurant changed its location, I haven't had the opportunity to try it yet. However, I can confirm that the food quality remains excellent, and the standout dish for me was the pandan pudding.

之前係深水埗已經成日幫襯。今日經過油麻地都買咗外賣嚟食，一樣咁好味。🐻‍❄️❇️斑斕綠豆糕 ($15)每次必食，超人氣甜品。綠豆糕充滿斑斕香氣，一共三層，中間是綠豆蓉，上下層是斑斕糕。做法是需要分開三次蒸，絕對是心機手作！綠豆蓉甜度適中，斑斕綠豆糕整體口感煙韌，十分出色。❇️蟹膏蕃茄湯檬 ($65)湯底加入蕃茄鮮蟹煮製而成，味道特別鮮甜。主角蟹膏餅味道香濃，有蛋香也食到蟹肉，索滿湯汁更加惹味！蕃茄有一大半個，好入味！扎肉彈牙，另有豬紅、豆卜、香菜、芽菜、生菜等配料，真的超級豐富！

💠蟹膏蕃茄湯檬🦀🍅大大件蟹膏餅食落口啖啖都食到蟹嘅鮮香味😍吸滿湯汁，配料仲好豐富，有蕃茄、豬紅、豆卜、扎肉、生菜等等，蟹膏嘅香味再配埋酸酸甜甜嘅蕃茄湯，超級開胃又醒神😬👍🏻食極都唔夠💠烤豬肉湯河🐷香噴噴嘅烤豬肉唔會太鹹，肥美可口，配埋湯河就最夾，而且湯底都好清香👍🏻💠烤豬肉撈檬(加札肉）好香口入味而又唔會好鹹，配埋涼浸浸嘅撈檬，仲有配料同埋酸酸甜甜嘅魚露甜酸汁，好開胃又易入口😍💠越南香茅雞翼🐓煎至外皮香脆好香口🤭雞翼肉質嫩滑，仲有淡淡嘅香茅香味😬好惹味👍🏻💠米紙蝦卷（配自家醬）🦐薄薄又煙靭嘅米紙包住大大隻又彈牙嘅蝦，夾埋其他嘅配菜，食落口好Fresh，口感仲好豐富😊配埋自家醬都幾好味😋💠椰皇🥥好清甜😊解渴一流！💠班蘭綠豆糕😍煙煙韌韌，班蘭味好香濃，入面有香滑嘅綠豆蓉為餡料，味道好夾，好出色❤️我超鍾意食！💠紅豆糕+馬豆糕😬糕點甜度適中👍🏻紅豆糕有好多紅豆🫘而馬豆糕軟硬適中，有淡淡嘅馬豆味道👅💠芒果糯米卷🥭大大件，芒果好甜，糯米卷皮都好有嚼勁！ 🎀餐廳設有自助水吧，斑斕水幾好飲😊上菜速度好快，值得讚👍🏻🌟第一郡 📍油麻地彌敦道483-485A號2樓

看完醫生在繁忙的彌敦道找午飯, 不過每間地舖都非常多人, 抬頭見對面馬路有不少二樓店, 其中一間第一郡是越式食物, 就決定在此落腳雖然過了午飯時間, 客人還是陸續進出; 見到有蟹膏撈檬,  當然即時下單; 還額外多叫一份蟹膏餅; 也點了最愛的牛油果沙冰;   牛油果沙冰非常軟滑 Creamy; 一般沙冰難免會有冰凍刺骨的感覺, 但這個牛油果沙冰打得好像凍忌廉湯一樣軟滑細綿,  而且一直到食完餐, 喝到最底也沒有出水溶化的情況,  是飲過最好味道最好口感的沙冰, 也許其實不應該叫沙冰, 或者可叫牛油果凍湯 (當然是甜甜的) 蟹膏撈檬驚喜的是蕃茄湯底非常突出,  微酸蕃茄鮮味出色,  十分開胃; 主角大大件的蟹膏, 沒有撈勻, 貪心的大口咬下, 香濃味重;  還有扎肉豬紅太多的材料, 即使已經要求少粉還是很多;  最後也忍不住喝了不少湯, 蟹膏跟鮮茄的味道混在一起, 實在鮮味本來已經很飽, 可是見到很多客人都點了班蘭綠豆糕也忍不住叫一件, 非常煙韌之餘, 中間的綠豆蓉非常香口, 很出色的甜點

呢間係人氣好高嘅越南菜，勁full，好多嘢食好早就賣晒，例如最出名嘅米紙蝦卷，斑斕綠豆糕，要即日早啲打嚟預訂！另外我覺得人氣高嘅原因，就係佢嘅價錢好實惠🤩而且每份食物份量都好大👍我一早就打嚟訂咗米紙蝦卷2件($45)好足料，仲用班蘭葉包住，好正宗！越式法包($55)🥖法包一啲都唔硬，包住豬肉洋蔥芫荽等，香氣橫溢，落單嘅時候可以要求切細件啲就唔怕食到周圍都係啦～仲試咗芒果沙冰($35)同埋紅毛榴槤沙冰($50)，係極嫩滑沙冰，而且好開胃，好快就飲曬😋呢度嘅甜品都好出色，斑斕綠豆糕($15)好清新，份量都唔細，完美咗呢一餐😍我就好鍾意食榴槤嘅，仲試咗佢嘅榴槤糕($9)睇落去正方形相貌平平，點知食落去榴槤味香濃

以前去BC睇戲，夏銘記或者廟街牛雜又或者煲仔飯係開飯首選，過咗一排，唔同嘅舖頭質素都有左變化，幸好開飯有新選擇，竟然發現第一群係BC附近開左新分店。以前深水埗相對坐得冇咁好，呢到就完全唔同，夠大又方便，而且食物menu都一模一樣，價錢差唔多之餘，整個體驗都好咗好多。重點當然係喺蟹膏蕃茄湯檬，如果貪心嘅再加多個蟹膏，入邊仲有好多豆腐豬紅扎肉等等，全部都好好食，檬粉吸汁力很強，呢個係第一群嘅all time favorite ，不過對比1986，我好似鐘意1986多少少。米紙蝦卷有非常薄的米紙外層，包著好豐滿嘅餡料，又係必定點的作品。點了個烤豬肉湯河，佢加上香料嘅烤豬肉令人吃得特別開胃，而且味道好誘人，個人推介如果三心兩意又想食牛丸牛腩湯河嘅話就加牛丸，食到所有嘅名物。太耐冇食，有啲掛住佢嘅越式法包，幾飽都要食多個，呢到嘅法包絕對出色，外層好脆，又係令我諗起全盛時期嘅添記。飲品方面，當然要揀牛油果沙冰同埋滴漏咖啡，好飲足料之餘仲要價錢係佛心價。最尾當然要選擇一個斑蘭綠豆糕做甜品，呢個記得一定要提早叫，因為每日有限量出品。地點好，又唔算太難等位，好食又價錢相宜，如果你去電影中心睇戲，可以嚟開

下午茶時候，只點了一個越南法包，米紙蝦卷。先講食物，法包脆口，餡料豐富，酸瓜蘿蔔都夠味，芫荽略嫌唔新鮮，有傳統肝醬但這家店加上肉鬆，令肝臟味道不突出。法包咬下在口內咀嚼，也能分出腩肉和扎肉的味道，在清淡的肉味中你會嚐到美極鮮醬油，我不知美極鮮醬油是否越南產品，第一次食這種配搭的法包，又未嘗不可，就當是香港發包的一個變種吧。再講服務，係冇嘅。指你坐低，自己攞餐牌，自己落單，自己揾筷子，自己走去買單，完。

見有“班蘭綠豆糕”，不管三七二十一，嗌咗先算，因為睇食評呢個係罕有的，而且賣得好快的食品，另有一個“蟹膏蕃茄湯檬”，亦係今次來的目標，跟住就慢慢來睇，仲有乜嘢食。朋友話來個“越南香茅雞翼”，當然冇問題喇，“米紙蝦卷”就係我想要嘅嘢，內有檬粉，蝦，豬肉，香菜，生菜，材料多多過晒口癮，越南的感覺返返來，事關淨係去過一次越南咋😁“烤豬肉湯河”係另一份主食，湯底勁好味，本以為係普通填飽肚的食物，因為好味，食晒D粉仲飲咗好多湯，烤豬肉另上，唔會浸淋晒，有食串燒的感覺，好正👍👍 “芒果糯米卷即係平時食嘅糯米糍，芒果大大件，皮够薄，好味；至於“紫米糕”，“榴槤糕”和“馬豆糕”係想食多幾樣嘢，都ok，見圍圍都係咁嗌，因價錢唔貴。目標之一的“蟹膏蕃茄湯濛”蕃茄味十足，大大塊正方形嗰件係豆腐或者蟹餅或二合一，總之食到蟹肉味，幾特別呢😍

呢間越南餐廳長期人氣爆棚，之前喺深水埗舊舖已經試過，菜式抵食而且高質，一直印象深刻！小店最近搬咗嚟油麻地，店舖環境咁闊落坐得更加舒服😌，食物出品依然高質！菜式以越南檬粉🍜同法包🥖為主，一份主食幾十蚊，好抵食，仲有超多糕點甜品可以選擇，食埋個甜品埋尾啱啱好！-----------------------------🦀◖蟹膏蕃茄湯檬◗ $65蟹膏湯檬喺呢度嘅招牌菜，必試！裏面有蟹膏餅、蕃茄、扎肉、豬紅、生菜，可以先將蟹膏餅撈勻啲蕃茄湯，令到湯底更加鮮甜，識落酸味味好開胃！裏面夾雜着啲香茅，撈埋啲檬粉一齊食，滿滿嘅越式風味！🥖◖肉鬆法包◗ $52法包可以揀一開幾，啱晒同朋友分！個包烘得好香脆，裏面包咗肉鬆、酸菜、青瓜、芫荽葱，配上肝醬，鹹鹹香香咁好惹味，好食！🍰◖糕點◗ $7/件佢有六款自家製凍糕點可以揀，本身諗住全部都試晒，點知芒果糕一早已經賣晒！最後叫咗馬豆糕、紅豆糕、紫米糕、芋頭糕同榴槤糕（$9）。個人自己鍾意❤️馬豆糕、芋頭糕同榴槤糕，整體都唔會太甜，而且有啲豆用咁嘅口感～馬豆糕有粒粒豆肉，口感唔錯；芋頭糕好香口感軟綿，入口即溶；榴槤糕夾雜着啲果肉，好清甜，榴槤控必試！🌿◖斑斕綠豆糕◗

新年好多餐廳都未開門，本身想去樓下泰國菜冇開，就上嚟試下餐廳環境舒服，嗰日仲坐到落地窗邊烤豬肉湯檬粉 🌟4/5烤豬肉同湯檬粉係分開上，所以豬肉唔會浸到腍晒，仲保留到烤過嘅口感，好惹味，配檬粉食啱啱好越式法包🌟4/5包入面有腩肉、扎肉、蘿蔔絲、青瓜、大量香菜⋯⋯可以揀二開/三開/四開，幾方便share食包外脆内軟，肉唔算多，加上大量蔬菜感覺好fresh，但食到最後覺得有少少乾自問第一次食越式法包，所以就唔評論夠唔夠正宗啦越南香茅雞翼 🌟4/5冇期望反而有驚喜，雞肉入味又嫩又多汁，但香茅味唔算好重呢到水同醬料都係自助，除咗水仲有斑斕葉水，但我就麻麻地嗰陣味，仲有好多泰式醬料可以自己拎埋單先發現櫃台有賣好多種糕，今次冇試覺得有啲可惜，大家有興趣可以叫幾個做飯後甜品值得一讚服務態度，當日隔離有一枱賓賓同埋一枱阿姨，都唔係好識用QRcode落單，見到店員都好有耐心幫手解答同推薦菜色

餐廳由地舖搬咗上樓上舖依然咁受歡迎，繁忙時間嚟到等咗一陣先有位🤓裝修雖然簡單但充滿越南風，用QR code落單後都好快上到菜👍🏻🔺蟹膏蕃茄湯檬 ($65)湯底好濃蟹味，仲有蕃茄酸酸甜甜嘅味道🤤飲落唔油膩又開胃👍🏻一大件蟹膏餅，好香濃😋蕃茄都有2大件，煮到吸哂啲湯汁😊配菜有扎肉、豬紅、豆卜、生菜、芽菜、香菜🔺烤豬肉撈檬 ($65)烤豬肉份量好多，好大件👍🏻烤得好香之餘，仲好腍🤤配料有像鬆、青瓜、芽菜、生菜、花生、酸菜檬粉底已經加咗酸甜醬，撈埋一齊就食得🔺香茅雞翼 ($30)即叫即炸，上到枱熱辣辣😊外皮炸到金黃色，食落肉質好嫩滑又多汁🤤🔺扎肉法包 ($52)法包外皮好脆，咬落好軟熟🤓扎肉有2大塊，配料有蘿蔔絲、青瓜絲、芫茜、蔥、肝醬食落酸酸地，好開胃👍🏻🔻牛油果沙冰 ($35)好滑又好濃嘅牛油果味🥑🔻鳯梨沙冰 ($35)唔會太酸或者太甜，味道不過不失➡️ 整體Lamlam脷指數😋😋😋😋 (4/5)➡️整體評價: 味道唔錯，最受歡迎嘅米紙蝦卷同埋斑蘭綠豆糕原來要預訂先有得食，今次去到已經賣哂，唯有下次再試啦🥰➡️ Encore指數 ⭐️⭐️⭐️⭐️ (4/5)

Went to this Vietnamese resto with my friends..I ordered Pho with Grilled Pork in Clear Soup Broth. The grilled pork was quite greasy. You could see there was a plate of oil left when u finished the the pork. The noodle was smooth and the broth was clear. One of my friends ordered Rice Vermicelli in Crab and Tomato Soup. It consisted of carb patties, tomato, VN sausage, pork blood, herbs, sprout, lettuce and rice vermicelli. The ingredients were generous.Another friend got Glutinous Rice Rolls w