筷子記

營業中

休息中

今日朋友帶左我去呢間餐廳食得太多商場入面既餐廳，黎到呢種咁有懷舊感覺既餐廳，好好feel!!!好似去小旅行咁~~入面好有澳門情懷~我叫左個撈麵，沙爹醬，好味！料都好味👍🏻另外叫姐姐比左碗湯我地，加少少去撈麵度，味道更加提升左👍🏻跟餐有野飲，特飲都可以叫！我要左杯無花果蜜，唔錯👍🏻餐廳入面既姐姐都好nice😃

從來都覺去澳門🙅🏼‍♀️=去旅行🧳！唔知係因為太近關係，定係只係搭船🛳⋯⋯自從封關後到而家要 #隔離， 莫名其妙地，澳門都變得像遙不可及。又係 #俾個胃去旅行系列 #帶亞媽去澳門 aiya唔係！係去食下澳門下午茶頂住先！🤣🤣🤣呢間 #筷子記 位立中環威靈頓街，最出名係 #車仔撈麵 #聖保羅豬扒包 #荷蘭園辣魚包 樣樣都叫曬，連飲品埋單都係$85！真心平靚正！ 而且入面個個姐姐都滿面笑容😊，有講有笑，連亞媽都要用英文「厲絲」（nice)來形容😂😂😂講返食物，份量可以，沙嗲汁咸左啲🤏。#澳門包心卷 （魚肉包豬肉）都幾好食😋。豬扒包好多醬，麵包屬較軟身個種，感覺上同澳門食既有啲出入。辣魚包少少辣，澳門既感覺返曬黎😌⋯⋯📍 筷子記 (中環)中環威靈頓街85-89號群英商業大廈地下A1號舖#hkig #hkfood #hkfoodie #hkfoodblogger #centralhongkong #wellingtonstreet #foodhunter #macaustreetfoods #snacks #datingwithmum

食物ok，不過呢間野衛生情況一向麻麻！有日入到去見到大部份職員唔載口罩，已經覺得好唔妥！位都未坐好，又見到廚房個大嬸冇載口罩係咁咳！嚇到我即時掉頭走！唔會再幫襯！

呢間筷子記兩點後就有$33嘅三餸撈麵套餐🍜 以喺中環食到咁平嘅麵真係超值😋三餸撈麵套餐🍜 $33有張紙仔比你圈 好似叫車仔麵咁 首先揀醬汁 有洋蔥、沙爹、茄汁、沙茶、咖哩同蠔油揀😛 我就揀咗沙爹汁 麵有粗麵、幼麵、米粉同米線揀💁🏻‍♀️ 因為幼麵索汁啲 所以就揀咗幼麵😆 餸有成36款咁多 真係有啲難揀 因為樣樣都想試下🤣 最後揀咗肥牛、青春魚肉腐皮卷同澳門包心卷(即係魚肉包豬肉) 😋 沙爹汁撈埋個幼麵真係好好食 啖啖都好濃嘅沙爹味 另外餸方面 個肥牛有牛味 不過有啲韌😢 澳門包心卷都唔錯 最好食係魚肉腐皮卷 炸得好香口 略嫌細舊咗啲 整體黎講喺中環食到咁平嘅三餸麵真係超抵😆👍🏻👍🏻👍🏻

疫情下澳門筷子基就唔好諗，就留喺香港中環有間 筷子記就試試佢。Weekend關係中環多數是5 Days工作，睇相片望上去好似冷淡，其實小店係有兩層複式，既可經內置旋轉樓梯上閣樓，又可到旁邊商業大廈大堂坐電梯上二樓。裝修有別一些茶記麵檔，不知是否是澳門特色，但總算乾淨企理。餐牌菜式有些搞鬼有趣， 除了用了很多澳門地方名加在食品前面，還有如：青春魚肉腐皮卷 (呢個係咪講我呢🤭) 、 窮人洋蔥汁(唔通呢樣先係講我😭) …標榜《澳門平民麵食茶檔》 價錢是否平民？在中環-算合理，在澳門-可能而家澳門平民消費力提升了不少。港式車仔麵我最愛之一，澳門這個《鐵皮屋麵》當然要試試。沙嗲汁夠份量，濃度適中不會太水，但係唔算太惹味、福麵-太冧，其實褔麵用滾水浸冚蓋3至4分鐘食，先有嗰種中學canteen風味、咖喱魚蛋-沒有陳皮魚蛋的風味、但亦不至浸至發脹、青春魚肉腐皮卷- 條腐皮卷皺曬皮，咁都叫青春😳、路環香腐角(豆腐) 這個有些驚喜，吃起口感疑似魚片頭 🤣《 聖保羅豬扒包》 並非一些澳門知名傳統用豬仔包做的豬扒包，用上餐包外鬆軟，但是沒有了脆卜卜口感，食法各有不同任君喜好，豬扒不算太乾但亦不算 juicy

高質中環車仔麵!!🤤🤤今日去左依間有好多年歷史亦麵好出名既車仔麵檔食lunch。一入到去就比好熱情既侍應姐姐招呼，然後就開始揀餸！依間車仔麵出名食辣，但我本身唔算太食得辣，所以最後揀左辣既咖哩魚蛋，咖哩豬皮蘿蔔同埋沙嗲魷魚，再配上沙嗲汁撈麵。如果唔想食沙嗲汁，依到仲有好多款醬汁比你揀！例如甜豉油、洋蔥汁、沙茶醬，茄汁等等。落完單好大約3分鐘就有得食！相比起普通既車仔麵鋪，依間既份量十足，餸亦都比出面既多。蘿蔔咬落十分腍，多汁清甜亦充滿咖哩香味。豬皮比較碎散，但亦算爽脆。沙嗲魷魚十分惹味，爽口彈牙，份量亦多！而咖哩魚蛋則辣度十足，後勁凌厲🥵🥵要一路食一路飲凍飲辣呢。最後仲叫多左個奶油麥多🍞☺️麥多原來係澳門食物，即係比普通方包厚一點，而且麵包本身帶有微微甜味，烘脆後配上奶油，十分出色！☺️☺️

之前聽同事講呢間筷子記好食，於是我就係OpenRice 外賣自取，叫左個兩餸撈麵，肥牛芥蘭撈米線，真係幾好食，份量比想像中多，都只係$34，仲包飲品，不過我簡左洋蔥汁好似有d唔夾，味道太淡，下次會試下沙嗲汁

-必食中環車仔麵《筷子記》🥢每次黎親呢度我都係食佢既撈麵！個汁完全係天堂級🤨我最鍾意既係沙茶醬、另外沙嗲汁同咖喱都係非常好食👍🏻睇個人口味啦👄醬汁係非常之濃！餸方面👇🏻我揀左冬菇🍘沙茶醬魷魚🦑豬大腸🐖瑞士雞翼🐓雞翼略嫌細隻咗啲、但幾入味嘅、豬大腸比高分！夠晒林身！香軟入味！冬菇同沙茶醬魷魚就正常！佢個主角真係係個撈汁🐒🙊無論你揀咩汁佢都有個豉油底甜甜地！另外我揀咗粗麵、喜歡可以揀撈米線/烏冬！（呢間又係食極唔厭top10）🔝

頭先淨係個裝修都已經 無可挑剔， 完全展現返當時香港同澳門六七十年代嘅風味。 另外佢係有得好似嗌車仔麵咁樣自選配料同埋麵底， 例如有公仔麵粗麵或者幼麵， 另外佢都有啲好特別嘅 例如魚肉包豬肉捲， 另外我嗌咗個豬扒包， 即叫即炸， 搽咗芥辣醬， 好耐冇食過咁好食嘅豬扒包！！！ 所以如果你有外國朋友嚟香港參觀， 都可以帶佢嚟呢度食。 唯一嘅小小缺點就係， 因為餐廳繁忙人流多， 佢唔適合你同朋友促膝長談， 但係真係值得去試！！

中環多數既餐廳都係比較decency同貴 但難得都有間咁有風味既平民茶餐廳👍🏻 而且呢間嘅嘢食同出面嘅茶餐廳有啲分別 無論佢嘅車仔麵同麵包都係 .荷蘭園辣魚包 $18出面啲包來來去去都係滑蛋或滑牛 呢間有得簡辣魚包 係喺澳門嗰邊傳過嚟～個人覺得幾得意 唔會話好辣 味道好濃郁 但又唔會話死咸 佢嗰包烘過 脆脆地 加埋啲餡 超級夾 會好想細細啖細細啖咁樣慢慢咀嚼 $18喺中環食到咁嘅嘢 性價比超級高 不過環境方面 個鋪頭就比較細間 如果一兩個人去多數都要搭枱

.作為中環上班一族~一定冇可能未試過筷子記! 平靚正😂係中環打工仔嘅福音~因為附近嘅餐廳通常偏貴 唔會日日都fine dining啦😂筷子記係港式車仔麵茶餐廳 🍜主要都係自己揀麵條再俾你任揀配料 🤣我就揀咗金菇、肥牛同埋魚蛋🤓食落有種似打邊爐ge感覺~ 埋單都唔洗HKD40 性價比高😇 quality同其他區普通車仔麵差唔多 但係價錢都算好抵下！但要有心理準備 舊式茶餐廳格局比較逼 坐得冇咁舒服～p.s. 每次lunch time去都大排長龍 想食就要早d去!

如果係中環區想食車仔麵，又平，味道又不會太差，非筷子記莫屬⋯⋯係其他好多地方食過車仔面，好多餸都無咁平，幾元一款食物，5元、7元，真係價錢平，有一個朋友成日都食，我就真係想試下點解佢咁鍾意食，不過我今次自己食完之後，確實又認真抵食既，味道不太差，豉油汁不會咸，雞翼，肥牛、墨魚丸，芥蘭，都算有水凖，而且吃落不會像其他車仔面好多味精，好口喝，呢間食完又無呢個問題如果你不會要求環境和座位，堂食也沒關係，不過如果中環區食個午餐可算是平的選擇⋯⋯味道中規中矩，車仔面迷想係中環食平靚車仔面又多一個午餐地方之選⋯⋯

中環車仔麵-筷子記中環頂級的商業區，搵野食一定離不開「貴」字!以前大學時期為了慳錢，都會揀較平價的車仔麵檔。雖然出來社會工作後唔常在中環 但如果經過中環見肚餓都會去返電梯底食味道都冇咩點變，但都食返唔少的回憶! 點餐紙個排版有D奇怪，所以落單係有點混亂的1. 先揀辣度2. 揀餸3. 麵底 (幼麵/粗麵/米粉/米線etc, 另外有D係要加錢)4. 湯上/撈汁5. 揀汁6. 飲品我比較中意食汁上撈 (今次撈左米線)推介的餸: 瑞士汁雞翼、辣咖喱魚蛋、魷魚(次次都係食依個組合)2餸$34 / 3餸$36 送熱飲其實有湯都好濃味的!

同男朋友係中環食lunch，遠望見到呢間澳門平民麵食茶檔，牆上貼滿大量嘅好評報導，好似幾吸引，馬上就入左去～店舖地方雖然唔大，但係幾乾淨嘅。而且姐姐仲非常親切，有人情味。我揀左澳門包心卷，沙茶魷魚，生菜三樣餸。但咁啱嗰日澳門包心卷冇貨，所以轉左馬交魚羹。然後要左沙茶湯幼麵。估唔到成件事係幾夾👍🏻魷魚夠彈牙爽口又入味，配沙茶湯底好味😋加埋杯凍檸茶都只係$37 （凍飲加$5），喺中環真係好難得有間咁平嘅麵食！啱唒上班族糧尾個陣可以過嚟食！😃

星期日同朋友仔去行山, 喺中環meet up食個早餐先上山 大食妹碌下碌下自己個to eat list就搵到呢間位於中上環嘅筷子記筷子記係一間比較舊式嘅澳門茶餐廳, 坐位唔算舒服, 但勝在抵食<聖保羅豬扒包餐>香脆嘅豬扒包裏面夾住兩塊豬扒, 加上充足嘅沙律醬, 唔使去澳門都食到澳門風味<跟餐: 凍咖啡>凍咖啡比外面嘅茶餐廳重奶味, 甜度反而冇咁高, 飲落啱啱好<奶油麥多>就話去到舊式嘅茶餐廳, 一定要食佢嘅多士 多士烤到外脆內鬆軟, 搽上牛油同煉奶, 好食<撈麵套餐>朋友仔就食左個好飽肚嘅撈麵套餐麵底、醬汁同埋配料都可以自由配搭, 風格就同車仔麵一樣, 但係價錢方面就平好多