籠太子點心專門店 (已結業)

今晚去左CWB 飲夜茶, 性價比好高, 平均每個點心約20蚊左右, 正呀鮑魚燒賣, 鮑魚很入味，煙韌又軟腍，味道鹹鹹甜甜,燒賣餡還打入了蝦泥，除了增加鮮味，也讓咀嚼時多了彈性Q度皮蛋牛肉腸,  腸粉外皮以米漿製作，口感滑潤，均勻透薄地包裹住香味濃郁的嫩滑牛肉, 皮蛋可是關鍵調味，襯托出食物美味黑椒金錢肚, 口感肥嫩軟糯，又保持了恰到好處的彈性, 黑胡椒略帶微辣的口感，完全感受不到油膩雪山叉燒飽, 外形其實比較像個大蘑菇, 烤得非常香甜酥鬆, 外型討好，口感酥脆之餘又不油膩, 

這間舖的前身都是吃粥粉麵飯的。 如今開了即叫即蒸點心店。是日例湯19蚊大大碗， 話明冇味精，但總覺得比較咸。蝦餃都幾好食。 叫你好幾款點心， 唯獨是覺得牛肚就偏鹹，其他的都唔錯，尤其是豬膶腸粉good.

今日响利園附近做嘢，決定食埋飯先返屋企，經過這條街，見到開咗好多新食店，記得在九龍幫襯過呢間點心店，食物質素高，可以encore!是日靚湯：節瓜章魚煲豬骨，標明不含味精大大碗，足料，味濃，標明不含味精！$19有咁大碗，絶對抵！食點心點會唔叫蝦餃。仲要唔係普通蝦餃，係蝦餃皇呀！一籠四粒都只係$30，有一種用小點價錢但食到頂點嘅感覺，蝦，新鮮彈牙，連餃皮都好味。薑檸牛柏頁都好味，時間控制得好，冇話蒸得太熟而變了做擦膠，調味得宜。煎蝦膠釀茄子都唔錯，用咗燒汁，竟然因此有D日式的感覺，蝦膠肿煎香咗先放响茄子上面，証明係有用心去煮好這點。因為覺得晚飯始終要有米氣，就叫咗個北菇滑雞飯，真係雞有雞味，飯粒屬偏硬，但都索咗面層肉類D味，勁讚。要一提：咸水角最要推介！熱辣辣，因為掛住食竟然唔記得咗影相！

宜家除咗去酒樓之外其實仲有好多地方食到㗎，今日同朋友行緊銅鑼灣嘅時候就發現到一間新開嘅龍太子，主打係精緻點心。所以點心都係即叫即做，我就叫咗籠大蝦燒賣先，蝦身爽口都算大隻。奶黃迷你煎堆，粒粒都炸到金黃色，裏面嘅流沙奶黃熱辣辣，食嘅時候小心辣親個嘴。香蒜蝦春卷，外皮炸到蝴蝶結咁外貌已經攞晒分，仲有蒜蓉同爽口嘅蝦粒。海皇芝士千絲卷，用麵條做炸皮，溶咗嘅芝士加埋海鮮粒，都幾開胃。布拉白腸粉，米漿味濃，食落帶綿加有少少煙韌感，加少少麻漿豉油，唔錯。喺出菜位偷偷見到啲廚師即做腸粉，唔怪得咁綿啦~食完個白腸粉，真係唔錯，所以叫多個不是炸兩，原來係腸粉包住脆卜卜嘅嘢，好似春卷咁。入面有蘿蔔絲同埋個芹菜粒。。好味香滑反斗榚，好似係馬拉榚嘅BB版，一口一個，唔怕夾到爛曬。再叫埋個綿花雞，用嘅都唔係豬皮，係筒形魚肚，魚肚吸晒滑雞嘅精華，滑雞蒸到啱啱好無雪藏味，加埋半粒厚冬菇，份量好足。最後就叫埋個古法糯米飯，有炒花生同蛋絲蔥花喺面，而糯米飯粒粒嘅顏色都炒得好平均，口感煙韌。每籠都係講緊十零廿蚊左右一籠，可以食到即叫即造，喺銅鑼灣嚟講都算係唔錯嘅選擇。

好鐘意飲茶，以前只會放假去飲早茶、午茶，平日番工好少去飲茶，因為我覺得茶慢慢嘆既，依家開左好多夜晚都有點心賣既餐廳，岩晒我！籠太子，我之前去過佢太子個間食過點心，有水準，所以見佢係銅鑼灣開左分店，就過黎試下。老火靚湯無得輸菊花蝦春卷: $25鐘意黎呢d新式點心店係有原因既，鐘意佢會有d平常飲茶食唔到既自創新式點心，菊花蝦春卷炸得香脆唔油膩，岩曬鐘意食香口野既人，裏面d蝦又新鮮。旋風芋茸流沙包: $25(左)樣靚仔，脹卜卜，包鬆軟，裏面芋茸唔會太甜，男朋友勁欣賞呢個包！鳳爪排骨飯: $30（右）排骨夠淋滑，飯粒粒分明，加埋豉油汁同排骨既汁一齊食，正！精選老火湯: $19今日係節瓜章魚煲豬骨，飲得出無落味精同好足料。章魚既味好出，大大碗真係正。原隻鮑魚燒賣: $34賣相夠呃like，原隻鮑魚食落好彈牙又夠鮮甜，而燒賣餡料既蝦肉又新鮮好食，必食之選！綿花雞：$30自創點心之外仲有呢d傳統點心，最鐘意係食佢既魚肚，夠爽又索晒雞肉既精華。不是炸両: $29腸粉包住類似春卷既野，脆脆的，另外最正係餡料既西芹同蝦好match，食出好香既味道。記得去太子個間既裝潢係有好多雀籠既裝飾，而銅鑼灣新店就好多

籠太子點心店耐唔時都會經過, 上網check 下乜料, 見佢啲點心都幾別緻, 今晚特登嚟銅鑼灣近地鐵站呢間分店食。自己點心自己 tick, 佢哋嘅點心全部即叫即蒸, 交單後可能要等一陣蒸好先有得食, 另茶錢每位$3, 銅鑼灣地帶, 點心價錢算合理, 同一般酒樓價錢差唔多, 不過呢度就causal好多,  仲免收加一蟲草花生魚煲豬骨, 今日個冇味精老火湯好似幾正喎.....點心店格局有啲似茶餐廳, 裝修簡潔實用為主。呢個自家辣油超正, 夠香辣, 有XO醬風範, 拈蝦餃及牛柏葉食, 提昇味道一流!是日老火湯 ~  蟲草花生魚煲豬骨（$19）湯頭煲到啡色，雖然用豬骨煲， 望落唔係好油膩， 入口蟲草花味道好濃， 飲得出有生魚嘅魚鮮及豬肉嘅肉香， 最緊要係冇味精, 我覺得鹽都冇落咁滞， 飲湯嘅食材香及甜， 大大碗, 夠兩個人分, 好飲又抵飲！原隻鮑魚燒賣（$34/2隻）又真係幾靚仔喎， 每粒燒賣上都放了一隻扣過的鮑魚仔。細細隻,的鮑魚仔都幾爽口， 燒賣應該用新鮮豬肉包，除咗豬肉仲有蝦肉， 肉汁好豐富, 味道適中, 呢個王牌點心值得試。龍太子蝦餃皇（$15） 蝦肉饀爽脆， 非常 juicy, 味道

好耐未試過夜晚飲茶，同太太係銅鑼灣行完街，經過蘭芳道，見到間食點心嘅店舖，因為晚飯時間，都好多人等位，想去其他食嘢，太太話唔想行，唯有等一陣，好彩大約十零分鐘就有位，一座低就係點心紙上揀選種意嘅點心，有 鮮蝦燒賣皇，鮮竹牛肉球，棉花雞，多汁小籠包，鹹魚肉餅飯， 等咗十零分鐘 燒賣王先到，好大粒，跟住到鮮山竹牛肉， 落埋喼汁，味道十分正，棉花雞都好大碟，多汁小籠包皮薄餡靚，真係超多汁， 再來就係鹹魚肉餅飯，鹹魚味特別濃，飯都好多兩個人食啱啱好， 因為要趕時間去睇戲所以好快就埋單。

今日放假，係屋企打机打咗成日，就落街行吓，見有啲肚餓，就望吓附近有乜嘢食，咁啱置身於蘭芳道，望見路口有間食點心嘅店，叫做籠仔點心專門店，就入去揾位，冇乜人，可以随便㨂位座，睇完点心纸，揀左原隻鮮蝦腸、香滑反斗糕、籠太子蝦餃皇、大約过左十分鐘、啲嘢食嚟啦、籠太子蝦餃皇、好大粒、皮薄、反斗糕都好味、但蝦腸麻麻地、希望下次食其他、會有啲警喜。

記得兒時拖著嫲嫲的手, 一清早便要到酒樓搵位飲茶，跟老人家享受一盅兩件的樂趣。但現在想吃中式點心，就沒有時間制肘了，可以説是早午晚任何時段都可以吃, 隨時都可以吃到即叫即蒸的點心。這家新式點心専門店，格局像西式的咖啡店，給人一種適舒的感覺，點心方面除了一般傳統點心外，亦提供多款新派鹹甜小品。茶位（@$3）老火湯 （$19）👍👍👍👍每日都會有不同的老火湯供應，是日老火湯是木瓜雪耳煲豬骨，並不含味精，味道清甜，滋潤的湯水最適合秋天乾燥的季節飲用。籠太子蝦餃皇（$30/4pcs)👍👍👍👍蝦餃數量有兩隻或四隻選擇，兩隻$15。每隻蝦餃都有二至三隻越南白蝦，蝦肉爽口鮮甜，外皮煙靭彈牙，每人兩隻剛剛好。魚肚水餃 ($24)👍👍👍👍魚肚索滿上湯的味道，令本身沒有味道的魚肚變得鮮甜。水餃有三隻，皮很薄，饀料有蝦肉、木耳絲和肉末等。不是炸兩($29)👍👍👍👍👍幼滑的腸粉包著的是一層金黃的米網，𥚃面還包著彈牙的蝦膠，爽脆的馬蹄粒和西芹, 一口吃下去的感覺，先是軟滑隨著是香脆, 多種材料配合形成多重口感。鳳爪排骨飯（$30）👍👍👍👍排骨份量很多，調味適中，還有兩隻鳳爪，飯粒蒸得很乾身，加上甜豉油拌勻，就是一

 小時候想食點心就多數要去酒樓，時至今日，開到好多點心專門店，點心的款式都精美左好多籠太子係香港第二間分店，第一間就開左係太子，同好多餐廳一樣，一間開係九龍區，而另一間就開係香港區，CAPTURE晒唔同地方出沒的人基本上諗到的點心呢度都可以搵到，選擇都好足油菜 ($19)、皮蛋牛肉腸粉 ($26)成日都覺得食物的賣相係好重要，一條條菜同腸粉好整齊咁排列好，強逼症患者的我表示見到都覺得舒服，腸粉比較特別，牛肉入面加左皮蛋，多左一層味道魚肚水餃 ($24)、上湯鮮竹卷 ($22)、籠太子蝦餃皇 ($15)食點心一定唔可以唔叫既就係蝦餃，加埋餐廳的辣椒醬就更加好味，魚肚水餃同上湯鮮竹卷份量好足古法糯米雞 ($29)糯米雞真係好足料，大大隻，入面好似出奇蛋咁收埋左好多唔同材料，食完真係好飽芒果布甸 ($22)最後食番個小時候成日係酒樓食的芒果布甸，記得細個會有把小傘係上面，每次叫主要都係為左把小傘，呢度就由小傘變左士多啤梨，仲要布甸入面有好多芒果蓉，真材實料，唔係淨係開粉呢間餐廳真係抵食夾大件，仲要唔洗加一，平過去茶仔食個淋汁飯

《籠太子點心專門店》 #食在銅鑼灣📍銅鑼灣蘭芳道11號地舖-係灣仔返工 銅鑼灣自然成為我經常約朋友食飯嘅地方 之前已經有朋友推薦過呢間比我 不過係太子分店未有機會去 依家開左係銅鑼灣就方便好多啦！🔹籠太子蝦餃皇🔝 $15/2粒有2-3隻蝦係入面 個皮幾彈牙 值得一試🔹鮮蝦燒賣皇 $15/2粒隻蝦都幾大隻 仲有冬菇提鮮 不錯🔹黑椒金錢肚 $29幾好味 都煮得幾入味 但對我黎講黑椒味有點過重🔹古法糯米雞 $2929蚊咁大個😨 入面唔算好多餡 但味道唔錯🔹鮮蝦菜苗餃🔝 $26呢個正！勁多菜苗 好好味！同樣個皮都係煙韌彈牙 推薦！🔹皮蛋牛肉腸🔝 $26幾得意 牛肉腸加左皮蛋係入面 又幾好味喎🔹鳳爪排骨飯 $30外賣蒸飯店都要呢個價錢啦 食個飯加個點心都夠飽啦已經😂🔹蒜香蝦春卷🔝 $24炸得好脆 比想像中出色 有d驚喜 加小小喼汁味道更加提升茶位$3/位真心講句 真係大件夾抵食 呢個價錢係銅鑼灣食飯絕對抵到爛。即叫即蒸 如果人多可能要等耐d 呢到仲要無加一 超抵食！絕對有下次 要試埋雪山菠蘿包同小籠包🍴9/10

今日同朋友喺銅鑼灣行街竟然比我發現抵食野，你無聽錯，係銅鑼灣，又平又好味，大家一定要試試就係尼間位於蘭芳道嘅籠太子點心專食店，專食點心的，我地見到好興奮，飲夜茶正啊門面好有派頭，有條龍🐲的，認住佢喇當時已經差不多九點，全場爆滿，好彩剛好有檯四人檯埋單，我地等執好檯就可以埋位了，真好彩創意精緻點心，懷舊與創意融合，好有誠意咼，而且仲有好多選擇，真係花多眼亂，乜都想試蒜香炸春卷，新鮮炸起，熱辣辣，非常香脆，裏面嘅蝦非常鮮甜旦牙雪山叉燒包，質地鬆軟，叉燒切到好薄而且唔肥，調味亦剛好，不錯古法糯米雞，大大隻非常足料，裏面竟然有鵪春旦，好正宗，仲有大大隻冬菇，味道亦剛剛好，十級推介黑椒金錢肚，辣辣地非常惹味，金錢肚好林好入味，最特別係用左烏冬墊底，烏冬吸收左黑椒汁同金錢肚嘅精華，滋味無窮鳳爪排骨飯，熱辣辣，香噴噴，米飯一粒粒不會痴埋一舊，鳯爪都好入味，排骨分量多又夠林，抵食蝦餃燒賣有酒樓級數水準，好味，真係估佢唔到，有驚喜不是炸兩，個名改得好得意，佢真係唔係炸兩來的，內䐄係蝦同脆脆，口感非常特別，腸粉都好滑最後發現有老火湯叫，嘩！啱曬我，我平時好少湯水飲，仲要十九蚊碗乍，一定要試下金銀菜生魚煲豬

原隻鮑魚燒賣 $34本來想叫傳統蝦燒賣 不過鮑魚好似特別啲 影相又好啲 於是傳左軚食落ok既 鮑魚仔幾嚼得 價錢方面幾貴下 得兩粒 蝦蝦好似好啲籠太子蝦餃皇(2粒) $15大粒飽滿料足 比較欣賞可以2粒咁叫而非成籠 留肚試多幾款名醬蒸鳳爪 $24呢碟鳳爪好食 雞脚味道邊度食都唔會差得遠 主要係醬夠多又入味 鳳爪底下仲有些少烏冬 幾funny 上湯鮮竹卷 $22濕濕地既點心基本上無得輸 就係好似呢兜鮮竹卷 非常juicy 食起黎shokshok聲夠爽 最重要係性價比高 廿蚊出頭有三條汁多有蝦肉做餡既鮮竹卷 夠抵玩多汁小籠包 $24小籠包就不嬲都鍾意食 呢度既小籠包係點心紙好似無特別落手指公 食落汁都叫夠既 如果氣無吉穿小籠包表皮 皮方面唔係超薄不過都唔厚 整體都叫收貨 平平地食唔錯流沙奶皇飽 $25點心包類方面我比較鍾意流沙奶皇 even流沙奶皇好似幾heavy呢份包我覺得中規中矩 主要係餡方面溫度可以高啲啲 相信除左好食啲流沙效果都會更出 當然咁又可能要怪下我相機食左太耐先海皇芝士千絲卷 $26賣相分係有既 食落幾飽肚下表面有炸到脆卜卜既絲卷 內裡又係蝦 應該仲有芝士 雖然芝士唔算

籠太子點心專門店在銅鑼灣開了新分店，想吃點心又多了個選擇更方便了～和太子店一樣是一貫明亮湖水藍色的新派裝修，環境企理乾淨，吃得舒服～點好菜後店員先送上一壺麥茶，清熱又健康，這裡不收加一只收每人茗茶$3，真的很抵食 先送上鮮蝦腐皮卷，腐皮煎得金黃酥脆，內餡結合彈牙的鮮蝦，入口充滿層次～煎蝦膠釀茄子🍆 新鮮製作非常熱騰騰，要等一下先可以放入口哈哈～喜歡吃茄子的必點這個，茄子好香甜多汁，加上美味的蝦膠伴茨汁，正吃點心必點的籠太子蝦餃皇和鮮蝦燒賣皇好貼心的可以選2隻/4隻，我們兩個人吃所以就點了每款各2隻，留肚吃其他款式的點心～籠太子蝦餃皇真材實料，咬開水晶皮入面填滿了大大隻蝦藥膳雞腳果然是推薦菜～藥膳湯頭清澈純香，感覺好滋補，雞腳完完全全燉得軟淋， 非常入味吮得盡興～之後來了一籠多汁小籠包，一如其名充滿湯汁，肉鮮餡香，水準不錯。細心的有個小兜裝著小籠包，就不怕溢岀的湯汁浪費了喜歡吃香口食物所以也點了香蔥海鮮芝士煎薄撐，邊位煎得脆口，中間口感帶點軟糯，蔥香十足，令人吃不停口最後來一盅北菇滑雞飯，熱騰騰的香氣非常誘人，米飯蒸得非常入味～ 晚餐吃到捧腹結帳每人$100都不用，難怪新開張已經門庭若市

今晚和媽媽在銅鑼灣吃晚飯，即興想飲個夜茶吃點心，上網發現這家新開業的籠太子點心專門店，就來試一試。茶錢只收$3，同時不收加一！各式傳統點心、蒸飯、粥品、甜點都有，最特別是有不少創意點心。原隻鮑魚燒賣鮑魚稍軟身而尚帶些嚼勁，底下的燒賣亦不遜色，入口一咬美味可口，口感軟滑柔韌。不是炸兩腸粉包著炸得鬆脆的鮮蝦春卷，外皮滑膩柔美，內裏香脆爽彈，滋味雋美。藥膳雞腳雞腳軟腍入味，柔而不爛，藥膳湯底香濃入味，純粹天然真味，沒有味精。雪山叉燒包賣相十分對辦，叉燒包焗得香脆，外層微甜，內裡仍鬆軟，餡料汁豐味美，叉燒香濃可口。煎蝦膠釀茄子將蝦膠釀在茄子之上，皮脆而茄子口感豐盈，細嚼之下蝦膠帶有蝦粒，鮮爽可口。紅油抄手共有六大隻，份量十足，抄手外皮薄嫩有彈性，醬料微辣濃郁，色澤紅亮，辣中帶甜。香滑反斗糕賣相有趣的馬拉糕，內裡鬆軟棉密，帶有微微蛋香。香芒沙律盞鮮果放在可食用的批底之中，酸酸甜甜，吃得多會有點膩。